كيف تعرف شباب الامارات من اي اماراه؟؟بدون زعل

أول شي من العاصمـــه :-

(شباب بوظبي )

تحصله مسوي تقشير للوجه والنعال لازم انطونيو والكندوره طربال ويسوي المستحيل علشان يشتري
سياره حلوه وضارب مخفي شامل ويحوط في الحاره بس وطبعا عمره30ولا يشتغل (الله يخلي الوالده
طبعا) اما اذا كان عنده ستيشن و ارمادا وضروسه بيض يلمعن وفيه شعر ولا احلى تراه من المنطقه الغربيه

(شباب العين ):rr:

طبعا كلمة (لو سمحت) هي ممحايه من قاموسهم اذا كنت في السينما تسمع صوته من آخر الصاله
واذا راغ بنت عادي يروغها من عوافي يلين راس الخيمه وتحصله يحوط في شارع الضيافه وطبعا معلق
الكندوره ورا والسياره غبرا وكاتب رقمه ورا والي يشوفه يقول هذا حاجز في برج العرب مب جنه
بينسدح في شي من هذيلا السيوح..

(شباب دبي )

طبعا الناس في شهر سبعه يكون كاشخ بكندوره سودا ولحيته حمرا قفل طبعا ومعلق دباديب ورا في
سيارته ويقعد في ستار بوكس من الساعه 4 العصر يلين الساعه 12 فليل..

(شباب الشارجه)

لا مفر من كلمة (لاه) ولابس كندوره شفافه بدون فانيله ولابد من العقال الضعيييف والساعه الرولكس
مال بانكوك ويوم ترمسه كلمتين عربي والباقي الله يعين..


(شباب عجمان )

طبعا لازم يكون عنده (gt) وكاتب احدي العبارات ورا علي سيارته (المتيم،عيمان بوي،باد بوي،المهاجر)
ومايتعدي طوله عن 150 سم ومايفرق شتا ولا صيف علي طول منزل اللجامه طبعا لانه المكيف خربان ومعاش الجيش كله رايح علي السياره..

(شباب ام القيوين )

السياره المفضله الكابرس واقصر واحد فيهم طوله مترين واحلي واحد فيهم يشبه خالد الملا..

(شباب راس الخيمه )

مربي كشه وطاوي الغتره وراصنها علي راسه يلين يتناطرن ذنيه وعنده سوزاكي حاطله ستين اريل
وعليه (حكومة راس الخيمه) ولا كشف بعد وطبعا ماايوزون عن كلمة (شحالش) ..


(شباب الفجيره والمناطق المجاوره )

هم حبوبين وطيبين..بس لو يودرون الفانيله الكت وطبعا الدوام لازم في بوظبي والسكن شقه تتكون
من غرفه واحده+حمام ومجموع الي ساكنين فيها 15 واحد ..


(المناطق المجاوره،كلباء،خورفكان،الذيد،دبا )

مستحيل تحصل واحد منهم يزيد وزنه عن 40 كيلو وهديته المفضله كرتون همبا خضر وطبعا اذا
حصلتهم يوم الخميس علي نهاية الدوام في الخط ولابد من الكريسيدا وعدد الركاب الي فيها من 7 الي 9
في السياره هذا اذا كان بعد محد في الدبه ورا جرب عطهم فول ليت اذا لف مره وحده يمين بسرعه
وكل الي في السياره التفتو ورا يطالعونك ..تأكد انهم من المناطق المجاوره للفجيره ..

ههههههههههههههه
الله يعين الشبااب

ثااانكس عالموضووع
نترياا الزووود

ههههههههههههه ورربي ميته ضحك
كل الكلاااااااام صح ميه ميه....
والله اقووووى شي خخخخخخخخخ

هههههههههههههههههه
ثانكسس عالموضوع