قصة ..~مصيرها تحبني~.. ":" للكاتبه ..~ فواغي~..

~.. مصيــ تحبني ـرها ..~

للكاتبه ~.:. فواغـي ..:.~



(الجزء الاول)
-11 كان يوم مهم بالنسبه لعايلة( بو محمد) تختلط فيه الافراح والاحزان سبحان الله كيف جي ؟ *نبذه بسيطه عن العايله *
(بو محمد عمره 35 سنه..وعايلته تتكون من بو محمد وام محمد جي يزقرونهم، الله مارزقهم بعيال من عرسو لين سبع سنين، و هذا بو محمد مايأس لين ما الله راد وحملت ام محمد .. لكن الله ماراد فرحتهم اتم!! الله عطاهم بنت شرات القمر لكن خذ روح ام محمد عقب مايابت البنت.. اختلطت مشاعر بو محمد بين الفرح والحزن كان فرحان لبنته الي ترياها سبع سنين وحزين لفراق زوجته وحبيبة قلبه .. بو محمد عنده اخت واخويين، اخته تعيش في بوظبي ويا ريلها، واخوه يعيش في العين وواحد وياه في دبي كلهم عندهم عيال والحمدلله .. التفاصيل في القصه )
بو محمد حاظن بنته ويصيح شرات اليهال واخوه يهديه .. لكن منو بيوقف بو محمد... واخته (شمسه ) تصيح وياه مب رايمه تتخيل انه البنت تيتمت من اول ماطلعت للدنيا .. كان جو الحزن مخيم على العايله بكاملها وبخاصه بو محمد ماعرف كيف يتصرف ويا بنته .. ومرن ايام العزا بطيئات ولما خلصن ايام العزا الثلاث للناس، العزا بالنسبه لبو محمد كان العمر كله عاهد نفسه انه مابيحسس بنته باي نقص .. لكن عايلة ام محمد كانت تطالب بالبنت الي بعدها ماتعرف شو مصيرها في ها الدنيا .. بعد مناقشات قرروا انه البنت تكون في بيت اهل امها لين ماتكبر شوي وبعدين ابوها ياخذها .. بو محمد يالس ويا بنته يطالعها ويتذكر موقف استوا قبل لاتي بنته وكانت غناة روحه حيه
بو محمد : ها شو ناويه تسمين اللي في بطنج لو كان ولد
ام محمد : بسميه محمد .. مب يزقرونك بو محمد خلاص محمد ان شا الله
بو محمد : ولو كانت بنت
ام محمد : تسمح لي اسميها على ذوقي
بو محمد : انتي اختاري وانا اقول تم
ام محمد بابتسامه ذوبت روح بو محمد : بسميها ((فـــواغــي ))
بو محمد : والله وعرفتي تختارين اسم غريب ونادر ..
ام محمد : شفت انا الذوق كله
ورجع بو محمد لواقعه بس بدون ام محمد وقرر انه يسمي بنته فواغي خلاص .. ومحد اعترض لانها هاي رغبة المرحومه قبل لاتموت والكل كان يعرف ..
ويا الايام ..
خلاص فواغي ظهروها من المستشفى وسارت بيت ام امها يعني يدتها وهي بعدها بنت اسبوع .. ملامحها مابينت بعدها لانها صغيره
والكل كان يشفق على حال البنت اللي تيتمت وهي صغيره
وهم يالسين في الصاله ..
خال فواغي اسمه حمد عمره 10 سنوات بعده صغير .. مريم اخت المرحومه عمرها 19 وماكان عند المرحومه اخوان غيرهم
مريم : فديت ها الويه انا اميه فوغوه على منو ظاهره جي حلوه
ام حمد : طالعه على اختج الله يرحمها ( وتدمع عيونها لما ذكرتها مريم عرفت انه امها بتفتح مناحه ) خلاص امايه دموعج ماتفيد ادعي لها بالرحمه ياميه
ام حمد: الله يرحمها
حمد : مريوم انا بشلها
مريم : لا بعدها فوغوه صغيره بعدين شلها
ومرت الايام .. وكل يوم بو محمد يي وييلس ويا بنته بالساعات، هم قالو يبونها عندهم كيفهم يتحملون يلستي عندهم وفواغي كبرت ماشا الله عليها وكانت بيضا وشفايفها صغار وحلوات جنهن مرسومات رسم وعيونها كانت سود لكن اللي يميز عيونها انه البياض اللي كان في عيونها بياض مب طبيعي والسواد اسود سواد الليل يعني فرق بين الابيض ابيض والاسود اسود فطالعات حلوات وشعرها كان ناعم وقصير كانت بعدها بنت اربع سنوات ماتفتهم كانت تسير الروضه لكن يا الوقت اللي بو محمد يطالب ببنته .. وطبعا خذها، لكن مريم سوت مناحه خلاص تعودت على وجودها في حياتهم اربع سنوات هب هينات وحمد بعد لكن ابوها مصر انه ياخذها وقال انه كل يوم بيوديها عندهم فواغي ماكانت وايد ويا عيال عمتها وماكانت تعرف حد في حياتها غير مريم ويدتهاوحمد وابوها بس .. كانت حياتها مقتصره على هاييل الاشخاص .. مرن الايام وقرر بو محمد يتزوج وكانت فواغي بعدها بنت سبع سنوات كانت اول سنه في المدرسه واونها شاده حيلها .. مرت بو محمد تقبلت وجود فواغي بحكم انها صغيره بس ومافي مرت ابو قلبها طيب الا نادر ماتلقون .. ويوم صار عمر فواغي عشر سنوات كانت فواغي توها تستوعب الدنيا وبدت تفهمها توها تدرك اللي يصير حواليها وبدت رحلة العذاب لفواغي .. صحيح ابوها مب مقصر عليها بشي لكنه كان يخاف عليها وايد كان يخاف عليها من كل شي ومسولها قسم خاص الها في البيت كان مسولها صاله وحجره وحمامها ومحد كان يزعلها.. فواغي تربت على الدلع والعز لانه هذا العهد اللي ابوها قطعه على عمره من يوم كانت ياهل .. حرمت ابوها يابت ولد فواغي كانت تحس بالغيره من هذا الولد وخاصه تعرف انه هاي االام مب امها وكانت دوم تسالهم وين امها كان على بالها امها عايشه لكن مطلقه هذا اللي كان على بالها .. وفي يوم من الايام في مدرسة فواغي ( مدرسه خاصه طبعا )
ميره ربيعة فواغي : فوغووه
فواغي : ها
ميره : انتي وين امج ماجد شفناها
فواغي : امايه ابويه طلقها وعرست واللحين ويا ريلها
ميرة : عيل انا سمعت شي ثاني
فواغي : شو ؟
ميرة : انه امج مااااااااتـــــــــــــــت
نزلت ها الكلمه مثل الصاعقه على راس فواغي من عشر سنين وهي ماجد شافت امها وللعلم فواغي كانت حاسه بها الشي وكلام ربيعتها اكد لها
فواغي تمت ساكته وتفكر.. ( انا بدون ام .. يعني انا يتيمه .. ليش كل البنات عندهم امهات .. وانا لا .. ليش حمود اخويه عنده ام وانا لا .. ليش ماشفت امايه ليش حرااااااام عليهم ؟؟) وبدت تصيح وتصيح ودق جرس الفسحه ميره ربيعتها سارت عنها ويلست تصيح وسارت قالت انها تبا تروح وقالت لهم بانها مريضه روحت البيت حصلت مرت ابوها يالسه
شيخه : ها فويغ رديتي ليش راده بخبر عليج ابوج اكيد مسويه شي
فواغي : والله مب مسويه شي بس تعبانه شوي ابا ارقد
شيخه : يارج الله شو يعورج يالمبزايه انتي انا ادريبج ماتبين تدرسين ( وبدت تعصب بدون سبب) يلا سيري حجرتج .. مادانيج ولا ادني شوفتج ولا ادني طاريج يالدلوعه
فواغي تعودت على ها الحياه كل يوم نفس الكلام لكن اليوم فواغي تعبانه نفسيا ويلست تصيح امها حتى غدا ماتغدت يحليلها تتحمل هموم هي مب قدها بعدها بنت عشر سنين ومر عليها اسبوع وهي نفس الحاله وشيخه مرت ابوها كل يوم نفس الموال تكرهها في البيت ومرن 4 سنين وفواغي تعاني وماتشكي لحد حتى ربيعتها ماتقول لها ومريم خالتها عرست وحمد خالها ماتعرف كيف تشكي له وجمالها زاد وشعرها طول واستوت فواغي ملاك يمشي على الارض .. فواغي كبرت وكبر عقلها صارت تفهم كل شي يدور حواليها .. فواغي فطنه بطبيعتها لكن فيها غرور وكبرياء شايفه عمرها وايد وفواغي متحرره وايد يعني فري بسبب ربيعتها ميره والشله اللي وياهم وفي يوم من الايام الحال ضاق بها من حرمة ابوها
فواغي : ابويه
بومحمد : عيونه
فواغي : بغيتك في موضوع
بومحمد : امريني
فواغي : ابويه حرمتك انا ماطيقها كل يوم تسبني حتى اللعن قامت تلعني .. ابويه دخيلك روف بحالي انا مالي حد في الدنيا غيرك ابويه احس الدنيا ضاقت بي لا ام تشفق عليه ولاحنان انا محرومه ابويه منها محرومه حرام عليك ابويه ارحمني دخيلك
بومحمد دمع لكلام بنته عمره ماكان مقصر عليها بالفلوس لكن مقصر عليها بالمشاعر اللي أي بنت تحتاجهم بو محمد حضن بنته اللي كانت ترفض انها تنزل دموعها جدام أي حد مهما كان لكنها استسلمت لانها مارامت تتحمل اكثر الظيم اللي اييها
بو محمد : خلاص فواغي حبيبة ابوها محد بيضايقها مرة ثانيه
انتي سيري قسمج وهاي شويخ والله ماخليها تسوي لج شي انتي لو بغيتي شي تعالي قولي لي
فواغي مسحت دموعها وابتستمت
بو محمد : هي ابتسمي جي فديتج والله
سارت فواغي حجرتها ورفعت السماعه تدق لميره
فواغي : الو
ميره : الو هلا فوغوه
فواغي : اهلين .. شحالج ؟
ميره : تمام وانتي
فواغي : عايشين
ميره : احس انه فيج شي
فواغي : شوي ضايقه
ميهر : تبينا نظهر نحوط وتغيرين جو
فواغي : لا مالي خاطر
ميره : خلاص على راحتج لاني انا بظهر بسير الستي
فواغي : عيل خلاص بخليج
ميره : اوكي عقب يوم برد بدق لج
فواغي : اوكي خلاص باي
ميره : باي
اللي ماتعرفونه عن ميره انها بنت توشك على مستقبل دامر لانه امها وابوها مطلقين وهي ماخذه راحتها ابوها يصرف عليها
فواغي يلست تتدرس لانها شاطره وبعدين خلصت المدرسه وبدت اجازة الصيف وفواغي صار عمرها 14 كل ما كبرت كل ماحلوت أكثر، بيضاها الحلو والهادي وعيونها اللي تذبح وشفايفها المرسومه وخشمها اللي شرات السيف طالعه على امها حلوه .. فواغي طايحه على شبريتها وتلعب بخصلات من شعرها ويحدر عليها ابوها
بومحمد : الحلوه شو تسوي ؟
فواغي : ماشي شوفة عينك يالسه
بومحمد : فواغي حبيبتي انا ييت اقولج اني بسير بيت عمج في العين يوم الاربعاء وقلت بوديج ويايه عند عيال عمج عشان تتعرفين عليهم انتي ماتعرفينهم فهاي فرصه يعني تتعرفين على قوم عمج
فواغي استانست واخيرا بتسوي صداقات : صدق والله خلاص بتلبس وبكون جاهزه باجر انته متى بسير ؟
بومحمد : بسير الصبح ان شالله
فواغي : خلاص عيل باجر بكون جاهزه
بو محمد : خلاص الغاليه بخليج
فواغي : اوكيك
وظهر عنها بو محمد ويلست فواغي تفكر كيف بنات عمها وعيال عمها .. يحليلها ماتعرف انه مايحبون البنت الفري وبعدين دقت لميرة وقالت لها تي بيتهم


ميره يت بيت فواغي ..
وكانت شاريه موبايل يديد
ميره: طالعي موبايلي شريته امس من الستي
فواغي : مبروك
ميره : بلاج فوغوه نفسج خايسه لانه ماعندج موبايل
فواغي :/ انا لو ابا بظهر لي موبايل بس خليني ااشر لكن انا مالي حايه فيه
ميره :بالعكس لج حايه اللحين الموبايل موضه ونادر ماتشوفين بنت ماعندها موبايل الا بنات عفانا الله يعني بنات الفقر
فواغي : بالعكس انا ها البنات يكبرن بعيني
ميره : يالله انزين انا مليت مابتين نظهر نسير صحارى
فواغي : اوكي يله بس بزقر الشغاله
ميره : يله اوكي وانا بسير اركب السيارة
فواغي : اوكيك
وسارن صحارى .. فواغي على راحتها تظهر وترجع وطبعا ماكانت تلبس شيله عادي وكانت حلوه حلوه رغم انها ماكانت حاطه شي طبعا ميرة راعية حركات لكن فواغي مايعيبها ها السوالف اكره شي ها السوالف صح انها فري ماتلبس عباة وشيله لكن ماتحب ها السوالف وكانو يالسين وفواغي محتشرة تبا تلعب اللعبة اللي تدور لكن ميرة تزيغ سارت تركب مرة ومرتين
واحد طايف شاف ميرة من هاييل الخفاف قال خلني اقردنها طاف
.......: سلمي انزين
ميره اطرطرت من خاطرها اونها طبته وهي في خاطرها ترمسه
ورد حدر من صوبها : احم احم شحالج ؟
وهني خلصت فواغي اللعبه نازله مدوخه وسارت صوب ميره
فواغي : ميروه الله يخسج انتي هني والله انه جلبني وجلب جبدي
ورد يطوف يوم عرف اسم ميره
....: ميرة حياتي
فواغي بقرت لانها ماتعرف عن ها السوالف على عكس ميره اللي كانت خبره وهي بعدها صغيره
فواغي : ميروه منو هذا
ميره : مادري والله طفره
فواغي : طبيه انا يوعانه ابا آكل
هاك من شاف فواغي تخبل من حلاتها اول شي ماشافها عدل يوم ركز تخبل سارت فواغي تطلب ولحقها وهد ميره
......: الغاليه ممكن
فواغي التفت ..
فواغي نظرة كلها كبرايء وغرور : نعم امرني
..........: ممكن رقمج ( ويهه لوح )
فواغي : والله تهبي شو قالو لك بنت شوارع صايعه انا بنت ناس
........: بس عن اذنج يعني ماشي دليل انج بنت ناس
فواغي حرجت : شو قصدك ؟
........: طالعي لبسج لا عباه ولاشيله وانتي شكلج يعني هب صغيره وتقولين بنت ناس
فواغي دمعت ماتحملت كلماته كانت صواعق تنزل على راسها " ليش يقول جي ,, لييييييش طالعت نفسها شافت البنطلون والقميص و الايد قصيره والشعركله ظاهر وصدقه شكلها يعني هب صغيره بتسير ثانويه وينج يامايه وينج لو كنتي موجوده جان قلتي لي البسي عباه وشيله جان سرتي وييتي ويايه ومحد يتحرش فيني اللحين كلهم يطالعوني امايه قالو لي انا هب بنت ناس امايه انا بنتج طالعي شو قالو لي "
والولد واقف جدامها متلوم من نفسه لكن اللي قاله صدق وكانت حلوه حتى وهيه معصبه
فواغي دمعت : انا بنت ناس غصبا عن عينك تفهمني تخبر انا بنت منو انا بنت ابوي رباني احسن تربية شو شايفني اغازل خلق الله شراتك يالصايع من وحده لين وحده ماقول الا تفو عليك وعلى ها الاشكال دامك انته من شباب البلاد (قويه والله هالفواغي )
والاولاد يطالعونها ويطالعون الولد وفاطسين من الضحك .. الولد ويهه عوره من رمستها وسارت فواغي السيارة وماحبت تنزل دموعها وتقول في خاطرها " افففففففف وين ميروه صدق انه الموبايل فايده بسير البيت بخلي ابويه يطلع لي موبايل ومرة ثانيه هب ظاهره وانا بليا عباه وشيله وبراويك يالخايس "
فواغي : بوبكر
بوبكر : نعم
فواغي : عطني موبايلك شوي بدق حق صديق مال انا
بوبكر / يودي
فواغي تدق لميره
ميره : ها انتي وين ؟ اختفيتي مرة وحده
فواغي : تعالي انا ابا ااروح بسرعه واللحين تعالي السيارة بسرعه ولا بسير تراني
ميره : افا مايلسنا مرة ثانيه مابيي وياج
فواغي : يعلج ماييتي انا ابا اررووووح تسمعين ولا لا
ميره : هيه هيه اسمع يابوج اللحين بيي
ميره سارت السيارة وهي معصبه وركبت ودقت بالباب
وصدت صوب فواغي
ميره : انتي بلاج بلاج ؟ مب طبيعيه
فواغي : الا طبيعيه ونص
ميره : عيل ليش محرجه
فواغي : ماشي سلامتج
ميره : صح تعرفين هاك الولد قال يبا رقم موبايلج
فواغي : والعثره تعثره الهرم ها التعبان
ميره : هب هب هب بلاااااااااج ؟ حرام عليج ماسوا شي
فواغي : عنلات ويهه الخام انا براويه
وميره يالسه تلعب بموبايلها ودقت له
,,,,,,,,: مرحبا الساع
ميره : مرحبتين
........: شحالج ميووره ؟
ميره : يسرك الحال
من سمعت فواغي " يسرك الحال " انصدمت
فواغي : حوووووو انتي منو ترمسين ؟
ميره بنذاله : ارمس التعبان على قولتج
..........: منو التعبان ؟؟
ميره : هاي اللي انته تضاربت وياها قالت عنك تعبان شفت عاد
فواغي انقرهت مووت منها وهي بروحها فواغي مب ناقصه
..........: ميووره عطيني رقم موبايلها دخيلج
ميره : للاسف ماعندها موبايل ياحليلها بنت فقر
فواغي وصلت البيت : ايييييييي لا تغلطين فقر اللي يابوج
سكرت الباب ونازله البيت وهي معصبه حدها يعني لو شافت مرت ابوها وزادت ها الليله ما بتعدي على خير فواغي من كثر الحرجه قامت تدق بالكعب بصوت عالي وحمدت ربها مليون مره انها ماشافت مرت ابوها وهدت عمرها فوق الشبريه وخلت لدموعها المجال انهن ينزلن على كيفهن ويعبرن عن مدى الحزن اللي فيها اللي يشوفها يقول ها الانسانه بحلاتها هاي ماعندها هموم لكنها انسانه حلوه مكسورة من داخل حتى لو شفتوها تضحك فهاي الضحكه مبب معناتها انه مب حزينه من كثر التعب رقدت بثيابها ونشت الساعه ثمان اليوم الثاني سارت تسبح نشفت شعرها ولفته بطريقه حلوه ولبست بدي وردي في نك وبنطلون جنز فيه لمعه شو ي من تحت وحطت جحال على كامل عينها وهاي اول مرة تجرب الجحال ولبست اكسسوار لونه وردي وكانت ناشه فرحانه على اساس انه بتكون صداقه نيو وكان ويهاا كله فرح وتفاؤل وطالعه هاديه ونعومه حتى اللي مايطالع بنات بيطالعها من حلاتها نزلت شافت ابوها يتريق
فواغي : صباح الخير
بومحمد انبهر من جمال بنته : صباح النور هلا والله ببنتي حبيبتي
ويلست فواغي على الطاوله وتريقت ويا ابوها والفرح كله فيها وع الساعه عشر تحركوا
وصلو العين جي ع الساعه 12
فواغي : استحي احدر داخل محد ويايه
بو محمد : عادي بنتي احدري داخل هاييل بنات عمج مب غرب
وسارت فواغي داخل حصلت مرت عمها عايشه كانت طيبه ومن شافت فواغي على طول عرفتها لانها كانت تشبه امها وايد لكنها ماعيبها انها بلا شيله وبلا عباه
عايشه: هلا والله توه ما نور البيت ببنتي هلا
فواغي : شحالج خالوه ؟
عايشه : بخير الحمدلله انتي شحالج ربج الا بخير
فواغي : الحمدلله نشقح
وين البنات يسلمن على فواغي هن ثلاث بنات وحده اسمها موزه عمرها 22 ووحده هند عمرها 19 ووحده مهره عمرها 17
سلمت عليهم كلهم انبهرو من جمالها كان جمالها رباني لكن نفس الشي اللي نقدوه عليها انها هب متغطيه
موزه : هلا والله توها العين نورت
فواغي : منوره بوجودكم
هند : شحالج فواغي
فواغي : بخير الحمدلله انتو شحالكم
مهره : كلنا بخير .. فواغي تشربين شي
فواغي : لا مشكورة الغاليه
ويلسو يسولفون شويه اندمجو وياها في السوالف .. الا انه مهره مب راضيه تبلعها
موزه : فواغي تبين تصلين ؟
فواغي : هيه
تعالي ويايه
مهره : شو هاي شكلها صايعه
هند : عيب عليج هاي بنت عمج مهما كان
مهره : ماعترف بها الاشكال
هند : ماشالله عليها عيني عليها بارده حلوه تخبل تعذب بقردنها
مهره اللي منقهره : ماعندج ذوق
هند : حرام عليج
مهره : والله من صدقي
وسارت فواغي تتيدد وتصلي موزه ظهرت عنها عشان تصلي على راحتها يوم خلصت دعت ربها انه يطوف ها اليوم على خير لانها تحس بانها غير عنهم طبيعتها غير عن طبيعتهم ..
وهي ظاهره سمعت صوت باب حجرة ينفتح في الممر مانتبهت كملت دربها ،،كان خالد توه ناش من النوم ووييه منفخ ومعتفس وحالته لله خالد عمره 16 اكبر عن فواغي بسنه وعلى باله فواغي اللي تمشي هاي مهره نفس الشعر من ورا ونفس الجسم
خالد : مهرووه
فواغي صدت ..
خالد تقرب منها بعده مسطل .. ويوم شافها : بسم الله الرحمن الرحيم
فواغي ضحكت عليه شكله خبيل : هههههههههههه
خالد : انتي منو ؟
فواغي قالت ها اكييد اخوهم ..
فواغي : انا بنت عمك
خالد : اووووووووووه شيت ماحلاج
فواغي استحت ونزلت .. تم مبقر معقولة بنت عمه لها الدرجه حلوه يالله من متى ماشافها ولا مره في حياته لكن استغرب من شي واحد ليش ماتغطت عنه يوم رمسها وكانت لا لابسه بنطلون وقميص وها الشي منقود رد حجرته تلبس وتسفر وتكشخ اونه عشان فواغي فشله عقب ماشافته منفخ ومعتفس نزل وهوه يدن دن على أغنيه :: وش ذا الذي عيوني تشوفه ... وجه البدر او مطلع الشمس .. الله يامحلى وصوفه ... بالحسن هذا ببصم بخمس :: وخالد كان صوته رووعه لكن خيبة امله ماحصلها في الصاله

كانو يالسين يتغدون في حجرة الطعام ..ويوم خلصو سارو الصاله
موزه : فواغي .. كيف حالج انتي هناك ؟
فواغي : انا بقولكم حالي اني ملانه طول الوقت عندي ربيعة وحده اسمها ميرة .. بس ميرة هاي ماحب تصرفاتها انا ادري انكم مستغربين اني انا بدون عباه ولا شيله انا ماعندي ام ماعندي حد يقول لي لبسي عباه ماعندي غير ربيعتي يوم ابا اسير اشتري ثياب هي تي ويايه تتنقى لي ثيابي انا بعدني صغيره .. ( دمعت عيونها ) انا بـــــــدون ام
مهره من سمعت كلامها حست بجزء بسيط من معاناتها ..
هند : ومرت أبوج
فواغي وعيونها تلمع من الدموع اللي فيهن : هــه مابغيتو غير شيخه .. شيخه لو شافتني تلعن وتسب ..لكن جدام ابوية اونها ملاك
موزه : انتي عندج حجرة
فواغي : الحمدلله ابويه مب مقصر عليه .. سوا لي حجرة وصاله وحمام يعني نفس جناح عشان ماتلاقى ويا شيخة وتسوي لي مشاكل
مهره بدت تحن لفواغي ..
موزه : فواغي يعني انا اسفه لو فيها احراج لكن اعتبريني شرات أختج العوده انتي لازم تلبسين شيله وعباه لانج انتي مب صغيره وبنت ماشالله عليج واللله تعقين الطير من السما وانتي بنت ناس حشام
فواغي : انتي قولي لي منو بيوديني وانا بقولج حاضر
موزه : شورايج تباتين عندنا
هند : والله فكره ..
مهره ماعلقت على شي ..
فواغي : ماتوقع ابوي يرضى
موزه : ماعليج بخلي امايه ترمسه
فواغي : انتو عندكم اولاد صح ؟
هند : هيه عندنا بس عادي .. انتي مابتيلسين وياهم
فواغي : لا لا مافيني خلوها مرة ثانيه
موزه : اوكي تعالو حجرتي ..
مهره : انا بتم في الصاله اطالع التلفزيون
هند عرفت مهره ..
وسارو فوق يلسو يسولفون وفتحت موزة لاب توبها تراوي فواغي أشياء وشبكت موزة بالنت وفتحت ايميلها ويلست ترمس ربيعتها
فواغي : شو هذا ؟
موزه : هذا المسنجر يعني تسولفين ويا ربيعاتج وجي
موزه فتحت لها مواقع ومنتديات ويلست تطالع فواغي اعجبت بها العالم .. لكونه عالم ثاني يختلف عن ها العالم
هند : انتي ماعدج نت
فواغي : لا ماعندي
هند : اها قلنا لو عندج نت جان ضفناج على ايميلاتنا
فواغي : يوم بحط يووم بحط
ودشت مهره ..
مهره : ممكن ايلس وياكم
فواغي و موزة : حياج
ويلست وياهم مهره . وبعدين اندمجت وياهم في السواف ويالسات يخبرون فواغي كيف النت وشو فيه .. وتقولهم مهره يوم كانت تحدر الجات تقص على البنات وتقردنهم وتضيفهم على الايميل وبعدين تعطيهم رقم خالد اخوها وهوه ييلس يرمسهم
فواغي : هههههههههه والله وناسه
مهره : فوق ماتتصورين .. احيد مرة قردنت وحده وتمت متخبله تبا رقمي وانا قلت لو بدق لي بتسمع صوت بنت شو اسوي ؟ جان اسير واعطيها رقم خلود اخويه وخلود شله ويعطيها من هاك الدبس وصدقت واتيمت بخلود وخالد اتيم بها عاد ماعرف اذا هوه للحين وياها او لا
فواغي : أي واحد خالد ؟
مهره : خالد هذا اصغر عني بسنه
فواغي : اممممممم شكله طويل وضعيف صح
مهره : هع هع هع شكله سلق بس كيف عرفتيه ؟
فواغي : يوم خلصت صلاه ظهرت جان اشوفه على باله انتي اانا
مهره : اوووه انا اشبهج ياحظي والله
فواغي : هههههههههههه
هند استانست لانه مهره اللي كانت مب طايقه فواغي حبتها بظرف اقل عن ساعه لا واستوت سوالف وياها .. وبعدين أذن العصر
وسارو يصلون كلهم وبعدين دش خالد ماصدق عينه يوم حصلها كان يبا يشوفها
خالد : يامرحبا الساع باهل دبي
فواغي مستحيه : مرحبتين
مهره : عيب عليك خلود اظهر
خالد : اييييي لاتقولين خلود قولي خالد
مهره : انزين اظهر
خالد : اول شي ابا اعرف هاذي منو ؟
مهره : هاي بنت عمك عبدالله
خالد : احلفي عمي عبدالله اللي في الميلس اللي بيتهم في دبي ماغيره
مهره تضحك على خبال اخوها : هههههههههه هيه هوه
خالد : بس هاي ليش ماتينا انا اول مرة اشوفها
مهره بدت تعصب : خلوود اظهر والله الاخبر عليك هزاع
خالد : لا لا كله ولا هزاعوه بيسوي لي فيها سالفه عن اذنكم بووويه..... وبااي مادري شو اسمج
وظهر على طول وهوه يفكر في فواغي ماحلاتها والله قمر .. وقرر يهد اللي عنده عشان فواغي .. لكنه خالد ماعيبه انها وايد فري هذا اللي مسونه
وبعدين قال بو محمد انه بيروح وبياخذ فواغي
فواغي سلمت عليهم : عاد لاتقطعون دخيلكم انا بروحي محد ويايه في البيت صح ويايه مرت ابويه وولدها لكن انا طول الوقت في حجرتي وملل
موزه : فديت روحج فويغ ان شالله بتيين ومابنقطعج الغاليه وحظنتها موزه
هند : افا عليج فوغووه ماطلبتي مابنقطعج انتي تامرين امر
مهره اللي حست بانه فواغي مظلومه واللي ظالمنها الزمان وتحتاج انه حد يكون واقف وياها سارت وحظنتها وهذا اخر شي كانت تتوقعه هند
وبعدين حدر عليهم هزاع وانبهر من شاف فواغي لكن نقد عليها انها بليا غطا يعني ها الجمال لازم مايتم جي لانه وايد بيتحرشون بها
هزاع : هلا والله ببنت العم
فواغي : هلا فيك
هزاع : الشيخه ابوج يترياج برع اكيد ها المفاليع طفروبج
فواغي : اذا كانت جي طفرتهم انا اباها ها الطفره
هزاع " محلات منطوقها وهي بعدها ياهل وحلاتها ماشالله "
وسارت فواغي وهي طالعه شافها خالد اللي كان واقف عند باب الصاله ويسمع شو كانت تقول قبل لاتروح
خالد : عن اذنج الشيخه
فواغي : امرني
خالد : انتي اسمج غريب شووو قوليه
فواغي : اسمي فواغــي
خالد : حتى اسمج حلو شراتج .. فويغ بوصلج للباب ترا اولاد برع
فواغي : لا عادي مايحتاي ابويه برع في السيارة
خالد : حتى لو تراج بليا غطا وتذبحين الواحد اووه سوري لو غلطت بس اخطفي بسرعه تحيرتي على ابوج
فواغي: هههههههه اوكيك يله
ويوم طلعت .. الاولاد كلهم يصفرون ويزاعقون وخاصه شباب فريجهم ..خالد حرج لانها بنت عمه ومايرضى عليها وكانت فرصه انه بو محمد يرمس بنته في ها الموضوع ولانه كلهم نقدو ها اشي
وبعدين اصلا فواغي فكرت انها تلبس عباه وشيله من يوم استوا لها ها الموقف يوم في صحارى..

الجزء الثانى

خالد وقف مكانه يطالعها .. وكل الاولاد يو صوبه
( واحد منهم )
...........: والله قطعة قطعة صاروخ
......... ( ثاني ) : اففففففف عليها تعق الطير من السما خلود منو هاي
....... ( الثالث ) : والله حلوه وربي حلوه انا اول مرة اشوف وحده جي
خالد بس حرج : اييييييييه انتو هاي بنت عمي ومارضى عليها حد يرمس جي عنها
.........: عدال جانها بنت عمك جي ههههههههه ظاهره بليا غطا ولا شي
خالد : بنت عمي حشيم واحشم عنك
........ : يتراوى لك انته بس جي لكن شكلها خفيفه ومن قوم هاييل الصايعات
خالد ماتحمل ويعطيه كف ويتضاربون كلهم لكن 3 على واحد طلعو الدم من خالد وتم خالد ينزف ويوم ظهر هزاع ياله ياله فججهم عن بعض وودا خالد على طول مستشفى توام
في المستشفى ..حطو له مغذي لانه نزف وايد وداوى الجروح ويوم سالوهم بلاه
هزاع : لا ماشي بس طاح من على الدراجه
الدكتور : اها .. بس هو كان ينزف بشده اول مجبتوه لكن اللحين هو احسن وانتظرو لما المغذي بيخلص تأدرو تأخدوه
هزاع : مشكور دكتور
الدكتور : لا ماتتشكرش ده مهما كان ده واجبنا
وسار هزاع صوب خالد
هزاع : انته شو سالفتك ويا الاولاد
خالد:ليش فوغوه ما تتغطى ليــــــــش ؟ قول لي انته ترضى يرمسون عن بنت عمك ترضى انا مارضى

هزاع : خلى فواغي على راحتها امها متوفيه من يوم انولدت وابوها مبزنها ومايحب يقولها شي ولايضايقها عشان جي

خالد : حرام عليك هزاع انا مارضى على فوغوه هاييل اخر زمن ييون يرمسون عنها طالع فوغووه لازم تلبس عباه وشيله ولا انا غصبا عنها بلبسها تسمع غصبا عنها

في سيارة بو محمد.. نفس الموضوع اللي خالد دش المستشفى عشانه بو محمد قرر يفتحه ويا بنته .. ونفس الموضوع كان يشغل بال فواغي
بومحمد : فواغي
فواغي : اصبر ابويه في خاطري كلام
بو محمد : امري
فواغي : ابا اتحجب
بو محمد فرح كان بيرمس في نفس الموضوع وزين انه يت منها عشان مايحس انه غاصبنها
بو محمد : زين زين والله يافواغي اابا اشوفج حرمه حشيم والبنت تراها يابنتي سمعه عاد انتي اختاري من شو تكون
فواغي : اوكي بس مر ابراج الامارات على الدرب ابا افصل لي عباه من ماي فير ليدي
بو محمد : انتي تامرين امر ياروح ابوج
فواغي : ابويه عندي طلب ثاني ..
بو محمد : امري تتدللي عيوني لفواغي
فواغي : ابا نت
بو محمد : بس ها اللي تبينه
فواغي : هيه ها اللي اباه شفته عند بنات عمتي عيبني وايد
بو محمد : انزين كيف ها بعد ؟
فواغي : ماشي تسير الاتصالات تقدم على خدمة الانترنت .. وانا بشتري لابتوب اليوم بسير ويا ربيعتي
بو محمد : بس انا عندي شرط
فواغي : امر ابويه
بو محمد : تسيرين وانتي لابسه عباه وشيله
فواغي : من عيوني يابومحمد
و وصولو ابراج الامارات اشترت عباه جاهزه وشيل وفواغي عندها ذوق حلو وتنقت اللي اشكالهن غريبه وروحو وصلو البيت على المغرب فواغي صلت وسارت تدق لميره
فواغي : الوووووو
ميره بدون نفس (عشان اخر موقف ) : هلا
فواغي : فديتج ميروه بلاج ؟ مايسوى اعذريني والله كنت ضايجه من الحقير هاك انتي وين اسمع عندج حشره
ميره : انا في صحارى
فواغي : فديتج والله انا اللحين بييج ويوم بييج بدق لج تيلفون
ميره : عندج موبايل
فواغي : اووبس لا بس احيد عن ابويه بطاقه وموبايل بخليه يعطيني اياه مؤقت
ميره : اوكي اترياج
ميره صدت صوب اللي تضاربت وياه فواغي اسمه ( حمدان )
ميره : حمدان هاي فوغوه اللحين بتي
حمدان : شي حلووو
-----------------
فواغي لبست العباه والشيله لكن بعدها تظهر شعرها من جدام شويه وتجحلت واستوت عذااااب شكلها استوى مب اقل حلاه عن يوم تكون بدون عباه وشيله وسارت عند ابوها
فواغي : ابويه
بو محمد افتخر ببنته يوم لبست العباه والشيله : هلا والله ببنتي قمر قمر حتى القمر مايي شي عندج
فواغي : ههههههههههه تسلم ابويه من ذوقك .. ابويه انا اللحين بسير صحارى بشتري لاب توب ابغي فلوس وابا اخذ موبايلك الثاني عشان ادق حق رببيعتي يوم بوصل
بو محمد : خلاص بعطيج الموبايل ها وبعدين بطلع لج واحد ثاني لاني انا هذا احتاج له ودوج البطاقه عشان تشترين بها هاب توب مالج لكن مب تخلصين البيزات
فواغي : ههههههههههههههه ابويه هب هاب توب اسمه لاب توب وافا عليك انا مالعب بالبيزات
بو محمد : خلاص تحملي على روحج ودقي لي طمنيني عليج
فواغي : ان شالله
وسارت فواغي وصلت عند الباركنج دقت لميره
فواغي : الو هلا ميروه انتي وين ؟
ميره : انا عند المطاعم
فواغي : خلاص انا بييج
وصدت ميره صوب حمدان
ميره : انا بنش عنك لانه فووغووه بتي اللحين
حمدان : لا ميووره خلج ويايه
ميره : ماروم والله حمودي لا نه هاي فووغوه ماتحب ها السوالف ..

وسارت فواغي وتحس انهم كلهم يطالعونها فاتغشت عشان تستر عمرها أكثر
ميره بعدها يالسه ويا حمدان وطبعا ميره ماتعرف انه فواغي لبست العباه والشيله لانه فواغي اونها بتسوي لها مفاجأة وتشوف فواغي ميره يالسه ويا واحد وتتقرب فواغي من ميره
ميره ماعرفت هاي منو
فواغي : ميرووه
ميره عرفت الصوت
فواغي عقت الغشوه
حمدان انصدم ماتوقع انها بتلبس العباه والشيله لا ومتغشية عيبته اكثر وكبرت بعينه واللي فرحه اكثر انه هوه اللي خلاها تتغير يمكن تقولون هوه السبب الرئسي
ميره : اووه مبروك لبستي عباه وشيله لا ومتغشيه
فواغي : حشمت عمري ..
حمدان : فواغي مبروك على الحجاب والله كبرتي بعيني
ميره تغايظت ليش يقولها جي وانا وانا ؟؟؟؟؟؟؟
فواغي : بعدني ماغيرت نظرتي لك
حمدان : انا غيرت نظرتي لج
فواغي : ميرووه طوفي ويايه بسير اشتري لاب توب
حمدان : اففففففف خطيره لاب توب بعد
ميره : ليش ماعندج كمبيوتر
فواغي : بركب نت
حمدان استانس : حلووووووووووو
فواغي : انا بسبقج مافيني اييب لعمري شبهات
حمدان : أي منو قصدج شبهات
فواغي : صدت عليه : امثالك
حمدان انقهر لو انها دشت خاطره لكن مسحيل يغفر لها زلات لسانها له
وسارت فواغي اشترت الاب توب وحمدان يلاحقهم وبعدين يا ربيعه وياه وكلهم يبون فواغي لكن فواغي ردت الغشوه على ويهاا استر لها عشان محد يلحقها
وبعدين .. فواغي ماتستغني عن لعبتها اللي تدور
فواغي : ميروه لعبتي ابا اسير اركبها
ميره مادري شو يعيبج فيها
فواغي : يوم تجلب
وسارت فواغي تعطي الشغاله الاب توب توديه السياره وعطتها شنطتها وشلت البيزات في ايدها سارت ركبت وبعدين دش واحد وكان المكان زحمه وعادي سار يلس حذالها ردت الغشوه على ويهها ويلست تزقر الفليبيني عشان تلعب في الدور الياي لكن ماسمعها وبدت اللعبه .. اللي كان حذالها حمدان نفسه فواغي مانتبهت له لانها ماصدت صوبه ابد
حمدان : زايغه
فواغي صدت صوبه : انتـــــــــــــــــــه
حمدان : هيه انا انا متحلفلج يافوغووه شرات هاك اليوم
فواغي : انا اللي سويته كان ها الشي الصح
حمدان : لكن كان كلامي فايده صح
فواغي : هيه ..
حمدان : وتراج كبرتي بعيني يوم شفتج جي
فواغي : اكرهك
حمدان حط في خاطره من ها الكلمه الدفشه
وبدت اللعبه تجلبهم وطاحت غشوتها وبدت فواغي تزاعق
حمدان نسى الكلمه : اوووووه يالصواوه صخي
من شافها والخوف في عينها .. زاد اعجابه بها ويوم قامت اللعبه تنزل خلاص يعني خلصت
فواغي استحت لانها كانت تزاعق وقصتهاا كلها ظاهره ردت اتحجبت وردت الغشوه على ويهاا
حمدان : بعدج تكرهيني
فواغي : وزوود لانك يلست حذالي
حمدان : تعالي بتخبرج ليش تبين النت
فواغي : مب شغلك
حمدان انقهر من اسلوبها وتحملها وايد : أي انا ماشتغل عندج ولا عند ابوج تسبيني جي
فواغي : هه لانك ماتعرف انا بنت منو ؟
حمدان : وانتي بنت منو بنت ولي العهد وانا مادري
فواغي لبست نعالها وسار ت تمشي وروحت عن ميره بدون لاتشوفها لانها معصبه استوت تكره صحارى والسبه حمدان
ويوم ردت حصلت مرت ابوها .. ومرت ابوها اول مرة تشوفها بالشيله والعباه
شيخه : اووه زين زين اطورت العزبه منو شترى لج العباه والشيله
فواغي : ابويه
شيخه : جذاابه
فواغي : انتي
شيخه : بعد قمتي تردين اشوفج مب لبستي عباه ووشيله يعني كبرتي
فواغي : في شي ثاني
شيخه انقهرت : الله يلعنج من بنت حشى مب لسان عليج
فواغي : انا تحملتج وايد دوم تلعنين انا ماسويت شي تلعنيني زين
شيخه : يااله زغت تعالي اضربيني
فواغي كملت دربها يودتها من ايدها وتعطيها كف على ويهها
شيخه : لانج قليلة ادب
فواغي طالعتها بنظره خاااايسه من فوق لتحت وركضت على الدري ودشت قسمها قفلت الباب وتساندت على الباب ويلست تصيح تصيح " وينج امايه .. لو كنتي موجوده جان محد مد ايده عليه امايه .. اباج دقيقه وحده محتاجه لج ولحنانج ها العالم كله ضدي امايه واحد يهددني ويطنز عليه وهاي تلعني وتضربني امايه انا عايشه في جحيم كل الناس ضدي وينج انتي ماتسالين عن بنتج حيه ولا ميته .. بعدين استغفرت ربها وسارت تصلي العشا ويلست تقرا قرآن هدت نفسها شوي وطاحت على الشبريه
دقت لابوها وقالتله انها وصلت البيت وقالت تبا رقم بيت عمها اللي في العين عطاها اياه
دقت محد شله ..
يايه بتبند شله خالد
فواغي : الووو
خالد : مرحب
فواغي : مهره موجوده
خالد : منو اقولها
فواغي : قولها فواغي
خالد استانس وتنهد من خاطره توله عليها وهي سبب ضرابته ويا ربعه ودخوله المستشفى
فواغي : انته خالد صح ؟
خالد : زين يوم عرفتيني
فواغي : ههههههه شحالك خالد ؟
خالد : بخير يسرج الحال انتي شحالج
فواغي : الحمدلله تمام
خالد : وينج انتي قطعتينا ؟
فواغي تذكرت مرت ابوها وحمدان : ااااااااه موجوده في الدنيا
ويرن موبايل خالد .. وتذكرت ربيعته اللي مهره عرفته عليها من الجات
فواغي : رد ع الموبايل يمكن روضه اللي تعرفها من الجات
خالد : هب هب هب من وين تعرفينها
فواغي : اعرفها من مصادر خاصه
خالد : لا والله ها ولد عمي
فواغي اوكي ازقر لي مهاري تولهت عليها
خالد : دقايق غناتي
فواغي استغربت من ها الكلمه وطوفتها له
مهره : الووو
فواغي : هلا والله بمهاري
مهره زاعقت : فوووووووووووووغوووووووه وينج تولهت عليج فديتج
فواغي : مهاري والله انا اكثر
مهره : وينج لاتدقين ولاتسالين قطعتي
فواغي : عايشه في ها الدنيا
مهره : وين مرت ابوج
فواغي تذكرت الطراق وحطت ايدها على خدها ..
مهره : حوو وينج
فواغي مووجوده
مهره : لا فيج شي
فواغي : لا مافيني شي
مهره : احلفي
فواغي بدت تصيح ..
مهره : بلاج فواغي ؟ فوغووه بلاج شو فيج ردي فويغ فوغتي
فواغي اول مرة تصيح جدام حد غير ابوها
فواغي : انا عايشه في عذاااب مهاري والله محتايه لحد ويايه بس تعبت تعبت من اللي انا فيه انا بروحي طول الوقت بروحي عايشه في ظلم من هاي شويخ ( وتمسح دموعها )
مهره : فديتج فوغوه بعدها مايابته امه الي تنزل دموعج عشانه
فواغي : مهاري ابا ايي عندكم عادي بس يومين بس وافتك من بيتنا
مهره : حياج الغاليه البيت بيتج متى ماتبين تين لا تشاورين امره هاتي اغراضج وفريهن عندنا
فواغي : اوكي بقول لابويه واذا وافق بيي واذا ماوافق بتم عند ام النار
مهره : انتي قولي لابوج وااذا ماوافق بخلي ابويه يرمسه
فواغي : اوكي خلاص اتفقنا
مهره : خلاص الغاليه تحملي على روحج
فواغي : وانتي بعد ..
مهره : فوداعت الله
فواغي : فوداعة الكريم
وبندت مهره عن فواغي وهيه تحس انها ظلمت فواغي في البداية وياها خالد وهو معصب
خالد : انتي ليش تقولين لها عن رويض
مهره : عادي مب انته تحبها
خالد : بس اللي ماتعرفينه اني نهيت علاقتي وياها
مهره : افااااا خلودي ليش
خالد: بس قلبي مايباها .. قلبي يبا غيرها
مهره : ياحليلها تعيسة الحظ الثانيه
خالد : والله انها تتمنى خالد
مهره : وانا اشهد بس منو هيه
خالد: في يوم من الايام بتعرفينها .. شو كانت تقول لج فوغوه توه
مهره : تبا تي تبات عندنا
خالد : يــــــــــــــــــس .. بس متى ؟
مهره : باجر يمكن
خالد : حلووووووووو
وظهر على طوووووووول وهوه مطرطر من الوناسه .. لكن ماسرع ها الوناسه اختفت من اتذكر تعليقات الاولاد عليها وخاف انه الموقف يتكرر لانه مايتحمل حد يطنز عليها ويعلق او يعجب فيها
وسارت مهره وقالت لخواتها ..
هند : يالله فديتها والله انها متعذبه
موزه : هيه والله .. احم احم صح فويغي ماتعرف عن عرسي اللي عقب اسبووع
مهره : اوووه صح والله اني نسيت اقولها
هند : هي من وين كانت داقه
مهره : من رقم بيت
موزه : ماعندها موبايل صح
مهره : بس لو تبا بتظهر لها في يوم وليلة
ويلسو يسولفون ..
فواغي اقنعت ابوها لكن اابوها مايعرف سبب سيرة فواغي المفاجاه .. مايعرف انه فواغي انضربت لانه لو عرف عادي يطلق شيخه لانه مايرضى على فواغي فواغي شيخة البنات وعقب اصرار منها وافق وباليوم الثاني سارت ,,

((العيـــــن ..د ار الزين ))
حدرت فواغي الحوي وشافت خالد ظاهر لكنه ماعرفها زقرته
فواغي بصوت حنون : خالد
خالد ماعرف منو هاي :ا مريني الشيخه
فواغي عقت الغشوه : شحالك ؟
خالد ابتسم وفرح من خاطره فرح صدق صدق
خالد : فديتج فوغوه تحجبتي مبروووك والله احلى والله كبرتي في عيني
فواغي : ههههههههههه عن الخبال وين مهاااري
خالد : افا لاعت جبدج مني
فواغي :لا مب عن جي بس وين مهاري
خالد : تفضلي داخل حياج
حدرت فواغي داخل شافت مرت عمها ( عايشه )
عايشه اتسانست واااايد من شافت فواغي بالعباه وحظنتها حتى عيونها دمعت لانها تذكرت المرحوومه
عايشه : هلا والله ببنتي .. هلا ببنت الغاليه هلا
فواغي : هلا خالوتي شحالج ربج الا بخير
عايشه : بخير بشوفتج الغاليه
ونزلت مهره وحاطه ايدها على خصر ها
مهره : انا اغار انا اغار خذتي حب امايه كله
خالد :يحق لها
ام هزاع خزته بنظرة لانه عيب عليه يتم يرمس جي منقووووووود عند العرب .. والعيم .. والبلوش >>> محد يزعل سواالف بس لا اكثر ولا اقل
ونزلت موزه وهند .. وطبعا رحبو بها ونزل هزاع اللي استانس على فواغي لانها سوالف
هزاع : اوووووووب الدبه عندنا ياحيها والله
فواغي : ههههههههه طالعه عليك
هزاع :: لي الشرف والله بنت عبدالله طالعه علي
عايشه :عن اذنكم بطالع الغدا جهز ولا لا
موزه : فواغي اللي ماتعرفينه .. (ويحمرن خدودها ) انه عرسي عقب ست ايام
فواغي : افااااااااا يالخاينه تخونون فيني وانا مادري اللحين وين بلحق افصل
مهره : عادي اشتري جاهز
هند : هي عندنا في العين مول محلا ت حلوه
مهره : بنتفق يوم نسير كلنا نحن وبنات عموه شمسه وبنات عمي سلطان
فواغي : انا ماعرف حد منهم انا الا من شهر اعرفكم
مهره : عادي بنعرفج عليهم كلهم طيبات وحبوبات شراتنا يعني
خالد : هي وعاد حطن اصباغ ناشيونال على ويوهكم
هند : عاااااادي حلاتنا
فواغي : موزة منو بياخذج
موزه : ولد عمي سلطان اسمه حميد
فواغي : ماعرفه هم في العين
موزه : لا في دبي
فواغي : اووووووووووووه زين قريب من عندنا .. وعيال عمي في دبي وماعرفهم عندهم بنات ؟
هند : لا بس بنت وحده اسمها اليازيه
مهره : يزوووووي
فواغي : كم عمرها ؟
مهره : كبري
فواغي : زين والله
خالد : والاولاد واحد كبري وواحد كبر هندوه وواحد صف اول اعدادي
فواغي : وانا ماعرف حد
موزه : وبنات عموه شمسه وحده كبري ووحده اكبر عنا معرسه وحده اكبر عن هندوه بسنه والاولاد واحد كبر خلودي وواحد صف اول اعدادي
فواغي : ابغي اشوفهم ماتوقع انهم يعروفني
موزه : يعرفونج لكن ماجد شافوج يعني نفس حالتنا حتى اسمج مايعرفونه
فواغي : اها
وبعدين سارو يتغدون *
عقب الغدا يلسو سوالف لين العصر والعصر دشو النت وفواغي فتحت لها ايميل وقامت تتعلم شوي شوي على النت
وباليوم الثاني قالو انهم يبون يسيرون يشتورن فستان لفواغي وفواغي قالت بتم عندهم اسبوع لين العرس مايخلص وابوها ماطاع وعقب حفله واقناع وافق
واليوم الثاني في العين مول كلهم سارو وداهم هزاع لكن خالد ماسار قال بيسير ويا ربعه السينما
فواغي اشترت فستان لونه خمري حلو طبعا ذوق هند لانها هند ماشالله عليها ذوويقه وتعيبها ها السوالف وكانت موزة كل يوم تسير الصالون دوام عندها
...................................
قبل العرس بيوم ..
يتهم الحنايه عقب صلاة الظهر اول شي تحنو البنات بعدين موزة عشان اونها العروس ..
فواغي : انا تصدقون اول مرة اتحنا
مهره : ههههههه بنشوف كيف بيطلع عليج
فواغي تحنت وطالع الحنا مالها حلو ورقيق وخاصه انه ايدها بيضا
فواغي : هند اخ يحرق شو اسوي
هند : هههههه تحملي غناتي
مهره : عاادي هانت عشان ها الويه السموح ( تقصد موزه )
وتحنو وخلصو .. حتى موزه وهند وفواغي ومهره
سارت مهره تدق ليزوووي
مهره : هلا والله باليازي
اليازيه : هلا والله وينج يالقاطعه ؟ شحالج ؟ شخبارج تولهت عليييييج
مهره : حتى انا والله فديتج يزووي انتي شحالج شخبارج شو مسويه
اليازيه : نشقح
مهره : يله شدي حيلج باجر عرس مويز
اليازيه : باجر من الصبح تجهزوو تراني من الفير بكون عندكم
مهره : حيــــــاج بس تعالي عند فوغوه طفري بها هاي عادي عندها ماتتنرفز والله باردة انتي بروحج تنقهرين
اليازيه : والله خاطري اشوفها عطيني برمسها
مهره : اوكي دقايق
مهره تزقر فواغي : فوغووووه فويغ فوغتي
ويتها فواغي ..
مهره : حشى اسمج مايدلع
فواغي :ههههههههه سبيشل
مهره : دوج وحده تبا ترمسج
فواغي : منووووو ؟؟!!
مهره : انتي يودي
وشلت فواغي السماعه ..
فواغي : الووو
اليازية : هلا مرحبا ببنت العم
فواغي : عرفت انها حد من بنات عمها ولا عمتها لكن ماتعرف منو ..
فواغي : منو ؟
اليازية : اليازية
فواغي : هلا والله اليازي شحالج ؟ عساج بخير
اليازيه : بخير يعلج الخير انتي شحالج ربج الا بخير
فواغي : بخير الحمدلله
اليازيه : شو مستانسه
فواغي : والله واايد وبالذات باجر لانه بشوفكم وبيكون عرس مويز
اليازيه : على خير ان شا الله اشوفج باجر امايه تزقرني
فواغي : خلاص عيل الغاليه بخليج واشوفج باجر ان شا الله
اليازيه : تحملي على روحج غناتي
فواغي : وانتي بعد
اليازيه : من عيوني
فواغي : تسلمين
اليازيه : يسلم غاليج .. فوادعة الله
فواغي : فوداعة الرحمن
وبندت عنها فواغي ..
مهره : ها شو اليازي
فواغي : والله شكلها بنت طيبه وحبوبه جي شراتج
مهره : لا لا احرجتيني
ودش خالد عليهم .. فواغي ماكانت لابسه الشيله ولبستها على طول ..
خالد : ازيكوووو عاملين ايييييه
فواغي : تماااام
مهره : كويسييين بدون رووضه
خالد : ايها انتي وياها روووضه ورووضه خلاص بوووي .. الرويضي مايبااها قلبي عافها وحب غيرها
مهره : هب هب هب مب قلب فندق
فواغي : لا لا درررب
خالد : طالع والله انا مصخره في حلوجكم وانتي فويغ وياها ماعليه يالخاينه نقضت العهد اللي من بينا
فواغي : أي عهد
خالد : عهد اللي بالي بالج ( ويغمز لها )
فواغي وويها عليه أكبر علامة استفهام
مهره تدز فوغوه : ها ها هااااااااااااااا شو من بينج وبين خلوودي ليكووووون هاذي هي اللي تقصدها .. اه يافوغووه ياخاينه وانا اخر من يعلم ها كله يستوي وانا ماعرف ماعليه زعلت انا زعلت
فواغي : مهااري فديتج والله ماعرف شي
مهره : هييييييييه امرررره اخرط على اللي ماتعرفه واللي تعرفه زييييده من ها الدبس والعسل والسح البايت اللي عندج
خالد : ههههههههههههههه مهاري عرفتي منو اللي انا اللحين اباها بدال رويضي
مهره : والله صدق خلوود والله عرفت تختار موووفق
فواغي اللي كانت مب عارفه شو السالفه نشت عنهم ..
خالد : بلاها ؟ازقريها
مهره : ماعليه هاي ماتزعل بس شوويه حركاات
خالد : دخيلج مهاري قولي لها حراام خلها تحس فيني خلها تحس بالنار الي في يووفي
مهره بنذاله : بفكر
ونشت عنه بتسير داخل الحجرة ......
خالد في خاطره " شو ها الحب المذلـــــــه "
ويلسو يسولفون عن العرس وعلى اذان المغرب يابو فساتين قوم مهره وهند
وييلسو يقاسيون
وسارت مهره وفواغي حجرة مهره
مهره : فواغي
فوايغ : لبيه
مهره : لبيتي حايه .. انتي تحبين حد
فواغي بضحكة استهزاء : هــه مابغيتي الا انا ولا افكر انا ماحب ها السوالف وظروفي اللي انا اعيش فيها ماتسمح لي
مهره : بس الحب يوم ايي مايستأذن
فواغي : ادري قليل ادب يدش على طول مايعرف اداب الاستذان
مهره : لا ماعليج مايدش من الباب يدخل من دريشه المكيف
فواغي : يابخت اللي يالس في قلبج دام فيه مكيف
مهره : لا قلبي فيه حناااااااان
فواغي : ياويلي انا ماستحمل انتي تحبين حد ؟
مهره : هيه .. بس مابتشوفينه اللحين بتشوفينه ثاني يوم العيد في الذيد .. عند هلنا هناك
فواغي : بعددد
مهره : ههههههههه ياحليلج ماتعرفينهم
فواغي : ماعرف حد
مهره : هم يعرفونج لكن ماشافوج
فواغي : الله كريم
مهره : نسيتيني موضوعنا
فواغي : شوو ؟
مهره : خلووودي
فواغي : بلاه ؟
مهره : لاتستعبيطين خلوودي يحبج
فواغي ماستغربت عادي عندها : ممممم وروضه
مهره : هدها عشان ها العيون اللي يذبحني
فواغي : مهاري لاتقردنين
مهره : انا ماعرف التقردين الا من يوم شفتج يالحلوه عطيني من جمالج
فواغي : انتي بروحج ماشالله عليج حلووه
مهره : زين ترفعين من معنوياتي قبل العرس خيلنا نسير عند موزه المحتفله
فواغي : يلا سرينا
وسارو عندهم وحطو اغاني وطولو وانهم يسولفن ويجهز ويا موزه ..........
وفليل ......
موزه : هندووووووووه
هند : عيونها
موزه : بتوله عليييييج
مهاري : واااااااناااااا واناااااا
موزه : وانتي بعد .. وحتى فوغتي اللي ماعرفتها الا من فتره لكنها تدخل القلب بسرعه
ودمعت موزه ,,
دشت ام هزاع .. ومن شافت موزه امها صاحت
ام هزاع تهدي بنتها اللي في حضنها
ام هزاع مول ماتعرف تهدي : اخ عليج تصيحين شرات اليهال يلا مويز الغاليه نشي .... لاحووووووول هاي شو بيسكتها هاي يوم بتصيح باجر محد يزقرني
موزه ضحكت على امها : افاا امايه
ام هزاع : عيل جي حد يصيح جي امف علييييييييج
هند : ماعليج اونها عاد باجر بتعرس
ام هزاع : سكتي انتي بنيوزج عقبها هي ماعندنا بنات يتمن بليا ريل

هند : عذرا امي المصون بعرس عقب ماخلص دراسه
ام هزاع : يلا كلي خراج شو دراسه تراه محد بينفعج غير ريلج
كلهم فطسو من الضحك على كلمه كلي خراج
ودش خالد عليهم ..
خالد : هااا امايه يوم نحن نقول تحرجين ويوم انتي تقولين عاادي
ام هزاع : لا انا حرمه وانتو يهال عيب عليكم
خالد : خلي عنج خلي عنج .. ماشي فرق تراها كلمه عيب عيب
هند : احسن قولها عيل زين جي ويهي عورني
خالد : كيف ويهج يعورج
هند : بس جب
ودش هزاع .
هزاع : اس اس السلام عليكم
كلهم : وعليكم السلام
هزاع : ها ام هزاع اشوفهم كلهم عليج
ام هزاع : هيه مافيهم خير ها العيال
هزاع : وانا ماماه ( يدلع )
ام هزاع : امف عليييييك شو ها بعد عيب جنك مب ريال طول وعرض
هزاع : افااااااا امايه افاااااا انا هزاع نزر عينش (اونه نظر عينج يقلد يارتهم المصريه )
ام هزاع : انا بسير اتسنن ابرك لي
هزاع : الله ويااااش
ويوم ظهرت كلهم ضحكو مره وحده ففواغي دمعت من كثر ماتضحك من زمان ماضحكت مثل ها المره وتذكرت ربيعتها ميره اللي كانت انيس وحدتها وقالت تبا تدقلها
فواغي : مهاري
مهره : عونج
فواغي : عانج الرب ولا هانج .. ابا التيلفون بدق لربيعتي
مهره : دقايق
ويابت لها التيلفون وسارت ترمس
رن رن ومحد شله وبعدين شلته
ميره : الوو
فواغي : هلا ميووره
ميره : اوووه القاطعه هلا لاتدقين ولا تسالين تشوفين ربيعتج حيه ولا ميته
فواغي : شو اسوي
ميره: ولا العين خذتج عنا
فواغي : لا محد ياخذني عنج
ميره : وااضح
فواغي : انزين انتي شو اخبارج
ميهر: ماشي اخبار .. صح تذكرت حمدان خلا لج ايميله يعني لو تبين تضيفينه ولا شي
فواغي تكره نفسها لو سمعت طاريه : ماااااااااالت انا اضيف ها الاشكال والله ثم والله يهبي
ميره : بللل بلاج جي عصبتي جنج ماكله فلفل لو تبين ضيفيه ولو ماتبين خلااص مافيها شي
فواغي غيرت الموضووع ويلست تسولف وياها وبعدين بندت عنها وسارت الحجرة وشافتهم كلهم يتهياون للنوم .......
وكلهم رقدووو ......** اليوم الثاني يوم عرس مووزه ***
موزه من الساعه ست ناشه اصلا ماياها النوم تمت تجلب بس
وع الساعه تسع البنات نشن وع الساعه عشر وصلو هل دبي
دشت ام حميد ,,
واليازيه ..
سلمت عليهم وخذت فواغي في حظنها ويلست تصيح من شافتها اليازيه تعجبت من جمالهاااااا .. ملاااااااك على قولتها .. وعقب نص ساعه وصلو هل بوظبي
دشت (شمسه ) عمتهم وبنتها سلامه اللي كبر موزه وريم اكبر عن هند بسنه سلمت عليهم ونفس الحاله عمتها فتحت مناحه من زمان ماشافتها وكلهم استغربو منها حلووه حلااه
سلامه : عيني عليج باردة فواغي والله حلووه ماشالله ماشالله عن احسدها
ريم : فواغي اقري على عمرج عينها حاره
فواغي :ههههههههههه حرام عليج كله ولا سلامه
ريم : افا فويغ افااااااا وانا اللي ادافع عنج
سلامه : موتي قهرررر
فواغي : ههههههههه
ريم : فالحه تضحك
سلامه : فالحه ولا ناجحه
اليازيه : لا صالحه
مهره : دخيييييييلج لا في وحده معجبه فيني بها الاسم
هند : حلللللللووووووو وانا ماعرفها حوليها وبي بقردنها
سلامه : فالحات
ريم : ناجحااات
هند : كم نسبتكم
مهره : سخيفه
وييلسو يسولفون ........ وعقب شوي بتي اللي تعدلهم .. وبعدين وصلت بنت عمهم اللي معرسه اسمها حمده وكانت حامل وفي الشهر الرابع
*في الميلس عند الرياييل *
خالد ويا حمدان ولد عمه وعبدالله ولد عمته يالسين على ينب يسولفون وهزاع ومايد بروحهم واللي صف اول اعدادي راشد وأحمد
خالد : ايييييه براويكم بنت عمي اللي اقولك عنها فديتها والله ( ويغمض عيونه يتخيلها .. ليته يدش هناك عشان يشوفها )
حمدان : ياويلي ع العاشق اقول تهنا بها انا عندي وحده والله شيختهن
عبدالله : انا ماحب حد امايه يوم بكبر خلها تخطب لي وبعدين حرمتي بحبها ( سمعه هزاع ×)
هزاع : والله انته شيخهم
عبدالله : اعجبك انا
خالد : ها ها الخبيل هب راضي يعرس
هزاع : يالس على جبدك
مايد : لا على قلبه
راشد الصغير : لا على بنكريااسه
هزاع : هبي هباك الله انته وياه انا براويكم
احمد : رشووود قم قم نلعب كره
هزاع : ايييييه قوموا هناك نطالع صوب الخيم شو سوو
مايد : يله نشوا
ونشوا كلهم ......
يتهم اللي تعدل بدت بالبنات اول وحده اليازيه وعقبها الريم وعقبها فواغي وعقبها مهره وعقبها سلامه وعقبها هند واخر شي العروووس وبدت تشغتل بسرعه بسرعه ...... لين العصر خلصتهم وبقت العروس بعدين يت حمده
حمده : انا ابا مكياج خفيييييييف لاني تعبانه ومابحوط في العرس
فواغي كانت طالعه قمر ولا قمر 14 روووووووعه هي بدون المكياج حلوه وبالمكياج احلى والفستان الخمري طالع روعه وفيه نك ورافعه شعرها بتسريحه حلووه ومنزله خصل
وتلبسن وجي ع الساعه سبع نزلن العيايز الخيمه ويعابلن هناك وع الساعه ثمان ونص بدت الخيمه تمتزر بالنااس
ويلست موزه تصوور ويا المصوره وموزه كانت طالعه حلوووووووه واايد وكانت ناعمه
اما مهره شعرها قصير لين جتفها لونه بني فاتح فيه خصلات شقر ولون فستانها تركواااااز وحاطه ميكب نفس لون الفستان وطالعه حلوه
والريم كان فستانها لونه أحمر بدويه ومكياجها كان خفيف وكانت فاله شعرها الطويل اللي لين فوق ركبها بشووي طبعا امها ماتدري لانها سارت وماشافتها
سلامه : كان لون فستانها ذهبي وفيه حركه من تحت الريل طالعه ومسويه تسريحه وهند كانت لابسه وردي فااااتح وفيه بيج تنورة وقميص وشعرها اسودد ماسوت له الا فير من تحت وحتى هند شعرها بني ومسويه حركة بقصتها
اليازيه كان لون فستانها عنابي فلت شعرها وخلتها تسوي لها طريقه حلوه من ورا وحطت وردة طبيعيه في شعرها
وبعدين يا هزاع وشلهن وداهن الخيمه ومسوين حجرة صغيره حق العروس نزلت موزه داخل وبعدهم مابيطلعونها اللحين
فواغي : مهاااري ابا اييب الكيمرا مال حمده تعالي ويايه هي قالت لي
مهره : عادي فويغ سيري بروحج بسرعه وتعالي غناتي ماروم اسير وياج لبسي شيلتج وعادي
فواغي : اوكي خلااص بسير
مهره : لاتزعلين مني فويغ
فواغي : لا عادي انا ادري انتي بروحج مشغوله
مهره : خلاص عيل حياتي
وسارت فواغي البيت ركبت فوق دشت حجرة موزه فسخت عباتهاا وشيلتها ويلست تطالع عمرها اونها وطلعت الكيمرا وبعدين لبست العباه وخلت الشيله على جتفها وهي طالعه بتسك الباب وكان باب حجرة خالد مجابل حجرة موزه وواحد طلع من الباب وهوه بعد بيسك الباب وهوه عاطنها ظهره وهي عاطتنه ظهرها ويوم صدووو تفااااااااجااااات ....... مستحيييييييل

::

ياترى منو بيكون اللي جافته فواغي؟؟؟؟؟
و الباقي في الجزء الثالث

......(الجزء الثالث).......

طلع من الباب وهوه بعد بيسك الباب وهوه عاطنها ظهره وهي عاطتنه ظهرها ويوم صدووو تفااااااااجااااات ....... مستحيييييييل
انصدم من شافها " وربي حلووووووه وين انا عنها "
( توقعو منوووووو اكيد عرفتوه حمدان طلع ولد عمها )
فواغي بسرعه لبست شيلتها يوم استوعبت السالفه
حمدان : شو تسوين هني
فواغي بكره : انته اللي شو تسوي هني
حمدان : ها بيت عمي
فواغي انصدمت : وها بيت عمي
حمدان : يعني انتي بنت عميييييي
فواغي : انته ولد عمييييي لاااااا مستحيل انته اللي تتطنز على ابويه انتتتتتته اللي هنتني جدام خلق الله انته ربيع ربيعتي
حمدان : لا انا هب ربيع ميره انا كنت ارمسها عشاانج انتي
فواغي بدت تعصب : انا شووووووو انا شووو انا اكرهك حمداااااان اكرهك انته سببت لي مشاكل واااايد
انا كنت اصيح عشانك انته انتتتتته لا مستحيل
حمدان : فواغي انتي بلاج جي حرام عليج والله انج دشيتي خاطريا من اول ماشفتج
فواغي : وتهيني جدام الله و خلقه انته تعرف اني بدون ام انا يتيمه يا حمدان تعرف شو يعني يتيمه ابا اللي يداريني مش يهيني لكن اللي صار صاار وماينفع العتب واللوم ..... أكرهك حمدان أكرهك
وسارت عنه وهي تمشي بسرعه وتنتفس بسرعه اخر شي كانت تتوقع انه حمدان يظهر ولد عمها هذا اللي هانها جدام الله وخلقه هذا اللي سبب لها مشاكل وهي مب ناقصه كانت صدق تكرهه من قلبها ومن خاطرها ........
حمدان :" معقوووووله .. هاي تظهر بنت عمي وانا ماعرف .. انزين ليش تكرهني انا شو سويت شوووووو سويت ...... وخالد يحبج اكيدهييه تحب خااالد ااااااااااااه يادنيا ماترحمييييين "
ودخل حمدان حجرة خالد ويلس على الكرسي خالد استهم على حمدان للحين مارجع شو ياه وسارخالد عند حمدان
دش خالد ...
خالد : ها بلاك حمدان تاخرت ؟
حمدان : تعبان شوي
خالد : سلامات ما من شر شو يعورك
حمدان : خالد دخيلك خلني بروحي محتاج اني اكون بروحي
خالد : على راحتك
وظهر خالد عن حمدان لكن وين بيسير حمدان عن خالد خالد خلاه لانه اللحين كان شكله صدق تعبان لكن بيطلع السالفه منه بالغصب
وفي العرس فواغي حاولت تظبط عمرها عقب ماكانت منهاره "صدق كيف هذا النذل يطلع ولد عمي كيف هذا اللي هب راضي يدخل مخي والله مايشرفني انه يكون ولد عمي يخليني بيزه ماتسوى جدام الله وخلقه اااااااااخ يالقهر متى بتبرد النار اللي في يوفي الا يوم اشوفك انته منهان شراتي بس جدام الله وخلقه متى ؟؟؟؟؟؟؟؟ "
مهره : حوووووو فوغووه انا ارمسج من الصبح
فواغي : هلا هلا مهاري
مهره : بعرفج على وحده تقرب لل ((......))تستوي اخته
فواغي : خلاص خلنا نسير لها
مهره: طوفي
وودتها مهره عند عفرا ...
مهره : اعرفج على اخت (( مطرب )) عفرا
وسلمت عليها فواغي عفرا كانت حلوه هاديه ملامحها فيها راحه شعرها اشقر وبيضا وجسمها حلو تقدرون تقولون انها احلى عن فواغي .. وبعدين
ودخلو موزه على لحن كلاسيكي وكانت آآيه من الجمال موزه تمشي برقه لكنها كانت تحس بانه بطنها يعورها كل ماتقترب من الكوشه ووصلت وماصدقت توووصل
وبعدين دخل حميد وكان اونه الوجه البشوش على قولتهم طول الوقت مبتسم (صدقه معرس نيو بقرطاسته ويحق له)
ودخل وراه هزاع وخالد هزاع يالس يدور له حرمه وخالد يدور فواغي بعيونه .. فواغي اللي كانت منهاره وتحس باعصابها خلاص ويوم شافها خالد كانت تطالع الارض وشكلها مهموم
خالد في خاطره " اليوم شو فيهم هاييل حمدان من صوب وفوغوه من صوب لا اكيد فيهم شي فواغي شلكها مب طبيعي ( حليلها حاولت تضبط عمرها لكن الانسان يوم ينصدم صعب انه يكتم صدمته ) وبعدين ظهرو خالد وهزاع ..... وبدو المعازيم يروحون من حدر المعرس وفضت الخيمه وبعدين كلهم روحو البيت..
اليوم البيت زحمه كلهم بيباتون في العين هزاع ومايد سارو والشياب بيرقدون في الميلس وعندهم حجرة ضيوف بترقد حمده اما المفاليع الحشرة الخمس بيرقدون في حجرة خالد .. وحجرة هزاع بيرقدون فيها سلامه وهند وريم وفي حجرة مهره مهره وفواغي واليازية وفي حجرة هند شمسه عمتهم وفي حجرة موزه ام حميد

سارت موزه ويا ريلها ....... وودعوها كلهم
بعدين سارن البنات يبطلن اللي عليهن وفواغي خلاص تبا تصيح تحس بالظلم كيف ها النذل يطلع ولد عمها لا واللحين موجود في الغرفه اللي في اخر الممر وكان حمدان حالته اخس عن حالتها ماكان يتوقع انها بنت عمه ابداااااا .....
خالد : انته اليوم شو فيك
حمدان : مافيني شي
خالد : والله فيك شي حتى حبيبتي فيها شي مادري شو فيها انتو بلاكم ؟؟؟
حمدان : ليش بلاها ؟
خالد : كان شكلها متضايقه
عبدالله : انا خاطري اشوفها هاي
خالد : شو رايك ازقرها ؟
حمدان : امف عليييييييك تزقرها هني
خالد : لا شوو اسولف
عبدالله : حوو ابا اشوفها اونه عاد بسير عند يزووي بسولف وياها وبشوفها
خالد : والله ماتسير الا انا ويااك اغار
عبدالله : لا انا بسير اطالعها بروحي يمكن تعيبني
خالد : تهبي تهبي .. طوفو نسير كلنا حمدان تعال
حمدان عقب تفكير : طوفو بس بشوي شوي عن العيايز ينشن
وسارو لين حجرة مهره ..
وخلو حمدان يدق الباب
مهره كان طالعه من السبوح لافه شعرها وفواغي يالسه تسشور شعرها اما اليازيه طايحه على الشبريه
اليازيه : منوووووووو ؟
حمدان :انا حمدان يزوي افتحي
اليازية : شو تبااا
حمدان : بو حميد يبا يشوف بنت العم
فواغي قفطت " شو يبا بعد هذا لا وحمدان ويااه"
ولبسن شيلهن .. وفتحت اليازية الباب
حمدان نزل راسه من شااف فواغي وخالد فرحان يطالع وعبدالله يبتسم
عبدالله : هلا والله ببنت العم
وحمدان يطالعها وهي تضحك وتسولف وياهم وطابتنه ومسويتله اكبرطاف

خالد بيموت عليها لانه يحبها .. وعبدالله عادي عنده يسولف
عبدالله : شو ها الاسم فواغي لا احسن جوااتي
فواغي : يلا بس عبوود شو بعد جواتي
عبود : مراعي احسن خخخخ
فواغي : جب
عبود : جبييييييين
فواغي : بس عاااااد
وبعدين دشو راشد وأحمد
راشد : منو هاااااي
احمد : ها تسولفون ويا بنت
عبود : ايي هاي بنت عمكم
أحمد : اوووووونه
راشد : احلللف
عبود : والله
حمدان : ليش عيبتكم ؟؟
فواغي طالعته بنظرة كلها كره ماتحبه .. وخالد مستانس على فواغي .. حمدان سكت وع طول ظهر من الحجرة
خالد : وين بتسير حمدانوه
حمدان : ابا ارقد تعبان
فواغي في خاطرها " فكااااااك "
ويلسو يسولفون .. واللي مرتبشين احمد وراشد واليازيه فيها نوم
ومهره تعابل في عمرها ......
اليوم الثاني روحت فواغي والكل طبعا كان يباها ااتم اكثر بس ابوها توله عليهاا مووووووت مب متعود بنته تسير عنه لا وكملت اسبوع ويوم

** في دبــــــي .. دار الحي **
بومحمد: ها بنتي تولهتي على ابوج الشيبه
فواغي : اكيد ابويه
بو محمد : صح ركبو النقطة مال النت
وعطاها البطاقه اللي فيها الباسورد واليوزر نيم ..
فواغي حبت ابوها على راسه : مشكوووووور
بو محمد : لازم عشان الغاليه
ويابت فواغي الاب توب وراوت ابوها كيف النت وشو فيه
بومحمد ماتعيبه ها السوالف .. مل بسرعه
بو محمد : عيل انا بخيلج ايلسي جابلي مالج هذا وارقدي من وقت لاتطولين
فواغي : ان شـــــاالله
بو محمد : يلا عيل بخليج
ويلست فواغي تتصفح المواقع واشتركت في اكثر من منتدى بنك "فواغي " وبدت تحط مواضيع وتشارك ويوم عن يوم بدت تتعلم على النت ....
وبدت المدارس وفواغي طبعا اول ثانوي وشدت حيلها اكثر .. وخلصو امتحانات نص السنه
وكان يوم العيد قريب ماباقي عنه غير اسبوعين .. وتدق لها ميره
فواغي : الوو
ميره : هلا بالقاطعه اللي النت خذها عني
فواغي : ههههههههه والله ونااسه النت عالم ثااني غيير على الاقل يفكني من شويخ
ميره : بس عاد مب ها الدرجه امرره لاتدقين ولا تسالين
فواغي : انا يا على النت يا ااذاكر يا اطالع التلفزيون تراني ماظهر من قسمي الا للاكل وشويخ ماتقرب صووبي
ميره : اهاا اوكي مابتسيرين تشترين للعيد
فواغي : امبلا ابا اسير اشتري
ميره : خلاص تسيرين باجر ويكند بنسير صحارى
فواغي كرهت صحارى من حمداان ..
فواغي : لا خلينا نسير الستي فيه محلات وايد
ميره : اوكي خلاص باجر ها لا تنسين
فواغي : اوكيك
ميره: باي
فواغي : باي
كانت الساعه تسع وفواغي ملانه سارت ودشت النت
وهي فاتحه المواقع تذكرت الجات اللي تقول عنه مهره سارت فتحت مواقع وحصلت دردشات
دخلت بنك نيم ولد " العيناوي " ودشت وماتعرف شو تقول وتمت ساكته .. بس تطالعهم ويوم ملت بندت النت وسارت ترقد
..
اليوم الثاني سارو الستي ميره وفواغي اونه ميره لبست عباه وتخلي الشيله على جتفها "شو الفايدة "
فواغي حصلت لها تنورة فوشيه فيها فولك وحركه من تحت وبدي وردي فوشي كت وفيه نك وفوقه شرات الجاكيت بس اسود دانتيل
حلووو وايد واشترت اكسسوارت ورديات ووردة حلوه من مون سون وها ماخلت شي .. وميره بعد مب اقل عن فواغي ماخلت شي ماشترته وبعدين سارو يتعشون وروحو البيت لانه فواغي تبا ترد تدش النت ..
وردت البيت بدلت ثيابها وصلت وبعدين دشت النت وفتحت ايميلها ماحصلت حد عندها اون لاين تعرفت على بنات من المنتدى مب وايد بس هنتين .. وبعدين دشت الجات وقامت ترمس شويه
وتتعلم حركات لكنها يلست تطالعهم بس وتضحك على سوالفهم
ومرن ها الاسبوعين بدون أي تطورات
ويا يوم العيد
** يوم العيد **
الصبح تلبست فواغي وتعدلت وحطت لها جلوس وجحال على كامل عيونها بطريقه حلوه ونزلت سلمت على مرت ابوها وعلى ابوها
بو محمد : ها فواغي تبين تسيرين بيت يدتج
فواغي : هيه ..
بو محمد : خلاص اللحين عقب شوي بنسير نسلم عليهم شيخه بتيين
شيخه : لا ماروم ودني بيت امايه
بو محمد : خلااص
وسارت فواغي بيت يدتها اللي ماشافتها من شهر يمكن
ام حمد : انتي وينج غاطه مانشوفج تولهنا علييج
فواغي : شو اسوي امايه والله انا تولهت عليكم عيل وين حمد ؟
ام حمد : مادريبه والله احيده ظهر
ويدش حمد ..
حمد : هلاا والله بالقاطعه هللللللاااااااا ماعليه ماتيينا خلاص ماتبين حمد
فواغي : لا والله مب جي
حمد : عيل كيف جذااك ؟
فواغي : هههههههه سخييييف
حمد : طالع على بنت اختي حبيبتي .. يله give me 5
ام حمد : شو ها الخبال مب زين اللحين بيدشون الحريم بيشوفونكم جي
حمد : عادي امايه نلعب نلعب
ام حمد : من صغرك انته متفيزر في نص الصاله
حمد : احم احم اونه عاد مكان استراتيجي عشان نجابل السودا
وتدش مريم .....
مريم : هلا فوغووه القاطعه من زمان ماشفتج مباركن عيدج
فواغي تصد على حمد : شو يقولون
حمد : عساج من العايدين والسالمين عافانا الله ماتعرف اماااااايه الحقي بنت بنتج ماتعرف شو يردون يوم يقولون مباركن عيدج
مريم : ههههههه خلها انته شو تباها
ويلست فواغي وياهم تلاعب بنت خالتها الصغيره فاطمه .. وتمت لين العصر
وياها ابوها يلس شويه وياهم وشل فواغي بيوديها بيت عمها قوم اليازيه اونه كلهم هناك ....
دشت فواغي واستوت الحشرة عند البنات
هند : اول عيد فويغ ويانا ها احلا عيد جان ييتي من الصبح
فواغي : كنت بيت يدتي
مهره : شو ها الكشخه شو ها الزين
سلامه : فويغ ذوقج حلوو اونه من قدج
ريم : طالعه علي يعني بلا شك
اليازيه : من قال انها طالعه عليج
ريم : انا قال
سلامه : انتي قال ياعيني على اللغه وانا اشهد انه محد مخرب اللغه غيرج
ويلسو سوالف لين المغرب المغرب سارو يصلون وروحو هل العين ..عشان وراهم درب وباجر بيسيرون الذيد كلهم وبعدين روحو هل بوظبي وتمت فواغي ويا اليازية لين مايي ابوها
اليازيه : تعالي فويغ بنسير حجرتي
فواغي : يلا طوفي
فواغي كانت فاصخه الشيله والعباه لانه كانو كلهم فاصخينها يعني عادي ..
وهي سايره فوق ويا اليازيه يسلو في الحجرة وفواغي اول مرة تدش بيت عمها وعايبتنها حجرة اليازية ودشو النت من كمبيوتر اليازيه دشت فواغي ايميلها طبعا كلهم اوف لاين على عكس ايميل اليازيه كانو وااايد عندها اون لاين تضيفهم من المجله ومن المنتدى وربيعات مهره وهند وسلامه والريم كلهم عندها يعني كانو واايد
حمدان كان توه راد من صحارى على امل انه يشوفها هناك وين ماشافها اول مرة لكن ماحصلها
دش البيت ماحصل حد على عكس كل مرة يوم العيد يكونون كلهم هني سار حجرة امه ماحصلها لانها كانت سايرة بيت يرانهم
ركب فوق بدون لايدق الباب دش حجرة اليازيه وفواغي يالسه تخبر اليازيه كيف تعرفت على البنتين دش صدت فواغي على طول لبست شيلتها وصدت صوب الكمبيوتر حمدان استانس انه شافها لا وين في بيتهم وهوه ساير صحارى ومتعني عشانها
حمدان عرف انها بعدها مب طايقتنه وعايفتنه
حمدان : يزوي وين امايه
اليازية : مادري سايرة بيت يرانا اتوقع
حمدان : اها .. ( وتجرأ ) فواغي شحالج ؟
فواغي ما صدت عليه .
فواغي : بخير
حط في خاطره ليش طابتنه ها الكثر هوه ماسوا شي
اليازية حست بالكره اللي فواغي موجهتنه لحمدان وحبت تستفسرها عن ها الكره
اليازيه : فواغي
فواغي : هلا
اليازيه : انتي ليش تعاملين حمدان جي ؟
فواغي " معقوله كرهي له يبين لها الدرجه حتى اخته لاحظت "
فواغي : لا انا عادي
اليازيه : لا انا ارمس جد في شي فواغي افتحي لي قلبج اعتبريني ربيعتج خلاص مامن بينا شي نحنا بنات عم يعني عادي
فواغي ترددت تقولها شو اللي استوى من بينهم لكنها تجرات وقالت السالفه من اول ماستوت لين اخر شي
اليازيه فاتحه ثمها : شووو يعني انتي تعرفين حمدان من قببل ؟
فواغي : هيييييه
اليازيه : ها كله يستوي وانا ماعرف صدق اني مب عايشه في الدنيا
وفواغي تسمع هرن ابوها ..
اليازية : فوغوه باجر شو بتلبسين يوم بنسير الذيد
فواغي : مادري وانتي
اليازيه : كلنا بنلبس جلابيات اونه عاد
فواغي : خلاص بدور لي جلابيه على مستوى وبلبسها
اليازيه : خلااص اشوفج باجر
فواغي : اوكي
وسارت فواغي ركبت السيارة وروحت البيت
وهذا اول عيد فواغي تحضره ويا اهلها وكان من احلى الاعياد عندها
لو مب وجود حمدان اللي عكر مزاجها ....
اليوم الثاني ..
فواغي دورت لها جلابيه ماحصلت .. لكن بعدين تذكرت خالتها اللي يابت لها جلابيه من الهند ( شيتل ) حلوه فيها تطريز وشج ولبستها وجحلت عيونها بجحال غليظ من فوق وتحت وكلهم تيمعوا في منطقه وسارو كلهم ضربه وحده ..
وصلو هناك الحريم حدرو داخل والرياييل حدرو صوب الميلس
مهره اليوم كانت ولا اروع لانه يمكن مب اكيد تشوف اللي تحبه
ويلسن ويا البنات هناك لين العصر .. طلعن يتمشن في الفريج
طافو جدام بيت يران قوم بنت خالة امها .. كان واحد ظاهر من البيت شكله 16 او 17 سنه طالع البنات ( عيونه زايغه )
ويوم شاف بنات يرانه ركب السيارة وحرك وييلس يفكر هاييل جد شايفنهم قبل .. لكن البنت اللي وياهم منو ؟؟
اووه وانا شوو يخصني في بنات الناس وكمل دربه
فواغي طالعت مهره كانت تبا تعرف اذا هذا اللي مهره تحبه ولا لا
مهره كانت تسولف وفرحانه من خاطرها عقب ماتمشو رجعو البيت
فواغي : مهاري وين اللي تحبينه
مهره : للحين ماشفته
فواغي : اها كان على بالي اللي ظهر من البيت
مهره : لااا مب هذا هذا ولد يرانهم خسج الله شو ابا به
فواغي : مادري كان يطالعنا قلت على بالي هذا هوه
مهره : لا طمني بالج هب هو لكن ليش تتخبرين عنه ؟
فواغي : هههههههه بدينا بالغياره بس كنت ابا اشوفه
مهره : اندوك الغبيه انا اطري هذاك
فواغي : قلت لج كان على بالي هوه
مهره : علييييه عليييه ادري انه حلو ويعق البنات لكن انا عندي شيخهم( ويوم صدت على الباب )
مهره فجت ثمها ..
فواغي : بلااج ؟
مهره بدون حاسيه : شيخهم شيخهم دش
فواغي : مهاري بلااج ؟؟؟؟؟
مهره : طالعي منو حدر
فواغي : منوووووو
مهره : هذا هووه
فواغي : احلفييي
مهره : والله
فواغي تستعبط شوي عشان ترفع لها ضغطها : احلفي مرتين .. والثالثه عشان أتاكد
مهره : فوغوه هب وقته اجلبي ويهج
وسارت عنها ..
فواغي يلست تضحك اسميها تخبلت يوم شافته " الحب وماقتل "
وكان يالس يسولف ويا خالته اللي هيه ام مهره
خليفه : وين انتو خالتي غاطين امرره مانشوفكم
ام هزاع : شو نسوي درب من العين لين هني
خليفه يبتسم بخبث : اللي يبا الصلاه ماتفوته
ام هزاع : اسمييك لووتي طالع على منو انته
خليفه : هههههههههه افااا خالتي انا لوتي
ام هزاع : هيه انته ..
ويت مهره يلست حذال امها .. خليفه استانس واطرطر من الوناسه
خليفه : شحالج مهره ؟
مهره : بخير الحمدلله انته شحالك ؟
خليفه : الحمدلله عايشين بنعمه شخبار الدراسه ويااج اونه عاد اول سنه جامعة اوونه
مهره : هههههههههههه ممشين الحال
خليفه : اونه عااد سنه اولى جامعه من طالبه مدرسه الى طالبة جامعة اونه العيال كبروو
ام هزاع : هي مهاري عيني عليها باردة خلاص اللحين عروس
وبنيوزها
خليفه : ليش بعدها صغيره خالتي
ام هزاع : لا لا بنتي حرمه خلى بس نفتك من هنوود وبعدين وراها هاي ونفتك منهن
مهره : ليش امايه يالسين على قلبج
خليفه : هيه هيه ماتباكم
ام هزاع : انطب انته تجرج عيالي عليه محد بيخربهم غيرك
خليفه : لا انتي هب خالتي اللي انا اعرفها انا احيد خالتي تحبني اللحين انتي مووووول خلووف ماتحبينه
ام هزاع : حسبي الله على ابليسك من ولد
وكان باب الصاله مفتوح .. ويزقره واحد يأشر له تعال
فواغي كانت ورا يلسه على الغنفه تطالع خليفه حبيب مهره .. وكانت مجابله الباب من شافت اللي يأشر كان يبا خليفه .. لكن كان خليفه عاطنه ظهره .. فقام يأشر لفواغي خلها تزقر خليفه .. فواغي استحت تقول لخليفه لانها اول مره تشوفه فسارت عند مهره .. وخليفه مبقر من هاي صح لمحها يالسه لكن ماعرفها ..
مهره : خليفه في واحد برع يباك
خليفه : وين ( وصد وراه ) .. خلاص عيل انا اترخص عنكم .. بس هاي منو ( دفش )
مهره : هاي بنت عمي
خليفه : هيه ماشالله .. شحالج ؟
فواغي : بخير الحمدلله وانته شحالك ؟
خليفه : بخير ونعمه .. خلاص عيل شي في خواطركم
ام هزاع ومهره وفواغي : سلامتك
ونشت عنهم ام هزاع ..
مهره تضرب فواغي على جتفها : كله منج ماخليتيه ييلس انتي وهذااك
فواغي : تعرفين هذا منو ؟
مهره : لا مانتبهت
فواغي : اللي شفناه يوم كان ظاهر من بيتهم
مهره : أي انتي فويغ لاتستحلينها تراني بخبر عليج خلوودي يله عيب عليج حرمة اخويه واعجبت لي في واحد ماتعرفه
فواغي : انا ماعجبت فيه .. وبعدين يااستاذه انا ماحب ها السوالف
مهره : ماعليه هب عليه ها الحركات .. بس تراج لاخويه نوو وويي ومابا اسمع تعليق طوفي نرووح عند البنات
وسارن عند البنات وبعدين روحو كلهم .....
ويوم روحت فواغي على طول ماشي 1, 2 دشت النت .. ودشت المنتدى ويلست لين الساعه 3 الفجر ورقدت .......
مرن الايام وخلصو مدارس فواغي يابت 90,4% بعدها اول ثنوي يعني ماكانت راضيه عن نسبتها لكن يلا بتشد حيلها بعدين ..
وكان حمدان وخالد وعبدالله اخر سنه ثانويه حمدان ياب 69.9%
وخالد 70.3% وعبدالله كان شاد حيله من خاطره 88.4% ....
سووعزيمة هم الثلاث في بوظبي .. فواغي وابوها سارت اما شيخه فكانت ماتحب تختلط وياهم فما كانت تسير وياهم
خالد مستانس انه بيشوف فواغي لانه من زمان ماشافها .. وهو كل يوم عن يوم يحبها زوود وزوود .. اما حمدان فكان يحبها في قلبه وكل ماتساله الياازيه انته بعدك تحبها يقولها لا خلاص كل شي انتهى لكنه كان يخدع نفسه ويخدع اليازيه لانه يحبها ومتعلق بها وعمره مافكر ولا بيفكر انه يهدها .. اما فواغي فما تحب ها السوالف ...
** في بوظبــــــي .. دار الظبي **
سارو كلهم ووصلت فواغي على المغرب وكلهم باركو لها على النسبه الحلوه على قولتهم
سلامه : اوونه الشاطره الدحيحه
فواغي : حرام والله هب زينه ها النسبه لكن يله
هند : حرام عليج يالظالمه
ريم : انا يوم كنت كبرج كنت اييب 71 زين وانتي 90 وتقولين هب زين
مهره : ياحبيبتي من شخص لين شخص تفرق
ريم : شو قصدج انسه مهره
مهره : قصدي شريف
ريم : هيه ماعليه
اليازيه : اييه المتوفقين الثلاث بيحدرون اللحين توها امايه قالت لي البسن شيلكن
ودشو الثلاث المفاليع .. ودش وياهم هزاع ومايد واحمد وراشد
مايد يالس يطالع هند .. لانهم محيرين لبعض .. وهند اونها عاد طابتنه .. وهزاع مصيره للريم والريم مصيرها له .. يعني باختصار هاييل كانو شبه مخطوبين لبعض ........
خالد في وسط ها الحشرة : مبرووك فوغوه على النسبه الحلوه
فواغي : الله يبارك فيك .. وانته بعد مبروك
خالد : الله يبارك فيييج
ويرن موبايله رقم غريب وظهر برع
خالد : الووو
ويسمع في الطرف الثاني شله " فرصه سعيدة "
فرصة سعيدة .. وافترقنا على خير
كنت أتمنى .. تكون قسمة حياتي
هذا نصيبي ..ولي جنتها المقادير
تبعد وانا ابعد في سكون وسكاتي
حاولت اداري واملك الحب لايطير
لكن جروحه في الصدر دامياتي
دون سبب ماتت جميع المعاني
ولاحول ياحب غزى بالشتات
........ الخ
خالد عرف انه محد ممكن يهديه ها الشله غيرها رووضه روضه اللي كانت مب قادره تتخيل انه في يوم من الايام خالد بيهدها صار له سنتين لكنها ماقدرت تنساه
خالد : روضه
روضه والعبرات غطت ويهاا الطفولي وصوتها مبين انها كانت تصيح حتى خالد اتاثر وايد
روضه : خالد مبروك النجاح
خالد : الله يبارك فيج وعقبالج
روضه صف ثاني ثنوي ..
روضه : خالد في خاطري كلام ودي اقوله .. انته اكيد مستغرب ليش انا داقه عقب ها السنتين انا خالد حاولت انساك لكني والله ماقدرت . غيرت رقمي عشان مااطالع مسجاتك لكن ماروم اغير عقلي عشان مافكر فيك .. وماروم اغير قلبي عشان احب غيرك
خالد .. اليوم هوه السنه الرابعه على حبي لك يوم 7-7
تتذكر خالد تتذكر
خالد حس بانها تحبه صدق لكن مايروم هوه يحب فواغي حتى لو حب روضه في الاخير مابتكون له لكنها هي هب طايعه تفهم ها الواقع
خالد : روضه لازم نحن نفترق نحن مانروم نكمل ويا بعض لانه اصلا في الاخير مابنكون لبعض
روضه تصيح : خالد دخيلك دخيل والديك قول كلام غير هذا انا أحبك
خالد حس بعمره اناني مايفكر غير في نفسه لكن لازم ينهي كل شي : روضه اسمحيلي ماروم اسوي شي .. عن اذنج الوالده تباني
وسكر عنها صدق بطران .. البنت داقتلك وانته تطبها
روضه عقب ماسكرت عنه خلاص حست بانه الامل مفقود في هذا االخالد وانته مايباها
....................
اه لو قلتها من البداية
انه في شخص ثاني عاشقه وماتبيني
ماكنت انا عشت احلى حكاية
ولاتركت اللي غرامه يبيني
جيتك ياحبيبي أقدم وفايا
احسب بعد نفس الوفا يب يجيني
صحيت لاجلك تدري انك منايا
ماكنت اظن في يوم بتخون فيني
لامن ذكرتك قمت اطالع سمايا
واذكر فرح ايام عمري وسنيني
*** شعر روضه تذكرته في هاذي اللحظه وطرشته مسج لخالد ***
ودش داخل كانو كلهم يتعشون
ام هزاع : خلود وين انته ؟
خالد : كنت ارمس ربيعي
هزاع : ربيعك ولا ربيعتك
ام هزاع : امف عليك شو ربيعته بعد
خالد وهو ييلس: ليش انا انته يا اخ هزاع كلن يرى الناس بعين طبعه
ريم خزته بنظرة ماعرف شو يقول ..
هزاع : جذاااب حليلي انا مارمس بنات
خالد : امرره شريف مكه
هزاع : لا نا شريف نفسي
ام هزاع : اكلو وانتو ساكتين
هزاع بصوت واطي : قفطــــــه
مايد : شو انته تقول لعمرك
الشواب هناك محتشرين لانه الاولاد سارو ياكلون عند الحريم
بو هزاع : امف عليهم مايستحون من اولاد يالسين ويا الحريم جنهم هب رياييل
بو محمد : خلهم انزين
بو مايد : لا لا عيب يا بو محمد مايستوي لو نيوزهم ونفتك بعدين بيعرفون المذهب وتراه مايد لهند والريم لهزاع ونيوز هاذييل ونفتك وتراه سلامه ولد خالتها يباها ونفتك بعد مايبقى غير الباقين هاذيل صبرو عليهم شوي
بو محمد : يوزوهم انزين
وبعدين روحو وخالد تام مب على طبيعته .. مهره شكت في الموضوع لكنه سكتت وحتى حمدان ..
** في دبــــــــي .. دار الحي **
فواغي يالسه ملانه تجلب القنوات وطايحه تلعب بشعرها ويالسه تفكر كيف بتقضي ها الصيف وين بتسير ووين بتي ؟؟
وحاطه على نجوم وتذكرت الموبايل اللي تام في خاطرها وللحين ماظهرته .. وقالت بتفاتح ابوها بالموضوع ... وطبعا فواغي ابوها مايرفض لها طلب ..
وشووي شووي والباب ينفتح عليها ويوم صدت ماحصلت حد عند الباب لكن الباب مفتوح ومشرع بعدين نشت من مكانها بتسكره على قولتها الهوا فتحه ويوم سكرته حصلت اليازيه ومهره ورا الباب
فواغي : اووووووووووووه
اليازيه ومهره : سبرايس
فواغي : وحياتج احلى سبرايس
مهره : احم احم اول مره نحدر بيتكم
اليازيه : زغتي فويغ
فواغي : الله يخسكم تبريدت في مكاني اونه عاد قلت الهوا فتحه
اليازيه : هههههههه كنا بنننجك
فواغي : انا مانتبهت كنت سرحانه وعاطيه الباب ظهري وبعدين انتبهت ... شفتو شويخ تحت
مهره : لا ماشفنا حد
فواغي : احسن يمكن ظهرت
اليازيه : وانتي طول الوقت هني
فواغي : هيه
مهره : ماتملين
فواغي بنبرة حزن : تعودت على ها الحال
اليازيه : الله يعينج
فواغي : شو سر ها المفاجاه الحلوه
مهره : ماشي الله يسلمج انا كنت سايرة بيت قوم يزووي وقلنا بنمر عليج وبنظهر عقب المغرب شو رايج
فواغي : موافقه بس وين بتسيرون
مهره : ابا اسير وافي من زمان ماسرت له
اليازيه : تم بس حمدان بيسير ويانا
تغيرت ملامح فواغي " ايييييييييه هذا رزة ليش ايي يعرف اني اكرهه ليييش يبا أيي ؟؟؟ "
اليازيه : وفوغوه غصبا عن عينج بتسيرين
فواغي : لا استحي من اخوج
اليازيه : عليه
فواغي : هيه صدق
اليازيه : ورفجة ابوج بتسيرين خلاص رفجت عليج
فواغي : امري لله
وييلسن لين عقب المغرب يسولفن وتراويهم قسمها ودشو النت شويه .. وبعدين سارن
حمدان اللي مودنهم اونه خذ الليسن وطول الوقت ساكت الا شويه لانه يدري انه فواغي موجوده وفواغي حتى ساكته وماترمس الا لو سالوها وحط حمدان أغنيه "ميحد حمد "
...::*~(( ياطيب القلب حكم قلبك الطيب... اخرت غيرك وبعدته وقربتك... ليه التباعد مع انك دايم قريبك... من وين ماصد بعيوني تخيليتك))~*::...
وكانت يالسه وراه لانه مهره تحب هاك الصوب واليازيه راكبه جدام وفواغي مب طايعه ترفع راسها لانه تعرف انه حمدان يطالعها من المنظره مال السيارة ......
ونزلو وافي فواغي قالت انها تبا تسير تشتري موبايل
مهره واليازيه كانو يشترون ثياب للجامعه ..
اليازيه : حبيبتي فواغي سيري ويا حمدانوه اشتري ونحن بنييكم عقب مانحاسب
مهره : هيه يلا فوغوه
فواغي : لا عادي بترياكم
اليازيه عن قصد : سيري اللحين ها بنحاسب وبنحلقكم شو بياكلج حمدانوه والله اليف سيري يله ولا تيلسين تتدلعين ترانا مانحب اللي يدلعن ( وتغمز لها )
وفواغي تتحلف لااليازيه في خاطرها وتعرف حركة اليازيه وسارت مشت كانت متغشيه وحمدان يمشي جدامها وصلو عند محل مال التيلفونات .. فواغي اشترت موبايل نوكيا كرووم ذهبي صح مب يديد وفيه ايدد منه لكنها خذت ها لانه يمدحونه وزين
حمدان استانس لانها رضت تسير وياه ورمسها شوي يوم كانت تختار الموبايل يعني ماصدق لكن للحين يسأل عمره " هاي شو لين اللحين مانست السالفه.. السالفه صار لها سنتين وهاي بعدها صدق انها نحيسه والله يصبرني عليها "
حمدان : مبروك الموبايل
فواغي : الله يبارك فيك
ووصل حمدان مسج ويوم ظهره شافت فواغي انه موبايله شرات موبايلها لاعت جبدها لكن احسن شي انه الالوان غير هيه ذهبي وهوه اسود
حمادن : فواغي انتي لين اللحين مانسيتي السالفه
فواغي : لا نسيتها
حمدان : عيل ليش كارهتني
فواغي : انا نسيت السالفه وانته تذكرني فيها فارجوك لا تتطريها جدامي
ومشت عنه ..
حمدان " شايفه عمرها وايد والله انها بطرانه ها يزاتي اني احبج واغليج لكن بصراحه حبي ها مب في محله لو ابا احب جان حبيت وحده تحبني وتموووووووووت فيني هب كارهتني وكارهه اسمي وشوفتي .. ماقول الا مالت على ها الويه "
وبعدين سارو يتعشون وروحو ..
ويوم ردت البيت سارت عند ابوها لكن ماحصلته
وشافت شيخه
شيخه ؛ هااا من وين يايه حضرتج
فواغي : انا اظهر وارد محد يسالني واللحين يايه تساليني من وين يايه
شيخه : انزين شو عندج
فواغي : ماشي كنت ابا ابويه
شيخه : ابووج محد واجلبي ويهج
فواغي : ان شا الله
وسارت عنها جان تسحب شيخه الكيس الي في ايدها لانه محل مال التيلفونات
شيخه : شوها
فواغي : شو تشوفين ؟
شيخه فتحت : طالع شاريه موبايل يا قوية العين
فواغي : ماحيده حرام
شيخه : هي مايندرا شو تبين به جان مب لاعبه لعبتج
فواغي : اييييي انا اشرف عنج
شيخه : جبببببب ولا كلمه سيري فوق ياهل ويايه ترمس لكن ماعليه كله عند ابوج ابوج اللي غافل عنج ومبزنج واي شي تبينه يسوي لج ايااه مايدري انج مب قد ها الثقة اللي عاطنج اياها
فواغي عطتها بو لبااس
شيخه انقهرت من حركتها
شيخه : ماعليه يافوفوغوووه تتبطرين عليه وتكبرين راسج الايام من بينا ......
فواغي راده الحجرة مضايقه من شيخه وانها شافت حمدان اليوم جي ماتحبه ماتدانيه .......
.................................................. .....................................

انشاءالله عيبكم هذا الجزء ....

شيخه : ماعليه يافوفوغوووه تتبطرين عليه وتكبيرين راسج الايام من بينا ..
فواغي راده الحجرة مضايقه من شيخه وانها شافت حمدان اليوم جي ماتحبه ماتدانيه ..
مرت ايام الصيف بطيئة فواغي قامت تحدر الجات بنك نيم بنت
" السولعية"وقامت تسولف وياهم وتندمج بالسوالف وواحد نك نيمه " سعيد " دوم يحدر عليها يستعبط وعمره ماقال لها بتعرف ولا شي ولاقل ادبه استمرواا على ها الحال 3 شهور في الجات وفي يوم من الايام
السولعية : انته من وين ؟
سعيد : بقولج ومابقص عليج انا من الذيد
السولعيه : اوووووووه انا عندي اهل هناك
سعيد : منو تعرفين ؟؟
السولعيه : تعرف قوم ((......))
سعيد : اوووووووه شيت انتي تقربين لنا صدق ؟
السولعية : انته يعني تستوي لنا اووه زين زين
سعيد : انتي من وين ؟
السولعية : انا من دبي لكن هناك اهلنا
سعيد : هلا والله ببنت العم
السولعية : انته تعرف خليفه ( هذا الوحيد اللي حفظته )
سعيد : اوووووووه خلوف ماغيره انتي بعد تعرفينه زين عيل انتي شكلج دارستنا
السولعية : أحين انا بظهر وبرمسك باجر اوكيك سعوود سي يووو
سعيد : صبري ممكن طلب
السولعيه .: امرني
سعيد : ابا ايميلج
السولعيه : لا لا شوو تخبلت انته
سعيد : لا صدق انا ارمسج جد
اسولعيه : لا اسمحلي سعوود مارووم
سعيد اونه زعل : انزين خلاص براحتج باي
السولعية :باااي
سعيد بند البوكس مالها لكنه تم في الجات .. حز في خاطر فواغي وعرفت انه زعلان
" اف ياربيه انا شو اسوي ايميلي مستحيل اعطيه اياااه شو تخبل هذاا .. وانا ليش مضيقه ها الكثر على كيفه شو اسوي له انا ارقص مثلا خلني اظهر وافك عمري من الصدعه "
وعقب اسبوع وسعيد يحاول وياها يبا ايميلها لكنها هب راضيه وطاف شهر وخلاص المدارس بدت وفواغي ثانوية عامه اونه عاد اخر سنه .. فقامت تقلل من دخول النت .. وهذا شغل بال سعيد اللي عرفه انها تقربلهم لكنه ماشافها ولا مرة ..
وفي يوم من ايام الويكند .. فواغي دشت الساعه 12 ونص فليييل
وحصلته على طول حدر عليها
سعيد : وووينج انتي من طول الغيبات ياب الغنايم
السولعية : موجوده في ها الدنيا لاهيه ويا الدراسه تعرف اونه عاد ثانوية عامه
سعيد : اوونه شدي حيلج عاد بيضي ويهنا
السولعيه : افااا عليك ماطلبت يا ولد العم
سعيد : الله يوفقج يا بنت العم والله بكون فرحان لو يبتي نسبة اوكي وبفرح أكثر لو ضفتيني ممكن يعني عقب مرور خمس شهور من المذلة احصل ايميلج
السولعيه : لا شوو
سعيد : ردينا .. انا اقرب لج ويا ها الويه اونه عاد شريفة مكه
السولعيه : انزين عطني اياه لكن ياوييلك ياويلك لو عطيته حد تعرف شو يعني ياويلك
سعيد : واخيـــــــــــــــــــــــــــــــــترا مابغيتي السولعيه يالمذله انتي
السولعيه : هههههه انزين عطني ااياه
سعيد : دوج ضيفيني .......@........
وضافته عندها ....
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
هلا والله ومرااحب بالمذله العووده
says ياسنيــــــــــــن عمـــــــــــــــــــري !!:
اهلين وسهلين ومرحبتين
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
اوونه بنت العم ضافتنا مبروك عليج ايميلي
says ياسنيــــــــــــن عمـــــــــــــــــــري !!:
شفت عاااد .. اونه نك نيمك خطيير
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
اخجلتي تواضعي انسه .....
ماعرف شو اسمج تصدقين
says ياسنيــــــــــــن عمـــــــــــــــــــري !!:
عادي مب لازم .. مش مهم
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
في عينج لازم اعرف شو ازقرج
says ياسنيــــــــــــن عمـــــــــــــــــــري !!:
عادي ازقرني السولعيه
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
لعلمج بس انا ماحب الالقااب
says ياسنيــــــــــــن عمـــــــــــــــــــري !!:
اوكي بقولك اسمي لكن ياويلك ياويلك لو قلت حق حد
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
يااابنت العم ذليتينا ياويلك وياويلك قولي وريحينا
says ياسنيــــــــــــن عمـــــــــــــــــــري !!:
اسمي فواغي
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
عاشت الاسامي
says ياسنيــــــــــــن عمـــــــــــــــــــري !!:
عاشت ايامك ..
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
اسمج غريب
says ياسنيــــــــــــن عمـــــــــــــــــــري !!:
ادري
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
انزين فوووغوووه اونه عاد ادلعج اسمج مايدلع عافانا االله
says ياسنيــــــــــــن عمـــــــــــــــــــري !!:
اسمي سبيشل طالع عليه
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
فرحانه حضرتج
says ياسنيــــــــــــن عمـــــــــــــــــــري !!:
واااااااااااايد
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
فوغوه انتي تحبين
says ياسنيــــــــــــن عمـــــــــــــــــــري !!:
سؤال مش في وقته
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
انا سالت وانتي جاوبي
says ياسنيــــــــــــن عمـــــــــــــــــــري !!:
تعرف انا ها السوالف ماحبها ابدا وعمري مافكرت فيها لانها اخر اهتماماتي
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
ممممممم ولا فكرتي مجرد تفكييير بس
says ياسنيــــــــــــن عمـــــــــــــــــــري !!:
لا ومابا افكر ... مممم وانته
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
انا احب وحده لكن المشكله انها عديمة احساس رغم كل اللي سويته لها ماتحس فيني
says ياسنيــــــــــــن عمـــــــــــــــــــري !!:
افاااااا هاي ماتستحي .. قول لي من هاااي وانا بسنعها لك
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
وحده مافي داعي اني اقول اسمها عارفه عمرها لاا في حالة وحده انها لو يالسه تستعبط عليه اللحين
says ياسنيــــــــــــن عمـــــــــــــــــــري !!:
احم شو قصدك ؟
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
قصدي شرريف
says ياسنيــــــــــــن عمـــــــــــــــــــري !!:
هههههههه ماتضحك
says(((أنا مالي أحد غيرك ولا لك بالغلا ثاني....دام انك وسط عيني ..
دخيلك لا تبكيها...))):
عيل ليش تضحكين .. المهم لاتضيعينا عن الموضوع فوغوه في خاطري كلمه من زمان بقولها وبظهر المهم اقول اللي في خاطريا
says ياسنيــــــــــــن عمـــــــــــــــــــري !!:
امــــر يا ولد العم
says(((أنا مالي أحد غيرك ولا لك بالغلا ثاني....دام انك وسط عيني .. دخيلك لا تبكيها...))):
أحبــــــــــج
وعلى طووووول ظهر من المسن وحدرت الجات ماحصلته .. هذا شو يقول .. وانا اقول شو ها المقدمه الطويلة العريضه .. معقووولة سعوود يحبني انا والله دنــــياااا .. ويلست فواغي طول الوقت تفكر في سعيد ماتعرف كيف ترمسه غير مره تحس بانه بيكون من بينهم حاجز غير عن كل مرة .. سعيد حسب معلوماتها اكبر عنها بثلاث سنين .. يعني 3 سنه جامعه .. فواغي موول ماخوزت سعيد من بالها ظل عالق في خيالها ...... وع العموم مرن الايام ورا الايام تتلو الايام سعيد ماله حس ولاخبر على النت طرشت له فواغي ايميلين مايرد عليها ابدا .. مر شهر فواغي التهت بدراسه وخاصه انها بدت امتحانات نص السنه ويوم خلصووو على طول حدرت النت .. وكالعادة ماحصلت ايميل قالت يمكن نساها وهاذي كلمة أحبج عابره سبيل في حياتها وحياته وقررت فواغي انها تبتعد عن النت لانه يوم تبتعتد عن النت تبتعد عن سعيد .. لانها بدت تفكر فيييييييه وااايد هب شويه وتحس بانه تفكيرها هذا زايد عن حده وهو ولا عباله ولا على خاطره ...... ومرن الايام بعد ..فواغي ولاول مرة عرفت بمعني الحب كانت تحبه لكنها تكابر وتساير الفكرة اللي رسمتها ببالها عن الحـــب .. وفي اجازة نص السنه ..
مهاري دقت لفواغي ..
مهاري : هلا هلا والله بالقاطعه
فواغي : اهلين وسهلين انتي وين ؟
مهاري : انا اللي وين ؟؟
فواغي : هيه انتي
مهاري : موجووده لكن ناس لايدقون ولا يسالون عافانا الله ولاتقول بنت عمي بتصلبها
فواغي : سامحينا جانبة حضرتج مابنعيدها مرة ثانيه
مهاري : زين يوم عرفتي .. المهم
فوايغ : شوو ؟
مهاري : نحن بنسير ويا قوم عموه شمسه مزرعتهم في الخوانيج فيعني حضرة جنابج تشرفين ويانا هناك
فواغي : امممممم بطالع ابووية
مهاري : بيطيع .. بيطيع ..
فواغي : انتي دايركت بيطيع بيطيع
مهاري : هههههههه لاتعيبين
فواغي : اوكي مابعيب بس بطالع ابويه وبعدين برد عليج
مهاري: ولو ماطاع بمطج من شعرج لين العزبه تسمعين
فواغي : يالمجرمة ..
مهاري : يلا يلا طولت وياج خسرتيني رصيد .. قولي لابوج وردي عليه
فواغي : اوكيك ياكيك
وبندت عنها
دقت لابوها وقالت له انها تبا تسير وابوها عادي عنده وافق دايركت على قولة مهره وفواغي قالت لمهره .. ولبست فواغي جلابيه بلون دم الغزال وهي بيضا يعني حلووووه ..
** الخوانيـــــــج **
عقب صلاة العصر البنات يالسات على العرقووب وحاطات الاف ام على الموبايل وحاطات سبيكر ومستطربات " داقهن الهوى "
والاولاد على الدراجاات .. ويستعرضون بالدراجات جدام البنات ..
مهره : والله خاطريا اركب دراجه
هند : وانا بعد
فواغي : في عمري ماركبت دراجه
اليازية : انا ازيغ خاصه حمدانوه شو يسوي بي ..
مهره : هههههههه اذكر والله اذكر هاك اليوم كنتي مزجمه وفليل بررررد .. وهوه يحوطج ويسرع وهاي تزاعق اونه سنااسيين ...
ريم : اييييييه لوعتي بجبدي الله يخسج
اليازية قفطت .. " ماعليه يامهرووه براويج "
ريم : هههههههه طالعوو ويه يزووي غدت شرات الطماط امايه عاادي شو يعني جنه يوم كنتن صغار موووووول مووول ماعندكن سناسيين
فواغي : ههههههههه ياالريم غيري السالفه ابا اكل وانتي تلوعين بجبدي
ريم : عدال يالرقيقه
مهره : من يومها ..
هند : روحن بخلي هزاع يردفني
مهره : وياااج
فواغي تبا تركب لكنها تستحي يعني مثلا بتركب ورا منو ؟؟؟
ويلست تطالعهم
كانت اليازيه .. واقفة وياها لانها ماسارت تركب
اليازية : ها فويغ تبين تركبين ؟
فواغي : لا مابا استحي
اليازية : لو تبين عادي بخلي حمدانوه يردفج
فواغي ببقرت : حمدان لا شوو انتي تخبلتي
اليازيه : لا يعني لو لو لو تبيين لووووو
فواغي : لاخلج مرتاحه
اليازيه : الحمدلله مرتاحه
فواغي طالعتها بنظره على استعباطها
اليازية : ماااخاااف
فواغي تسعتبط : احلفي
اليازية : والله
فواغي : احلفي مرتين .. والثالثه عشان أتاكد ..
وحمدان يالس يطالعها وتذكر ها المقطع

..::*~((لو تعرف على قلبي غلاك .. تعذر حنيني
كان اللي بقلبي بكاك... وارتاحت عيني ))~*::..
وخالد شاف حمدان يطالع فواغي فشك في شي
خالد : حمادن
حمدان انتبه لعمره : هلا
خالد : شو فيك تطالع فويغ
حمدان : ها لا مااشي كنت سرحان.خالد : سرحان فيها
حمدان : لا لا .....
خالد : حمدان انته تحبها (هذا اللي لاحظه خالد خلال ها السنين )
حمدان توهق ماعرف شو يرد علييه ..
خالد : صح
حمدان :لا ماحبها
خالد : متأكد
حمدان : متأكد
خالد : اممممم والله اني شااك حمدان لو تحبها قولي عاادي
حمدان : خالد عااد انا لو احبها بقولك انا احب هاذيك مال دبي اللي قلت لك عنها
خالد تذكر : هييييييه صح
( خالد الغبي مايعرف انه مال دبي هيه فواغي .. اما فواغي قلبها مش لخالد او حمدان قلبها لواحد بس .. اللي هوو سعيد .. اللي ماتعرف عنه شي للحين .. بس عق عليه كلمه وماعاد له شوفه وانقطع عنها )
أذن المغرب ..
كلهم سارو يصلون وعقب الصلاه يلسوو البنات يجهزن حق الشوااي فليل وهن في المطبخ يالسات يحطن الدياي في الاصياخ .. واللي يحطن الفندال في القصدير ...
والاولاد يجهزوون الضو .. واستعدادات لحفلة الشواء على قول أحمد ورااشد اما مايد يدور شي يدق عليه وحصل دبة المااي ويابن البنات الاكل وبدو يشوون وهزاع فواغي متعبلين من اليمر وها السوالف ..
راشد : يله ميوود اطربنا نبا نهتز
مهره : ناوي ترقص
راشد : هييي انا واحمدووه بنييوول
عبدالله : فرحان متعلم اليواله من كم يوم ويبا يظهر مواهبه
اليازيه : انته خله شو تبا
مايد : يلاا يلاااا هدوووووووووء
كلهم سكتو ....
مايد : فيكم طططرب
كلهم : ايواااا
مايد : فيكم ونااسه
كلهم : يلاا .. يلاا يلااا ويصفقوون وحالتهم لله .. وفواغي وهزاع محتشرين اونه هاييل مرتاحين وهم يشتغلون ..
خالد : اييييي ممكن اطلب اغنيه واهديها
مايد : تفضل تفضل فاتحين الخوانيج اف ام
خالد : اهدي اغنية
((ياا ذا النجوم لي شراتي سهارى
قولي لنجم الياه يطلع مع سهيل
خل أحبه سر ماهو جهارى
ودي بشوفه واعسرتني المواصيل )) لللي لابسين جلابية لون دم الغزال
فواغي مانبتهت لانها كانت مشغوله وتهف على الضو عشان اليمر ويوم قال ها الجمله على طول صدت على خالد .. وطاحت عينها في عينها واستانس لانه شافها مستحيه .. اما حمدان فلا تتخبرون عن حال حمدان لانه حمدان تضايق حييل من خاطره
حمدان في خاطره " هه وانا شو ابا بها عندها لي يحبها وهي هب محتاجه لي وهي تكرهني الله ماكبرها ها الكلمه بس شو سويت مالي ذنب "
اليازيه بقرت لانه اللي تعرفه انه حمدان يحب فواغي هب خالد .. لكنها اكتشفت انه خالد يحب فواغي .. عبدالله يعرف كل شي يعرف انه حمدان يحبها لكنه هب راضي يقول لخالد .. ومايد شاف الجو متكهرب فاتفق ويا أحمد وراشد انه بيحطون اغنيه تدلل وبيولوون عليها
وحطو اغنية تدلل وارتبشو وغيروو الجو .. وقامو يولون واحمد وراشد ماخلو حركة ماسووها والتصفيق والربشة نش وياهم هزاع وخلى فواغي تهف بروحها وبعدين عبدالله
مايد : البنات سيرن هاك الصوب انعشن
واليازية يالسه تصورهم بموبايلها ع الخبال اللي مستوي ..
وباتو هناك طبعا كلهم سوالف وضحك لين الساعه 3 فليل ورقدوو
اما حمدان فكان متضايق حييييييل ويالس يقول في خاطره " يعني انا شو سويت حرام عليها كم مر على ها السالفه ها السالفه مر عليها الدهر اكل وشرب بعد .. لكن فواغي هاي مشكله بحد ذاتها .... اللي لازم اسويه اني انسحب من حياتها وكفايه مذله وحقران
لا ما ترتضي نفسي مذله وحقران ..
اردها عمن سعى لي بذلي ..
نفسي عزيزة ساميه فوق يافواغي..
ابعد من نجوم الثريا محلي ..
---------
ويوم فواغي ردت البيت على طول شبكت بالنت وبسرعه بسرعه تفتح ايميلها .. خلاص مارامت تنكر اللي في قلبها انها " تحب سعيد " ومستعدة تسوي أي شي بس تحصله اللحين اون لاين لكن من فتحت النت ماحصلته اون لاين ...... وخاب املها
لكنها شافت ون نيو ايميل ,, مافتحته لانه تدري انه مب من عنده وطنشت ويالسه تقول في خاطرها ..
" هه شكله ها من حب النت العابر حب سبيل حب خمس دقايق ( ماخلت وصف ماوصفته ) سهل تلقى من يقولك أحبــك ..
لكن صعــب من يصدق فيها
ودشت الجات يلست شوي ولاعت جبدها وحدرت المنتدى ولاعت جبدها وفتحت ايميلها لانها ملانه تطالع الايميل اللي وصلها وكانت متوقعه %100000انه من الهوت ميل لكن ها 10000000% كانن غلط والايميل من " سعيـــــد " فرحت طارت ماعرفت شو تسوي وعلى طول فتحت بسرعه
انا فوغووه انا بتغيب مابحدر النت لمدة
اسبوعين يمكن اتحملي على رووحج وهالله هالله فالدراسه انا بسير الدوام
الصبح لاتنسييني رااسلييني وطمنييني عليج كليوم برساله حتى لو انا مب
موجوده تراج دووم في بااالي وبعد حالطج اغنيه فووق وسويلها داون لوود
واسمعيها اهديها لج ولا تنسيني فووغوووه الغاليه يالله السموحه منج
ماقدر اطول بعد لانج مب موجوده وانا بسير ارقد لاني بسير الدوام الصبح
اتحملي على رووحج مع الســــلامة
فواغي استانست .. لكن ماتدري انه يدوام وهو اكبر عنها بثلاث سنين يعني احتمال وارد انه يداوم ……
وع العموم مرن الايام لكنها مطرشت له الا كم ايميل مب كل يوم عاد ..
وقبل المدارس بيومين كانت حادره النت هي ومهره واليازية ومتخبلات مسويات انفايت وخالد يالسه عدال مهره .. وحمدان يالس عدال اليازية .. صح حمدان قال انه بينسحب من حياتها لكنه يبدى يحاول ( كيف وانته لازق تشوفها شو تسوي ) ..
وشوي ويحدر سعيييد …. وباالغلط .. كتبت في بوكس مهره واليازية
هلااااااا والله مرحبا ملايين ولا يسدن وينك انته يالقااطع .
مهره في البوكس مالهم : ها منو ترمسين فوغوه من ورانا
اما خالد شب نار وضو ويالس يقول لمهره : هااااااي منو ترمس مهرووه قوولي
مهره : وانا شدراني علمي علمك
خالد: والله لو عرفت انها ترمس واحد عندها وين بتسير عني
مهره : انته شو تباها البنت خلها حره وكيفها
خالد : ليش هي ماتحبــني
مهره بقرت : شوو ؟
مهره في خاطرها " ياحييليله شكله مايعرف انه فوغوه ماتحب ها السوالف .. وعايش على امل انه تحبه "
خالد : حووو ارمسج انا هي تحبني
مهره : مادري
خالد : شو يعني ماتدرين ..
مهره : ماري انا احيد فوغوه تقول ماتحب ها السوالف
خالد : لا ها الكلام من سنتين اكيد غيرت رايها
مهره لحظة بسالها ..
مهره في البوكس : فوغووه انتي شو رايج في الحب ؟
فواغي حصلت شي تعتبرها اجابه مناسبة لجواب مهره :
الحب اجمل شعور بالكون ...اجمل ما فيه الصمت...اعذب ما فيه الاشواق..ارق ما فيه شوفة عيون الغالي..
اروع ما في الحب انك تعبر لانسان عن مشاعرك..تهديه كلمات فوادك..تبين له كيف هو مهم عندك...
بس محد جرب شو يعني انك تحب بصمت وتشتاق بصمت...يشدك الحنين لحبيب القلب بصمت..تشوفه ويرفرف الفواد بالصدر بصمت..
كل شعورك وكل احاسيسك ..وكل نبضات فوادك وكل لهفتك وشوقك والحنين يمر بصمت...صدق انه اصعب حب..من يقدر عليه..
الحب الاسطوري اللي تعجز كل لغات البشر عنه..اجمل انواع الحب واكثرها عذاباً ...
حمدان تنهد من خاطره : اااه تحبه ويحبها وانا مالي ومالها
اليازية طالعته بنظرة اشفااق حرام عليها والله يحبها ماتحبه ياريتها ماتحبه تكرهه وهوه يعرف والله مايستاهلها يستاهل وحده تموت فيه حمدان حلو ومافي شي يعيبه والف وحده تتمناه
اليازية : حمدان طبها خلااص انساها
حمدان : انزين وانا اللي اسويه اللحين ها الشي

اليازيه : لاتحسسها انك تباها انا اللي اعرفه حمدان اقوى من جي
حمدان : خلاص فواغي مجردد ذكرى في حياتي لكن مالها حاضــر .. وانا بخلي اللحين امايه تدور لي حرمه
اليازية : اصبر عقب عرس سلامه مابقى شي ثلاث ايام وعرس هزاع وميود عقبه امررررره وانته جد كبرت وخلصت الجامعه واشتغلت بعدين عرس
حمدان : والله فكرة لكن مايستوي لازم انتي اول
اليازية : اطمن انا حلوه فما بتم عانس
حمدان : الصراحه اشك
اليازيه: جبببببب حمدانوه لاتيلس تسوي لي جي انزين وانا ادافع عنك صدق انه مافيك خير
حمدان وهو يطلع يالس يغني : الدنيا مافيها خير ياناس لاتصيحيون ……
--------
اليوم كان عرس سلامه الخرشه مب متعوده على ها الاجواء اجواء العرس من عادتها تمشي وتسير وترد الا انها اليوم غصبا عنها يالسه
سلامه يالسه ترمس فواغي اللي كانت وياها في الحجرة فواغي طالعه ماشالله عليها ملاك ولا احلى وفستانها البيج اللي فيه تركواز
سلامه: فويغ هب متعوده اتم يالسه ابا امشي اسير ارقص اهتز اسوي شي
فواغي يالسه مجابله موبايلها : انتي ريلج بينصدم يوم بياخج
سلامه : يعني اليوم
فوايغ : هييييه اليوم
سلامه : يتمناني هووه
فواغي : هيه حتى انا اتمانج
سلامه : جان اثتحي
فواغي : فديت اللي يثتحون
سلامه : ابا بيبسي
فواغي : حسبي الله ونعم الوكيل تخبلت الحرمه وييلست بتخبصين عمرج انا ادريبج
سلامه : ليش ياهل
فواغي : تقريبا
ويوصل فواغي مسج وطبت سلامه اللي محتشرة تبا تمشي وتسير وترد وترقص .. وفواغي ماهدت موبايلها .
اكيد شاكين في شي .. هييه اللي ببالكم استوا .. مادري هاي فواغي خبالها وين بيوصلها
فواغي يالسه تكتب مسج " اييي سعود خلاص لاتطرش مسجات انا بسير تحت بنزل القاعه "
سعيد : خلاص انزين .. اخاف تنخطبين "
فواغي " عادي سنة الحياه "
سعيد " وياهاالويه سيري .. ويوم بتردين طرشي لي مسج "
اللي ماتعرفونه انه فواغي شلت رقم سعيد لانه هوه يداوم وفي الداوم ساعات مايخلونه ايي الاربعاء وخميس وجمعه وساعات يحبسونه فصعبه انه يحدر النت .. فعشان جي قالها بس مسجات .. وفواغي قالت اذا مسجات بس عادي ..
نرجع للقاعه اللي كانن البنات كل وحده احلى عن الثانية وفواغي دايما تكون حلوه خاصه عيونها وموزه كانت حامل ومنتفخه
هند : طالعو الدرام المتنقل
الريم : لاتنكر
مهره : بتتعذرن بعدين
اليازية : قولي بنشوفهن يوم بيعرسن كيف عاد
هند : اي لاتذكريني بالعرس اللي ماباقي عنه غير شهر احس انا وميود بنكون خبال لانه كبر بعض
الريم : على عكسي انا وهزاعوه هوه عود
مهره : ماعليج تراه خرييش
الريم : زين عشان نلعب انا وهو بلي ستيشن ويا بعض
فواغي : هههههه حلو شكلكم بيكون
الريم : يالله عقبالج عاد ماندري حق منو عندج ثلاثه طبي وتخيري
مهره : لاااااا تراها حق خلووووووودي
هند : هيه انا احساسي يقول انها لخلودي
الريم : فديته خلود يستاهل

يتبع ..

وبعدين دخلو سلامه تطلع من فتحه موجده في الارض في سيارة روز رايز وحذالها اخوها يدق هرنات ها الدائرة هي قطعه تنزل تحت وركبت السيارة وترد تركب فوق عند المعازيم وبعدين نزل عبدالله وفتح لها الباب ونزلت تمشي لين الكوشة سلامه ماكانت زايغه بالعكس كانت تمشي بثقة على قولتها ابا امشي اسير وارد وارقص وبعدين خلص العرس وكل حد سار بيته …
وطرشت مسج لسعيد
فواغي " بااك يالدنبل "
سعيد " ها العروس شو سويتي ؟ "
فواغي " اهه فديتني انخطبت "
سعيد " تهبين "
فواغي " كيفك لاتصدق "
سعيد" فوغووه انتي كم ولد عم عندج "
فواغي : ثلاث وكلهم كبر بعض "
سعيد " الله يزيد ويبارك الامل ضعيف فيج "
فواغي " خلها على اللله "
سعيد " اوكيك فويغ انا برقد وباجر طرشي مسج اوكيك "
فواغي : اوكيك باي "
وتمت فواغي على حالها ها ويا سعيد وبدن امتحانات الثانوية .. وغلقت موبايلها .. وهي متحرقصه ماترووم تغلقه ماترووم خلاص تعودت على المسجات تعودت على سعيد ومرن الامتحانات وطلعن النتايـج
كانت نسبته 91.1% يعني زينة ومن طلعت النتيجة على طووول زاعقت ونزلت تحت تبشر ابوها لكن ماحصلته ....
حصلت مرت ابوها ..
شيخه : هاا بشري
فواغي وشوي بتصيح : يبت 91.1 %
شيخة : زين مبروك بس ياخوفي يكون بالغش
فواغي طبتها وسارت فووق ماعرفت شوو تسوي خطرت على بالها امها امها اللي قامت تفكر فيها من عرفت سعيد ويالسه تقول في خاطرها " امايه سامحيني .. ادري انج لو كنتي عايشه جان مارضيتي بللي اسويه ادري اني يالسه اغلط لكن انا اتصرف بقلبي واشوفه صح لكن لو فكرت فيها بعقلي بكون على غلط واكبر غلط .. اماايه لو كنتي عايشه جان فرحتي لي كنت اتمنى وانا اطالع النتيجة تكونين وياييه تحضنيني من الفرحه .. مرت ابوي عمرها ماحسستني بدور الام بالعكس تتحسني بالكره .. وابووي ابوي لاهي بشغله ليتج بس ليتج تكونين ويااايه ياماايه والله امنية حياتي تكونين ويااايه "
سارت تدق لابوها ..
بو محمد : هلا فواغي بشري
فواغي بدت تصيح : ابووويه ..
بو محمد : لبيـــــه
فواغي :يبت 91.1 %
بو محمد دمعت عينه هاي فواغي بنت الغاليه والله وكبرت لو كنتي عايشه جان فرحتي ببنتج وافتخرتي بهااااا الله يرحمــج
بو محمد : مبروووووك والله وبيضتي ويهي اللحين تشرطي امري شو تبين بسوي لج اياه
فواغي : مابا غير انك تكون بخير واتم لي سند وعون
بو محمد : صدق فواغي هدية نجاحج اللي تبينه
فواغي : انته قلت
بو محمد : ادللي امري شو تبين بسوي لج اياه
فواغي : بسوق سيارة
بو محمد بضيج : لا لا شو سيارة اي شي غير سيارة
فواغي : عيل مابا شي ماكان في خاطري غير سيارة
بو محمد : المهم بنسير فواله نسوي حق نجاحج
فواغي : اوكي
ومهره تدق لها ….
مهره : مبروووووك
فواغي : الله يبارك فيج واخيرا افتكيت
مهره : شو ها النسبة الحلوه
فواغي : زينة المهم فوق التسعين
مهره : هيي والله
وخالد يسحب السماعه عنها
خالد : مبروووك فوغتي
فواغي : الله يبارك فيك
خالد : زين والله والعيال كبرت
فواغي : ههههههههه لا شوو بعدني صغيرة
خالد : عقبال مانشوفج عروس
فواغي : ههههههه ان شا الله
وطبعا بعدين يلست تستقبل التهاني والتبريكات من ربيعاتها و اهلها .. وعقب صلاة العصر كانت طايحة عل الشبرية من الفجر ناشه ,,
ويرن موبايلها وشافت
|؟؟ يتصل بك
فواغي تذكرت انه محد عندها ؟؟ الا الا سعـــــــيد
ماعرفت شو تسوي ترد ولا لا ..؟؟ وعقب ماخاس من كثر مايرن شلته
فواغي : ……
سعيد : الووو
فواغي : …..
سعيد : حوو فويغ ارمسي والله ماآكل
فواغي بصوت واطي : الووو
سعيد : عنبو تصاصرين عمرج ليش ماتردين
فواغي : لا استغربت
سعيد : استغربتي ولا تعجبتي
فواغي : هاهاي سخيف
سعيد : يالدفشة .. انا حاب لي وحده دفشة .. خلينا من ها كم يبتي
فواغي : 91.1
سعيد : اووووه اووووووه زين مبروك مبرووك
فواغي : الله يبارك فيك ..
سعيد : والله وخلصتو عيل
فواغي : شفت عاد
سعيد : لا ماشفت سمعت
فواغي : سخيف
سعيد : لاحووووووول عرفنا
فواغي : هههههه الله يخسك طيحت قلبي في ريلي
سعيد : انتي خريطه
فواغي : ليش ؟
سعيد : يله عاد وين طاح في ريلج
فواغي : ههههههههه وياهاالويه
سعيد : ثرج الا دفشة
فواغي :هي من زمان
ويلست ترمسه عادي عندها .. ويوم اذن المغرب بندت عنه
فواغي " ايييييه انا شو سويت خنت ثقة ابويه فيني عاطني كل شي وانا ,,,,,, اففففففف ياربية احبه لكن مابا اخون ثقة ابوية شو اسووي ؟ وقطع عليها حبل افكارها ابوها
بو محمد : هلا والله بالغالية
فواغي : اهلين اخيرا افتكرت فيني وانا اخر اهتماماتك
بو محمد : اعذرريني الشغل سارقني عن الكل حتى عن عمري
فواغي : حد قالك تبلش عمرك بها الشغل
بو محمد : هال مب عشانج انتي واخوج
فواغي : حموووود
بو محمد : ليش فيه غيره
فواغي : لا
بو محمد : ان شا الله بنسوي لج حفله
فواغي بفرح : والله
بو محمد : هيه .. وشيخة هي بترتب كل شي
فواغي " ياخوفي تحط لنا شي في الاكل دامها هي اللي ببتعبل " : هي زين والله
بو محمد : خلاص عيل بخليج اللحين بسير اطيح شوي تعبان من الشغل كسرني
فواغي : خلاص عيل سير ارتاح
وظهر عنها بو محمد وسار يرتاح اما هي بعدها مستغربة من عمرها كيف رمست سعيد ماتتوقع انه ا في يوم من الايام بتكون شرات البنات اللي يرمسون اولاد وهي كانت ناقدتهم من قمة راسهم لين قاعة ريولهم
" لا ماتوقع "
-------------
عقب يومين سوو الحلفة .. فواغي كانت لابسه تنورة وقميص التنورة بيضا فيها من تحت شج وشوي حفله والبدي اسود يه حركات بركات والباقيات كل وحده اونه متعدله وكاشخه .. والكل مستغرب من شيخة اللي كانت متعبلة من الحفلة .. وكانو شاكين في شي …. وشيخة عزمت ربيعاتها واهلها وكانت في وحدة كبر فواغي وتطالعها بنظرات غريبة محد يفهمها ..
بدور : شيخة هاذي فواغي
شيخة : هيه هاذي فواغي ..ليش تسالين؟
بدور : ماشي سلامتج
بدور تستوي اخت شيخه لكن في عمرها ماشافت فواغي لانه محد من اهل شيخة يطب بيتهم .. ولافواغي تروح لهم .. وكانت فواغي مستانسه واايد .. وبعدين سارو ييلسون على الطاوله .. كل البنات ويتهم بدور
بدور : ممكن ايلس وياكم
كلهم بقروو من هاي محد يعرفها هم لاحظوها تطالع فواغي .. لكن ماعرفوها من .
فواغي بابتسامه تذوب الواحد : تفضلي حياج
يلست بدور حذال مهره ..
بدور : شحالكن بنات ( كانت رمستها شوي مال الدلوعات )
كلهن : بخير الحمدلله
فواغي : ماعرفتينا عليج الشيخة ؟
بدور : أنا اخت شيخة مرت ابوج
فواغي : هيي حياج
وشوي شوي اندمجت وياهم في السوالف وبعدين قامو يروحون ..
بدور سارت عند فواغي
بدور : فواغي ممكن رقمج اعتبريني شرات ربيعتج رغم انه انتي وشيخة ماتدانون بعض
فواغي : تفضلي *******
بدور : مشكورة ( وباستها على خدها وسارت )
فواغي استغربت منها ..
بدور : وحده بيضا على سمار يعني اوكي .. شعرها لين احر ظهرها فيهتا حبة خال على خدها اليمين وعيونها كبار وحلوات
ويت مهره صوب فواغي
مهره : هااا انا شفت شي غلط
فواغي : هههههههه تفكيرج شوي يباله تنظيف
مهره : لاصدق انا ارمس جد تراني اغار بخبر خلودي بقوله يبوسونج
فواغي : ههههههههه يالله عاد اللي باستني بنت
مهره :ادري حتى لوو الصراحه انا اشك فيها شكلها موول مايطمن وراها شي
فواغي : لا ماعليج شكلها حبوبه
مهره : انتي كل الناس عندج حبوبين
ويتهم اليازية …..
اليازية : لانها حبوية
مهره : مشكلة رزة الفيس
اليازية : افااااا انا رزة فيس
مهره : لا فديتج( وباستها على خدها .. ويلتست طالع فواغي بنص عين واليازية مب عارفه شو السالفه)
اليازية : شو ها الحركة اول مرة مهاري تسويها
فواغي : لا سلمج الله بس تقهرني لكني مانقهر
مهره : ههههههههههه بس اسوي حركات بركات
ويوم استوت الساعه 11 روحو هل العين وكان في خاطر خالد انه يشوفها لكن ماله نصيب ..
وبعدين روحو قوم اليازية
اليازية : حدري فليل النت
فواغي : ان شا الله
ووصلتها لين الباب لانها كانت اخر وحده تظهر وكان حمدان عطشان وقالت له امه يسير يشرب ماي داخل اليازية سارت وردت فواغي وحمدان دش يبا الماي شاف فواغي
حمدان بدا يطبق اللي في باله انه مايعبرها
حمدان : فواغي
فواغي صدت ويوم شافته شاقته بنظرة : نعم
حمدان : والله مابا شي منج ابا ماي سيري هاتيلي
فواغي استغربت من طريقته اول مرة حمدان جي يسوي لها .. مايعبرها فواغي " وانا شو اسوي له " ويابت له ماي حتى ماشافها سحبه بسرعه وظهر تمت وافقه في نص الحوي تبا تتأكد انه اللي كان موجود هني من دقايق حمدان ولا لا حمدان عمرها ماتوقعته انه بيتغير عليها ابدا .. وفعلا حمدان نجح كان يخاف انه يضعف يوم يشوفها لكنه رام ودام هاي او ل مرة جي فقلبه يبشره بثاني مره وبعدين تستوي فواغي حب عابر في حياته و وعقب بمايعرسون المفاليع اللي يترايهم هو على طول بيعرس .. واذا خذ وحده غير فواغي فهو بيثبت لعمره انه خلاص فوااغي مااضي حياتي ……………

يتبع...

مرن الايام وعرسو قوم هزاع والريم كان عرس اوكي مافيه هاك الكشخه لكنه زين والناس عيبها لانه هادي واااايد وعرس مايد &هند
ماطول من عقب ماخلصو هاييل على طول سووه .. وقوم هزاع سافرو المانيا طلب الريم
وقوم مايد سافرو وياهم والخبال هناك محد فيهم عاقل كلهم يهال ومتيمعين

وفواغي قامت كل يوم ترمس سعيد ويوم عن يوم يزيد حبها له .. ونفس الحال عن سعيد ومستحيل يقص عليها لانها تقرب له .. ودشت جامعة زايد وتعرفت على بنات وايد وحبت الجامعه صدق حياه غير وعرفت عنه وايد حتى عرفت انه سعيد كان يحب عفرا اللي شافتها وفي يوم من الايام
فواغي : سعيد انته قبل كنت تحب حد ؟
سعيد : مابقص عليج هي اخت ((......)) ماتعرفينها
فواغي : عفرا
سعيد : خييييييييييييييييييبه
فواغي : صح
سعيد : هيه شدراج
فواغي : ادري شايفتنها في عرس بنت عمي
سعيد : اهااا
فواغي : شو استوا
سعيد يتنهد : ااااااااه .. مخطوبة
فواغي : شدراك
سعيد : مره كان في العزبة كلنا يالسين على الضو وسمعت امها وامايه يرمسون يقولون انه محيرين عفاري حق ولد عمها ..
فواغي : انزين يمكن بس رمسه
سعيد : شو رمسه سمعتهم يقولون جدامي يعني جذب ابوها كان يقول لي انها حقي وامها تقول غير
فواغي : .............
سعيد حس بانها تضايجت ..
سعيد : اممممم خلاص طبي السالفه ماحب اتذكرها
هاذي سالفتهم ..

خالد كل يوم يزيد حبه لفواغي لكن فواغي تعرف انه يحبها وعمرها ماتروم تبادله نفس الشعور لانه تعتبره شرات اخوها

حمدان بدا ينسى فواغي ويكابر عن حبها .. وكل مايضعف قلبه يتذكر انه هي تكرهه وتتمنى بفراقه وهوه يتمنى بلقياها فيحس بالمذلة ويدوس على قلبه ويتريا بس متى يعرس

موزة حامل وبطنها منتفخ شرات الدرام وطبعا تعليقات هند ومهره مب مخلينها في حاله وخاصه تغصص من كلمة " الطرمبه " تنقهر منها وحميد ينزاعهن لكنهن مايتوبن

سلامه ردت من شهر العسل ومطلعه حق ريلها قروون ماكان يتوقعها خرشة واايد زيادة عن اللزوووم

وبدوور استوت ربيعة ةفواغي واايد لدرجة فواغي قالت لها عن سعيد .. وبدور ربيعتها عفراء اللي فواغي شافتها في العرس ..

-----------
وفي يوم ثاني يوم من ايام العيد .. ساروو الذيد وفواغي فرحانه حييييل لانها بتشوف سعيد.
ومهره نفس الحاله اونه عاد مخطوبة وبتشوف خطيبها"خليفـــــــــــــــــه"
اليازية : طالعو كيف ويه مهرووه
هند: هههههه يحق لها بتشوف هير هاسبند
فواغي : ههههههههه خلوها حيليها تعبر عن شعورها
سلامه بدفاشتها : خخخخخخ امحق شعور
مهره: شعور يلوع بالجبد شرات ويهج
سلامه : بايخه....... نفسج
هند : حطي لها ملح
موزة وهي شاله ولدها اللي يسوي حركات بويهه : بسكن انتن والله انكن يهال
سلامه : تراني بعدني صغسرة محد يقول لي شي
ويدشون الشباب يسلمون..
ودش وياهم خليفة
مهره ةهي بين البنات
مهره : ايييييييييه طالعو منو اللي حدر ....
فواغي : شوي شوي اخاف يستوي بج شي
مههر : وهي طالعه
سلامه : ارحمي عيوونج حوووبي
هند :خخخخخخخ ياويل حالي عليها اماايه تعالي خلوها تعرس وتفكنا وتريحونها
خليفه كان يسمع رمسة هند ..وفي خاطره " هههههههه خس الله مهرووه فضيحه هاااي بس بعدني احبها "
ويلسوو شوي داخل وبعدين ظهرووو ..
وفواغي مجابله موبايلها
سعيد " فويغ انتي وين يالسه "
فواغي " انا مجابلة باب الصاله "
سعيد " انا بيي بتعلث باي شي وبشوفج اوكي لا تتحركين "
فواغي " اوكي بس بسرعة "
وسار سعيد اونه يدور خليفه مع انه يعرف انه خليفه في الميلس ..
ويوم شاف داخل انصدــــــــــــدم ..
وفواغي اتصدمــــــــــــت
فواغي في خاطرهاهذاااا اللي شفته قبل "
سعيد في خاطره " فديت فويغ هاذيك هيه زين والله صدقه حلووه " وطرش لها مسج
سعيد " فوويغ أحبج "
فواغي تطالع برع وتبتسم .. وتقول في خاطرها " أحبه "
وعلقت موبايلها وتراويه انها تغلقه عشان ينقهر .. وهو شكله محرج ونشت عن الكرسي اللي مجابل الباب وسار ت داخل الحجرة
ويوم أذن العصر ..
كانو البنات يمشون في الفريج كالعادة لكن اللحين سعيد يعرف منو فواغي واي وحده وركب سيارته وتم يطالعهم من داخل السيارة وفواغي تطالعه وهي متكشخه ها اليوم لانها بتشوف سعيد وتعرف انه يطالعها ..
لايق عليك الحسن والزين
متميز بالوصف فتان
تذبحني النظرة من العين
وأموت انا في بحر الاعيان
وهم يمشون خطفو حذال سيارته وهوه داخل متخبل وهو يطالعها ودها تضحك عليه لكنها ماتروم ويوم اتقربت من سيارته عن قصد اتغشت
مرفوق مابك زلة الشين
حشا ولا بك أي نقصان
أسمك وحرفك دايم يزين
سيد العذارى ريم الاوطان
ويوم خطفو شوي عن السيارة بطلت الغشوه وكانت تمشي من بينهم وطبعا فواغي مشيتها فيها كبرياء وغرور مشية ملوك وسعيد متخبل يحبها ويتمناها تكون من نصيبه ...... وكلهم مايعرفون سعيد ليش متخبل جي كلهم يعرفونه ويشوفونه مطول على المسجل وحالته حاله وهو يطالع فواغي وهي تمشي
................................
مالك شبه سيد المزايين
الغر لي بك عود رويان
شفت البدر من نورك يبين
شفت الذهب في خدك الوان
.............................
وفواغي وهي تمشي تتفداه في خاطرها وفرحاااااانه موووت .. وسعيد أكثر وده يصرخ ويقول " احبج فواغي " وكانهم روحين في جسم واحد وها الاغنيه كانت تنا سبهم
منك الغلا بد الملايين
في خاطري ياعز انسان
روحي وروحك صدق روحين
في جسم واحد طول الازمان
---------
وعقب شهووووووور

وفي المبني n بدور وفواغي يالسات على النت وتشوف رقم سعيد
فواغي : بدووره طالعي دق دق
بدوور :ههههههه عن الخباال شوي شوي
وشلته فواغي ..
وكان في صوته نبرة حزن
سعيد بضيج : الووو
فواغي : الوو هلا والله
سعيد : فواغي شحالج ؟
فواغي : الحمدلله وانته شحالك ؟
سعيد : زفت والحمدلله
وعقب شهووووووور

وفي المبني n بدور وفواغي يالسات على النت وتشوف رقم سعيد
فواغي : بدووره طالعي دق دق
بدوور :ههههههه عن الخباال شوي شوي
وشلته فواغي ..
وكان في صوته نبرة حزن
سعيد بضيج : الووو
فواغي : الوو هلا والله
سعيد : فواغي شحالج ؟
فواغي : الحمدلله وانته شحالك ؟
سعيد : زفت والحمدلله
فواغي : افااااا بلاك سعيد
سعيد خنقته العبره : فواغي خطبت بنت عمي
فواغي دمعت عينها لا ماصدق هذا اللي حبيته بيروح مني
سعيد يحبها من خاطره مب بس يحبها يموت فيها لكن ابوه .. ابوه اللي عصب وحلف اذا ماخذ بنت عمه بيتبرى منه ..
سعيد نزلت دمعه على خده : فواغي والله احبج واتنماج لي لكن الظروف .. ( وسكت ونزلن دموع بدال الدمعه الوحده )
فواغي ساكته مارمست .. يعني خلااص خلاص انسى سعيد
بدور لاحظت فواغي ..
بدور : فواغي بلاج ؟؟؟؟؟؟
فواغي مانطقت بندت عن سعيد ودموعها يطيحن لكنها ماتطلع صوت ماحظرت ولامحاظره لين ماخلص الدوام .. حتى كلمه ماطاعت ترمس تمشي كانها ميته ( ميته لكنها بصورة انسان حي )
وروحت البيت وعيونها حمر من كثر ماصاحت شافتها شيخه مرت ابوها ويوم رمستها شيخه فواغي طبتها وسارت فوق ..
يسلت تصيح وتصيح ,,
فواغي " لا مستحيل .. سعيد اللي حبيته من خاطريا يروح مني ..لا ليش حرام انا خنت ثقة ابويه فيني عشانه ورمسته وحبيته من خاطريا والله حراام ليييييييش ..؟ ويلست على الارض ضمت ريلها ويلست في زاوية تبكي على الاطلال .. لين ما النوم غلبها ورقدت على الارض كانت حالتها ماتسر حتى القاسي اللي قلبه حجر بيلين من شكلها كانها جسم بلا روح ..
على أذان العشاء .. نشت فواغي تحس براسها يعورها من كثر ماصاحت وتحس بالدموع على خدها سارت الحمام غسلت ويها وبدلت ثيابها توضأت وسارت تصلي .. حتي في لصلاه تصيح وراسها شوي وبينفجرعليها عقب الصلاه طاحت على السيادة تفكر شو بتسوي الانسان اللي حبته وعشقته خلاص راح ويا امها اللي راحت ااااااه يادنيا ماترحمين حد حتى اليتيم المفروض انج تخففين عليه تزيدينه هم فوق هم .. ودموعها كل مايها تزيد وتزيد كل ماتذكر سعيد تذكر رمسته تتذكر اول ماقالها أحبج في المسن كيف ومن بعدها ماحدر .. كانت ماتعرف أي شي عن الحب .. وتحس بانه ماعاد للحب مكان في دنياها الحب كان ويا سعيد وسعيد رااااااااح خلاااص وهي تقول في خاطرها
"خلك بقايا ساكنه ماضياتي "
وهي ماتغدت ولا تعشت من الصبح وكانت ميته من اليوع لكن وين بتاكل وهي متضايجه ونفسها مسدووده عن الاكل تحس بانها تكره كل حد حتى ابوها .. وتقول انه في دنياها انتهى الحب ماعاد حب خلااص الحب رااح ماتروم تحب أي حد بعد ماتروم تعطي من حب ... نشت عن السياده وراسها يعورها .. وتحس بدوخه تناولت شنطتها ويوم فتحتها يت عينها ع الموبايل وفتحت موبايلها اللي كانت غالقتنه من يوم رمست سعيد وحصلت 12 مسج اربعه من سعيد ومن بدور ثمانيه
سعيد " فواغي اسمحي لي والله اني أحبج والله أحبج وكنت اتنماج لي انا وبس انتي لي وانا لج لكن ربج ماقدر واتمنى أنج ماتنسين سعيد .."
سعيد " فواغي احبج دخييلج ردي علي عيزت واتا ادق .. الظروف اقوى مني ودي بس مرة مرة وحده ارمسج "
وكل ماتقرا مسج تصيح اكثر وعيونها حمر وتحس بانها زجمت
"لا تذكرني بحبك يا غناتي.... و لا تذكرني بماضيك الجميل
في صدا ذكراك بجزر حياتي... مستحيل احب غيرك مستحيل
أنت عمري و أنت أغلى ذكرياتي... و أنت في قلبي ولا غيرك خليل
أنت عيني اللي بها شفت البهاتي و أنت لي في مقلة عيوني نزيل
لو تقضى عمرنا الوردي و فاتي و انقضى وانزاح شرواح المليل
تصبح الأطلال في فكري و ذاتي والضمير تعيش لا يمكن تحيل"
وتصيح أكثر حتى صوتها كان ينسمع ..
" احبج حب لو يرمى بصحرا.. غدت بنيان و بحور ومواني.. احبج حب لو يرمى بغابه نزل بوحوشها عطف و حناني.. احبج حب ما يخطر في بالج.. و يعجز عن تواصيفه لساني... احبج حب طول العمر كله.. فداج العمر دام العمر فاني... "
وتقول في خاطرها ..
" اااااااه ياسعيد ها كلام بس لكن وين الفعل وين ماتخيلك لوحده غيري ماتخيلك دخيلكم الموت ارحم لي ,,,,
ويوم طالعت مسجات بدور كله تسالها شو بلاها لانها كانت تحاتيها ووكان من بينهن مسج صوتي كانت شلة بصوت سعيد
ماهو بسهل الفواد ينساك
ماهو بسهل الفراق ياخل
والله أحبك حب وأهواك
حبك غزى لفواد واحتل
ماتخيل الدنيا بلياك
انت الغلا والكل بالكل
ليت اذوق النوم شرواك
اسهر ودمع العين منهل
ماتدري ان الحب هلاك
وادعي صحيح الحال معتل
تبغي اتعذب بمثلاك
ولا اغادر عنك وارحال
راضي اعيش العمر وياك
هذا سوالي وارقب الحل
وتقول في خاطرها " هذا سوالك ياسعيد ..... انته ماتروم تسال ها السوال اصلا لانه بتعيش عمرك ويا بنت عمك هب وياايه "
وتمت تصيح بصوت اعلى وتتذكر كل كلمه كل شي من اول شي لين لحظة الفــــــــــراق ..
ويدق سعيد واستانس يوم حصل موبايلها مفتوح ماصدق ودمعت عينه ..
فواغي في خاطرها " اخر مرة بطلع اللي في خاطريا وبسمع اللي عندك وبننهي علاقتنا وحبنا العذري "
وشلته ..
سعيد مات من الفرحه
سعيد وفي صوته صوت الحزن ودموعه تطيح ..( سعيد يصيح لانه يحبها صدق من خاطره ومب هاين عليه يخيلها.. غريبة شاب يصيح )
سعيد : فواغي
فواغي وهي ميته من كثر الصياح : عيونها
سعيد : والله اني طول ها السنتين احبج واتمناج لي لكن ابوية ابوية هو السبب هو اللي فرقنا ..( ويصيح ) فواغي أحبج
فواغي : خلاص انسى فواغي وانا بغير رقمي على الاقل ارتاح وترتاح ..
وصوتها خلاص راح من كثر ماتصيح وتحس براسها يدوور وبدووخه
وتكمل : سعيد ماعندي غير كلمه وحده أحبك
وبندت عنه وغلقت موبايلها .. وتمت تصيح شراات اليهال والالم في راسها كل ماله ويزيد ونشت بخطوات ثجيله ومتسانده على اليدار من كثر مب مدوخه وغسلت ويهاا ويعونها حمررررر من الخاطر وشكلها كان مصفر وذابل وردت تطيح علىالشبرية ويلست تصيح اكثر لين مارقدت .....
اما في مكان ثاني كان منعزل ويالس على عرقوب فليل ومتساند على السيارة ويطالع مسجاتها ودموعه ماوقفت من سمع صوتها وهو يتذكرها .. ومايعرف كيف يحب بنت عمه لانه الحب كله وياها قلبه عقله وروحه كله عند فواغي وفواغي اللي كانت تعبانه من الخاطر ويوم استوى نص الليل رد بيتهم ومب قادر يركز في أي شي كان تعبان من الخاطر وماكان يبا يببين لحد انه متضايج او شي ..
اليوم الثاني الصبح ....
كانتي تدق الباب على فواغي ..
كانتي : فواقي انتي سوي قوم منشان انتي لازيم يروه سكول مال انتي
ويت شيخه وتطالع الساعه كانت ثمان وفواغي للحين مانشت
شيخه : نشت ها البطرانه
كانتي : لا انا يسوي قوم بس ايهي مايقوم
شيخه : خلها تولي طبيها ها البطرانه من امس وهي جي نفاد ينفدها ان شا الله
فواغي كانت تسمع كانتي وشيخه لكنها كانت ماتروم تتحرك صداع فضيع في راسها وتحس بعمرها ماتروم تتحرك من امس ماكلت شي وهي ميته من اليوع حتى راسها ماتروم تحركه والحزن في عيونها ولين حزة الغدا بو محمد استغرب من حال بنته للحين مانشت مب من عوايدها وامس ماتعشت بلاها

وسار لها بو محمد يدق الباب لكنها ماترد ,,
استغرب ويلس يدق ويدق قال يمكن راقده وعقب ساعه رد يدق لكنها ماتفتح واستغرب ورد يدق باقوى واقوى وبعد ماترد
فواغي داخل تسمع لكنها ماتروم تركز تحس انها مختنقه راسها يعورها صداع ويوعانه ميته من اليوع تحس انها تبا تتنفس
تبا اوكسجين ..واغمى عليها ..
وبومحمد خاف عليها وااايد اول مرة جي
واظطر انه يكسر الباب وكسره حصلها متكوره وماترد وويها اصفر اللي يطالعها يقول ميته واطرافها بااردة دمعت عينه قال بنتي راحت مني شرات امها
بو محمد وهو يزاعق : شيخــــــــــــــــــــــــــــــــــه تعالي بسرعه
شيخه زاغت يت تركض
بو محمد : لبسيها عباتها بنودياها المستشفى بسرعه
شيخه زاغت اول مرة يتسوي بها جي كان ويها اصفر مافيه دم واطرافها بااردة واول مرة تحن عليها لبستها عباه وشيله ووداها بو محمد بسرعه المستشفى دخلوها على طول
الدكتور : انته ابوها
بو محمد : هي نعم طمنا دكتور
الدكتور : أصل البنت عندها هبوط حاد لانها مابتاكلش وكمان عندها ضيق تنفس وكمان فيها حمى ودرجة حرارتها اربعين فلازم تبأ عندنا هنا في المستشفى لحد ماتأوم بالسلامه
بو محمد هدى شوي لكن مايعرف شو السبب اللي خلاها تستوي جي الو مرة جي يستوي بها
ودش بو محمد عليها كانت راقده وحاطين لها مغذي وشكلها ذابل و مصفر من الخاطر ويوم حط ايده على راسها حس بالحرارة وشيخه وياه وتطالع ريلها وهو يطالع بنته وحنت لها لانه شكلها موول مايسر لا عدو ولاصديق ..
وانتشر الخبر انه فواغي في المستشفى اول وحده بدور نقزت ويوم دشت باست فواغي وهي تصيح
وتصد على شيخه ..
بدور : حرام عليكم شو بلاها شو استوا بها كله ولا فوغوه
شيخه بحنان : بتقوم ان شا الله باالسلامه الا ماتعرفين شو ياها مره وحده
بدور وهي تصيح : لا
بدور وفي خاطرها " كيف ماعرف كيييييف .. الا اراويه بييب الرقم من عند عفاري مالي غيرها فواغي مابتطيع تعطيني رقمه انا براويك اباك تحس شوي على دمك شو سويت بها تحبك ياللي ماتستاهل حبها ."
وتدش اليازيه وياها امها وابوها ويلسو شوية ووتنش فواغي وهي ماتعرف وين وفتحت عيونها تطالع الواير اللي في ايدها تذكرت شو استوى البارحه وصاحت كلهم استغربو مارمست ويلست تيصح من خاطرها حضنتها بدور وبومحمد يباها ترمس لكنها ماطاعت .. وظهرتهم برع بدور كلهم ( جنه المكان حقها .. لكن هذا طلب فواغي )
فواغي : بدووره احبه
بدور : خلاص خليه يولي صدقيني مايستاهل دمعه من دموعج النذل
فواغي : لا هب نذل حرام عليج
بدور : خلاااااص انتي هدي بس
ويا حمدان على طول وهو مرتبك ..
حمدان وهو خايف عليها : بلاها فواغي ؟
اليازية : مافيها الا الخير اللحين زينة
حمدان : عيل ليش كلكم برع ؟
اليازية : بس تبا اخت شيخه اتم وياها نشت تصيح من الخاطر
حمدان " اكيد فيها شي ماتبون تخبروني
ام حمدان : مافيها شي انته هد شوي
وطلعت بدور ..
بو محمد : ها بلاها
بدور : ماطاعت ترمس لكن اللحين احسن سكتت
حمدان على طول حدر عندها وماكان عليها شيله وناولها شيلتها اللي كانت على الكرسي وفواغي مستحيه كيف يدش جي .. وقلبه عوره شكلها كان موول تعبان
حمدان : الحمدلله ع السلامه
فواغي ع طول ردت تصيح من شافت حمدان تذكرت مواجعها الجديمه
حمدان : لاحووووول انا ياي اطمن عليج مب ياي اشوفج اصيحين
فواغي : .........
حمدان : ارمسي
فواغي في خاطرها " ياحمدا ن تعرف اني اكرهك ومابا اشوفك كل ما اشوفك اتذكر انك انته سبب كل الامي احس انك انته السبب الي خليتني احدر النت واحب سعيد اكرهك حمدان اكرهك "( حليله ماله خص ترد عليه هي بروحها دشت وسوت .. لكن نحن جي اللي نكرهه نخليه هوه سبب أحزانا )
حمدان :فواغي دخيلج ارمسي عشان خاطري
فواغي : اكرهـــك
حمدان عصب مب كل مرة تستحليها السالفه تقول اكرهك واكرهك ..
حمدان بعصبيه : انتي مب كل مرة اسمعج تقولين ها الكلمه انتي حد قالج انج من قبل ماصخه ها.. والله العظيم الحق مب عليج الحق عليه انا الي فازعلج من الدوام وانتي تسمعيني اكرهك يعني اناا اللي احبج ياعمي روحي دامج تفكرين جي فانا بعد أكرهــج ..
وطلع وهو معصب وكلهم في الممر .. وعلى طول ركب السيارة
فواغي للي كانت تعرفه انه حمدان يحبها مب بس يحبها الا يمووووووووووووت فيها يمووووووت ..... وتحول الحب الي كره الله يا الدنيا مرة وحده كله الا حزان بالجمله .. وترد تصيح ماتتخيل حد يقولها جي وزاد كرهها لحمدان وحتى قالت لهم اذا حمدان يا مايخلونه يدخل .. وحمدان في السيارة والله تهبي اييها مره ثانيه
((سو اللي براسك ولا تذكر اسباب
لاصرت بايعني توكل على الله
مابيني وبينك مشاريه وعتاب
شف الدرب اللي جيت منه تدله
ماراح تغلبني لو الحب غلاب
من حضرتك عشان قلبي تذله ؟!))
هاي كلمات من شعر حمدان طرشها كمسج لفواغي على موبايلها وحالة فواغي بعدها ماتحسنت بالعكس زادت من حمدان .. ويوم فتحت الموبايل وشافت المسج بعد زادت ..
وكلهم عندها لكنها ساكته ماترمس تحس بدوره وصداع وطلعت بدور ودقت لعفرا وشلت الرقم
رن موبايل سعيد فتره وبعدين شله
سعيد : الوو
بدور : هلا ها موبايل سعيد
سعيد : هي نعم
بدور : ممممم انته تعرف شو سويت
سعيد مستغرب : شو سويت ؟؟؟؟؟؟؟؟؟؟
بدور : فـــواغـــي
سعيد : بلااااااهاااااااااااا؟
يدور : تعبانه وايد ومرقده في المستشفى
سعيد : احلفي
بدور :شو يعني انا جذاابه
سعيد : أي مستشفى
بدور : ليش ناوي تي ان شا الله
سعيد : عادي بعرف وين هب لازم تقولين ويلا باي
وبند في ويهاا ماعطاها مجال انها ترمس
بدور في خاطرها " ياخوفي يي شو بتسوي فوغوه ماصدقنا تسكت شوي "
وبعدين يو هل بوظبي وهل العين عبدالله شاف بدور وعيبته وخالد كان متخبل يبا يشوفها ومن شافاها قلبه عوره عليها ماترمس بس صاده عنهم الصوب الثاني وتصيح بدون صوت ويوم يسلمون عليها ماتتحرك خالد ماتحمل يشوفها جي بو محمد زايغ عل بنته لكن مخلنها على راحتها لين ماتهدى وكلهم يالسين يسولفون نشت فواغي
فواغي :ابوية
بو محمد : عيونه
فواغي : مابا الموبايل
بو محمد استغرب ليش وشك في الموضوع : ليش ؟
فواغي : في واحد يتصل ويضايقني
بو محمد : خليني انا بادبه
فواغي : لا بظهر رقم يديد
بو محمد : على راحتج
خالد تضايق يوم سمع انه في واحد يتصل لكن فرح يوم قالت ماتبا رقمها ,,
وعبدالله معجب في بدور ويطالعها وغير فكرة انه امه تختار له عروس شكله قلبه اختار عروسته ...
وفليل شيخه روحت البيت وقالت بدور بتم عندها وروحو هل العين وهل بوظبي وبيردون..اليوم الثاني الصبح فواغي نشت وتطالع موبايلها وفتحته ويلست تطالع المسجات وطلعت بدور من الحمام وحطت ايدها على جتف فواغي وسحبت عنها الموبايل
بدور : الخطوة الاولى لاتقرين مسجاته وهدي ها الموبايل وبتظهرين رقم ثاني
نزلت فواغي راسها ..
كانت الساعه تسع .. بدور يالسه ترتب اغراضها وفواغي شكلها تعبان وسرحانه
وحد يدق الباب
..........: ممكن ادخل
بدور : لحظة شوي
فواغي وبدور تحجبو لانه سمعو صوت رجالي وفواغي كانت يالسه على الكرسي تغير جو الشبريه وسرحانه وشكلها تعبان موووول وبدور كانت ع الشبرية ودش الريال
بدور ماعرفته منو
بدور : العفو اخويه انته غلطان
كان شكله منصدم من حالة فواغي ..
وكانت وياه باقة ورد تجدم وعطاها فواغي .. فواغي انتبهت ودمعت عيونها
منو تتوقعون يكون ؟
.
.
.
هي سعيــــــــد
بدور : فواغي منو هذا ؟
فواغي تصيح بصوت اعلى .. سعيد دمع وقلبه عوره
بدور عرفت : انته ماتستحي داخل علينا نحن هني بنات وانته شدراك ؟
سعيد : اسمحي لي اختي صح حركة هب حلوه لكن قلبي يعورني احبها
((ادل مكانك دون وصف ولا عنوان .. كيف اضيع سكته وسط قلبي))


بدور : خلاص انساها تعرف شو يعني واطلع تييب لنا الشبهات ما ويانا ريال لو حد ايي ويطب علينا شو بيسوي
سعيد : انا سالت منو وياها قالو لي واطمني محد بيي لانه اللحين ممنوع الزيارات
بدور : عيل انته كيف دخلت ؟
سعيد : ربيعي سسوا لي واسطه يشتغل هني
بدور : خلصنا شو تبا
سعيد يتنهد : اطمن عليها
بدور : اطمنت
سعيد : هيه
بدور وهي تأشر ع الباب : تفضل
سعيد طالعها وهي تصيح وشكلها اللي يعور القلب .. فواغي الحلوه كيف استوت من المرض ودشت النيرس وحطت لها اوكسجين ومال حراره وبدور التهت ويا النيرس وهو يطالع وفواغي تصيح بدون صوت
فواغي في خاطرها " متعني لين هني ليش عشان تزيدني تراني هب ناقصه ..هو ويايه موجود في نفس الغرفه قريب مني ( وتطالعه ويطالعها وفي عيونها نظرات عتب ولوم وفي عيونه الحزن مبين .. بدور لازم تخليه يطلع لو تم بتتعلق فيه اكثر فواغي )
طلع سعيد ويحس انه مب رايم يتنفس بطل عقم الكندورة ويتساند ع اليدار انطبعت صورتها وهي تصيح ..
خلاص ياسعيد انساها كم بيلس اعذب عمري بطيفها وعرسي عقب شهرين
هاييل من العشاق اللي فرقتهم الاقدار ........
** عقب شهرين **
فواغي تغيرت ماعادت بفواغي الاوليه .. سعيد مستحيل تنساه وتصبح وتمسي على ذكراه لكنها نسته شوي .. لكن للابد مستحيل .. وفي نفس اليوم كان عرسه وفواغي لزمت انها تسير لكن بدور ومهره واليازيه اللي عرفو بالسالفه مابغوها تسير لانها بتتعب اكثر .. لكنها اصرت وفواغي عنيده وسارت ..كانت متغيرة وايد عقب الطيحه اللي طاحتها الا انها احلوت اكثر وخاصه ف العرس كانت ولا احلى ..
ودش سعيد ووصله خبر انها مووجوده وسعيد كان كل مايحاول
ينساها مايروم حتى كانت ساعات ايام الملجه يزقر مرته باسمها " فوااغي " مرته تعرف انه كان يحب فواغي لكنها ساكته وصابره وماتقول شي حليلها ودش ويتخيل فواغي بدالها جان كانت حياته ولا احلى لكن القدر ..
فواغي كانت متحمله كانت تتخيل مكانها بدال العروس وكان سعيد هو ريلها باسها سعيد .. وخلاص المعازيم قامو يروحون اما فواغي اصرت انها تسير تسلم حتى لو .. من شافها كانوحاطين في الدي جي أغنية العامري اللي كان حاطنها يوم في السيارة يوم شافها
لايق عليــك الحسن والزين .......
وهو كان حافظنها وهي يايه كان يغني وياهم حتى حرمته سمعته ونزلت راسه لانها تعرف فواغي ومنو المقصود
فواغي كانت ايه من الجمل سلمت على حرمته وهي تسلم عليها طاحت دمعتها وحست بها حرمة سعيد وسعيد يطالعها
((وكان على المقطع
منك الغلا بد الملايين
في خاطري ياعز انسان
روحي وروحك صدق روحين
في جسم واحد طول الازمان))
وكان يغني وياهم وفواغي صدت عليه يوم يقول " في جسم واحد طول الازمان "
نزلن دموع فواغي جدامه بدون ماتحس بهن ( حتى مافكرت في حرمته ) وعلى طول تغشت وسارت حرمته قلبها عورها كيف بتعيش وياه حتى وهي يالسه حذاله يسوي جي اكيد يحبها وفي خاطرها " الله يقدرني انسيه فواغي "
اليازية وبدور ومهره قلبهم عورهم وفواغي كانت تشاهق ويوم وصلت عند الباب صدت وطالعته كان يطالعها وعيونه كانت بتطلع برع وياها من كثر مايطالعها ويوم اختفت عن عيونه نزل راسه وتذكر كل شي كان بينه وبينها يوم يشوفها في المستشفى ..اول ماحبها.. يوم شافها في الذيد.. يوم طلعت نسبتها .. اول مارمسها في التيلفون ..
فواغي طول الدرب تصيح وكان خالد اللي يايبنهم والحريم اونه متعايزين مايرومن اين والبنات اونه بدالهم ..
خالد يسمعها تصيح شك في الموضوع انها تحب سعيد لكنه سكت وماحب يتاكد عشان مايتضايج .. خله يعيش باوهام بدون مايعرف لكن بعد ماتهون اتم جي تصيح ..
ها اليوم اللي لازم سعيد يطلع من حياة فواغي نهايئا .. ووفواغي تطلع من حياة سعيد لانه سعيد خلااص عمره ماراح يكون لها ولا فواغي بتكون له ....
فواغي من عقب حب سعيد حلفت ماتحب واحد ثاني .. وكملت حياتها وهي تكره شي اسمه "حــب " ..
وخالد كان في خاطره يعرف شو بلاها فواغي .. لانها كانت مب طبيعية أبدا
=========
**العيــن .. دار الزين **
كانت فواغي موجوده عندهم ويالسه تسولف وياهم عادي وحدر عليهم خالد ..
خالد : السلام عليكم
الكل : وعليكم السلام
خالد لاحظ وجود فواغي اللي ماكان يعرف انه بتزورهم
خالد: شحالج فواغي ؟
فواغي بابتسامه حلوه تعود عليها خالد عكس حمدان اللي مايحصل غير نظرات حادة : بخير ربي يعافيك انته شحالك ؟
خالد : تمام والله عايشين
ويلس وياهم يشرب قهوه
مهره : خلودي من وين ياي ؟
خالد : من برع بعد من وين
مهره وراسمه احلى ابتسامه : ممكن نسير المووول
خالد طالعها بنظرة : ويا منووو ؟
مهره : وياك يعني ويا منو انا و فووغووه ملانيين حيييييل ونباك تودينا
خالد : قولي لامايه
مهره : اوكي بطالعها
وسارت مهره عند امها
خالد : وانتي بعد تبين تسيرين ولا هاي مهروه ام الافكار
فواغي : ههههه هي انا وياها مشتركين في الفكرة
خالد : انتن حركااااات
فواغي : طالعات عليك
خالد : فديتني انا
فواغي : الحمدلله والشكر
خالد يطالعها : في شي غلط
فواغي : سلامتك الشيخ
خالد : يله عاد فووغوه متى بتيين بيتنا على طول
فواغي عرفت شو قصده لكنها ماعارضت ولا حرجت بالعكس كانت كووول اول مرة
فواغي : متفيج انته انا بسير اطالع اختك
ودشت مهره على طول وشاقه الحلج
مهره : وووافقت
خالد : كيف وافقت وانا كنت حاط امل في امايه انها ترفض
مهره : اناا اخلى الحجر يلين .. يعني ماقدر على امايه
خالد : انزين تجهزوو وتتغشن تسمعن
فواغي : ان شاالله
وسارن يتجهزن ..
في المول .
فواغي ومهره سارن يتشرن اما خالد سار ييلس في الكوفي لين مايخلصن
وخالد في قلبه معزم انه يسوي شي ومابيخاف من ها القرار " دامني اباها ليش اضيعها من ايدي واخليها لواحد غيري وانا اقرب وأولى من غيري بها .. اليوم بفاتح امايه اذا مب اليوم باجر " ويقطع عليه حبل أفكاره صوت رنة المسج
" لا تظن ان طال غيابي نسيتك.. لا والله مانسى من توده عيوني"
خالد حس بانه الرقم شافه من قبل لكن ماعرف منوو ...؟؟
وخطفت حذاله بنت ماكانت متغشيه حس بانه يعرفها .. والبنت كانت نفس الشي كانت تشوفه ..حاول يتذكر من هاي ماقدر ووصله مسج ثاني
" ماقدرت تتذكرني صح .. لأنك لو تذكرتني مستحيل تطالعني وما تسوي شي "
خالد في خاطره " ايييهااا هاي شو تبا مني يعني حتى لو عرفيتها شو بسوي مثلا برقص "
وردت تخطف مرة ثانيه جدامه وقرر يرمسها يبا يعرف منو هاي
خالد : الشيخه
التفت عليه ..
.....: هلا شو تذكرتني انا قلت لو تذكرتيني لازم تسوي شي
خالد : طالعي انا ماعرفج لكن المسجات اللي توصلني ونظراتج شككتني في عمري
.........: اها انته لازم تشك في عمرك اصلا
خالد : شوقصدج بعدين لو سمحتي اختصري الرمسه لانه وقفتنا هاذي مش حلوه ابدا جدام الناس وانتي اللي بتتضررين هب انا
.........: خالد ليش تغيرت .. أنا روضه
خالد والصدمه على ويهه .. روضه تغيرت واايد استوت احلى بمليون مرة عن اخر مرة شافها قبل ست سنين او اكثر .. يعني ماشي مقارنه بين قبل واللحين لكن ها الشي مايمنع انه لو شافها ماينفذ اللي في باله
روضه : خالد انا للحين عند وعدي .. لكن انته ....
خالد قاطعها
خالد : انا ياروضه انسان خاطب ولاتخربين عليه ونفس ماحبيتج تراني نسيتج والمفروض انتي تنسيني هب تركضين ورايه واظن اني ماستاهل ها كله يعني مضن اكثر من اربع سنين من اخر مرة رمستج فيها وانتي بعدج
روضه والدموع ملن عيونها ..
روضه : دخييلك يا خالد بسوي أي شي عشانك لكن لا تخطب
خالد : يا بنت الناس روحي في دربج وهب زين وقفتج هاذي هني ويايه انتي اللي بتنضرين اولا واخيرا
ومشى عنها ....
روضه في خاطرها " ماعيله يا خالد .. الايام من بينا ان ماخليتك تنسى خطيبتك ماكون انا رويضي "
ويلست تطالع خالد وين ساير .. شافته حدر محل وفيه بنتين متغشيات ومشى وياهم وسارو صوب المطاعم خذو عشا وروضه تطالعهم والشرر من عيونها يطير وفي خاطرها تتحلف لخطيبة خالد

** في البيـــت **
مهره فرت اغراضها والاكياس وطاحت ع الغنفه وفواغي بطلت الغشوه ويلست وكانو صدق تعبانات من الخاطر من يلست فواغي سمعت هرن ابوها ونشت عنهم بتروح وخالد في خاطره " اليوم لازم احدد كل شي "
والتفت على مهره اللي كانت تشوف شو اشترت
خالد : مهاري وين امايه
مهره : اظن انها في حجرتها
ومشى خالد لين حجرة امه وخايف من ردة فعل فواغي بترفضه ولا بتوافق
خالد : امايه
ام هزاع : عونك الغالي
خالد : عانج الرب ولا هانج .. بغيت اكلمج في موضوع
ام هزاع سارت يلست حذاله
ام هزاع : امرني الغالي
خالد : امايه ابا اعرس
ام هزاع وهي فرحانه: صدق والللللله ياخالد واخيرا بتفرح قلبي فديتك تباني اخطب لك ولا انته حد في خاطرك
خالد : هيه في حد في خاطري
ام هزاع : منو ؟
خالد : فواغي بنت عمي عبدالله
ام هزاع كملت فرحتها يوم سمعت فواغي لانه لو خالد قالها اختاري جان اختارتها
ام هزاع : والله وعرفت تختار ياولدي وانته ماتنرد انا برمس ابووك
خالد والفرحه مب شايلتنه
خالد : بس بسرعه
ام هزاع : ههههههه مستعيل
خالد : اماايه شوو اسوي القلب ومايهوى
ام هزاع : فديت قلب خلودي
وتحدر مهره ..
مهره : صدق خلوووودي بتخطب فوغووه
وسارت تحظنه ..
خالد يضربها على راسها ضربة خفيفه : اونتي وين سمعتي
مهره تضحك والدموع في عينها
مهره : كنت عند الباب
خالد يصد على امه : اماايه عيب عليها يبالها ضرب
ام هزاع : اضربها
مهره : هي يوم يكون خلودي عندج اكون انا صفر ع اليسار
خالد :لا لا صفر ع الشمال
ام هزاع : انزين يله اظهرو ابا ارقد
مهره : طرده محترمه
خالد : امايه بظهر لكن لاتنسين تخبرين ابويه اليييييييوم
ام هزاع : ان شا الله
================
ها اليوم كانت خايفه من اللي قالته .. هل هي قالت عشان تقهره ولا لكنه معرس ومن شو بينقهر وهاي حياتها ويحتاج لها تفكير ,,والعرس هب لعبه .. العرس مساله حياة تعيشها ويا شخص هوه اختارها من بد الانام وهي تحاول تتأقلم وياه رغم انه الحب مستحيل توهبه له لانه الحب رحل من حياتها وغادرها قبل عشر شهوور بالظبط
مهره : الحبيبه سرحانه
فواغي : والله محتاره
مهره : لاتفكر ولا تحتار دام اخترتي خلودي فهذا هو القرار
فواغي : ههههههههه صدق انج خبله
مهره : انزين شو بعد تراج وافقتي ماشي مجال الانسحاب من أرض المعركة
فواغي : الله يعيني بس
مهره : بس مب تخونين خلودي وتفكرين في اللي بالي بالك
فواغي تنزل راسها بحزن : لا شو قالو لج
مهره رفعت راس فواغي بايدها : ومابا ها النظرة الحزينه اللي في عيونج من يوم عرس سعيد .. على طاري سعيد وين بطاقتج الجديمه
فواغي رفعت راسها مستغربة من سوال مهره
فواغي : ليـــــــــش ؟؟؟
مهره : بس ماباج تهبشينها
فواغي : مب عندي عند ابوية من هاك اليوم مافتحتها
مهره : احسن
وتحدر اليازية والفرح والحزن عندها ماتعرف تفرح لفواغي وولد عمها او تحزن على حال اخوها اللي يكابر انه مايحبها وهو ميت في حبها
اليازية : هلا والله بعروستنا
فواغي : اهلين
اليايز ة: مهاري بذمتج هاذي عروس
فواغي : للحين ماصرت عروس
مهره : ماباقي شي شهرين ثلاثه وانتي عروس
وتحدر ام هزاع ..
ام هزاع : هلا والله ببنتي الغاليه
وتحضن فواغي ,,
ام هزاع : فديتها قمر قمر ماشالله
فواغي دمعت لانه تذكرت امها لو كانت اليوم حيه شو بتسوي .
مهره : امايه دخيلج اللحين بتصيح
ام هازع : لا فديتها انا شيخة البنات ماتصيح
فواغي ساكته مانطقت لانه تفكيرها في امها خلاها تسكت .. وها الشي حسس ام هزاع انه فواغي ماتبا خالد .. لكن ام هزاع غلطانه لانه فواغي وافقت على خالد عن اقتناع تاااااام
وطلعت عنهم ام هزاع ..
**عند الشباب **
خالد كان مستانس حيييييييل انه بياخذ اللي حبها وتمناها .. لكنه مستغرب من تصرف حمدان ليش تعذر عن حضور ملجته سار على ينب ودق لحمدان ..
حمدان كان يالس على البحر ومتساند على السيارة ويقول في خاطره
" ااااه يادنيا ماترحمين .. اللي احبها خذها اعز انسان مني وهي خلت حياتي في مد وجزر حسيت باني اكرهها من تصرفها ويايه لكن القلب ومايهوى والله مادري كيف اتخيلج لغيري ((عاشق والعشق بلوى وأشهد أن الحال حال ...ولاتركتي رحمة الله ولا عرفتي ترحمين )) "
ويقطع عليه اتصال خالد
حمدان : الو هلا خالد
خالد : اهلين وينك ياريال ؟
حمدان : هني بس باقي لي كم شغله وامر عليكم
خالد : لاتبطي عاد نترياك
حمدان : ان شاالله
خالد : فوداعة الله
حمدان : فوداعة الرحمن ...
حمدان رد يتنهد مايعرف كيف يجابل خالد .. وهو اللي بياخذ فواغي منه لكنه سلم امره لله وخلاص هذا نصيبه وفواغي مب منه نصيبه ...
** عند الملجـه **
بدور يايه متأخرة شوي .. وهي نازلة من عند الباب شافت واحد واقف كان الدريول اللي يايبنها سار الدريول وماعرفت كيف تحدر كان عاطنها ظهره يعني ماشافها عشان يقوم عن الباب ..و هي تمشي انكسر الكعب
بدور : لاااااا دخييييييلك هب وقته
صد عليها عبدالله ويقول في خاطره بلاها خبله ترمس عمرها ..شافها تعري
عبدالله : الشيخه امري فيج شي
بدور : لا مافيني شي
بدور في خاطرها " ياربي كيف احدر داخل وانته مرتز عند الباب والكعب مكسور "
تمت واقفه مجابلتنه
عبدالله ماعرف بلاها استغرب من وقفتها
عبدالله: تفضلي الشيخه
بدور : لا عادي
عبدالله في خاطره" هههههههه بلاها هاي عيل ليش يايه اونه لا عادي ليكون تطالع بس من ورا الباب "
شافته بدور سرحان يلست تطالع الكعب وتحايل فيه وطاحت غشوتها
عبدالله من شاف الكعب مكسور انطر من الضحك
عبدالله : هههههههههههههههههههههه انا اقول بلاها ياحيليج
بدور تطالعه بنظرة :شوي شوي عن يطيح فجك .. اربطه بسيم اذا طاح
عبدالله : ان شا الله عمتيه
وقررت انها تمشي حافيه احسن من انها تعري فسخت الكعب وشلته في ايدها
عبدالله يطالعها مستغرب ..ويايه بتحدر بدور داخل
عبدالله : تعالي انا شايفنج مكان
بدور متغصصه : وين بعد
عبدالله : اظن في المستشفى عند فواغي
بدور : هيه صح انته ولد عمتها
عبدالله مكشخ ضروسه اونه عاد : هي نعم
بدور : انزين اجلب ويهك
ومشت عنه شوي
عبدالله : بدرووه
بدور : حرمتك
عبدالله : لا ماقبل انه تكون حرمتي مال معلايه
بدور حرجت : شو قصدك ؟؟؟؟
عبدالله : لافهمتيني غلط في وحده مال معلايه اسمها بدرووه وتذكرتها من اسمج
بدور : انا تشوف البدر اللي في السما ( وتأشر عليه ) .. هذا جزء مني انا
عبدالله : يارج الله .. المهم مب هذا موضوعنا اعطي يزوي الكيمرا هاي واجلبي ويهج ....
نزل الكيمرا وسار عنها
بدور في خاطرها " ياربييييي يقهر "
دشت من الباب اللي ورا وحالتها حاله ع طول ركبت فوق محد كان عند فواغي كلهم نزلو تحت ..
بدور فرت النعال تحت والكيمرا على شبرية فواغي وسارت تسلم عليها
بدور : فوووغتي واخيرا صرتي عروس
فواغي : لا لا بعدني
بدور : شو ها الحلاه .. بتخبلين بخالد
فواغي : امبوني حلوه
بدور : مشكلة الغرور
فواغي تطالع بدور ..
بدور : بلاج تطالعيني ؟؟
فواغي : احس بشلكج معتفس
سارت بدور وقفت جدام المنظرة .. يوم طالعت عمرها الوقايه شوي وبتطيح شعرها كان مكهرب من الوقايه ونافش والجحال ساح من الوقفة برع في الحر ..
بدور : كله من ها اللي يقرب لكم عبود
فواغي تضحك : ههههههه حلييله عبوود ايش ايش
بدور : شو بعد هاي ايش ايش
فواغي : اذكر قبل كان دوم يقول ايش ايش
بدور : احسن حصلت شي عشان اقهره تخيلي انا يزقرني بدرووه مال معلايه امحق تشبيه
فواغي : ههههههه لاتصيحين
بدور : (تقلدها ) لاتثيحين
وحدرت عليهم ام هزاع ...وسلمت على بدور
ام هزاع : اميه يلا انزلي تحت عند الحرمات وبعدين خالد بيحدر
فواغي اتربكت من سمعت خالد ..
فواغي : ان شا الله ( صدت على بدور ) الله يعيني
بدور : خليك ادها ياجدعه
ونزلت فواغي .. وكان جمالها هااادي وناعمه وايد لابسه فستان لونه البني المحروق والمكياج درجات اللون البني وخاصه عيونها اللي محلاتنها من يوم كانت نونو..و طالعه روعه ويا شعرها الاسود الطويل الفاحم ..
وطبعا البنات مرتبشات أغاني لكن محد رقص ..
بعدين قالو خالد بيحدر فواغي ارتبكت زيادة وحست انه بطنها يعورها لكن بتخبر منو ماشي مجال تشكي اللي فيها اللحين خالد بيحدر وفي نفس الوقت حمدان بيغسل ايده من فواغي اللي عمرها مافرحته وكانت دوم سبب من اسباب الضيج اللي يحس فيه ..
حدر خالد .. والفرحة تبين من عيونه خلاص اللي يباه استوى ومحد يروم ياخذ منه فواغي ..
ييلس حذالها وبصوت واطي : مبروك
فواغي : الله يبارك فيك
شوي ولبسها الدبله والطقم
وظهر عنهم ويوم روحو المعازيم ومااتم غير العايلة قال يبا يشوفها مره ثانيه
فواغي : مهاري استحي والله
مهره : خل عنج البزا واحدري داخل
فواغي : حراام عليج حسي فيني
مهره : مااعندي احساس
فواغي : خس الله ها الاحساس اللي يوم احتاجه مايشتغل
مهره : ليش مكينه ؟
فواغي : مب وقته ..
مهره : اذا هب وقته احدري داخل وفكيني حد قالج من قبل انج وذى
فواغي : لا انتي بس
مهره : افففففف احدري فويغ
فواغي : طيرتينا
مهره : يعلج تطيرين داخل عن خلوود
اليازية يايه صوبهم : آآآآآميييييييين
فواغي : بحدر وامري لله
حدرت فواغي داخل ..وخالد يطالعها بنص عين
خالد : ها كله شو تسوين ها ؟
فواغي : ماسوي شي
خالد : هيه امرره تراني ماسمعتكم
فواغي استحت لانه رمستهم كانت كلها سخافه ×سخافه
خالد : المهم مبروك عليج خلوودي ( ويقول خلودي بدلع )
فواغي ضحكت على طريقته ..
خالد : الحمدلله والشكر حرمتي تخبلت
فواغي استحت من كلمة حرمتي ونزلت راسها ..
وشوي شوي فواغي سولفت وياه عادي .. وحست انه خالد ينحب لانه طيب وعلى نياته .. لكن اتذكرت حب ماراح تحب .. احترام وها السوالف ممكن لكن حب مستحيـــــــــــــل ..
بعدين روحو كلهم وبدور لمحت عبدالله من بعيد لكن عبدالله كان واقف ويا اخوه لكنها كانت بتقوله " ايش ايش "

ظهر عنها خالد والفرحه نفسها مانقصت بالعكس زادت وحددو العرس اللي بيكون في شهر 6 وبالتحديد 22-6 وماباقي غير ثلاث شهور فواغي تجهز عمرها فيهن ..

خالد كان دوم يرمس فواغي حتى فواغي تعودت عليه ومايمر يوم الا ورمسته وحمدان ياويل حالي على حمدان اللي حاس بانه الفرح انتهى من دنيته وانه الفرح بيكون ويا اللي اختارها قلبه لكنه كابر واتذكر كم عانا وياها ولازم يكرهها شرات ماتكرهه وزوووووووووود
** دبـــي..دار الحي **
حمدان يالس ويا اليازيه على النت وكانت اليازية فاتحه ايميلها وشافت فواغي حادره ..فواغي اللي ماحدرت النت من سنتين لكنها كانت تحدر للجامعه وبس وماتحدر مكان ثاني ابدا ..عشان يذكرها بسعيد لكن اللحين وين سعيد عنده حرمه .. وهي بعد عندها ريل .. على طول سوت له بلوك وديليت ومسحت كل ايميلاته وهي تحس بقلبها يتقطع للحين تحبه " من يحب اول .. صعبه يحب ثاني "
مب مستحيل يحب ثاني لكنها صعبه .
اليازية تخبلت من شافت فواغي ويلست ترمسها ..
وحمدان قلبه يعوره لانه يباها وتندم كثر شعر راسه حتى لو تكرهه وهو يكرهها لكن بياخذها المهم تكون له .. يعني المسأله كلها مسأله عناد
ويرن موبايله ..
حمدان : الووو مرحبا
خالد : مرحبتين .. شحالك ؟
حدان : بخير الحمدلله انته شحالك ؟
خالد : عال العال .. بغيت اتخبرك حمدان تبا تسير ويانا نسوق دراجاات
بني عندكم الخوانيج
حمدان : خلاص تمام بسير وياكم يوم بتوصلون دبي دقي لي تيلفون بترياكم
خالد : اوكي نحن جي يمكن عقب نص ساعه بنظهر
حمدان : اوكي خلاص تم ..
وصد على الشاشه يطالع اليازية وفواغي يرمسون عن العرس تنهد من خاطره وتذكر شلة راكان " بحظر زفافك "
بحظر زفافك ياحياتي
بحظر زفاف اللي رويته
وبرزف عشانك لا تحاتي
وبهديك كل اللي بغيته
بهديك دمعي وعبراتي
والهم لي فيني رميته
بحظر ولو في عرسك مماتي
شايل معي قلب نسيته
واجمل قديم الذكرياتي
والظيم لي منك خذيته
وبذكر ليالي الماضياتي
كنت الوليف اللي اهتويته
كنت الذي لاجله اباتي
ساهر ونومي ماهتنيته
بهديك في للية وفاتي
حلم الليالي لي طويته
وبعطيك من قلبي امنياتي
تلقى الهنا في درب مشيته
وتعيش في راحة وسباتي
ويا الذي عقبي لقيته
حمدان : اليازية
اليازية : هلا
حمدان : ورفجة اعز انسان عندج اهدي لها ها الشله مني اوكي وانا اللحين ظاهر ويوم برجع قولي لي شو قالت
اليازية قلبها عورها على اخوها ..
اليازية ودمعتها في عينها : ان شا الله
وظهر حمدان عنها ويلست ترمس فوااغي واهدت لها الشله ..
خالد دق لفواغي في الوقت الي كانت يالسه فيه ع النت وتسمع الشله
خالد : يامرحبا ياناعم الصوت والعود
فواغي : احيا بصوتك يوم هاتفك ياني
خالد : يابو عيونن مدعجة والهدب سود
فواغي : ماعرف الباقي هههههههههه
خالد : يعلني ماخلا من ها الضحكة
فواغي : شو سالفتك اليوم تقردن .. الزبدة
خالد: بظهر ويا ربعي ..هني بني صوبكم الخوانيج نسوق دراجات
فواغي : لا يلا ماشي
خالد : ليش حراااااام انا خلووودي ( يابها بطريقة دلوعه )
فواغي : ادري انك خلودي ( تقلد طريقته ) عشان جي انا مابخليك تسير
خالد : فووووووويغ يلا اتاخرت اعطيني الضوء الاخضر تعرفين بعد لو سرت وانتي مب راضيه اخاف اني اتكسر
فواغي : سير لكن تحمل على روحك .. خلودي يالسبال والله اخاف عليك
خالد : لا انا جدع ولا كل الجدعان
فواغي : عيل مر سلم عليه دامك متعني لين دبي
خالد : من عنوني كم فواغي عندي
فواغي : وحده انا وبس ولو عندك غيرها بذبحك وبذبح عمري وراك
خالد : ياشريرة
فواغي : طالعه على خلووودي ( تقلده )
خالد : اوكي خلا ص فديتج اللحين بنسير
فواغي : تحمل على روووحك وياويلك لو سقت بسرعه على مهلك شوي شوي لاتستعيل وانتبه حاسب على كل شي امره ..
خالد قاطعها : ان شا الله عمتيه باي
فواغي تضحك على اسلوبه : باي
وتقول في خاطرها " صح الله خذ عني سعيد اللي احبه لكنه عوضني بخالد اللي مابحصل شراته "
================

** في شارع الامارات صوب الدوار العود **
خالد وربيعه يسوقون الدراجات وكان الشارع خالي ومافيه حد وخالد كان يسوق رابتر وكان يسووق بسرعه وصاد لربيعه ويرمسه ومانتبه للشاحنه اللي كانت ظاهره من ينب خالد .. انتبه خالد حاول يسيطر على الدراجة لكن خالد انتبه عقب مافات الفوت ..
مابقى من خالد غير قطع .. الشاحنه مارحمت جسم خالد الصغير بالنسبة لها تقطع في مكيانها ربيعه ماتحمل يشوف الموقف اغمى عليه .. راعي الشاحنه شرد .. مضن يمكن عشر دقايق والناس تيمعو عليهم دقو للاسعاف وصلت الاسعاف شلت ربيع خالد ووصلت الشرطة .. يمعو اجزاء من جسم خالد اللي تقطع وتفحم بين مكاين الشاحنه وكان المنظر فضيع في كيس ييموعن اجزاء ..
**المستشفى **
ربيع خالد على طول نش وهو يصيح بصوت عالي
راشد يصيح : خاااااااااااالد .. وين خااااااااالد
الدكتور : البأيه في حياتك
راشد : دخييييلك قولي وينه لاتقول جي خالد عايش بس يسوي مقلب من مقالبه الماصخه ( ويتذكر الحادث ويصيح أكثر )
الدكتور مارام يرد عليه ..وظهر عنه راشد دق لحمدان ربيع خالد الروح بالروح ..
راشد يصيح : حمدااااااااان وين خالد ..
حمدان انتبه انه راشد يصيح : راشد بلاك وين خالد .. خالد في بيتهم
راشد : صدق والله خالد في بيتهم ليش الدكتور يقص عليه
حمادن : أي دكتور شو السالفه راشد ؟؟انته وين ..؟ وخالد وين
راشد يصيح اكثر يتذكر الموقف ..
راشد :انا في المستشفى
ويوم عرف حمدان أي مستشفى طار هناك
وشاف الدكتور ..
حمدان : دكتور لو سمحت .. وين راشد
الدكتور : الغرفه اللي على يمينك .. حضرتك مين
حمدان : انا صديقه .. طمني يادكتور
الدكتور : أصل هوا متأسر كتير من الحادس
حمدان : أي حادث
الدكتور : اللي حصل من نص ساعه بالكتير .. أصل ربيعه مات ادامه وتأطع لما الشاحنه دهسته الله يرحمه
حمدان : انته شو تخربط ..
الدكتور : انا والله مابخربطش ديه الحأيأه
حمدان :شو اسم اللي مات
الدكتور : اسمو خالد
حمدان : متأكد دكتور
الدكتور : ااااه متأكد ميه بالميه الله يرحمه دلوأتي ماراح بنفعش غير الدعاء له بالرحمه
حمدان : يعني خالد ماااات
الدكتور : امااال انا بأول أي من الصبح ايوا خالد مات الله يرحمه ويسكنه فسيح جناته دلوأتي انا استأزن ورايه شغل
حمدان مب مستعوب خالد .. حادث .. مات .. شاحنه
حمدان على طول حدر على راشد اللي كان متكور على عمره ويصيح من خاطره حضنه حمدان ويلس يصيح شرات اليهال يمكن راشد محتاج للحضن أكثر من حمدان لانه راشد شاف الحادث جدامه .. وشوي عرف بومحمد وبومايد وبوهزاع بو هزاع حاول يكون قوي لكنه مارام هذا ضناه اخر العنقود .. مر الوقت بطي محد يعرف غير الرياييل .. وشوي عرف هزاع ومايد .. هزاع ماصدق حدر بيتهم على طول حدر حجرة خالد وقفل الباب عليه ويلس يطالع صورة خالد ويصيح ويذكر ايام ماكانو صغار وكان الدلوع لانه اخر العنقود مهره استغربت من اخوها اول مرة يحدر البيت جي وتسمعه يصيح داخل ..وسارت عند امها اللي كانت ماتعرف شو السالفه
مهره : اماايه بلاه هزاع ؟
ام هزاع : وين هزاع اصلا
مهره : مادري حدر البيت على طول سار حجرة خالد يصيح ليش سو مستوي وماتبون تخبروني
ام هزاع : انا بروحي ماعرف شو مستوي
ام هزاع قلبها عورها حست انه فيه شي صاير ومحد خبرها سارت عند حجرة خالد دقت الباب
ام هزاع : هزاع ابويه افتح الباب
ويصيح اكثر يوم سمع صوت امه لو درت شو بتسوي ماتحمل الموقف انه امه يستوي بها شي
ام هزاع : ابوية افتح بلاك قول لي ؟ خالد فيه شي ابوك فيه شي
مهره تطالع امها وتحس بانه شي جايد صاير ..
هزاع : اماااااايه خالد
ام هزاع حطت ايدها على قلبها : بلاه خالد
هزاع : عطاج عمره
ام هزاع بدون رد فعل التفت ورا بتمشي وطاحت مهره تصنمت حست بريولها نملت عليها يلست تصيح وتطالع امها اللي طايحه حذالها وصرخت بصوت عالي
مهره : هزاااااااااع الحق امايه
هزاع فتح الباب شاف امه طايحه ومهره يالسه حذالها
هزاع يصيح ..
هزاع : مهره هاتي عباة امايه بسرعه
مهره : هزاع ماروم انش
هزاع : مهاري مب وقته الدلع
مهره : والله مادلع ( وتشاهق من كثر ماتصيح كانت اكثر وحدة تحب خالد )
هزاع ركب امه ويا الشغالت السيارة وساروالمستشفى ..
انتشر الخبر في العايله كلها ماعدا فواغي اللي ماعرفت واستوى العصر دقت لمهره .. بتقولها عشان تسير وياها يختارون الفستان ..
محد يرد ابوها مارد للحين شيخه مب موجوده في البيت دقت لليازية بعد ماردت .. ودقت لخالد مغلق استغربت من الوضع
حدر بو محمد وشاف فواغي يالسه حذال التيلفون ..
فواغي حست بانه فيه شي بو محمد لاف السفره بطريقه انه في شي مستوي
فواغي : ابوية شو فيك
بومحمد يلس حذالها .
بو محمد : بنيتي بقولج شي ..
فواغي زايغه : خير ابويه شو مستوي شكلك مايطمن فيك شي ..؟ شي يعورك
بو محمد: انتي تعرفين انه ربج يوم بيعطينا يعطي ويوم بياخذ منا شي بياخذ
فواغي مافهمت ..
فواغي : ابويه شو تقول ..؟
بو محمد: يعني خالد عطاج عمره ..

فواغي ماستوعبت الكلمه " عطــــــاج عمره " يعني راح شرات ما امها راحت .. فواغي كانت ماتحب طاري الموت من يوم ماعرفت انه امها توفت ..
فواغي وقفت وبو محمد استغرب منها ..
لكن وقفتها خلتها تطيح مغمى عليها حالها مب احسن من حال ام هزاع على طول في ودوها المستشفى ..
**في المستشفى **
على الساعه وحده فليل نشت حصلت ابوها يالس ومهره تصيح وموزة وهند موجودين واليازية تصيح والريم وسلامه يصيحن كان الجو مكهرب اول مافتحت عيونها ,,
فواغي : وين خالد
بو محمد : .......
فواغي : ابويه حرام عليكم خلوني اشوفه بس اشوفه
بو محمد في خاطره " وين تشوفينيه ومابقى من خالد غير قطع "
فواغي : ابويه مهاري ردوو عليه اصلا خالد حي هي حي انا ادري خلوودي يحب السوالف .
بو محمد حضنها ..
بو محمد : فواغي ياروح ابوج فديتج امايه لاتصيحين ادعي له دعائج هو اللي بيفيده خالد عاييش في قلوبنا ..
فواغي : ابويه اابباااه انا قلت له لاتروح وياهم .. لكنه قال يبا يروح ابويه ليش راح وياهم لو تم كان بيمر عليه بيسلم حتى السلام استكثره عليه ...
محد رام يرد على فواغي اللي كانت تهاذي بخالد اللي عمره مابيرجع ..
مرن ايام العزا بطيئه محد اهتنى بالنوم والنوم ماذاقته فواغي من هاك اليوم وراشد اللي كان دوم الحادث في باله
** اخر يوم من ايام العزا **
فواغي بعدها عايشه في دنيا خالد تقرا مسجاته .. واحد ورا واحد وتدق له ع اساس انه موجود لكن كيف ترمس انسان انعدم من الوجود ومابقى من غير قطع .. وتصيح وترمس هي صيحت الحريم الموجودات في العزا وحدرت بعدين وحده والدموع ماليه عينها ..
سارت وسلمت على فواغي ويلست حذالها
منو تتوقعون ..
روضه
روضه : فواغي ممكن اكلمج على انفراد في موضوع يخضنا انا وانتي
فواغي : موضوع يخصنا اسمحي لي الشيخه ماجد شفتج
روضه : موضوع .. بس يستحسن نكون بورحنا
فواغي وهي تصيح لكن بدون صوت : تفضلي
حدرو صالة فواغي اللي فوق ..
روضه : برمس بسرعه بس كلمتين .. انتي خطيبة خالد
فواغي : هي وللحين خطيبته اصلا خالد مامات قال بيي يسلم عليه لكن مرن ثلاث ايام ومازارني
روضه عورها قلبها : فواغي انا شراتج انا كنت احب خالد
فواغي ماهتمت لكلمة " انا احب خالد " تعرف انه خالد كان يحبها من يوم كانو صغار وهو انسان ينحب وماتلومه اذا كانت هاي الانسانه اللي دامها تحبه
فواغي : خالد ينحب .. ( وتصيح )
روضه : فواغي انا كنت اخطط اني اخليج تكرهين خالد
فواغي : انا عمري ماكرهت خااااالد ولا احبه ( ونزلت راسها ) ..
روضه : ( تصيح ) فواغي انا احبه شرااتج وزوووووود كنت امووووووت عليه تعرفين شو يعني اموت مرن ست سنين وانا احبه كان يحبني لكن بعدين حبج
فواغي : انتي روضه
روضه : هي انا ..
فواغي : عرفتج
فواغي تذكرت كل شي .. ايام قبل وردت تصيح
روضه : هذا اللي كان في خاطري وودي تعرفينه لكن الظاهر هو قال لج كل شي (ونزلت راسها ) الله يرحمه .. عن اذنج فواغي
وطلعت روضه .. عنها والكل عمره ماراح ينسى خالد الانسان الطيب اللي ينحب بسرعه واكثر ناس متأثرين راشد وحمدان وفواغي وام هزاع
لكن الايام كفيله انها تنسيهم أحزانهم وهمومهم لكنها مستحيل تنسيهم انسان عاش وياهم وللحين عايش في قلوبهم .. وسعيد عرف وغمضته فواغي يوم صارت عروس مات ريلها ....... وللحين حب فواغي في قلبه ومستحيل أي حرمة غيرها تنسيه حب الاولي رغم انه يحب حرمته ومستقر وياها ,,,,,
**عقب سنه **
فواغي صارت ثالث سنه جامعة وياها واحد يخطبها واحد كانت متردده توافق ولا لا ام هزاع اصرت انه توافق ..كانت اكثر وحده مهتمه بالموضوع لكن ابو حمدان ماحب فواغي تروح برع العايله فكلم حمدان انه ياخذها ..
بو حمدان : حمدان ابوية ,,
حمدان : لبيه
بو حمدان : لبية حايه .. اباك تخطب بنت عمك فواغي
حمدان تهلل ويه بالفرح : انا ماعندي مانع الا لو هي رفضت ( كان شاك في رفضها لانها تكرهه )
بوحمدان : خلاص برمس عمك انك انته تباها ..
حمدان : اوكي ,,
بو حمدان رمس بو محمد .. وبو محمد وافق وماكان حاب انه فواغي تسير برع العايله وماشااللله عيال عمومها موجودين وتكون قريبة منه والموافقه كانت مبدأيه من الروس الكبار ))يعني الشياب (( وبقت موافقة الانسه فواغي ..
بو محمد : انزين اعطيني سبب مقنع انج رافضه ولد عمج
فواغي : احس انه شرات اخويه
بو محمد : وخالد
فواغي : ابويه لاتقارن خالد بحمدان فرق من بينهم
بو محمد: يابنتي دامج وافقتي على خالد ولد عمج قبل الله يرحمه فما عندج عذر ترفضين حمدان كلهم عيال عمووومج
فواغي : ابويه هذا مستقبلي ومحد يتحكم فيه
بو محمد : انا بقولهم انج وافقتي لانه ماشوف انه في شي يستاهل ترفضين ولد عمج ريال والنعم فيه والف بنت تتمناه
فواغي تصيح : الله يهنيه ويا الالف لكن انا هب من االف هاييل
بو محمد : يافواغي قلت لج مالج عذر في حمدان .. وحمدا ن بتاخذينه
بو محمد ماكان هاين عليه بنته تصيح ماتبا وهو يغصبها لكن ماشاف سبب مقنع انه ينرفض وخاصه انه ولد عمها يعني هب غريب .. ومن رد بو محمد عليهم .. حمدان استانس واخيرا حلم حياته تحقق لكن لو يعرف انه خالد بيموت وبيتحقق حلم حياته جان هد فواغي وطوايف فواغي عشان اعز انسان عنده لكن قدر الله وماشاء فعل ..
فواغي يلست تصيح " حرام عليهم والله حرام ليش ليش انا حياتي جي ليييييييش ؟؟ .. وينج ياامايه لو انتي عايشه جان قلتي لابويه مايزوجني حمدان يابووي انا كارهه حمدان ماطيقه كيف بعيش وياه حياتي كيف ماتخيل حمدان عاد .. اااااااه ياخالد لو كنت عايش جان ماغصبوني اخذ حمدان .. وانته ياسعيد لو خذيتني انته الانسان اللي خذت قلبي ودنياي هديتني للدنيا اللي تعلب بي حراااااااام عليكم والله حرام خافو ربكم فيني انا اليتيمه ,,,"

ووصلها مسج "أنا أكرهـــــــــج"
تتوقعون من منووووو ..؟
من حمدا ن صح ومسج ثاني
" انا اكرهج لكن باخذج غصبا عنج "
فواغي حرجت " منو يتحسب عمره ويا ويهه " وطرشت له مسج
" انا حتى اكرهك وجان تبا تعرف انا مغصوبه عليك "
حمدان حرج وطرش لها " حتى انا مغصوب بس عشان قالو انا أولى بج انا باخذج عشان اسكتهم وباخذ بعدين وحده غيرج "
فواغي عصبت وغلقت موبايلها ويلست تصيح وقاطعت ابوها والعالم الخارجي .. وبالذات ابوها .. ابوها كان يعاندها هو دلعها واايد وعشان مصلحتها بيسوي المستحيل
**عقب اسبوع **
دقت فواغي باب حجرة فواغي لكن محد رد عليها
اليازية : فواغي حبيبتي افتحي الباب
فواغي من سمعت صوت اليازية قتحت الباب
اليازية : يلا هري اب تلبسي بسرعه عندي لج مفاجاة
فواغي : ليش
اليازية : يلا بسرعه بسرعه
فواغي طلعت لها ثياب تلبست
اليازية : يلا نزلي تحت
فواغي : مابا انا اعرف شو المناسبه
اليازية : يلا عاد ماتبين انا اونتي نكون ويا بعض
فواغي : انا ماحب حمدان حمدان من يوم كنت صغيره اكرهه اسمحي لي اليازيه اعرف انه اخوج لكن هاي مشاعري هم غصبوني
اليازية : بس هو يحبج
فواغي : هه يحبني .. اكد لج انه يحبني واااااايد ويموت فيني ,,
فواغي يابت موبايلها وراوتها المسجات
اليازية : معقووووووووله حمدان
فواغي : يزووي الحياة علمتني ماشي مستحيل
اليازية : بس انتي ماتعرفين شكثر كان حمدان يتعذب والسبب انتي يموت عليج
فواغي : خلي عنج ..
اليازية : المهم نزلي تحت الملا تحت
فواغي تصيح : احلفي
اليازية : والله
فواغي : حرام عليهم والله حرام
وحدر بو محمد ..
بو محمد: يالله فواغي الغاليه سيري غسلي ويهج وانزلي تحت
فواغي طالعت ابوها .. تحس انها اشتاقت له من اسبوع مايلست وياه وسارت غسلت ويهها ونزلت تحت وقعت وردت تركب فوق تفرغ الحزن اللي فيها خلاص هي لحمدان يعني حمدان حلال عليها هاي الفكرة اللي فواغي هب راضيه تدخلها في مخها ,,,
مرن الايام وحمدان مازارها في البيت ودوم يطرش لها مسجات تسم البدن وهي ماتقصر لين ماقرب يوم العرس .

**قبل العرس بيوم **
فواغي في الحجرة وياها بدور ومهره واليازية يرتبون الشنطة والاغراض كانو متحنين كلهم وخلاص بيرقدون وكل وحده طايحه في صوب سارت بدور وفتحت اللاب توب مال فواغي
فواغي : بدووره فايقه
بدور : ادري
اليازية : حرام عليكم خلوني ارقد باجر ورانا نشه من الصبح
مهره : هي يلا ارقدو
بدور : والله ماترقدون اصبروو شوي
فواغي : انا عروس ولازم ارقد .. ( مب من خاطرها )
بدور حطت لها أغنية " تعال خذ مني هداياك "
تعال خذ مني هداياك
باقي الصور وأغلى المكاتيب
ماعاد ينفعوني بلياك
بوجودهن عندي تعذيب
يكفيني تشلها بذكراك
دامك نويت تصد وتغيب
اوعدك طول العمر مانساك
حتى ولو حطمني الشيب
فواغي صاحت دمعتها في عينها .. كيف بتعيش ويا حمدان وكيف بتنسى سعيد وخالد اللي بدت تتعلق فيه خلاها .. وامها اللي تمنتها فواغي في كل لحظة فرح وحزن وياها .. تذكرت كل شي حمدان في صحارى ربيعتها ميرة ,,,,,
فواغي : صح ميوووره مادريبها من زمان مارمسيتها حرااااااام
وسارت تدق لميرة شله واحد ..
فواغي : ميرة موجوده
.....: منو اقولها
فواغي : قولها فواغي
.....: اصبري دقيقة
وشلته ميرة ..
ميرة : الوووو
فواغي : الو هلا والله ميووره
ميرة : اهلين وسهلين شو ها القطاعه
فواغي : اااااه خليها على الله هذا حال الدنيا .. بس صدق منو اللي رد عليه
ميرة : اللي ماتعرفينه هذا ولد عمي خذني لكني متعذبه وياه مايحبني ولا احبه
فواغي تذكرت حالها هل بيكون شرات ميرة ولا غير ..
فواغي : حبيت اعزمج باجر عرسي
ميره : صدق والله مبروووووووك والله وكبرتي لكن اسمحي لي ماروم ايي
فواغي : افااااا
ميره : هاي اوامر
فواغي : والله تمنيتج تكونين ويايه
ميره : انزين ماقلتي منو هذا سعيد الحظ
فواغي : ولد عمي
ميره : زين زين
فواغي : لكن نحن هب احسن عن حالج
ميره تتذكر معاناتها .. هي اللي خلت حياتها جي كان ولد عمها يحبها لكن ميرة كانت ترمس ربيع ولد عمها ويوم عرف ماكان يباها هون عنها لكن ابوه غصبه ومن هاك اليوم وهو يعاملها معامله اررف واللي مخلي ميرة تصبر عليه هو سواد ويهها اللي كل ساعه ريلها يعايرها به ..
وبندت فواغي عنها وتتذكر اخر مرة رمست ميرة فيها ,,
ويلست تصيح ماتتخيل انها بتكون لحمدان اللي تكرهه مووووووووت
**يوم العرس **
فواغي طبعا واكيد ماذاقت النوم ومهره واليازية وبدور نشن من وقت عشان يفازعنها ..
فواغي للحين ماتتخيل انها بتكون حرمة اللي تكرهه لكنها حاولت تدخل ها الفكرة في راسها وعلى اذان الظهر كلهم سارو فندق الماريوت هناك بيكون العرس وهم حاجزين غرفه عشان الكوافيره واغراضهم كلها هناك اول شي بدت في البنات وخلت ع الساعه خمس العصر وبعدين بدت في فواغي اللي خلصتها ع الساعه سبع ويالسه فواغي تطالع التلفزيون بعدها مالبست فستانها وجنه اليوم هب عرسها البنات كلهم نزلو تحت يشوفن شو الوضع ويرتبن ويا العيايز ,,
حدرت بدور على فواغي
بدور : خسج الله يافووغووووه سيري اتلبسي
فواغي : بعده وقت
بدور : شوو وقت اللحين سبع ونص ..نص ساعه لين ماتلبسين الفستان استوت ثمان بييون المعازيم
فواغي : انزين انتي ليش ماكله عمرج ..شيخه موجوده
بدور تطالعها بنظرة : اكيد مووجووده يعني بتفوت عرسج
فواغي : عادي
بدور : يالنحيسه سيري اتلبسي
فواغي : في وقت
وتحدر عليهم اليازية ..
بدور : يزووووي تعالي طالعي بنت عمج
اليازية : فديتهاااااا حرمة اخويه قمر قمر بتعذبين حمدانوه
فواغي بغرور : امبونه متعذب
اليازية : بيتعذب اكثر يوم بيشوفج
يرن موبايل فواغي ..
فواغي : الوو مرحبا
حمدان : مرحبتين الغاليه .. شحالج ؟
فواغي : بخير يعلك الخير انته شحالك ؟
حمدان استغرب لانه تاخذ وتعطي وياه : بخير دامج بخير
فواغي : دوووم هب يوم
حمدان : عندي لج سؤال
فواغي : تفضل
حمدان : اليوم متغيرة شو فيج ؟
فواغي : مافيني الا العافية
حمدان : زين والله
فواغ : بغيت شي
حمدان : لا بس اطمن على حرمتي
فواغي : اشكرك على جهودك المبذوله
حمدان انقهر : أي جهود ياحسره
فواغي : اقصد اتصالك
حمدان : في ذمتي احلى جهود مبذوله
فواغي : امحق جهوود مبذوله
اليازية : حوووو بلاج جهود مبذوله وجهود مبذوله
فوايغ : هذا اخوج
حمدان : يعني ريلج يالطمه
فواغي : بخليك انا مشغوله
حمدان : براحتج .. ماتبين تقولين شي
فواغي : ممممم اكرهك
حمدان : مصيرج تحبيني
وبند عنها ...
فواغي تقول في خاطرها " شكلك تحلم لانه قلبي ماحب غير مرة ماغيرها وتعلقت بواحد خلاني لك .. وياليتني كنت لغيرك ولا كنت لك لانه حياتي وياك شبه مستحيله "
وبعدين تلبست ويلست تفكر في حياتها وكيف بتكون ؟؟
بدور سارت تييب كيمرتها من الشغاله عند البااب .. لكن اللي شالنها عبدالله لانه عرف انه كيمرتها فشلها عن الشغاله
ويوم وصلت بدور يلست تدور الشغاله فزقرها عبدالله
عبدالله : بدرووه مال معلايه
بدور التفت عليه : هلااااااا ايش ايش
عبدالله في خاطره " والعثره تعثرها كيف عرفت "
بدور : بلاك بلمت ههههههههههههه
عبدالله : ويا ها الفج ماتقول مغارة علاء الدين
بدور : ههههههههههههه ياحيليك اييش اييش
عبدالله : اتخبرج بدروه مال معلايه انتي ولا تقرب لج
بدور : عبووود عاد والله ماصخ ( ومشت عنه )
عبدالله : بدرووه تعالي ماتبين كيمرتج
بدور تذكرتها : هي اباها
عبدالله : تعالي خذيها
بدور: اوكيك
سارت بدور ووقفت جدامه استحت كيف تاخذها من ايده
بدور : حطها ع الطاوله وانا ابخذها
عبدالله : ياااااله لها الدرجه تستحين ماحيدج
بدور : ايييييش اييييييش
عبدالله : جبببببب بدروووووه يالحيريه تصدقين لو ترمسين عماني يليق عليج والله
بدور تبا تقهره : ايش ايش
عبدالله : ماشي دوج كيمرتج ( وحط الكيمرا في ايدها .. والطفس لمس ايدها بدور شكلت .. ويوم مشا عنها شوي غمز لها هي كانت مستحيه تاخذ الكيمرا عن تلمس ايده لكن هو وطفاسته .. وتم يضحك في خاطره )
فوق حانت ساعة الصفر عند فواغي خلا ص بدا العد التنازلي لحياتها اللي وصفتها بالتعاسه من اولها لكنها دعت ربها انه الامور تتيسر لها نزلت فواغي على لحن هادي وعلى اضاءه خفيفه ودخان يطلع من تحت وتحس انها بتطيح من ثقل الفستان مب عارفه تمشي به وماصدقت توصل للكوشه ويلست على طول وهي تنهاي تقولون راكضه مسافة ميل ويلست شوي لين مارتاحت ورسمت ابتسامه على ويهها غصبا عنها والدمعة صارت سجينة عيونها بتضحي بسعادتها عشان ابوها وعمها وكل الموجودين .. وسمعت الجملة اللي تمنت انها ماتسمعها" حمدان بيحدر " لكن هذا الواقع وصعب عليها انها تتفاداه حاولت تضبط نفسها ومشاعرها وها الشي صعب سوت كنترول لنفسها وتهيأت انها تستقبل حمدان ..
حمدان حدر وابتسامة النصر على ويهه اخيرا خذ العنيدة وبيكسر راسها والبزا اللي هي عايشه فيه وصل لعندها وحبها بين عيونها وهي شوي وتصيح خالها حمد سلم عليها واخوها محمد الصغير اللي ماكانت وياه وايد لكنها تحبه بعد يلس حمدان عدالها ,,
حمدان : مبروك
فواغي بدون نفس : الله يبارك فيك
حمدان : بلاج نفسج خايسه جنه هب عايبنج
فواغي : يوم تعرف اسكت
حمدان : يعني هب عايبنج
فواغي : هيه
حمدان : انزين انا شعليه خلني ادور لي الحرمه الثانيه
فواغي انقهرت منه وسكتت عنه .. وطبعا المعازيم قاموا يروحون من حدر حمدان ومابقى غير الاهل وام هزاع تذكرت خالد اللي الكل مابينساه ويلست تصيح ضناها الي لو العمر كله بكته مايكفي الحزن اللي في قلبها .. لكنه استانت لفواغي اللي الدنيا كله واقفه ضدها وهذا اللي خلى فواغي قوية والغرور خذته من جمالها وثقتها بنفسها وابوها اللي دايما يدلعها ,,وكلهم روحو وسارت فواغي تسبحت وبدلت ثيابها عشان يسيرون المطار وكانت محلوه واااااايد عروس ويحق لها وحمدان ماخلى حد يوصلهم المطار وقال انهم بيسيرون بسيارته وماعليهم شر وسارو
**في السيارة **
فواغي صاده الصوب الثاني وحاطه راسها على الجامه وصاحت رغم انها ماتحب تصيح جدام حد كانت تصيح بدون صوت حتى حمدان مانتبه وحب يقطع السكوت
حمدان : شوفيج ؟
فواغي سحبت كلينكس وماصدت عليه ..
حمدان : فواغي شو فيج ؟
فواغي وحسها اللي يبين انها صايحه : مافيني شي
حمدان استغرب : فواغي تصيحين ؟
فواغي : لا زجمت بس
حمدان عرف انها جذابه
حمدان : هي واضح لو زجمتي صدق طالعيني
فواغي صدت عليه ..
حمدان من شافها حس بانه يحبها مهما سوت به وغمضته
حمدان : بعده مايابته امه الي يستاهل دموعج
فواغي سكتت وصدت الصوب الثاني
وبعدين وصلو المطار ويلس حمدان يسوي الاجراءت ويلسو يتريون الطيارة ..
حمدان : تبين تاكلين شي
فواغي : لا مالي نفس
حمدان : انتي من الصبح ماكليتي شي نشي تعالي ويايه
فواغي : حمدان هب غصب
حمدان : لا غصب
فواغي : ياعمي روح
حمدان استغرب من اسلوبها مب لها الدرجه تكون قاسيه وياه فعصب
حمدان بعصبيه : اففففف انا ليش امثل تمثيلة الزوج انتي تعرفين
اني كرهج صح .. يلسي بروحج يوم بنسير بييج باي يا .....
فواغي عصبت .. وطبته . حمدان سار عنها صدق كانت تحس باليوع سارت وطلبت لها اكل ويلست في المطعم ويوم وصل الاكل بطلت الغشوه وطبعا هي متعدله وطالعه قمر واااااااايد حلوه طالعه اللي يشوفها يرتاح نفسيا ملامحها تطمن الواحد وتخليه يحس بالامان ويلست تاكل وتحس بعمرها يوعانه .. وكان واحد مجابلنها من شافها تخبل عليها وخاصه انها كانت متعدله مانتبهت له ...
..........: فديت القمر اللي مجابلني وياكل
فواغي طبته ..
......: تصدقين انج انتي احلى من القمر نفسه ..
فواغي طبته لكن اللي كان ورا فواغي ماطبه ,, كان حمدان واقف وراها ومعصب كانت الطيارة بتطيرويزقرون النداء الاخير يودها من ايدها بقو
حمدان ميود ايدها : انتي شو تسوين؟
فواغي تحاول تفج ايدها من حمدان اللي ميودنها من ايدها ..
فواغي : ماسوي شي والله
حمدان : لا والله انتي احلى من القمر نفسه اااااخ يالقهر طوفي ويايه بنتفاهم بعدين
فواغي : حمدان فج ايدي عورتني
حمدان مافج ايده لكن خفف قبضته لها ومشى وياها وكانت قريبة منه وايد وهذا اكثر شي كرهته ..
ركبو الطيارة وفواغي كانت اول مرة تسافر رغم انه عندهم الخير لكن ماصارت فرصه انها تسافر .. لكنها تعرف يعني هب طمه ربطت الحزام ويلست حذال الدريشه وتطالع برع ومضيجه من حمدان .. وحمدان نفس الشي وفواغي مانبتهت للعيون اللي تطالعها من اول ماركبت الطيارة ..
وحست بتعب تغشت وغمضت شوي الا ورقدت وكانت مب عارفه ترقد في الطيارة فطاح راسها على جتف حمدان .. وحمدان عدلها .. وطاح مرة ثانيه وخلاها طايحه على جتفه ويوم حدر الريال من حذال قوم حمدان يلس يطالعه بنظرات غريبة ..
لكن حمدان مانتبه له .. نشت فواغي ويوم شافت انها طايحه على جتف حمدان على طول نشت وعدلت عمرها وكانت تبا تسير الحمام عشان تتغسل وقفت وتريت حمدان ينش عنها عشان تخطف ,,
حمدان : على وين ؟
فواغي : ابا اسير الحمام
حمدان نش عنها .. وسارت وبعدين ردت يلست ومحد منهم رمس بكلمه
**المانيا **
دشو الشقه شافوها شكلها مناسب فيها حجرتين وصاله ومطبخ وحمام تناسبهم وكان كل شي فخم وعنثر الرحله كانو تعبانين وفواغي تحس بظهرها ورقبتها يعورنها من يوم طاحت في الطيارة شلت شنطتها ودشت حجرة وقفلت الباب .. سار لها حمدان
حمدان دق الباب فتحت له
حمدان : تراه هب هاي حجرتنا
فواغي : ادري
حمدان ونبرة صوته فيها عصبيه: يوم تدرين ليش تستعبطين تبيني اسحبج لين الحجرة مثلا
فواغي بتحدي : جرب
حمدان : والله اروم
فواغي عرفت انه حمدان ممكن يسويها ..
فواغي : انزين بما انه كل واحد هب طايق الثاني فخلنا نرقد كل واحد في حجره
حمدان : احسن يوم يت منج والله لانه من عقب ماشفتج اليوم طحتي من عيني وصرت انا اللي عايفنج هب انتي
فواغي تقلبت الكلام الجارح بروح رياضيه ونزلت راسها ..
حمدان سار حجرته وطاح ويلس يفكر في حاله هو وفواغي ويحس انه حياتهم بتكون وايد متوتره لكنه كان يسكت عمره ب " مصيرها تحبني

** اليوم الثاني **
فواغي ناشه من الفجر اصلا هي مارقدت وسارت تصلي .. وبعدين حدرت المطبخ ماحصلت شي وتمت ملانه ماتعرف شو تسوي طاحت ع الغنفه ويلست تطالع السقف وتفكر .. ع الساعه سبع نش حمدان ويوم ظهر حصلها طايحه وتخبل من شافها كان شكلها طفولي شعرها رافعتنه بكليب ومجحله عيونها بجحال اسود غليظ ولابسه جلابية لونها خمري وفيها شج شويه يعني تناسب لعروس وخصلات من شعرها نازله على شعرها من شافت حمدان يلست ع الغنفه حب حمدان يصلح اللي من بينهم يعني لين متى بيتمون جي
حمدان يلس حذالها : ها اشوفج واعيه
فواغي : هيه ماياني نوم
حمدان : افااااااا ليش اكيد عشان انا هب وياج
فواغي دزته على جتفه : ماصخ
حمدان : خيبه شو قلت ماقلت شي
فواغي : تراه ماشي ريوق
حمدان : عادي تكفيني شوفتج جني تريقت
فواغي : خل عنك التقردين
حمدان : عادي حرمتي واقردنها فيها شي
فواغي نشت عنه
حمدان : وين بتسيرين
فواغي : بسير الحجرة
حمدان : حشى ماشبعتي رقاد
فواغي : مالي يلسه وياك
حمدان : فواغي تعالي انا لازم ارمس وياج
فواغي : امرني
حمدان : مايامر عليج عدو تعالي يلسي
فواغي سار يلست على الغنفه اللي مجابلتنه يعني بيفتحون تحقيق
حمدان : ليش تكرهيني
فواغي : انا كنت عادي ماكرهك لكن انته خليتني اكرهك
حمدان : شو انا غبي اخلي الناس يكرهوني
فواغي : تصرفاتك
حمدان : بلاها ماشوف فيها شي
فواغي : شو سويت في صحارى تتذكر
حمدان يتذكر كل لحظة بلحظتها وابتسم كانت صدق ايام
حمدان : اهااااا يعني انتي ماقصرتي انتي شو سويتي اذكرج
فواغي : هيه اذكر
حمدان : كلنا غلطنا ولازم نصصح خطأنا فواغي أحبج والله أحبج من هاك اليوم وانا اتعذب عشانج انتي لا عبالج ولاعخاطرج
فواغي : والمطلوب
حمدان : انسي الماضي وخلينا نفتح صفحه يديده مستحيل اثنين متزوجين يكونون شراتنا
فواغي : بحاول
حمدان : ياربي تقهر اونه بحاول
فواغي : حمدان مستحيل شي يستوي بين يوم وليله بيا لنا وقت
حمدان : خذي وقتج حرم السيد حمدان
فواغي ضحكت عليه : هههههههه امحق سيد
حمدان يقلدها : ههههههه امحق سيد
فواغي تبا تتأكد من شي ,,
فواغي : حمدان ,,
حمدان : عيونه
فوايغ : تسلم .. صد ق بتاخذ وحده ثانيه
حمدان : هههههههههههههههههه
فواغي فجت ثمها :بلاك الحمدلله والشكر
حمدان : صدقتي انتي بس اسوي لج حركات
فواغي : زين والله
حمدان : ليش تسالين
فواغي : سؤال وبس
حمدان : انزين واللحين تحبيني
فواغي : حمدان أكرهك
وسارت حجرتها ..
حمدان عصب كل مرة جي الظاهر ما بتتغير وحس بانه مبزنها زيادة بروحها ماتستزيد من البزا وع الساعه 11 سار دق عليها لانه بيطلعون وها المرة بجفا فواغي استغربت توه كان شحلوه في الصاله واللحين منجلب عليه
نزلو تحت البوفيه وتريقو
حمدان : فواغي انا بسير ايلس في الكوفي انتي ردي فوق
فواغي : اوكي بس لاتبطي اخاف بروحي وخاصه اني اول مرة اسافر
حمدان : محد بياكلج
وسار عنها ..
فواغي : حمداااااان رد بسرعه
صد عليها : بحاول
سارت ركبت فوق وطبعا هناك ماتغشت عادي
شافت واحد لابس كندورة ومتسفر استغربت منه وركبت اللفت وركب وياها ..
.......: انتي أي طابق
فواغي صدت عليه انصدمت ..
فواغي بدون نفس : التاسع
من شافها استانس هاي اللي شافها وتخبل عليها ..
.....|: انتي اللي كنتي في مطار دبي صح
فواغي : اففففف هيه .. لو سمحت دق التاسع
.....: اووه اسمحيلي نسيت وانتي اللي يشوفج يتذكر شي
فواغي : ماشوف فيني شي
......: انتي القمر
فواغي : صدق انك ماتستحي ..
......: المهم وياج سيف العيناوي
فواغي : شو اسوي لك
سيف ويهه عوره : لاتسوين شي .. شكلج بطرانه
خلاص فتح الباب وطلعت فواغي .. طلع وراها
سيف : انتي ليش شايفه عمرج
فواغي : ياولد الناس احترم نفسك تراني معرسه ومابا مشاكل
سيف انصدم : معقوووووله انتي معرسه شكلج صغيره
فواغي : يعني مايستوي يعرسون
سيف : لا يستوي يعني قمري خلاص هب لي
وعلى حظ فواغي النحس كان حمدان ياي فوق لانه غمضته يوم تقوله لاتبطي حس بانها تخاف ....... فواغي من شافت حمدان ماعرفت شو تسوي
سيف بنذاله : هذا ريلج
حمدان عصب وماحب يسوي مشاكل سحبها داخل
حمدان : فوااااااااااغي انتي شو من البشر حرام عليج خافي ربج في اللي تسوينه
فواغي : ............
حمدان : انتي شووووو ابا افهم شوووو شو ها التصرفات انتي حرمه على ذمتي وتسوين جي
فواغي : حمدان والله هو اللي رمسني
حمدان : وانتي كل من هب ودب ترمسينه
فواغي : حمدان مب ذنبي كنت لازم اوقفه عند حده
حمدان : والله العظيم لو ماخاف ربي جان ذبحته وانتي وراه اللحين لاتقولين لي اكرهك انا خلاص عفتج تصرفاااتج تصرفات وحده طايشه بعدج ياهل طلعه من الشقه ماشي تسمعين ..
وظهر عنها وشل المفتاح وياه صح قلبه عوره كيف يخليها داخل بروحها وهي ماعندها حد لكن تستاهل .. ويتذكر يوم في المطار يطالعها مايتحمل حمدان انه حد يطالعها او يرمسها ,,,
كملو يومين حمدان يطبها وهي بالمثل فواغي عنيده واللي يسوي بها شي تعاند اكثر واكثر لكن بعد ماتحب انه حمدان يطبها اللي تعرفه انه حمدان يموت عليها وماتتحمل كيف يعاملها ..
العصر كان الجو بارد وااااايد لكنه روووووعه
حمدان دق باب حجرتها وحدر على طول .. شافها تطالع برع والمطر يوم يطيح والناس وتصيح من سمعت صوت الباب مسحت دموعها
حمدان : تصيحين
فواغي : لا
حمدان : طالعيني
فواغي صدت عليه ومن طاحت عينها في عينه نزلت راسها تحس انه هيه الغلطانه لكنها لازم تكابر
حمدان : تعرفين انج غلطانه
فواغي : لا هب غلطانه
حمدان عصب : يعني وقفتج ويا ريال ماتعرفينه هب غلطه ترمسينيه عااااادي جنه العيد
فواغي : لا هو خلاني ارمس
حمدان : انتي فواغي اعرفج يوم ماتبين شي ماتسوينه لكن انتي كنتي تبين ترمسينه عشان جي
فواغي بصوت واطي : من قال
حمدان : انا
حمدان : مب ها موضوعنا تبين تطلعين
فواغي من الملل اللي حست به في اليومين هاييل وافقت على الطلعه
فواغي : هيه
حمدان : خلاص تلبسي وبنظهر
فواغي : اوكي
فواغي تلبست وكشخت وظهرو سارو حديقه وكان الجو بارد صح المطر وقف لكن كان برد فضيع يلسو على كرسي في حديقه عامه وحمدان يطالع فواغي اللي كانت تدفي ايديها وتعظ شفايفها من كثر البرد وايدها ترتجف حمدان يود ايدها .. حاولت تسحب ايدها بهدوء لكن مارامت تفجها وكانت بصراحه بردانه مووووت عشان جي ماحبت تبطل ايدها اكثر
فواغي كانت تحس بمشاعرها متضاربه تكرهه ولا تحس بانه عادي تحبه شرات ما كانت تحب خالد ماتعرف ..
حمدان : بردانه
فواغي : هيه
حمدان : حتى انا بردان لكن ايدج تدفيني
فواغي : خلنا نرجع الشقه برد
حمدان بنسير نتعشى بعدين بنرجع هيه نسيت اقولج عقب يومين بنرجع لبلاد
فواغي فرحت لانه هني تحس بالملل وعلاقتها ويا حمدان سطحيه وااايد
فواغي :الحمدلله
حمدان : شكلج ماصدقتي تفتكين
فواغي : لا احس انه حياتنا مملله
حمدان : انتي اللي خليتيها جي
وهد ايدها ونش عنها ولحقته يلست تمشي وراه جنه هب ريلها لكن هي عادي عندها ورجعت لموالها الجديم أكرهه
سارو تعشو ورجعو وهم راجعين الشقه شافو سيف العيناوي ظاهر فواغي مشت بسرعه سيف ماقالها شي لانه حمدان وياها ولا كان بيرمسها ..... حمدان حس بضيج يوم شافه وكمل دربه ويلس يطالع سيف بنظرات كلها احتقار وسيف مب اخس عنه ..
في ها اليومين فواغي يلست تشتري هدايا واغراض للاهل وكلمت ابوها ..
** دبــي ..دار الحي **
فواغي وحمدان وصلوواليوم الثاني على طول سوو عزيمة وكل حد طبعا يتخبر فواغي شو سوت وشو ماسوت وفواغي في خاطرها قالت انا قضيت شهر عسل ارف شرات ويهي ...
مهره : يالله يوم فوغوه اصغر عني عرست
فواغي : لاحقه على الهم
مهره : لا مب هم بالعكس
اليازية : هههههه انتي اكيد هب هم عندج انتي الحب عندج
فواغي : ههههههههه حظج يا مهاري اللي تحبينه بتاخذينه
اليازية تضايجت وقالت في خاطرها " شو يعني مانست سعيد وهي على ذمة ريال وها الريال اخويه "
مهره حبت تغير الجو : انزين شو يبتي لنا
فواغي : طالع شو تحاتي
مهره : هههههههههههه لازم
ويلسو سوالف وفواغي وياهم داقات سوالف غيرت الجو اللي كانت فيه ونست حمدان في ها الكم ساعه اللي وياهم ,,
** بيت قوم بو حمدان **
في جناحهم بروحهم ..فواغي تطالع التلفزيون طابه حمدان على الاخير من يوم ماوصلو وهم على ها الحال حمدان تضايج من ها الوضع ..
حمدان بضيج : انتي لين متى بتمين جي ؟
فواغي بعدم اهتمام :ليش شو السالفه
حمدان سار بند التلفزيون ,,
حمدان : يوم برمسج لاتطبيني
فواغي عدلت يلستها : اوامر ثانيه
حمدان انقهر من اسلوبها ...
حمدان: انتي شو سالفتج ؟؟ ليش جي ساعات تكونين اوكي وساعات تجلبين لعلمج بس انا ماحب المزاجيين شراتج
فواغي : ولا انا احب اللي شراتك
حمدان : انا قلت ماشي بينفع غير اني اعرس
فواغي انفعلت : انزين عرس حد ميودنك ولو عليه انا بختار لك العرووس
حمدان بعصيبه : يعني انتي عاااادي عندج مكيفه
فواغي : مب هذا انته اللي تباه .. وللعلم بس وجودك ويايه ولا مب ويايه كله واحد ..
حمدان بعصيبه اكثر : وضحي وضحي اكثر اخت فواغي قمتي تطولين لسانج
فواغي مب اقل عصبيه عنه :تباني اوضح لك حاااااااضر على عيني وراسي .. انا اكرهك ياحمدان وانته تعرف ها الشي وها الكلام من كم سنه وعمري ماتخيلتك كزوج لي وها الواقع انا مغصوبه عليه وعليك يعني خذت وحده ولا اربع ماتفرق عندي بعد احسن افتك من ويهك .....
حمدان بانفعاليه زيادة عن اللزوم ماتوقع ها الكلام منها ....
حمدان : لااااا الظاهر اني بفكج من ويهي للابد والحرمه الثانيه قريب وبتشرف يا فواغي
وع طول ظهر عقب ماحس انه الامور من بينه ومن بينها بتتحسن لكن احساسه هب في محله .. ركب سيارته وهو معصب يسوق بسرعه .. ويفكر في فواغي وشو الحل وياها وخطرت باله فكرت الطلاق لانه حياته ويا فواغي مستحيله مب بس شبه مستحيله لكن كيف يطللق اللي يحبها لكنها تكرهه وكان يسرع دايس ع الريس ومانتبه لاشارة وطبعا تعروفون زحمة دبي .....
دعمته سيارة على طول نقلووه المستشفى كان فاقد الوعي وتسبح بالدم واللي يشوفه انه ها الشخص مستحيل يعيش .. حتى الدكاتره قالو يمكن مب اكثر من ست ساعات ويمووووت شو حظج انتي يافواغي ..
بو حمدان عرف بالخبر على طول طااار للمستشفى ويصيح لانه يمكن يفقد ولده البجر وانتشر الخبر في العايله ومن عرفت فواغي .. صاحت وكانت اليازيه ماتتوقع انها بتصيح لانها تكره حمدان ..
فواغي وصلت والدموع مغطيه ويهها
فواغي وهي تصيح : عمي وينه حمدان ؟؟
بو حمدان : في العنايه ..
فواغي تشاهق : عمي دخيلك لايروح مني .. ها الدنيا ماترحمني
بو حمدان كان يخاف من انه يفقد ولده ويطالع فواغي والدنيا الي ماترحمها حضنها بكل حنان فواغي خذت راحتها انها تفرغ الحزن اللي فيها لانه هي انحرمت من الحضن اللي يحسسها بالامان
طلع الدكتور من غرفة حمدان ..
بو حمدان : ها دكتور طمنا
الدكتور : الحمدلله تعدى مرحلة الخطر مع انه كنا متوقعين انه يفارق الحياة اصل اللي زي حالته كان صعب انه يعيش لكنه راح يبأى في العناية لحد ماتستقر حالته
فواغي : دكتور ممكن اشوفه
الدكتور: لا ماتأدريش لحد ماتتحسن حالته ..
فواغي تصيح: حرام عليك دكتور انا زوجته
الدكتور : طيب راح اسمح لك انتي بس لمدة دقيقة وحده بس
بو حمدان رضى انه فواغي تحدر لانه زوجته وهي أولى انها تحدر ..فواغي لبست الكمامات وحدرت من شافته صاحت أكثر .. ماتخيلت كيف كانت تعامله
فواغي : حمدان انا فواغي رد عليه .. (وتصيح )
ويلست تطالعه وهي متندمه على اللي فات لانها هي السبب في اللي فيه حمدان اللحين ..وماطولت على طول ظهرت وهي تعرف انه حمدان يعني لها وااااايد ويمكن الكره تحول لحب ..
ظهرو حمدان من العناية وفواغي ماروحت من عنده حتى ويهاا ينبان عليه علامات السهر والتعب ..
عقب ماكلهم اطمنو على حمدان كلهم روحو يرتاحون وفواغي قالت بتم عنده تتطمن عليه ,,
وهي تطالعه وتصيح مدت ايدها ويودت ايده واعترفت باحساس غريب حسته من يوم سمعت بخبر حادث حمدان ..
فواغي : حمدان أحبك
حمدان كان يسمعها فتح عيونه وارتسمت الصدمه على ويه فواغي حمدان وهو يجاهد الالم : حتى أنا أحبج .. وانتي مصيرج تحبيني
فواغي حست براحه عمرها ماحستها وعاهدت عمرها انه ماتزعله لانه ماياه منها كافي .....
**النــــــهايـــــــة**

• ماصار عقب
بدور خذت عبدالله "ايش ايش "
ومهره خذت خليفه .. واليازية تقدم لها واحد يقرب لها من بعيد ..

ماحبيته ماعرف ليش !!
وشكرآآ حيآآتي ومااننحرم من جديدج