قصة حب إماراتيه ]..[ من شفتها وقلبي وياها ]..[

الساعه 6 الصبح تقوم فطوم من رقادها ويلست تتمدد على الشبريه .. وتشوف الريم راقده عدالها وبسابع نومه : ياحظج يا الريم اللي تحبينه استوى من نصيبج مب انا مالت علي ..
تشل تلفونها اطالع كم الساعه وتشوفها الساعه 6 : خييييبة بسير اصلي ..
شلت عمرها ودخلت الحمام تغسلت .. وطلعت وصلت لها ركعتين وهيه يالسه اتصلي وصلها مسج .. خلصت صلاتها وسارت صوب تلفونها وتفج التلفون (( صباح الخير صباح الحلوين ومن بدري قايمين يحرسهم ربي من الحاسدين والعين )) وهيه بعدها ماخلصت قراية المسج يوصل : (( يا فتاح يا عليم يا رزاق يا كريم ارزقني مسجات من قارىء هالعبارات ))
فطوم : أأأخ منك يامنصور ،، ربي بلاني فيك ،، وفي هالحظات تذكرت محمد : الحين محمد مستحيل يسكت عن السالفه او يخليها تعدي مرور الكرام انا جرحته بكلامي والله ماادري كيف طلع الكلام وقلت له اني احب منصور محد يدري اني احب منصور غير الريم ودوم أأأأوف والله ابتليت ماادري شو اسوي والله احسن ارد العين وافتك من منصور ومحمد والحشره ..
نغمة مسج : (( ......................... في الانتظاااار؟؟؟ منصور ))
فطوم : (( صباح معطر بذكر الله مبعوث لأحلى خلق الله ينور دربك ويبارك يومك انشالله ))

منصور : (( أأأأسف وعيناج من رقادج ))
فطوم : (( لا اصلا انا كنت واعيه قبل مايوصلني المسج ))

فطوم : (( منصور قرأ هذي الكلمات زين واريدك تفهم معناها : وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك ))

منصور يلس يقرأ المسج ويفسر معناه مية تفسير خطر في باله بس ياترى فطوم شو تقصد بهالكلام ..

فطوم غلقت تلفونها بس قبل ماتغلقة طرش لمنصور : أأأسفة بس لازم اغلق تلفوني ,,,,,,

فطوم غلقت التلفون ويلست تفكر شوو بتسوي لمشكلتها تقول حق منصور ولاه اطنش السالفه .. سارت فطوم توعي الريم
فطوم : الريم قومي
الريم : مافيني تعبانه
فطم : الريم دخييييييلج في موضوع لازم تعرفينه يالله عاد قومي
الريم قامت : يالله قولي
فطوم : قومي غسلي وصلي وبعدين بقول
الريم : أوهووووو يعني ما يتأجل الكلام بعدين
فطوم : لا مايتأجل السالفه خطييييييرة ولازم تعرفين فيها يالله عاد اريد حل للمشكله
الريم : انزين
سارت الريم تغسل وصلت .. ويوم خلصت سارت يلست عدال فطوم ..
الريم : يالله قولي شو عندج
فطوم : امس يوم طلعت عنج من الخيمة ودخلت البيت حصلت مبارك ومحمد .............الخ وخبرتها كل السالفه
الريم : جذابه حلفي
فطوم : والله
الريم : خيبة شو هالبلشه
فطوم : انزين شو اسوي
الريم : خبري منصور بكل شي
فطوم : ههههه خبله عشان يجلبها علي
الريم : لاتخافين منصور يمكن يحل الموضوع
فطوم : لا مااقدر اخاف تستوي مشاكل وكلها اطيح فوق راسي
الريم : انزين وشو بتسوين
فطوم وهيه تقلدها : انزين وشو بتسوين ،، انا موعتنج ادورين لي حل يا غبية
الريم : امممممممممممممم خليني افكر
فطوم : يالله فكري ..
حل السكوت بينهم كل وحده ادور حل يرضي .................................................. .................................................. .................................................. ........................(( بعدهم ماخلصوا تفكير اتريوا ليش مستعيلين ؟؟)) .................................................. .................................................. ..............................................وووو وويت الريم بترمس (خخخخخخخخخخخخ)
الريم : وجدتها
فطوم : هيا قولي
الريم : لا استطيع ان اقول قبل ملىء معدتي انني جائعه من امس لم اذق طعم الأكل
فطوم : أأأأاوف منك ليش وقت كرشتك دعيها تولي ( سمعوا التنقيع في الرمسه خخخخخخخخخ)
الريم : هههههههههههههههههه أأأأخ بطني سيري تعلمي لغة عربية
فطوم : هاهاهاهاها ،، انزين شوو اللي وجدتيعا
الريم : أولا دعينا ننزل الى المطبخ نبحث عن شي يسكت اصوات الوحوش التي في المعده .
فطوم وخاطرها تصفع الريم : حسنا حسنا هيا دعينا ننزل حتى لاتلتهمك الوحوش


نزلن المطبخ وكل وحده تفكر في المشكله .. بعد ماخلصن انطعاز ..يلسن في المطبخ يكملن السالفه
الريم : سمعي عندي فكره جهنميه تقضي على القلق ( اونه جهنميه انجلبت نفنوفه ام الأفكار الجهنمية خخخخخخخ)..
فطوم : قولي يالله
الريم : انت سوي طاف حق هزيه سالفه انت ليش يأور راس مال انته هزا موهمد مافيه يسوي كركر مشان منصور هو يعرف ازا يسوي كلام مشان منصور ، منصور بسوي موشكله كبيره مشان هوه
فطوم وخاطرها تضحك بس يالله جلبته هندي وياها : انته شنو يقول انا فيه كوف <<<< اونه خوف
الريم ماسكه عمرها عشان ماتضحك : انته اسمع كلام مال انا ومافيه كوف
فطوم : اوكيه كلاص انا يسوي طاف حق هزا موهمد (( شو ياب الطاف حق الهنود خخخخخخخخ))


من جهة منصور بعد ما داخ من حل كلمات فطوم .. يلس يقول في خاطره : أأأأأوف شو قصدها لايكون تحب حد ولاه ........ ويقاطعه صوت تلفونه
منصور : الووووووو
هزاع : مرحبا الساع
منصور : هلا والله اشحالك الغالي
هزاع : بخير وسهاله اشحالك انت وين دارك
منصور : الحمدلله وداري في دارك
هزاع : وين انت في العين
منصور : لا في بوظبي
هزاع : اهاااا واخبار المعرس
منصور : ههههههه كاشخ على الأخر
هزاع : وينه هو
منصور : ماادري يوم خلصت الملجه سار صوب العين
هزاع : يعني ماباتوا في بوظبي
منصور: لا ماطاع ابوه
هزاع : اهاااااا ،، انزين اقول اليوم الربع بسيرون الشاليه شو رايك اتي ويانا
منصور : امممممممممم اوكيه موافق شو ورانا بعد
هزاع : اوكيه اترخص منك بسير ادق حق سعيد
منصور : وين ماقلت لي متى بتون الشاليه
هزاع : العصر انشالله
منصور : اوكييييه سلم على الربع
هزاع : سلامن يوصل فداعه الله
منصور : فداعه الرحمن


ينزل منصور تحت عساه يلقى فطوم ويفسر معنى المسج اللي دوخ بالراسه شو المقصود فيه .. بس للأسف مايحصل غير الريم يالسه تقرأ الجريده
منصور : صباخ الخير
الريم مارفعت راسها من الجريده : صباح النور
منصور : شوو تقرين
الريم : امم الأخبار بعد شو ماشي جديد
منصور : اممممم وينها فطوم مااشوفها
الريم : سارت تسبح
منصور يالس يتحرطم : أأأأأوف وقت السبوح الحين شو يصبرني ..
الريم : شو تقول
منصور : ماشي كملي اخبارج احسن لج


يطلع منصور برع يتمشا عند الزرع يلقى ابوه وامه يالسن..
منصور : السلام عليكم
ام منصور وابو منصور : وعليكم السلام
ام منصور : قرب قرب وليدي اشرب لك حليب تراه زين على الصبح
يلس منصور عدال امه : صبيلي الغالية مانقدر انردج
بو منصور :ها يا منصور محد باقي غيرك
منصور مافهم قصد ابوه : شو قصدك الوالد محد باقي غيرك
ام منصور : يعني قررنا انا وابوك انيوزك
منصور يقول حد صب عليه ماي بارد : لالالالالالالالالالالالالالالالالا
بو منصور : لييييش يالله بالستر انت ريال وماشي ناقصنك
منصور : لاااا بعدني بعدني صغير
ام منصور : شووو صغيره هكوه سعيد كبرك وبعرس
منصور : سعيد غير وانا غير
بو منصور : لا لا ماشي غير نحن قررنا وامك حاطه عينها على بنيه سنعه بنت ناس
منصور راح فكره عند حبيبة القلب ::أأأأأخ وينج يا الغالية يبون ايوزوني وينج فديتج تعالي سمعي الكلام اللي يالس اسمعه لا مستحيل اتزوج غيرها لوو اموت والله مستحيل مااقدر اعذب قلبي اكثر من هو متعذب بس انا مش متأكد انها تحبني لاااا فطوم تحبني ومستحيل تتخلى عني مستحيل اخذ غيرها والله لو جبروني والله لسافر وماارد البلاد ابد وحبها ااخ ياحبها بشله معاي اتعذب بحبها ولاني اتعذب مع وحده غيرها
ام منصور : منصوووووووووووور
منصور : هاااا شو شوووو
ام منصور : شو رايك انخطبها لك
منصور : ....................
ام منصور : انا حاطه عيني على بنت عبيد سلطان ال......
منصور : لا ادخيلج امايه دخييييييلج مااريد لاتجبريني دخيييييلج والله حرام مااريد مااريد
بو منصور : شووو ماتريد نحن مب ضامنين اعمارنا نريد انيوزك ونفرح فيك
منصور : فرحوا بالريم انا لا ماافكر في العرس الحين
ام منصور : ...............................
منصور: امايه دخيييلج لاتخليني اسوي شي مايرضيكم لاتخليني والله لأخذ الدورة وبهج من البلاد
بو منصور : .................
منصور وقف يرد يسير : انا اليوم ساير الشاليه ويا الربع والسمووووحه منكم ،،،،،،، سار يحب راس ابوه وامه وطلع من البيت وشخط بسيارته من الغصة اللي فيه ..


العصر الساعه 4.30
يتصل سعيد منصور
منصور: الوووووو
سعيد : مرحبا مرحبااااا الساع بالغالي اشحالك
منصور : الحمد لله بخير وسهاله اشحالك انت
سعيد : الحمدلله مانشكي باس
منصور : الحمدلله واخبار الربع
سعيد : كلهم تمام كلنا يايين صوب بوظبي
منصور : منو اللي ياي وياك
سعيد : هزاع بسيارته ويا خليفه وبطي وانا بسيارتي وياي أحمد وعبدالله
منصور : ماشالله كل الربع ولا محمد وينه
سعيد : محمد ساير صلالة ويا الأهل
منصور : زين زين والله خلاص عيل انا ساير البيت اجهز اغراضي
سعيد : هاا بتسير البيت
منصور : هههههههه هيه البيت توصي على شي
سعيد : أأأأأأأأأ .. هيه سلم
منصور : انشالله من عيوني
سعيد : نخطف عليك ولا بتسير بسيارتك
منصور : لا لاتخطفون بسير بسيارتي
سعيد : اوكيه يالله فمان الله


سار منصور البيت وهو داش يدعي ربه انه مايشوف حد عشان يطلع بدورن مايكدر نفسه فيهم .....
دش منصور الصاله والحمدلله محد في الصاله وسار فوق حجرته وهو يمشي شوي شوي عشان محد يحس فيه ودش حجرته وطلع شنطته وخلاه له ملابسه ..
وطلع وهو يفكر في فطوم يريد يرمسها يريد يفسر المسج اللي طرشته ...
ينزل تحت وسار صوب باب الصاله وهو ياي يطلع يسمع حد يزقره وبصوووت كله حنان ورقه : منصووور
منصور وقف في مكانه وقف قلبه لأن هذا الحس انحفر في قلبه وطه شنطتها على الأرض ولف وعيونه كانت فيها لمحة حزن ..
فطوم وابتسامه عجيبة على شفايفها والغمازة محلوه ويها : منصووور وين بتسير
منصور يشوف ويها ويلس يتأمل هالجمال
فطوم : منصور وين بتسير
منصور : امممممممم بسافر
فطوم : شووووو
منصور : بسافر
فطوم : لا لييييييييييييييييش؟؟؟
منصور : امممممم شو اقولج بس جذيه لازم اسافر ضروري
فطوم : لييييييش شو السالفه التي تخليك بسرعه اتسافر
منصور : امممممم تبين الصدق
فطوم : اكيييييييييييييييد
منصور : بسير الشاليه
فطوم ومعقده حياتها : شوووووووو شو شاليه بعد
منصور : هههههه شاليه بعد له اسم ثاني
فطوم : ليييييش شو تسوي الشاليه
منصور : اتكشت
فطوم : اهاااا بتسير بروحك
منصور : لاااااااااا طبعا
فطوم : اكييييد يا ربعك
منصور : لاااااااا ايخسون شو اباهم اصلا انا ساير الشاليه ويا ربيعتي
فطوم مب مصدقه اللي يالسه تسمعه : ........... ربيعتك
منصور : هههههههههه هيه ربيعتي
فطوم ودمعه من عيونها نزلت ومنصور لاحظها تقرب منها ومسكها من ايدها : فطوووووم
فطوم تسحب ايده من منصور وتربع فوق عنه
منصور : فدييييييييت دموعها ياربي ليييييش جيه قلت حرام عليه الحين اكييييييد زعلت

منصور تنهد وسار وشل شنطته ولف صوب الدري عساه يلمح طيفها قبل مايسير بس للأسف لاااااا جوااااب ..شل عمره وسار الشاليه عند الربع ..

اما فطوم حدث ولاحرج حالتها حاله ترست الحجرة دموووووع يالسه تصيييييح وتندب حظها ويا منصور : لالالالااااااااا ليييييييش ياربي كل من يحب يتعذب منصور مستحييييييييييل مستحييييل يسويها منصور مايحب الخرابيط والبنات لا حرام عليه والله حرام معذبني وياه هذا مايحس لووووح ايييييييهه ،،، لاااااا مااتحمل خلاص صبرت وااايد عليه والله انه مايستاهل نذل حقيييير كلب حمار اكرهك اكررررررررررررررهك وووووووع مالت عليك ماادري شو لاقيه منك أأأأأأأاوف منه والله الرياييل مب منهم امان ..
قامت وتشوف شكلها في المرايه : لااااا حرام هالعيون يتعذبن عشان واحد نذل واحد عدييييم إحساس
سارت ودشت الحمام وغسلت ويها .. وسارت جحلت عيونها : خلاص ياعيوني من اليوم مابتنزل منج دمعه عشااااانه وانت ياقلبي ماعندك سالفه انا بتجاهلك ومنصور ماله مكان عندي..



في الشاليه .................... الساعه 7 المغرب
الجوووو روعه ماعليه كلام فناااااااااااااااان كشخخخخخخخخه والشباب سوالف (( ياحظهم ياليتني ولد خخخخخخخخخ))
المهم اللي يالس يسولف عن السايير واللي يلعب ورقة واللي يالس على اللابتوب واللي منسدح واللي يالس يسمع الراديو ،، اما منصور كان منسدح على البحر ويطالع النجوم . ويفكر : الحين ياربي شوو بسوي ويا اهلي عشان العرس اخاف يغصبوني وانا مااريد اخذ غير فطوم بس هذيل والدي ومستحيل اعصيهم أأأاخ ياقلبي والله ابتلشت بحبك وهذي فطوم امره تصدق قلت لها ربيعتي صدقت بس ليييش ياربي صاحت ياترى تحبني ويوم قلت لها ربيعتي عصبت مني بس ياربي انا مش متأكد من حبها .. وطلع تلفونه من مخباته ويلس يقرأ المسج ويفسره كلمة كلمه : ((وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك ))
ياربي شووووو قصدها من هالمسج وسار بدون مايحس يتصل فيها بس الأنسه فطوووم معصبة ومتحلفتله وماردت عليه .. منصوور أأخ اكيد زعلانه مني وانا غبي بعد شوو ربيعتي ،، ويرد يدق فطووووم دخيييلج ردي فطووم والله احبج مالت عليج ردي صدق ماتحس فيني ،، منصور عصب منها وسار عق تلفونه ويلس يفكر : خلاص انا من برد من الشاليه بسير ارمس امايه واقولها تخطبلي فطوووم واللي فيها فيها ،،

سار منصور ويلس ويا الشباب عشان ينسى فطوم وخرابيطها .. الصراحه الشباب فيهم الخير نسوه الضيجة ويلسوا كله سوالف ضحك ولعب ورقة ومغايظ وسوالف تروح وسوالف ترد حتى الساعه 10.30 فليل قاموا الشباب عشان يسيرون ويوطون روسهم ويرقدون ..
منصور يالس يتلفت حواليه ويدور تلفونه : وووووينه تلفوني
سعيد : وين حطيته
منصور : ماادري ,,,, هيه صح تذكرت عقيته على البحر
سار منصور اييب تلفونه ولقى مسج : (( حبي انتهى وتهدم الصرح !!! مسموح يا حلم العمر روووح ))
منصور : لااااااااااا لاإله إلا الله ..
منصور : (( ابعتذر لوصدر مني غلط ابعتذر يمكن ليالينا تطول ويبعدنا القدر ))
فطوم : ................ لا رد ؟؟؟؟؟؟؟؟
منصور : (( أأأأسف والله كنت امزح معاج فطوووم انت امره خذيتيها جد كنت اسولف سمحيلي والله انج غاليه علي وما اقوى زعلج ))

فطوم : أأأأأأأأأأه والله انك سخيف بشووف ومن الصبح انا يالسه اصيح وعثرها طلعت مزحه والله لردها لك وبتشوف
فطوم ترد اطرش : (( اعتذارك ودمعك والندم مع رجاك احرجوني ولكن انتهينا خلاص ))
منصور منصدم من المسج : (( ماراح تغلبني لو الحب غلاب !! من حضرتك ؟ عشان قلبي تذله ؟؟؟ ))
فطوم خلاص وصلت حدها : (( لابقوتك تجبرني أحبك ولابعنادك اطيعك أنت تضيع علي وقتك ولو تجيني أبيعك ))
منصور والعبرة خانقتنه : (( تغيرتي وكل شي تغير اظنك عن لضى شوقي كبرتي انا ماني على كيفك مسير أنا الربحان وانتي اللي خسرتي ))
فطوم خلاااااااااص الشرار طالع من عيونها ومب مصدقه ان منصور يالس يطرش هالمسجات ؟؟؟
منصور يرد يطرش : (( ماني من اللي ينحني بالسهوله لي هامة يخضع لها العز ويلين ))
فطوم : (( يا صاحبي ماهي قضية كرامة حنا خسرنا بسبتك ناس غاليين ))
فطوم طرشت هالمسج وغلقت التلفون غياظ فيه .. اما منصور من وصل هالمسج راح فكره عند المسج القبلي وربط الأثنين ويا بعض : ((وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك ،،،،،،، يا صاحبي ماهي قضية كرامة حنا خسرنا بسبتك ناس غاليين ))
منصور : والله اني شاك ان فيه في حد في السالفه بس منووو ياربي لايكوووون مبارك بس ....... ويقاطعه سعيد : ها منصور هب تلفون اللي بتيبه
منصور : هااا لابس كنت اطالع البحر اتأمل هالبحر الكبير اللي شال كل شي فيه
سعيد سار وقف عدال منصور وخله ايدينه في مخباته : والله الصراحه البحر كبييييير بس فيه غموض
منصور : ودي اشيل همي واعقه في البحر وارتاح من الضيجه اللي فيني
سعيد لف صوب منصور ولاحظ انه معصب ومضايج : منصوور بلاك شو صاير
منصور يلس ومد اريوله : مضاااايج ودي حد ايي يشيل همي وارتاح
سعيد يلس عداله : قوول يمكن اخفف عليك اشوي
منصور : أأأأخ شو اقول لك يا سعيد اقول اني اكثر واحد متعذب اقول لك ان اهلي يبون ايوزوني غصب وان انا وفطوم خلاااااص انتهينا وانه لازم اسير الدورة على اخر شهر ثمانيه شو تريد تسمع بعد.................
سعيد : خيبة كل هذا فيييييك
منصور : هذا شي من لاشيء
سعيد : اسمع عشان الدورة ماتقدر تعترض وعشان زواجك كل شي بينحل ياخي الزواج مب غصب واهلك اكيييد بفهون انها ماتناسب لك وعشان فطوم قول لي السالفه .....
منصور : أأأأأأأه اسمع سالفتي اليوم يوم سرت البيت اييب شنطتيه ...............................................الخ وهذي كل السالفه،،،، ويطلع تلفونه ويراويه المسجين اللي شاك فيهن
سعيد : أأأأأأأ انا بحل المشكله وانشالله بنجمعكم عشان تتتفاهمون
منصور : سعيد لااتعب عمرك فطووم عنييييده وراسها يابس مستحيل تسمعك
سعيد : انا برمس الريم وبخليها تفهمها واذا انت تريد البنت وشاريها رمس اهلك وقولهم اذا تبوني ازوج بخذ فطوم
منصور : وإذا اعترضوا
سعيد : يستوي خير في ذيج الساعه بس انت قوم وط راسك وفك عمرك من التفكير اللي ماوراته غير الهموم
منصور وقف : يالله قوم انسير نرقد بس انا شاك انه الرقاد مايعرف طريج عيني
سعيد : هههههههه حاول
منصور : صح متى بنرد من هنيه
سعيد : باجر انشالله المغرب
منصور : .........................




في العين ................
بو سعيد : اقول يا ام سعيد لازم انسوي عزيمة على سلامة سعيد
ام سعيد : هيه اكيييييد
بو سعيد : انا قلت بنسوي عزيمة في العزبة
ام سعيد : لا مانريد العزبة حر وين تبا في هالصيف شوو رايك بنسوي العزيمة في مزرعة بومبارك مزرعتهم ماشالله عليها غاويه ومسوين فيها مسبحين وبيت صغيروني احسن لنا عند الزرع وين نبا عند الغبار
بو سعيد : امممممم بس انا قلت بنبات في العزبة تعرفين بعد العزبة ماشالله واسعه ومسوين بيت عود يكفينا
ام سعيد : انزين بنسوي العزيمة في المزرعة وبنبات في العزبة شو قلت
بو سعيد : انشالله بس انت رمسي حمده وقولي لها بنسوي العزيمة في مزرعتهم
ام سعيد : انشالله باجر الصبح بدقلها





ياترى شووووو بستوي في المزرعه ؟؟ وشو من الأحداث اللي بتستوي في العزبة ؟؟ ومنصور براضي فطوم ولا لاه ؟؟؟؟

يتبع.....

الساعه 9 الصبح ....
فطوم : الريم برد العين
الريم : شووووو لااااااا
فطوم : الريم دخييييلج لازم ارد قبل مايوصل منصور
الريم : لييييش شو صاير بينج وبين منصور
فطوم لفت عنها : ماشي بس لازم اليوم أرد بأي طريقة
الريم : فطوووم لا حرام عليج
فطوم سارت عنها ترمس اهلها عشان ترد ..

في الشالية .....
منصور وهزاع يالسين يلعبون كرة طايرة .
منصور : هزاع فر الكورة زين
هزاع : انت تفرها فوق
يدخل سعيد من بينهم : يالله بسكم
منصور يفر عليه الكورة : سعوود قوم خلنا نلعب
سعيد : ههههههههه يهال
هزاع : ههههههههه شوف عمرك
سعيد : انزين يالله بسكم خلونا نسير نتريق
منصور : هههه قول من الصبح انك يوعان
سعيد يخلي ايده على بطنه : ههههههههه كشفني


سالم يدش الصالة ويحصل الريم : السلام عليييكم
الريم وهيه معصبة : وعلييييكم السلام
سالم : باسم الله اشفييييج
الريم : أأأاوف عمي قول حق فطوم لاترد العين
سالم : ههههههه انزين شو رايج تسيرين وياها
الريم : لااااااا مااريد
سالم : اصلا مب كيفج غصبا عنج اليوم بعد الغدا كلنا بنسير العين
الريم وهيه مستغربة : ليييييييش ؟؟؟
سالم : مسوين عزيمة على سلامة سعيد
الريم : وين في بيت قوم سعيد
سالم : لا طبعا في مزرعة بو مبارك
الريم : الله وناااااسه بسير ابشر فطوم

الريم تدخل على فطوم وهيه يالسه أتلم كشارها .. بس الريم مارمست سارت ظهرت شنطتها الصغيرة ويلست اطلع ملابسها وتخليها في الشنطة ، فطوم مستغربة منها يلست على الشبرية اطالعها
فطوم : هههههههه وين بتسيرين
الريم : بسير وياج العين
فطوم وهيه فاجه عيونها : حلفي
الريم يلست عدالها : سمعي يا حبوبة ،، مسوين عزيمة على سلامة سعيد في مزرعة قوم ميروه ،،،، تقاطعها فطوم : الله وناااااااااااسه روووعه مزرعتهم
الريم : تصدقين عمري ماشفتها
فطوم : سمعي بوصفلج ايها ،، مزرعة كبيييرة نوعا ماه وفيها مسبحين واحد كبير واحد صغير ... تقاطعها الريم : عدال بعض المسابح
فطوم : لا الصغير منعزل نوعا ماه في مكان بعيد يعني موقعة عدال البيت الصغير اللي داخل المزرعة يعني هذا حق البنات .. امممممم شوو بعد هيه فيه الجهة اللي ورا البيت مسوين فيها ملعب كورة طايرة ههههه هذا سالم مسونها انزييييين ووووو.. هيه بعد الزرع واااايد حلو ومرتب وفيه زارعين ورد يعني روووعه مزرعتهم
الريم يالسهه تتخيل : الله رووووووووووعه شو تتوقعين بنبات في المرزعة
فطوم : مستحييييييل
الريم : لييييييييييييييييييش؟؟؟
فطوم : لأن البيت صغيروني يعني مايكفينا كلنا فهمتي الحين
الريم : لااااااااا خاطرية نيلس فيها كمن يوم
فطوم سارت صوب الكبت تلم كشارها الباقيه : ههههههههههه لاتحلمين واااايد


بعد الغدااااا .....
انطلقوا الريم وفطوم مع سالم .. والباجين مع بو منصور .. وطبعا سعيد ومنصور بعدهم في الشالية وعطوهم خبر عشان يلحقونهم العين


في العين .......
في بيت بو سيف ...
فطوم تمط الريم وبسرعه توديها حجرتها .....
الريم : أأأأأخ ايدي بلاج تسحبيني جذيه
فطوم : اطالع حجرتيه اشتقتلها
الريم تمط ايدها من ايدين فطوم : ماااالت عليج قلت عندج شي الحين
فطوم : ..................
الريم : متى بنسير المزرعة
فطوم : باجر الصبح بنكون في المزرعة
الريم : رووووعه تعالي بندق حق ميروه
فطوم : لا باجر كلنا بنلتقي في المزرعة




في الشالية ........
الشباب يالسين يلمون اكشارهن .. إلا سعيد كان يالس يطالع بس
منصور : إإإإإإيه تعال شل ويانا
سعيد : مااريد اسير
منصور : ههههههه يالله يالله وراي خط العين
سعيد : والله حلوو هنيه القعدة ويا الشباب
منصور : تصدق انا ودي بسرعه اسير
سعيد : هههههه عشان تراضي بعض الناس
منصور سكت عنه وسار صوب السيارة ......

طبعا على الساعه 8 انطلقوا الشباب كلهم صوب العين ...


في العين .......

الساعه 9.30 فليل.....
الكل يالس في الصالة عائلة بو منصور بو سيف .. دقايق ويسمعون صوت سيارة..
ام منصور : اكييد هذا منصور
فطوم وقفت تريد تسير .......
الريم : وين تبين
فطوم : بسير حجرتية
الريم عرفت انه في شي صاير بينها وبين منصور بس طنشت

دقايق ويدخل منصور : السلام علييييييكم
الكل : وعليكم السلام
منصور : هاا شحالكم عساكم بخير
الكل يرد عليه : الحمدلله

ايلسون شوي يسولفون ... منصور عيونه تسير يمين ويسار يدور فطوم : وووويها احس عمري من زمان ماشفتها مايقول إلا يومين.. أأخ ماادري كيف براضيها ... لا تحلم اراضيها والله المسجات مب هينات اللي طرشتهن ..

دقايق والكل يسير يرقد لأنهم باجر الصبح بسيرون المزرعة حسب تخطيطهم والمغرب بطلعون من المزرعة وبسيرون العزبة بيلسون فيها يومين ..


الصبح : الساعه 6
الريم وفطوم يالسات يتلبسن ..
الريم : فطووووم لييش امس قمتي يو سمعتي ان منصور وصل
فطوم : لا اصلا مب عشان منصور
الريم : يعني انت ومنصور مب متزاعلين
فطوم : لااا منو قال
الريم : تحسبت بعد
فطوم : اوكيه خلينا نحول تحت اكييد الحين بسيرون
الريم : يالله نزلي وبلحقج
تنزل فطوم وهيه تسمع حد يشل شله بس وقفت في مكانها تسمع هالصوت واللي يالس يقول : ((لو بيدي ابعد عنك وانسى هواك وفنك وأبداً مايا على بالي إن الغدر هو فنك .. بحبكم لاموني وعن عشرتك انصحوني وبحيرتي خلوني محتار فكري منك ... بس الشكاوي لله وأبدي حزني لله ربي وربك الله يأخذ قضايه منك تدري أني عشيرك وبكل شي أستشيرك في شرك وفي خيرك وصدقت لمظننك ... تاهت معاك أفكاري تعذبت من مقداري والله انك داري وسط الحشا مخفنك .. خلي أحيا حياتي بهمي واحسراتي وابداً لاتحاتي لكان يوم هاونك .. سالت عليك دموعي وجرحا نزف في ضلوعي وعيشتني مخدوعي في وهمك وفي ضنك .. ))
فطوم متيبسه في مكانها : هذا صووت منصور بس ليييييش جيه جنه حزييين او مستهم ومنو هذي لايكووووون انا لا شو انا بس خليه يولي براويه اليوم شغلته في المزروعة ..
تخطف فطوم جدام منصور وهيه سايره المطبخ تساعد امها بس طبعا مالفت صوبه بس سلمت ومنصور رد السلام وقف كان يريد يرمسها بس طبعا مالحق عليها لأنها بسرعه كانت تمشي وماعطته فرصة يرمسها يالله يالله رد السلام عليها قبل ماتختفي من جدام عينه .....

طبعا على الساعه 7 انطلقواااا إلى المزرعة ..
في المزرعه ..
فطوم يالسه تتسابق مع يزوي اللين المسبح .. وهن يركظن فطوم لمحت طييف منصور واقف يرمس مبارك .. وقفت في مكانها فاجه عيووونها واطالع منصور كان كشخخخخخخه لابس كندورة سوده وسفره حمرا وكشمه..
فطوم : واااااااااو والله يخبل محلاته شوووفوا كيف يرمس والله يقول واحد خقاق ..
في هالحظه يلف منصور يشوفها يالسه اطالع جان يبتسم ابتسامه عجييييييبة ،، بس فطوم قفطت منه ولفت عنه بدون ماتبتسم له وكملت مشوارها اللين المسبح ..

البنات يالسات ومخليات اريولهن في المسبح ويسولفن بس فطوم يالسه تضحك على كراعينهن : ههههههههه والله انكن عيايز ليييييش ماعفتن داخل
يزوي : هههههههه عفدي انت وانا وراج
الريم : ههههه وين تبن فضحه تخيلي حد يشوفنا فجأة
ميروه : يالله فطوم روينا شطارتج
فطوم : يزوي تعالي عدالي عشان نعفد ويا بعض
الريم : هههههه بتعفدن بكناديركن
يزوي سارت وقفت عدال فطوم وعقن الشيل وفجن شعورهن
يزوي : يالله فطوم بنراويهم نحن قد الكلمة
ميروه ودوم والريم يالسات يطالعن اللي يسونه ..
ودوم : يالله 1..... 2 ..... 3
تنط فطوم في المسبح بس طبعا الأنسة يزوي ماعفدت يلست تضحك : ههههههههههههه
فطوم : لااا يزوي الخاينة
الريم : ههههههههه أووووه نقعوا فيها خيانه
فطوم اطالع يزوي وهيه واصله حدها وتصرخ عليها : يزوووووووووووي
يزوي من سمعة الزعجه تقفز في المسبح ..
ودوم وميروه والريم وفطوم ناقعات ضحك ..
الريم : هههههههههه ياويلي مااقدر ايود بطني .
فطوم تريد اطيح الباجيات وياهن .. سارت عدال يزوي وتساسرها : يزوي تعالي بنعقهن ويانا
يزوي : اوكييييه يالله
تقربت يزوي وفطوم منهن ،، حليلهن الريم وميروه ودوم مايدرن شووو بسون يالسات يلعبن بالماي بريولهن ..
تتقرب فطوم ويزوي ويقفن جدامهم .. فطوم تخز يزوي عشان يطيحنهن .. ثواني وتمسك يزوي وفطوم ميروه ودوم والريم من طرف كناديرهن ويسحبنهن في الماي ويطيحن بخمستهن في الماي
الريم وهيه تكح الماي دخل في حلجها : كحكحكحكحكح والله انكن سبالات
يزوي وفطوم يشردن والباقيات وراهن ويلسن يظاربن في الماي ونسن اعمارهن وزعيجهن تنسمع اخر المزرعة .. شوي وإلا البنات الصغار يعفدن حتى ماشالله عليهن ترسن المسبح ( على فكرة المسبح صغير )

من الجهة الثانية ......
سعيد ومبارك عافدين في المسبح الكبير وياهم الأولاد الصغارية .. وسعيد حليله مبتلش ماسك منصور الصغير أخو فطوم اللي عمره 4 سنوات ..
اما منصور ماسك تلفونه ويالس يصورهم وهو ناقع ضحك على اشكالهم .. وعلى حركة سعيد شل البلونه مال منصور الصغير وخاش عمره داخلها .. كلهم ناقعين عليه ضحككككككك كان شكله يفطس ولا المشكله ماقدر يطلع منها .. منصور مايقدر ايود عمره يالس يصور وهو ناااااقع ضحك خاطره ينشر صورته جدام الشباب ..
مبارك : سعوووود شوو هذا خاش عمرك بلونة اليهال
سعيد وهو يتعصر يريد يطلع منها بس مب قادر : تعال طلعني ماقدر اطلع منها
منصور : هههههههههه ووووينج يالريم اطالعين سعيد
سعيد : مبارك تعال دخيييييلك مااقدر اطلع جسمي منها بسرعه اذا شافني البنات شوو بفكني منهن
منصور وهو بعده يصور .. يلف سعيد صوبة : منصوووور يوز لاتفضحنا
مبارك يحاول يطلع سعيد بس مب قادر ..
مبارك : سعيد شووو بطلعك منها
سعيد يالس يحاول : ............
منصور : هههههه اش كبرك وخاش عمرك فمال اليهال
سعيد طلع من الماي وحاول يفجر البلونه اللي خاش عمره فيها .. بس من فجرها طلع عمره منها .. وتقرب من منصور
منصور : هههههههه شكلك يضحك تعال طالع صورتك
سعيد شل التلفون اونه بطالع ويعق منصور في الماي ..
سعيد : احسن الحين دوري اصورك عافد في كندورتك
منصور يشل السفرة من راسه : الله يخسك نذل
سعيد يلس يصوره .. بس منصور عيبه الماي يلس يلعب مع منصور الصغير ..


وقت الغدا يعني الساعه 1.30

البنات يالسات في البيت يرتبن العصير والماي والروب ..... الخ في الصياني ..
شوي يدشون الشباب يريدون يغيرون ملابسهم ..
بس الريم ناقعه ضحك على شكل منصور عافد في كندورته في الماي : ككككككككككككككككككك
فطوم ميوده عمرها ....
منصور : فقت ويهج هذا سعيد السبال عقني في الماي
سعيد : هههههههههههه
منصور : الريم براويج شي عن سعيد بس بعد الغدا
سعيد : لااااااااا منصور دخييييييلك
منصور لف عنه وطالع فطوم من طرف عينه وسار عنهم يصلي ويبدل ملابسه .. بس قبل مايسير خله تلفونه فوق التلفزيون ..
بعد ماخلصوا الشباب تبديل ملابسهم وصلوا ساروا يتغدون برع ويا أهلهم ..
أما فطوم يلست في البيت وشلت التلفون ويلست اطالع شو فيه من خرابيط ومسجات وشافت الفيديو اللي سجله منصور يوم هم في المسبح يلست ناقعه على شكل سعيييييد .. تدخل الريم ويلست اطالع وياها وهن ناقعات ضحك عليهم ..
الريم : ههههههههه حليلك ياسعيد
فطوم : هههههه شكله يفطس شو رايج انطرشه حق التلفزيون بمواقف مضحكه
الريم : هههههه يالله يالله ها اللي ناقص مافيني كلهم يتخبلون عليه
فطوم : ههههههه على شوو ياحسره
فطوم في هالوقت تذكرت منصور وموقفه يوم يقولها ربيعته قوووويه كانت حبت ترد له حركته بس شوووفوا شو سوت ..
طلعت بطاقة التلفون وسارت ويا الريم عند الدريول وشلن تلفونه وبدلت فطوم بالبطايق مع الدريول وشلت تلفون منصور وبسرعه سارن البيت وردت التلفون على التلفزيون وهيه طالعة يدخل منصور بس بسرعه سحبت الريم وطلعن سارن عند البنات برع ..
منصور سار وشل تلفونه بس مااهتم يجيك على التلفون وخلاه في مخباته وطلع برع ..

من الجهة الثانية ......
الكل كانوا متولفين يالسين يتغدون إلا سعيد وميروه يالسين يشوون ..
منصور يلس عدال اهله وشل شاني ويلس يشرب ويسولف ويا اهله وفطوم من الجهة الثانية اطالعه والريم ميوده عمرها عشان ماتضحك ..

شوي ويصيح تلفون منصور .. فطوم والريم ارتبكن بس خلن اعمارهن عاااادي ..
يطلع منصور تلفونه ويشوف رقم غريب ويرد : الووووووو
؟؟؟؟: عبد القدير وين انته (( طبعا المتصل يرمس باكستاني ))
منصور : حووو انت غلطان بااي
ويبند الخط في ويهه .. بس رد يتصل ومنصور يقوله غلطان بس مايتفاهم .. طفر منه منصور وطنشه .. بعد ربع ساعه يرد يتصل واحد ثاني بس هذا خط يعني برع البلاد
؟؟؟ : عبد القدير
منصور : لحووووووول من وين ها يا بعد
ويبند الخط في ويهه ..
بس الكل اللي يالس يضحك على منصور ..
منصور طنش وسار يتمشى عند النخل .. ويفكر بحاله ومشاكله ...
وشوي ويصيح تلفونه بس هذي المرة امه الي داقه
ام منصور : عبد القدير جيب سيارة داخل بسرعه عشان يودي سامان العزبة
منصور مستغرب شوو اللي يالس يصير ..
ام منصور : عبد القدير...
منصور يغير صوته : انشالله ماما
بند منصور التلفون ويلس يجيك على التلفون وعرف هذا مب بطاقته ..ويلس يفكر منوو اللي مسوي الحركة راح فكره عند سعيد بس سعيد كان برع يشوي بس منوو ياربي اللي سوه الحركة تذكر فطوم يوم هيه طالعه من البيت قال اكييييد هيه بس ماعليه مردوده يا بنت خلفان .. شل البطاقه وسار عند الدريول وشل تلفونه وبدل البطايق وقال حق عبد القدير يدخل السيارة داخل عندهم عشان يشلون السامان العزبة ..

منصور هو راد من عن الدريول يلس يفكر كيييف بينتقم من فطوم ..
طبعا الأنسه فطوم ويزوي يالسات يراقبن وهن مندسات ورا الزرع
يزوي ناقعه ضحك .......هههههههههه
فطوم تلومت باللي سوته بس قالت يستاهل وتشل تلفونها واطرش مسج : (( تعيش وتاكل غيرها ))
منصور وهو يضحك بس في خاطره وده يصفعها ..
منصور : (( أخرها يجي عندي .. ويقول أسف على اللي صار أعرفه تربية يدي إذا أزعل يعيش بنار .. أمانه لاتراضونه بيرجع لاتغصبونة يجي عندي وتشوفونه ويتأسف على اللي صار ))
فطوم أونها تضحك بس طبعا تحترق من الداخل واثق الريال : ( انت يلي مزعل ناسك تبينا نراعي احساسك تبي تزعل ازعل إهي ريشه على راسك تحسب الناس يشرونك تبيع وهم يراعونك تظن إني انا منهم أجي وأبوس لك راسك .. إهي ريشه على راسك ))
منصور طنش ولارد عليها وسار صوب مبارك وسعيد اللي يالسين اونهم يسقون الزرع يلس يخبص وياهم ....

اما من جهة البنات ........
يالسات يسولفن ويخططن طبعا يزوي تريد تسوي حرب يعني يكملون المعركة مالتهم يوم كانوا في صلالة .. طبعا الكل وافق اولهم فطوم ...
الريم : اقووووول عندي فكره جهنمية (( نفنوفه لاتزعلين على فكره بيعجبج البارت بس كملي للين النهاية ))
فطوم متحمسه : يالله قولي
الريم اطالعهن بنظرات : امممممم شو رايكم نسوي فلم هندي
يزوي : الله رووووعه انا البطله
الريم تظرب يزوي على راسها : ياخبله شوو بطله بعد اصلا حد بطل عشان انت البطله
ودوم : ههههههه عيل كيف مافهمناااا؟؟
الريم يالسه تلعب بصبوعها : سمعن بنلبس لبس هندي وبنرقص رقصة هندية
ميروه : الله فكرة عندي اغراض هندية داخل الحجرة
الريم نقزت : حلفي شوو عندج
ميروه اطالع يزوي : يزوي تحيدين اشرطتنا الهندية ولبسنا الهندي
يزوي : صح تذكرت داخل خلينا في الكبت
قامن كلهن وسارن داخل .. وطلعت يزوي كرتون كبير ويلست اطلع الملابس والاشرطة وحصلت الريم لبس هندي بس مال ريال
الريم : مال منو هذا
يزوي : هههههههه تذكرين ميروه هذا لبس بيدارنا مال المزرعه
ميروه : هههه حليلنا والله انه سالفه
فطوم مستغربه شو وصله حقهن : شوو سالفته
ميروه عدلت يلستها : سمعي الله يسلمج كلنا قبل واايد اني المزرعه على ايامنا يوم كلنا صغار وهذا هندينا ريحته خااااااايسة لوع بجبودنا طبعا الانسة يزوي فكرت تشتري له لبس المهم اشترينا له بدلتين ماليلهم ويو يينا المزرعه حصناه مسافر وخلينا الملابس داخل قلنا يمكن يرجع يشتغل مرة ثانية عدنا ..
وقفت الريم وشلت البس الهندي مال الرياييل وقايسته على طولها
الريم : اوووووه طوووويل
يزوي : لايكون بتلبسينه
الريم : اكيييييد بنسوي فلم رووووعه
ودوم وقفت وشلت البدله الثانية : انا بشارك في الفلم
فطوم شلت لبس هندي مال ميروه ويزوي شلت لبسها ..
ميروه : انا بصوركم شو رايكم
فطوم : اوكييييه انا عامله حسابي يايبه الكاميرا داخل السيارة بسير ايبها وبرد ..

يبدأ الفلم الهندي ....
فطوم الحبيبة فاجة الشعر ولابسه لبس هندي ولابسه اكسسوارات هندية وياها يزوي .. اما الريم ودوم لبس هندي رجالي ومسويات بالجحال شوية لحيه ( خخخخخخ اتخيل شكلهن روووعه )
المهم ميروه ماسكه الكاميرا .. وتصور اخبالهن وشغلن غنية هنديه ( الله ياخذه من فلم اكييييد خرابيط )
المهم تبدأ التنقيع في الرمسه عندهن شوي هندي على انكليزي على عربي ...خخخخخخخ


من الجهة الثانية منصور كان معصب على حركة فطوم وميه فكرة يت في راسه .. وشل تلفونه وطرش : (( مردوده يا ......))
فطوم لاهيه بالتصوير بس حست انه من منصور بسرعه توقف التصوير تربع اطالع المسج يلست تضحك من الخاطر على المسج : ههههههههههه ...... وردت تكمل تصويراها وطنشت السالفه ..


من جهة منصور يالس يتريا ردها وهو ميت قهر منها .. ويالس يخطط شو بسوي حقها في العزبة وكييييييف بينتقم وبرد حركتها السخيفة ...


العصر الساعه 5 ....
البنات يالسات يطالعن فلم هندي مالهن وهن ناقعات ضحك وكل مايدش حد يبندن التلفزيون عشاااان محد يضحك عليهن ... يدش سعيد ومبارك بسرعه يبندن ..
سعيد : شوو يالسات اطالعن
البنات كلهن مرتبكات
فطوم : ماشي مايخصك سوالف بنات
مبارك : ههههه يالله اعترفن بسرعه شوو اطالعن
يزوي : مايخصكم ظهروا برع فكونا
سعيد الفضول بياكله اجدم بفج التلفزيون بس نقزت الريم وتوقف جدام التلفزيون : سعييييييد دخييييلك لاتشوووف
سعيد مستغرب : قولي شو يالسات اطالعن بسرعه
الريم : فلم
سعيد : فلم فلم شوووووو
الريم خايفه اطالع البنات : مايخصك عيييب سوالف بنات
سعيد : إلا اطالعه
الريم : سعييييييد دخيلك لاااااااا
سعيد : انزين فلم شووو؟؟؟
الريم : بخبرك فلم نحن مصورينه يعني اونه مسوين مسرحيه ونحن نمثل خلاااص ارتحت
سعيد : اممممم انزين مايصير انطالعه وياكم
مبارك سار تفيزر تحت عدال التلفزيون : يالله خاطريه اضحك على خرابيطكن
ميروه وقفت سارت تبطل الكاميرا من التلفزيون : لاااااا مانريد خصوصياتنا
شلن الكاميرا وسارن داخل .. قبل مايدخلن الحجرة
سعيد : الريم تعالي اباج بسالفه
الريم : شووووو
سعيد شل الريم وسارو برع وخبرها سالفه فطوم ومنصور وشو اللي صار في بوظبي
الريم : خييييبه كل هذا صار بس فطوم ماقلت لي شي....؟؟؟؟؟
سعيد : انزين المهم نحن نريد نراضيهم
الريم تفكر : ....شو رايك انت ييب منصور وانا بيب فطوم بنخليهم ويا بعض وبنسير
سعيد : اوكييه يالله بنلتقي عند الشيرة اللي عدالها الياسمين
الريم : اوكيييييه

سارت الريم تيب فطوم وسعيد سار اونه يتمشى مع منصور وتلاقوا كلهم في نفس المكان ...
الكل تم ساكت ويطالع ..
فطوم لفت تريد تسير بس الريم ماخلتها
سعيد : فطووووووم هذا منصور وتفاهمي معاه يالله الريم نسير
سارت الريم وسعيد وخلوا فطوم ومنصور بروحهم ..

حل السكووووووووووووووت بين الاثنين .. كل واحد يتريا الثاني يرمس ..
حبة فطوم تكسر الحاجز وبدت ترمس
فطوم : منصووووووور
منصور : نعم
فطوم في خاطرها نعامة ترفسك : ...........
منصور : فطوم سمعيني للين الأخر
فطوم : ................
منصور : فطوم انا كنت امزح وياج يوم قلت لج ربيعتي والله ماادري كيف طلعت وياي .. هذيج الساعه كنت مضايج واصل حدي انت ماتعرفين شو صار اهليه يبون ايوزوني بالغصب والدورة لازم اخذها ماشي فايده ماطاعوا يلغونها بس اجلوها حقي للين اخر شهر 8
فطوم مندهشه من كلام منصور اللي يسمعه يقول الحين بصيييييييح .........
منصور لف وعطاها ظهره : أأأأأأسف سمحيلي اذا في يوم حبيتج
فطوم مب مصدقه اللي يالسه تسمعه ..
منصور وهو عاطنها ظهره : فطوووم بعترف لج اني الصراحه حبيتج وعزيتج وصرتي اهم شي في حياتي طوول هالفترة وانتي شاغلة تفكيري .. فطوم أأأأسف لعوزتج وياي بس حبيت الفت نظرج لي بس للأسف اكتشفت اني مالي مكان عندج ..
فطوم وعيونها ادمع ... وحل السكوت من بينهم .......... وقبل مايلف منصور صوبها . سارت عنه وخلته بروحه واقف ..
منصور يلف ومايحصل حد واقف : ووووينها بسم الله انا يالس ارمس عمري من الصبح

من جهة فطوم يالسه اتصيييييح وتفكر باللي سوته في منصور : صدق حراااام عليه انا متأكده من حبه لي من زمان بس هووو مايعرف اني احبه كثر مايحبني بس مااقدر مااقدر ادوس على كرامتي وكبريائي واقول . كيفه اصلا يبين اني احبه بس هوو غبي مايحس ولايفكر .. اطلع تلفونها واطرش له : (( أأأأأسفه .. خلاص طاح الحطب ))
منصور فرح من المسج : (( إنت وييينج اختفيتي كنت اريدج بسالفه ضروريه يالله تعالي اترياج ))

فطوم شلت عمرها وكسرت على كبريائها وسارت عنده ..
فطوم : خييييييير شو السالفه
منصور : شووو هالحركة
فطوم اونها تستعبط : أي حركة ؟؟؟؟
منصور : التلفون؟؟؟!!!!
فطوم : هههههه تستاهل
منصور : ماعليه مردوده
فطوم : ............
منصور طلع تلفونه ويلس يقرأ لها المسجين اللي فرن راسه من كثر مايفكر فيهن ..
منصور : فطووووم شو قصدج بهلمسج
فطوم وهيه مرتبكه لا ماشي بس جذيه
منصور : بس جذيه ولا ..... تقاطعه فطوم : اسمع بقول لك كل السالفه ....... ويلست تقول له سالفه محمد .....الخ

منصور وقف معصب : شووو منو يتحسب عمره هذا بعد فطووم سمعي انت محد بياخذج غييييري واذا حد قرب يمج بكون اخر يوم في حياته واذا رفضتيني تأكدي محد بياخذج ؟؟؟
منصور عق الكلام وسار عنها
فطوم تيبست في مكانها وماعرفت شوو ترد او شو تقول : لااااا مستحيل هذا منصور ياليتني ماقلت له السالفه اخاف يكبرها
بسرعه فطوم تلحقه وتوقفه عشان تتفاهم وياه ..
فطوم : منصور اسمعني
منصور وهو معصب شكله احمررررررر: وانت لييش ماقلتي لي السالفه من قبل
فطوم وهيه شوي وبتصيح ماتحب حد يصارخ في ويها : منصوووووور دخيلك طب السالفه والله اني ماافكر فيه هذا محمد ومايخصني فيه ومستحييييل اخذه اكبر عني بوايد مستحيييييل افكر بحد منصور وغلاتي عندك طب السالفه وفكنا من المشاكل
منصور وهو يطالعها ويفكر : عشان خاطرج بس بسكت
فطوم فرحت وارتاحت .. وسارت عنه وهيه مرتاحه من الهم اللي كانت شالتنه ..


الساعه 7 المغرب بعد ماصلوا في المزرعه انطلقوا العزبة ....
أول ماوصلوا العزبة يترابعن البنات الصغار والأولاد الصغار على الدرجات ؟؟

سار الشواب يطالعون حلالهم والحريم سارن يولعن الضو ويسون جاي .. البنات سارن البيت يغيرن ملابسهن .. ويرتاحن شوي لأنهن قايمات من وقت ...


الساعه 12 فليل
كانن البنات يزوي وميروه ودوم والريم وفطوم .. والشباب مبارك ومنصور وسعيد يلعبون ورقة عدال الضو .. ويسولفون وعلى الساعه 1 ساروا يرقدوم ...

الساعه 3 تطلع فطوم وتسير الصاله تشرب ماي وتفكر باللي قاله منصور ويلست في الصاله على الكرسي والليتات امبندات .. وهيه سرحانه تفكر تنقز على صوت شي ينفجر اطالع يمين يسار اطالع الجهة اللي صوب المطبخ ضووووو كبيره ( انفجرت الكهرباء ) ويلست ازااعج بأعلى صوتها وعت كل اللي راقدين يطلعون كلهم يحاولون يطلعون برع البيت لأن الضو انتشرت في كل مكان بس للأسف الضووو كانت قوية وسيطرت على كل الجهات ..وقظت على كل شيء وصريخ اليهال والحريم والبنات طاره البقعه بس الرياييل يحاولون يطلعونهم بس بدون فايده الضوو قضت عليهم واحد واحد ..


الناس اللي برع العزبة يحاولون ينقذون حد ويقضون على الكارثه اللي تسوتي جدام عيونهم دقايق وتوصل سيارات الشرطه والأسعاف والمطافيء ويخمدون الحريجه بس للأسف يطلعون جثث من البيت متفحمة ومشوه كلياااااا .. الناس تتقطع قلوبهم ويصيحون وهم يطلعون اكثر من جثة ( كانوا 4 عوائل )

ينقلون الجثث بسرعه على سيارات الاسعاف بس اخر جثه يطلعونها كانت شبه مشوه وفيها حياه ...




ياترى جثة منو اللي بعدها فيها نبض من الحياة ؟؟ وبعيش ولا بلحقهم ؟؟ وإذا عاش شوو بتكون حياته ؟؟؟


<<<<<<<<<<<<<<<>>>>>>>>>>>>>>>
توقعااااااتكم ؟؟؟؟؟؟


يتبع....

طبعا ينقلون الجثث إلى المستشفى ؟؟؟؟ وينقلون الشخص اللي بعده حي بسرعة غرفة العمليات ؟؟؟ بعد كمن ساعة يطلعون من غرفة العمليات ويخلون له غرفة خاصة .. بعد ساعات من خروجه من غرفة العمليات . (( طبعاً تعتقدون انه سعيد أو منصور بس اقول لكم لاااااا طلع مبارك )) ..
تدخل شمة بنت عم مبارك ( تسكن في دبي ومعرسه وعندها ولد واسمه احمد وعمره سنه .. اخواها ماخذ شيخة اخت مبارك ) .. بعد ماتدخل شمه على مبارك تذكرت كل لحظة مرة فيها وكانت معاه أحلى قصة حب عاشوها في حياتهم بس الظروف هيه اللي حطتهم يفترقون ( امها اصرت انها تاخذ ولد خالتها ومحد قدر يعترض ) كان مبارك يحبها ويمووووت فيها بس يوم درى انها بتعرس وبتاخذ ولد خالتها .. ماصدق وقرر انها يهاجر يسفر بريطانيا يدرس .. بس للأسف ابوه ماطاع وامه بعد اعترضت .. المهم وقفت شمه عدال مبارك اللي يشوف شكله كانن علامات الحروق في وجهه ومأثره فيه ويلست تفكر كيف بعيش بدون اهله كييييييف لاااااااا مستحيل مستحييييييل اللي يصير .. وجلست اتصييييييح عدال راسه وتمسح على شعره ودموعها يطيحن في وجهه بس طبعا هو مايحس بأي شيء .. بعد ماهدت شمه شوي قررت انه تسير اطالع شيخه اللي من سمعة الخبر غما عليها والحين محطينها في غرفة الانعاش ...

اما مبارك كانت حالته صعبه يعني فيه حرق في جسمه بس اقل عن اللي تفحمو في الحريجه ..
بعد ساعة ترجع شمه غرفة مبارك جست على الكرسي وخلت راسها على ريولها ويلست تصيييييح بس بصوت مب مسموع .. بس ساعه يقوم مبارك يريد ماي .. بسرعه قامت شمة وناولته كوب الماي بس هو ماركز عليها شرب الماي يلس يتأمل المكان اللي هو فيه وشوي وتطيح عينه على شمه تم يطالعها وترجع به ذاكرته لأيام طفولته وياها تذكر قلبه وحبها .. جلس يتأمل عيونها للحين مب مصدق اللي يشوفه ..
حط مبارك ايده على قلبه وعيونه تتأملها .
تقربت شمة منه بس كانت خطواتها صعبة وقلبها يرتجف من سنتين ماشافته من سنتين انتها كل اللي كان بينهم ..
شمه بصوت متقطع : مـ....م...مـ.. مبااا... مبارك
مبارك من سمع حساها حس بضيج في صدره : ش...شــ... شمه
شمه تقربت اكثر منه وحطت ايدها في ايده : الحمدلله على السلامه
مبارك لف يطالع عداله يطالع اذا حد موجود : ...........
شمه : ............
مبارك ترجع ذاكرته للموقف الصعب موقف الحريجة غم عينه وجلس يشوف الكل في البيت وهو يحترق يشوف سعيد ومنصور يشوف البنات وابو سعيد وبو منصور وهم يحاولون ينقذون حد بس للأسف وقف عند هذي النقطة ياربي شو صار وينهم حيين أو ميتين : لاااااا لااااااالالالالالالاالا
شمه حست عمرها في موقف صعب رصت على ايده بقوووو : مبارك مبارك بلاااااك
مبارك يطالعها ودموعه في عينه : اريد ابوووويه ابويه وينه
شمه : عمي عمي اليوم بيوصل من السفر
مبارك رفع راسه مع انع مب قادر : شمه شمه وغلاة أحمد ولدج عندج أهليه وينهم
شمه حست انه خلاص بتموووت ماكانت تتوقع انه هيه اللي بتقوله باللي صار : .............
مبارك حس انهم مب بخير يمسك ايدها وبصوت كله تعب : شمه قوولي دخييلج قولي وينهم
شمه تشل ايدها من بين ايدينه وتلف عنه : ..............
مبارك : شمه وغلاة ولدج عندج قولي لأنه أغلى ماعندج أحمد
شمه تلف صوبه ودموعها على خدها : مبااااارك انت انسان مؤمن بقضاء الله وقدره .. مبارك انت شخص تعـ .... ويقاطعها بصوت كله حزن ودموع : قولي قولي انهم ماتوا قولي وريحي قلبي
شمه نزلت راسها وبعبرة مخنوقة : مبارك استغفر ربك وترحم عليهم
مبارك : لا اكييييد اجذبين علي مستحيييييييل كلهم كلهم يموتون لا مااصدق شمة قولي انج اجذبين علي ... ويلس يصيييييح بصوت عااااالي
تتقرب شمه منه وتمسك ايده : مبارك لا تسوي بعمرك جذيه مبارك دخيييييلك مب زين
مبارك ينزل راسه : لا منو تم عندي منو تم .. لا كل اللي يحبوني ماتوا
شمه قلبها يتقطع وخاصة من سمعة كل اللي يحبوني ماتوا : مبارك انا .. انا انا احبك مبارك بعدك غالي وعزيز على قلبي ،،، تشل ايدها وتأشر على قلبها : انت هنيه هنيه يامبارك ومحد يساويك
مبارك : شمه خلااااااص كل شي انتها خلاص انت صرتي في ذمة واحد وعندج ولد منه لا تقولين هذي الرمسه حراااام حرااام لاتعذبيني
شمه : مبارك حاولت انساك حاولت اجذب على قلبي بس مب بيدي خلاص حبك انغرس في روحي
مبارك :..................
شمه : مبارك خلاص خلاص لا تسوي بعمرك جذيه انسى انسى خلاص انت بدال مايالس اتصييييح وتسوي بعمرك جذيه اترحم عليهم احسن من اللي يالس اتسويه
مبارك حس ان كلامها كله صدق يعني خلاص كلهم ماتوا خلاص سعيد ومنصور ربعه ماتوا لا مستحيل ياليتني مت وياهم ياليتني ...


منصور وسعيد يالسين يطالعون فلم هندي ( ماليل البنات ) ويضحكووون من الخاطر ويعلقون عليهن ...
يقوم مبارك من رقاده ويزاعج بأعلى صوته : لالالالالالالاااااااالالالالالالالالا
سعيد ومنصور بسرعه يلفون صوب مبارك اللي كان راقد ..
منصور : ...............
سعيد يلف يطالع منصور : ............
مبارك بعد ماخلص زعيجه يلس يطالع حواليه ويشوف سعيد ومنصور يالسين يطالعون التلفزيون ..
مبارك مب مصدق انهم جدام عيونه يرد يغمض عيونه يتأكد انه كان في حلم .. يفج عيونه وينقز عدال منصور وسعيد ويلس يتلمسهم من راسهم اللين جتفهم ..
مبارك يطالع سعيد : سعيييييد سعيييييد انت حي
سعيد منصدم هذا بلاه جذيه قام من رقاده يزاعج : مبارك انت بلاك اشفييييك
مبارك احس بصوت سعيد يدخل بقلبه ويصحيه من رقاده ويلف صوب منصور ويصفع منصور : منصووووور منصووور احبك لاتودرني دخيييلك
منصور لا إراديا يلس يضحك من الخاطر : هههههههههههه
سعيد : ههههههههههه
مبارك وهو يصييييح : لا حرام حرام
منصور يمسك مبارك من جتفه : مبارك اشفيك اكيييد كنت تحلم
مبارك حس انه صدق كان يحلم وكل اللي صار حلم ارتاح بأنه حلم مب صدق : منصوووور والله حلمت حلم فضييييع حلم يخوف
منصور : هههههه استغفر ربك وقوم صل الصبح
مبارك يلف صوب التلفزيون ويلس يضحك على خرابيط البنات : كيييف وصل الشريط عندكم
سعيد : ههههه الغبيات مخلياتنه في السيارة وانا شفته وقلت لازم انشوفه ونضحك عليهن
مبارك : ههههه مب هين عثرك يا بوعسكور
منصور يضرب جتف سعيد : بس الله يعينا اكيد لو درن مابيسكتن
سعيد : هههه خله يخلص الفلم بنرده في السيارة ولامن شاف ولامن درا
مبارك : انزين عيدوا الشريط من الأول بسير اصلي الساعه 6.30
سار مبارك يصلي .. وبعدين رد يكمل الفلم وياهم ويلسوا يعلقون ويضحكون ..


الساعه 8 الصبح ..
البنات يالسات في الصالة يلعبن سوني .. تدخل ام منصور ..
ام منصور : الرييييم
الريم مندمجه في اللعب ( يالسات يلعين كرش سيارات ) : ........
ام منصور : ريموووه
الريم مندمجه في اللعب : شووووو
ام منصور عصبت منها تمسك المخده وتفرها على الريم
الريم : أأخ امايه بلاج
ام منصور : حشاا ماتسمعين انت
الريم : خير امايه بغيتي شي مني
ام منصور : سيري زقري اخوج وقوليلهم ريوق
الريم وهيه تتأفففف : انشالله
تمط الريم فطوم وياها ويسيرون عند الشباب ..
الريم ادق الباب بس محد يرد عليها .. الشباب مندمجين في الفلم الهندي
تبطل فيطوم الباب وتوقف الريم وفطوم يطالعن الشباب منسدحين عند التلفزيون ويطالعون فلمهن
فطوم تلف صوب الريم ويهااا احمر من القفطة ومن الغيظ : كيف وصل عندهم
الريم وهيه بتنفجر من حركتهم السخيفة : كان في السيارة
فطوم تلف صوبهم بعدهم الشباب محد حاس فيهن بان واقفات عند الباب ويشفونهم
الريم وهيه ازاعج بصوت عاااالي : لاااااااااااا
سعيد حركة لا إردايا من سمع الحس ينقز عند التلفزيون ويمجع الكاميرا منه
منصور يقوم ويلف صوبهن .. مبارك من شافهن محمرات ومعصبات نقع ضحك : ههههههههه
منصور يضرب مبارك عشان يسكت
سعيد وخاطره يضحك بس مب قارد الموقف كان صعب ماتوقع انهن يدشن عليهم
الريم تسير تمجع الكاميرا والوايرات واتشوف سعيد من فوق اللي تحت ودها تصفعه بويهه
سعيد : الرييييييم
الريم لفت عنه
منصور وقف يشوف فطوم ويقول في خاطره لااااا ما وحالي اراضيها ترد تزعل مني لا حرااام مااقدر انا ماصدقت ترضا
فطوم تشوف منصور وكلها حقد وكره على حركته السخيفة ..
توقف الريم عدال فطوم . ويطلعن برع وترضخ فطوم بالباب بالقووووووو

سعيد من صوت الباب نقز : خييييييبه
مبارك : لا شو سوينا
منصور يلف صوب سعيد : الحين شووو بنسوي
سعيد : مااصدق طحنا فيها
منصور يلس يذكر فطوم ونظراتها : امممممممم.............؟؟؟
مبارك : هههههه انت لييييش مكبرين السالفه خلوهن عااادي طااااف
سعيد يذكر الريم بس حب ضرابة البنات يموت فيها : خلاااااص بنطنش
منصور مستحييييل يتنازل عن كبريائه : هههههه خلاص يالله خلونا نطلع نتريق


في جهة الصالة .. فطوم كانت من صوب تتأفف والريم تنااااافخ من الجهة الثانية
ميروه اطالع الريم وفطوم : حوووووو بلاكن جذيه معصبات
فطوم : خلاص من اليوم بتبدأ المعركة ضد الشباب
يزوي من سمعة طاري المعركة فرت السوني ونقزت : عجيييييييييب
الريم تخبرهن السالفة وشووو صار بس قبل ماتكلم يطلعون الشباب من الحجرة ..
منصور يطالع سعيد ويضحكوون بصووت عالي بس عشان يقهرونهن : هههههههههههههههاااااي
فطوم صدق معصبة ويها احمر طماط صاير اطالعهم بنظرات غضب .......
طبعا الشباب اكبر طااااف .. سعيد يغايظ بالريم ويلكم منصور اونه : اوني انا بطل الفلم هههههههاااااي
الريم ودها تقوم تصفعه وتبرد قلبها ..
بعد مااطنزوا الشباب شوي طلعوا برع ..

ترد الريم تكمل السالفه ويلسن يفكرن شوو بسون عشان يبردن قلوبهن فيهم ..................................... حل السكوت والتفكير بدأ والمعركة في البداية ومنو بينتصر فيها ؟؟؟؟؟؟
يزوي : هههههه حصلتها
الريم : شوووووو
يزوي : قومن وياي
سارن حجرة الشباب ويلسن يدورن تلفوناتهم .. الريم تشل تلفون سعيد وفطوم تلفون منصور ودوم تلفون مبارك ويمسحن كل الأرقام والمسجات والخرابيط اللي في التلفون ( خلنه جديد )
ميروه : هههههههههااااي يستاهلون
فطوم : يالله خلونا نطلع عندهم عشان نغايظهم ونبرد قلوبنا فيهم
الريم تلف صوب البنات : مااوصييييكم بالإبتسامه الحلووه وعرض الأسنان
يزوي : لاتوصين حريص لازم اكشخ واضحك من الخاطر بعرض تقويمي
الكل : هههههههههه ((( على فكره يزوي راعية سواااالف )))

المهم يطلعن البنات برع وايلسن يضحكن ويسولف ولاجنه صاير شي ..
الشباب يطالعون بعض
سعيد بصوت خفيف : اكييييد سون شي
منصور حس فيهن وبنظرات فطوم وضحاتها وتذكر مقلب التلفون قبل ويلس يتهيس مخباته يدور تلفون : اقووول انسير نيب تلفوناتنا
سعيد : صح اكيييد سونها

ساروا الشباب واجيكون على التلفونات
مبارك : لاااااااااااااااااااا
سعيد : بمووووووت حرااااام قويه الصراحه
منصور مب مصدق ارقام ربعه اللي بفرنسا كلهن امتسحن :............
سعيد : حركة سخيييييييفة والله لردها بأقوى منها
مبارك يلس يفكر كيف ننتقم منهن :.........؟؟؟؟؟
منصور وده يقوم يصفعهن وحده وحده بس مايقدر يسويهااااااا...

البنات بعد ماخلص انطعاز ( ريوق ) سارن يلعبن دراجات ويا الأولاد الصغارية

يسيرون الشباب صوبهن .
سعيد : يالله البيت ماعندنا بنات يسوقن دراجات
بس الريم حبة تغايظة جان تاخذلها دراجه وتركبها وتلف صوبة : مايخصك
سعيد معصب منها : جب انا ريلج فهمتي
الريم طااااااف شغلت الدراجه وسارت صوب ابوها عشان محد يرمسها .

فطوم اتشوف منصور بنظرات حقد عليه وعليه حركته .. منصور حس بنظراتها يلس يضحك بس عشان يغايظها .
سارن البنات عند الريم والشباب يلسوا يسوقون الدراجات وكل واحد منهم يفكر كيف بينتقم منهن ..

سارن البنات البيت يكملن خططهن ويسولفن ..
يزوي : اقووول شو رايكم اليوم نطبخ
ميروه تلف صوب اختها وجنها مش مستوعبه اللي تسمعه : شوووووو يزوي ماسمعت أكين
الريم : هههههههههههه
فطوم : صدقها يزوي فكره حلوه شوو رايكم نطبخ
ودوم تفكر : شوو بطبخن
الريم : ...............
يزوي : بسوي كيك شو رايكم
فطوم تلف صوب يزوي : كيك وبسكوت
الريم : هههههههه
ميروه : اوكيه انا اعرف اسوي كيكة البرتقال
يزوي : انا بعد اعرف اسوي
الريم بعد ماحست انهن صدق يرمسن وافقت على الفكرة ..وقررن انهن يدشن المطبخ بعد صلاة الظهر


الساعه 1.25

عند الغدا بعد ماخلصن بنات اكل يلسن يشربن جاي ويخططن كل وحدة شوو بتسوي .. بعد تخطيط سارن المطبخ يعابلن

ام سيف : ووووين بتسيرن
فطوم تلف صوب امها واطييح عينها بعين منصور بس طنشته : بنسير انسوي كيك وبسكوت
مبارك نقع ضحك : هههههههههااااااااي
سعيد يضرب مبارك على ريوله ويلف صوب منصور : منصور دق حق الأسعاف عشان اذا حد تسمم ننقذه
منصور يطلع تلفونه واونه يرمس : الأسعاف نقذونه في عصابة يبون يسممونه بأكلهم
ام منصور : منصوووووووور
الشباب صخووووو ..
فطوم اطالعهم وخاطرها تصفعهم ولفت صوب امها : امايه تبين شي
ام سيف : لا فديتج بس خلونا انذوق أكلكن
فطوم : انشالله ماطلبتي

سارن يعابل في المطبخ .. الأوضاع عجيبة عندهن كل وحده تضحك على شكل الثانية شو يالسه اتسوي ..
فطوم : ميروه بنسوي 3 كيكات
ميروه : منو بياكله
فطوم : غياظ حق الشباب ولايهمج بياكلونه
يزوي : انزين بعد بنسوي صحنين بسكوت
الريم : اوكيه يالله خلونا نخلص

الساعه 4.30
الجووووو روعه والشباب يالسين يلعبون كورة قدم وكلهم يلعبون حتى الشواب
بعد دقايق يتغير الجوووو وينزل مطر خفيف ( نفاف ) الكل ارتبش ويلس يناقز ..
دخلوا كلهم البيت يوم حسو ان المطر بدأ يزيد
البنات مرتبشات يريدن يطلعن ويالسات يناقزن عند الدريشة
يزوي : يوم بخلص المطر بنطلع بسرعه نحجز الدراجات
فطوم : هههههههه اكيييييييييييد

من الجهة الثانية منصور يالس يعابل بتلفونه ويلف يطالع الدريشه والجوو برع ويطرش لطفوم مسج : ((مبروك عليكم المطر .. غسل الله به أحزانكم واستجاب دعاءكم ))
فطوم يلست تضحك عليه ولاردت عليه ...
منصور يرد يطرش : (( ودي بجلسة فوق عرقوب ممطور وتهبه الهبايب وانتي معي ونقصر الدوب وقت المسا والجو طايب أنت الذي للقلب مطلوب وللغير مايحسب حسايب انته بصوب وغيرك بصوب يالزين ياأعز الحبايب ))

فطوم يلست تقرأ وخاطرها تضحك واااايد يحلم الريال وترد اطرشله : (( ههههههه ضحكتني .. وبعدين جانك تريد تيلس على العرقوب سير محد يودك .. بس لاتفكر فيني لأنك وايد تحلم هههههههااااي ))
منصور عصب من المسج وده يكسر التلفون .. جان يسير يسجل رقمها بتلفونه بإسم ))) جارح قلبي ((( ...

من جهة البنات كانن يالسات في المطبخ يخلصن يرتبن البسكوت في الصحن .. وخلن الكيك على الطاولة عشان بعدين يقطعنهن .. بعد ماخلصن طلعن سارن الصاله كان الكل يالس في الصالة ..

يلسن البنات على طرف يطالعن التلفزيون ..
بعد شوي لفت الريم تريد تشوف سعيد وتشوفه منسدح على الكرسي ويالس يسولف مع ابوها .. يضحك من الخاطر ولاجنه صاير شي .. حست بكلمته (( جب انا ريلج فهمتي )) وكيف جازته وطنشته ولاعبرته جدام كل اللي كان واقف .. سعيد حس ان الريم اطالعه جان يلف صوبها وجاف عيونها ولف مرة ثانيه الصوب الثاني .. الريم جنه حد صفعها حست بضيج انه زعلان عليها وماخذ على خاطره منها ..
الريم : اقوووول بسير وبرد
فطوم : ووووين
الريم : بسير اشوف الكيك برد

سارت الريم المطبخ ويلست على الكرسي تفكر كيف بتراضي سعيد مهما يصير بتم الغالي على قلبها ..
تشل تلفونها وادقله ....
سعيد كان يالس في الصالة ومن شاف الرقم فز من مكانه والكل لاحظ ان سعيد اعتفس ويهه وطلع عنهم برع يرمس ..
سعيد : الوووووو
الريم : .............
سعيد : احم احم شووو تبين
الريم : سعيد أسفه
سعيد : .............
الريم : سعيد والله ماكان قصدي اسمحلي ادري انك زعلان
سعيد : ......................
الريم : سعيد خلاص قلت لك أسفه والله ماتهون عليه ازعلك
سعيد وهو يضحك : لييييش مااهون تراني هنت عليج تقفطيني
الريم : والله ماكان قصدي كنت معصبة عليك ليييييش تشوفون الفلم
سعيد تذكر الفلم ويلس يضحك : هههههه كنت روعه في الفلم
الريم مستحيه منه وحبت تغير السالفه : انزين انت زعلان الحين
سعيد : اممممممم اذا قلت لج زعلان بتراضيني
الريم وهيه تتأفف : اكيييييييد براضيك لو ماراضيت سعيد براضي منووووو
سعيد : والله انا غالي عندج
الريم : اكييييييد غالي لو مب غالي جان ماتبرعت بدمي عشانك
سعيد : يالله فديت الدم اللي يجري في عروقي
الريم حبت بسرعه تسكر : خلاص عيل بسكر
سعيد : ...........
الريم : يالله باي
سعيد : الله وياج

سعيد من سكر عن الريم يلس يفكر فيها وبكل لحظه طافت في حياته وهو بعيد عنها .. ويطرش لها مسج : (( لو طالت الأيام ماني بناسيك لو طالت المده وطول دهرها أبيع كل الناس يا شيخ وأشريك والناس لأجلك مستعد أخسرها .. يفز قلبي كل مامر طاريك ومشاعري تعلن لدارك سفرها .. يا كثر ما أحبك يا كثر ما أغليك .. تراك يا الغالي عيوني ونظرها ))

الريم استانست على المسج .. بس ماردت عليه ..


عقب ماخلص المطر بسرعه يطلعن البنات يلعبن بالدراجات ..
والشباب ساروا صوب المطبخ ..
منصور : أأأأخ ريحه أكل حلوووه
سعيد يلف صوب الطاولة ويشوف الكيك والبسكوت : أكل البنات
مبارك : ههههههه دخيلكم مافينا نتسمم
منصور شل صحن الكيك وطلع ميرندا من الثلاجه ويلس ياكل ويشرب ..
منصور : لذييييييييييذ
مبارك يلف صوب سعيد : .............
سعيد سار صوب الثلاجه وطلع سفن آب ويلس عدال منصور ويلس ياكل بعدين سار مبارك يشاركهم في الأكل .. ماحسوا بأعمارهم وهم ياكلون خلصوا صحن كامل كيك ..
عقب ماخلصوا اكل .. حب منصور ينتقم منهن قطع صحن الكيك واحد وحطه في الصحن وشلن صحن بسكوت واحد بوديه حق الشواب برع ..
منصور : سعيد ييب روب ولبن من الثلاجه
سعيد : شوو تباه الروب واللبن
منصور : انت ييب وخلاص
سار منصور وصب اللبن على صحن البسكوت وخلى الروب فوق الكيك ..خخخخخخخ

وشل صحن الكيك اللي قطعه وصحن البسكوت .. وداه عند الشواب برع .. وخلى صحن الكيك واحد اللي عليه الروب وصحن البسكوت اللي فيه اللبن في المطبخ حق البنات ..

طلعوا برع عند الشواب يسولفون ..
البنات شافن الأكل مالهن .. كل وحده تشوف الثانية .. ويلفن صوب الشباب .. بس طاااااف مارمسوا ..

سارن البنات يترابعن المطبخ ويشوفن الكيكه عليها روب والبسكوت فيه لبن عصبن من الخاطر
الريم : لاااااااا من ثلاث ساعات ونحن نعابل واخر شي يضيييع تعبنا
فطوم : ....................
يزوي : سبلان والله مايستحون نعمة هذي
ودوم : ...............................
ميروه : لازم انفكر كيف بنردها
فطوم : كيف بتردنها خلاص الحين بنرد البيت وكل واحد يروح في حال سبيله يعني قوم الريم بردون بوظبي وانت بتروحن بيتكم ودوم بيتهم وانا بيتنا يعني مانقدر انردها
ودوم : خلاص انشالله المرة الثانية بنفكر كيييييف بنردها حقهم
يزوي : ماعليه الصاع صاعين بنرده

الساعه 6
طلعوا من العزبة وكل واحد شل عياله وسار بيته ..

في بيت بو سيف ..
تسير فطوم تتسبح من التراب والغبار .. بعد ماخلصت يعني على الساعه 7.30 ادق حق ربيعتها اسوم
اسوم : الوووووووو
فطوم : مرحبا مرحبا الساع مرحبا بأسوم الغالية
اسوم : ههههههه هلا والله هلا بفطامي اشحالج فديتج
فطوم : بخير وسهاله اشحالج انت واخبارج
اسوم : الحمدلله هااا وينج وين منخشه
فطوم : ههههههههه وين منخشه بعد إلا في العين ماطلعت برع الحدود
اسوم : في العين وتلفونكم محد يرد عليه
فطوم : كلنا في العزبة وليييش مااتصلتي على تلفوني
اسوم : دقيت وحصلته مغلق
فطوم : اهاااا .. تصدقين حلو الجو اليوم
اسوم : صح والله حلو وايد انزين وين سرتي بعد
فطوم : مارحت مكان امس كنا في المزرعة وبعدين سرنا العزبة نبات فيها والحين رادين منها
اسوم : ياحيج والله مب انا مخليني حارس الدولة السنه
فطوم : ههههه افاااا لييييييش
اسوم : ماطلعت مكان إلا من السوق أللين البيت بس
فطوم : ههههه انا بعد ماسرنا مكان إلا صلالة وبوظبي والمزرعة والعزبة بس
اسوم : لا بعد ماسرنا مكان المهم اطلعين تستانسين
فطوم : بسم الله لاتحسديني بعد من باجر مابيلس في البيت شو رايج
اسوم : ليييييييييش وين بتسافرين
فطوم : ههههههه لا بسير ازهب ويا الريم حق العرس
اسوم : بتعرس متى ..؟؟؟؟
فطوم : على اخر شهر 8
اسوم : ماشي باقي إلا شهرين يالله يالله عيل يكفنها
فطوم : قلت إلها قالت ليييش مستعيلين
اسوم : ههههههه حليلها والله عيل بخليج الغالية بنات عموتي وصلن
فطوم : اوكيه فداعه الله
اسوم : مع السلامه


الساعه 9
في بوظبي ... طلع منصور من البيت بسير يتمشا على البحر ..
منصور وهو يتمشا يصيح تلفونه وكان سعيد اللي داق ..
منصور : الوووووو
سعيد : منصور
منصور : خييييييير
سعيد : ياخي أحبك
منصو : هههههههههههه والله قلت شي عندك الحين
سعيد : مالت عليك مب راقد يالس افكر فيك
منصور : ههههه فيني ولا في ....
سعيد : لا والله صدق منصور والله احبك
منصور : عيل انا مااحبك
سعيد : أفااااااا
منصور : إلا أموووت فيك
سعيد : ههههههه فديتك يا الغالي انزين وين انت
منصور : على البحر اتمشا
سعيد : يا حيك والله عيل برايك بسير ارقد
منصور : ههههه بس عشان جيه انت داق
سعيد : هههههههه يالله فمان الله
منصور : الله وياك الغالي

منصور يلس شوي على البحر بعدين سار البيت بيرقد ..
ياي يحطي راسه على المخده خطرت فطوم فباله وشاف الساعه 10.40
منصور شل تلفونه ودقلها بس محد يرد .. لأن فطوم كانت ياله في الصاله اطالع التلفزيون ..

وعلى الساعه 11 فطوم سارت حجرتها وشافت منصور داق 3 مرات
فطوم : لييييييش داق لا يكون شي صاير
وادقه ..
منصور : الوووووو
فطوم : هلاااااااا
منصور : هلا والله اشحالج
فطوم بلا نفس : بخير نعم دقيت شفت رقمك
منصور : هههههه داق اسمع صوتج
فطوم : ههههههه عيل يالله اجلب ويهك
منصور : لحظه قبل لا أجلب ويهي فطوم أسف عشان خربت أكلكن بس انتن ماقصرتن ماخليتن رقم في التلفون
فطوم : ههههه تستاهل
منصور : تصدقن ماشي ولا رقم في تلفوني إلا رقمج
فطوم : هههه انزين امسحه
منصور : ههههههه شو قالولج مينون
فطوم : انزين انا بسير ارقد شي في خاطرك
منصور : امممممم اول زعلانه
فطوم : لا مب زعلانه ارتاح
منصور : الحمدلله ارتحت
فطوم : زين عيل بعد شي في خاطرك
منصور : اممم هيه
فطوم : خييييييير بعد
منصور : أحبج يالله باي .. وبسرعه يبند الخط

فطوم يسلت تضحك : هههههه فديته ياربي ماادري كيف بعيش بلاه ..

طبعا منصور ماغطت عينه ولاقدر يرقد يلس يفكر أنه بيخطب فطوم .. ويلس يفكر بتوافق ولا لاه . وعلى طول الوقت وهو يفكر فيها ..

الساعه 4.30 نزل منصور وسار المسيد وقرر انه يرمس ابوه ويسير اليوم يخطبها له ..

منصور : ابويه بغيتك في سالفه
بو منصور : خير شو بغيت
منصور : نويت اعرس
بو منصور : هههههه قول حق امك تخطب لك اللي محطيه عينها عليها
منصور : لا مااريد انا اريد اللي في بالي
بو منصور : ههههه ومنو اللي في بالك
منصور : بنت عموه فطوم
بو منصور : هذي الساعه المباركه زين مااخترت
منصور : انزين عيل اليوم تخطبها حقي
بو منصور : وين اليوم امس يايين من العين
منصور يلس يصر انهم يسيرون اليوم يخطبونها .. وطبعا وافق بو منصور ..


الساعه 7.30
ساروا صوب العين يخطبون فطوم .. طبعا فطوم ماعندها علم انهم يايين يخطبونها ..
بعد ماعرفت فطوم في السالفه عصبت منه وفرحت في نفس الوقت ..

بعد ماخلصوا بو منصور ومنصور من عند بو سيف ردوا بوظبي ..


الساعه 9.30
اطرش فطوم لمنصور مسج : (( كلمة اخيره : اللي يودك حطه بعينك وخبيه واللي ما يحبك ابعد عنه ))
منصور انصدم من المسج شو قصدها فيه وطرش : (( هااا سمعتي الخبر ،، طمنيني موافقه ولا لاه ))
فطوم : (( تعال عند ابويه واسمع الخبر بنفسك ))
منصور : ههههه اكيد وافقت فديتها يا ربي واخيرا يتحقق حلمي
فطوم ترد أطرش : (( أأأأسفه بس عااافك الخاطر ))
منصور قرأ المسج ألف مرة مب مصدق اللي جدامه لاااا شوو قصدها لااااا ياربي لاااا فطوم ادخيييلج احبج احبج لااااا وافقي علي ...


ياترى فطوم بتوافق على منصور ولا لاه ؟؟؟

<<<<<<<<<<>>>>>>>>>>
توقعاااااااااااااااتكم ؟؟؟؟؟


يتبع....

الحلقة (( 29 )) ما قبل الأخييييييييرة


منصور كان في صدمة قووووويه مستحيييييل فطوم ترفضة مستحيل ..
منصور : لااااااا اكيييييد تمزح لا مستحيل ترفضني فطوم فطوم تحبني ..
يرد يتصل فيها بس ماترد عليه ..
منصور : اكيييييد رافضتني اكييييييد لا لييش يافطوم تعذبيني حرام عليج والله حرام مااقدر اشوفج لواحد غيري لامستحيييل مستحييييل .. يقاطع كلامه الحزين صوت الباب ..
منصور يلف صوب الباب : منوووووو
ام منصور : منصور
منصور قام وسار صوب الباب وفج الباب : خيييير امايه بغيتي شيء
ام منصور : هيه الغالي بغيتك توديني بيت عمتك في العين
منصور في خاطره يقول لاااا مايريد يسير صوب العين : لييييييييش عشان سالفة العرس
ام منصور : هيه ياوليدي بسير اطالعهم
منصور : امايه لاترمسينهم هم بردونا جواب جانهم موافقين علي
ام منصور : يالله بستر ليش مايوافقون
منصور : امايه لاتعذبيني انا بوديج صوب العين بس ماتفتحين سالفة العرس وياهم .
ام منصور : لييش هم مايبونك
منصور نزل راسه ورد رفعه : ماادري بس كل شيء جايز بس المهم متى تبيني اوديج
ام منصور : بعد الغدا انشالله
منصور : خلاص تم يا ام منصور


في العين .. الساعه 1.30
تتصل الريم بفطوم بعد ماسمعت على الغدا خطبة منصور حق فطوم وهيه للين الحين مب مصدقة انه خطبها وفطوم ماخبرتها بسالفه لا خيانه ..

فطوم : الووو
الريم : هلا والله بالعروس
فطوم : ههههه أي عروس
الريم : جب جب انا اخر من يعلم صدق مافيج مذهب
فطوم : هههه لييييش ماتعرفين ان منصور يا وخطبني لا مستحيل مع انج وياه في نفس البيت
الريم : لا ماادري بس ماعليج هزبته منصورو السبال صدق مايستحي من وراي
فطوم : والحين داقه تهزبيني حرم سعيد
الريم : لو سمحتي الشيخ سعيد فهمتي
فطوم : هههه شيخ في عينج محد عندنا شيخ غير الشيخ زايد
الريم : المهم شوو متى العرس
فطوم : حوووو أي عرس منو قالج اني موافقه
الريم : نعم نعم ماسمعت شووو مش موافقه كيفج هووو
فطوم (( بدلع )) : والله كيفي لأن هذي حياتي وانا حره
الريم : فطووووم عن الدلع ادري انج تحبينه .. وتقاطعها فطوم
فطوم وهيه معصبة : كنت احبه
الريم : والحين
فطوم : عادي عندي مثل اخوي مااقدر اتصور بكون ريلي وبعيش معاه مااقدر على مغايظه ومقالبه
الريم : فطووووم اكيييد شاربه شي
فطوم : الريم فهميني منصور غير عن سعيد منصور مب ويهه عرس منصور مايحاتي شيء كثر الدوام والدراسه وسفراته بس
الريم : حبيبتي اخوي يأمن مستقبله يريد يكون مهندس كبيييير
فطوم : حتى ولو مارريده
الريم : فطوم اكيييييد هذا واحد من مقالبج
فطوم : ريمووه تبين الصدق
الريم: اكييييييييييييد..
فطوم : انا معصبة عليه ليييييش مايقول انه بيي يخطبني خلاني جدام الأمر الواقع حتى مايعرف اذا موافقه عليه ولا لاه
الريم : هههههه كان واثق من موافقتج
فطوم : هههههه مشكلته والله
الريم : المهم فطوم هالله هالله بمنصور ترى هذا اخوي مالي غيره
فطوم : ههههه عندج حمدان
الريم : حتى ولو منصور غييييير
فطوم : هههه المهم بخليج الغالية شي في خاطرج
الريم : تسلمين الغالية .. بس نسيت اقولج المعرس المجروح ياي صوب العين ومعاه الوالده
فطوم جنه حد صب عليها ماي بارد اكيييد يايه خالوه تعرف ردي بسالفه ياويلي شو اقول ..
فطوم : حلفي ولييييش مايتي وياهم
الريم : مااريد سعيد يشوفني اللين العرس
فطوم : والله انج سالفه اوكيه يالله باي


بعد ماسكرت فطوم من الريم يلست تفكر بمنصور : الحين خالوه يايه تسمع ردي بسالفه العرس لو قلت لهم اني رافضة اكيييييد بتستوي مشاكل في العايلة وخالي بيزعل وامايه بتعصب بس ابويه مستحييييل يجبرني على العرس ابويه ريال فاهم ودارس يعرف الصح من الخطأ مستحيييل يخليني اعيش عند واحد مب مقتنعه فيه .. بس امايه اكييييد بتقول منصور مافيه عيب منصور ريال والكل يشهد بأخلاقه عمره ماغازل وعمره ماتحرش ببنات مايخصة بسوالف الشباب هالأيام ريال سوالف ومقالب وحبووووب يفكر بمستقبله ويحب يكون نفسه بنفسه .. بس انا مااريده لا شو مااريده هذا هو الشخص اللي حبيته بكل مافيني .. بس لييييش انا رافضة ليييييش اكيد فيه سبب يمكن اريد ارد حركته انه خطبني بدون مايقول حقي بس هذا مب سبب بس انا ....... لا مستحيل خله شوي يعرف قيمتي سبال ههههه فديته حرام علي خله يستاهل بس ماعليه حصلت حل .. يوم تسألني خالوه بقولها بعدني مااستخرت اكيد مابتقول شي وبعدين بتصرف وياه بطريقتي الخاصة ..

أما من جهة الريم كانت ملااااانه يالسه تلعب لعبه في الكمبيوتر ومصرة تقيمها مئة مرة عادت اللعبة وكل مرة تخسر .. وهيه مندمجه في اللعبة ماباقي شيء وتقيم يقاطع لعبتها صوت مسج .. نقزت في مكانها وخسرت في اللعبة عصبت وردت تعيد اللعبة من البداية ويوصل المسج الثاني .. قامت سارت اطالع من منو المسجات ..

المسج الأول : (( احترامك في محله والمعزة والقدر بس أقول إني أحبك أعترف ماني بقادر !!؟؟)) من سعيد

المسج الثاني : ((محشش يسأل أمه لو أنتي ماولدتيني وشفتيني عند ناس بتعرفيني هههههههههااااي )) فطوم

الريم : ههههههه الله يخسج يا فطووووم صدق فايجه ..
بس شو اسوي مابرد على مسج سعيد انا مقررة اني ماارمسه ولامسج ولايشوفني اللين العرس .. خله يولي برايه يعفن يترياني ..


الساعه 4.45
يوصل منصور العين .. ينزل امه بيت عمته وسار عند سعيد في الكوفي يترياه ..

في الكوفي ..
سعيد كان يالس يتريا منصور يوصل ويالس بروحه ماسك له جريده يقراها للين مايوصل منصور .. رفع سعيد راسه من الجريدة ويشوف منصور ياي صوبه وقف عشان يسلم عليه .
سعيد : مرحبااا مرحبااا الساع
منصور يخاشم سعيد : مرحبا فيك اشحالك
سعيد : بخيييييير وسهاله اشحالك انت واخبارك
منصور : والله تمام
يلس منصور ويلس سعيد وياه ..
منصور : هاااا بوعسكور اخبار الدوام مابتحول بوظبي
سعيد : لالالالالاحشااااا مافيني
منصور : هههههه مافيك ولاعشان العروس في بوظبي
سعيد : هههههه هيه والله اشحالها هيه
منصور يطالعه بطرف عينه : امممممم بخير تشقح
سعيد : المهم انت شو سويت عشان الدورة
منصور : ياخي بخذها وبسافر
سعيد : افااا لييييييييش والعرس
منصور : أأأأأأخ يابوعسكور لوتدري شو في داخلي
سعيد خل الجريده على الطاولة ولف صوب منصور : خييييير شو صاير
منصور نزل راسه وتنهدددددد :
يالخوي بشكي لك الحالي من هموم الوقت وظروفه
مارحمني غث لي بالي لافني من قبل ما الوفه
ذلني من بعد ماسالي والمذله دروبها عوفه
ضاق صدري وزاد غربالي بعد راحه من قبل شوفه
ياسعيد انظر باحوالي قبل ماتغديبي حتوفه
قاصدنك بين لرجالي يافهيم الشعر ووصوفه
أنت ذيب مرقبك عالي ياشجاع حاسمه سيوفه
لك بنوف المجد واقوالي وحاشا مثلك يخذل ضيوفه
وقتيه ياسعيد سلالي بالتحدي رد بصلوفه
هد حيلي زاد غربالي والقدر فزاته معروفه
عاد بي عود ميالي لي تعدى يديله ردوفه
بوعيون سود وكحالي والصدر متشاسعه اكتوفه
هز قلبي ومر يختالي ولا اخذني بحسن وروفه
هذا قولي وتمت امثالي والعذر في آخر حروفه

سعيد يسمع وهو ساكت ولانطق .. يوم خلص منصور كلامه رفع سعيد عينه بعين منصور وقال : لاصد عنك من توده وجافاك .. خله وجازه بلجفا مثل صده .. خلك عزيز النفس والعز مأواك .. وكلن عطه تفصيل ثوبه بقده ..خص الرفيق اللي إذا جيت حياك وأن غبت عنه ياصلك بالموده ..

منصور مافاهم شي شو قصده سعيد انا ياي عشان يخفف عني وهو يرد يزيدني هم وغم ..
منصور : سعيييييد شو قصدك اطنش
سعيد : هيه عيل خلك عزيز النفس منصور لاتذل نفسك عشانها اذا هيه تباك وتعزك جان ماسوت جيه فيك
منصور : مافهمت فمهني
سعيد : اسمع يا منصور خلها تولي لاتسأل عنها واذا شفتها خلك عادي ولاجنه شي صاير لاتهتم فيها ولاتتخبر عنها خلك على هالموال اسبوع وشوف اذا هيه تحبك وتعزك بتسأل عنك .. صدقني يامنصور اسمع كلامي وشوف
منصور يفكر برمسه سعيد : .............
سعيد يريد يغير الموضوع عشان يهدي على منصور : يالله منصور خلنا نسير السينما
منصور وهو يفكر شوي : اوكيه يالله


في بيت قوم فطوم ...
ام منصور وام سيف وحرمة يرانهم كانت عندهم يالسن في ميلس الحريم ..
اما فطوم كانت في حجرتها بعد ماتسبحت يالسه تنشف شعرها وتلفها بسرعه وهو مبلول ولبست شيلتها ونزلت عند الحريم تسلم ..
فطوم : السلام عليييييييكم ..
الحريم : وعليكم السلام
بعد السلام والخرابيط سارت فطوم صوب حرمة يرانهم بتشل بنتها الصغيره اللي عمرها اربع شهور اسمها هنوده ..
تشل فطوم هنوده وترفعها فوق وتحبها : فديييييتها تشبهني
ام هنوده : ههههههه لا بنتي احلى
فطوم : هههه لو تشبهني بسها شو تبا بعد
ام منصور : هيه والله لو تشبه فطوم بتطلع حلوه وماعليها كلام
فطوم حست ان حرمة خالها بدش بسالفه العرس وقالت بطلع بسرعه قبل لاتتكلم بالموضوع ..
فطوم شاله هنوده : صدقج خالوه .. اوكيه عيل انا بشلها داخل في الصاله براويها منصورور
ام سيف : منصور محد سار بيت عمه ويا سيف وشمه
فطوم : والله اوكيه انا بشلها داخل
ام هنوده : برايج



ادش فطوم الصاله وتشغل التلفزيون .. وتيلس وتخلي هنوده في ثبانها .ويالسه تلاعبها ويصيح تلفون البيت ..
فطوم : الووووو
ميروه : هلا والله
فطوم : هلا ميروه اشحالج اشحال يزوي
ميروه : يسرج الحال اشحالج انت
فطوم : بخييييير وسهاله
ميروه : وينج ماادقين مامسوده الويهه
فطوم : ههههههه والله شو اقولج ياميروه تعرفين بعد انا إمرأة اعمال يعني كله مشغوله وكله سفرات
ميروه مخليه سبيكر عدالها يزوي ..
يزوي : اقول حضرة مديرة الأعمال خليني سكرتيرتج الخاصة
فطوم : لالالا انت ماتنفعين لهاي المناصب
يزوي : ويا كشتج سباله
فطوم : ههههههه يزويه تعالي عندي شو رايج
يزوي : مااريد
في هالوقت تصيح هنوده .. ايهي ايهي ايهي ايهي
يزوي : فديتها منو هالنونوه
فطوم تسكت هنوده : بنتي فديتها
يزوي : يالله فطوم بنت منو
فطوم : تبين الصدق بس لاتخبرين حد
ميروه : انا وياكن بالسر
فطوم : الله يخسكن سمعن السالفه الله يسلمج عند الغدا دش علينا ابويه ومعاه حرمه وبنت عمرها اربع شهور وولد عمره سنتين وبكل ثقة وقوة قال هاي حرمته وعيالي
يزوي : حلفي وبعدين شو صار
فطوم : عادي بعد شو
ميروه : وخالوه شو سوت
فطوم : عادي امايه فرحت وشلت البنت وحبتها وسلمت على حرمة ابويه
يزوي : فطوم صدق ولااجذبين علينا
فطوم : ههههه شو اجذب صدق مااقص عليج لو تشوفين حرمة ابويه حلوووووه
ميروه : ووووع ليش يزوج على خالوتي
فطوم : ههههههههههاااي اقص عليكن يا الغبيات هاي بنت يرانا
يزوي : فقتج صدقت
ميروه : سباله عند امج
ترد اتصييييييح هنوده ايهي ايهي ايهي ايهي ايهي
فطوم : اوكييييييه برايكن هنوده تصييييح باي وسلمي على خالوتي
ميروه : انشالله وحبيلي هنوده
فطوم : اوكيه .
.

ابتلشت فطوم بهنوده تصييييح ماطاعت تسكت
فطوم : حبيبي بس فدييييتج ..
شغلت التلفزيون وخلت نجوم كانت غنية يامودي . طولت على التلفزيون ورفعت هنوده فوق ادورها وترقصها عشان تسكت ..فطوم مب حاسه بعمرها عادي ..


في نفس اللحظه يدش منصور الصاله كان داش بسلم على عمته ويشل امه وكانت الساعه تشير للساعه 5.30
دش الصاله يتحسب الحريم يالسات داخل وقف عند الباب يشوف خبال فطوم وهيه تناقز وترقص هنوده .. وهنوده بعدها تصييييح ماطاعت تسكت ..
منصور خاطره يضحكككككككك ....هههههههههاااااااي
يسير صوب فطوم ويوقف جدامها يريد يشل هنوده من ايدها .. فطوم من شافت منصور تيبست في مكانها تمت اطالعا خاطها تصفعها لييييييش جيه داش عليها .. منصور حب هنوده على خدها
منصور : حبيبتي فديتج انت حلوه ويقرص هنوده على خدها .. جان تضحك هنوده .
فطوم بعدها ساكته تريد ترفع قصتها من عيونها وتعدل شيلتها . بس ماب قادره هنوده في ايدينها .. منصور يلف صوبها وخاطره يشوف عيونها بس شعرها المبلول على ويها .. منصور يرفع ايده ويشل شعرها من عيونها حس ان ايده ترتجف .. بس فطوم متيبسه في مكانها مانطقت ولا كلمة ..
منصور ساكت بعد مارمس .. جان يرد يحب هنوده ويطلع .. عنها
فطوم وهيه خاطرها تصيييييح : سبال اكرهكككك
منصور وهو بعده عند الباب سمعها يوم قالت سبال اكرهك .. جان يلف صوبها
منصور : فديت السبال انا ..


طلع منصور وسار ميلس الحريم يسلم على عمته ..
فطوم خاطرها تصيح ترتجف وهنوده تصييح في ايدنها .. سارت ميلس الحريم تعطيها امها ..


وهيه عند باب الميلس كانت خايفة وترتجف ويها احمرررررر .
فطوم تحدر الميلس : السلام علييييكم ..


منصور منزل راسها من سمعها تقول اكرهككك .. ولارد عليها السلام .. جان تتقرب فطوم من ام هنوده كانت يالسه ومنصور يالس على الكرسي اللي عدالها ..
فطوم معصبه ليييييش مايرد السلام يا الفضيحه بأمها وحرمة يرانهم وام منصور ..


منصور رفع راسها ويت عينها بعينها .. وخاطره يضحك عليها ويها احمر ..جان يبتسم في ويها .. جان يقول في خاطره : يحسبني يوم سلم ماسمعته سامعنه بس بتغلى عليه قلت أثقل بس ثقلي ما استطعته وابتسمت وجيت لمعانق ايديه يحسب إني يو مارديت بعته مادرى بكل عمري مشتريه والصراحه يوم سلم ماسمعته كنت افكر كيف أنا اسلم عليه ..


ترخص منصور وامه وساروا صوب بوظبي .. وبعد ترخصت حرمة يرانهم وسارت بيتهم ..

اما فطوم سارت حجرتها وتعق عمرها على الشبريه وهيه تصيح : اكرهككككك .. ليييييش جيه يعاملني قفطني جدامهم ليش مارد السلام ليييييش .. لايكون باعني خلاص يعني مايريدني بس انا احبه فقته مايستاهل ايهي ايهي ايهي .. لا مااقدر اتحمل ؟؟ بس اخرتها بيي يسأل عني واذا اريده ولا لاه .. بس لييش خالوه اليوم مارمست في العرس ولايابت طاريه لايكون منصور قالها انه مايباني خلاص غير رايه .. ...



من باجر الساعه 6المغرب
سعيد منسدح في حجرتها ويفكر : اقوووول حق الريم ولا لاه بس لازم تدري .. بس لو درى منصور اكيييييد بيزعل علي بس انا مااريد حد يستهم علي بس انا لازم اقول حق الريم هذي بتصير بعد كمن شهر حرمته ولازم تعرف الحين .. يشل تلفونه ويتصل فيها بس الريم ماترد عليه .. ويرد يتصل بس الريم ماترد ..

اما الريم اطالع تلفونها وتقول : لااااا قلبي لاتخوني لاتحاول مابرد عليه ..
بس سعيد اتصل ثلاث مرات .. والمرة الرابعه الريم حست انه شيء صاير جان ترد
سعيد : الوووووو
الريم : هلا
سعيد : هلا والله اشحالج
الريم : بخير اشحالك انت
سعيد : الحمدلله
الريم : خييييير سعيد شو صاير
سعيد : الريم بغيتج بسالفه خاصة وضرورية .
الريم : خير قول
سعيد : بس يتم سر بيني وبينج موافقه
الريم وهيه مستهمة : سعيد قول طيحت قلبي شيء فيك شيء يعورك
سعيد : سمعي .. طبعا يوم صار الحادث تأثرت وايد فيه وللين الحين ومثل مالاحظتي أثار الحادث امبينه .. ومن الحادث تأثر العمود الفقري عندي طبعا مب وايد بس شوي تأثر والدكتور قال لازم اتلاحق عليه واسوي عملية قبل مايأثر علي وبعدين بيتأثر العمود الفقري كامل .. يعني قررت انشالله بعد العرس مباشرة بنسافر وبسوي العملية
الريم : وليش ماقلت لي من قبل
سعيد : ماحبيت اغثكم
الريم : شو تغثنا ياسعيد انت صرت شيء مهم في حياتي
سعيد : خلاص يا الغالية لاتستهمين انشالله بعد العرس بنسافر وبنسوي العملية
الريم : وليش تتريا للين بعد العرس سافر الحين وسوها
سعيد : ماينفع لازم تكونين وياي وانا اجلتها لأخر شهر 8
الريم : ..................
سعيد : المهم الريم أمانه لاتقولين لحد حتى منصور .. محد يدري بسالفه غيرج حتى اهلية مايدرون
الريم : انشالله بس طمني عليك
سعيد : انشالله تامرين امر بس لاتستهمين مب خطيرة العملية
الريم : انشالله
سعيد : اوكيه بخليج الحين شي في خاطرج
الريم : تسلم الغالي يالله فمان الله
سعيد : مع السلامه


من جهة فطوم .. كانت داشه النت اتجيك على ايميلها ..
جان يدش منصور (( أللين الحين احبها ولاني قادر انساها ))
فطوم طبعا مادشت عليه حتى منصور قال بشوفها بدش عليه ولا لاه ..
بعد خمس دقايق الكل يتريا الثاني يدش بس محد تنازل ودش على الثاني ..

جان يدش منصور : بابتعد لو يسعدك بعدي .. بهجرك والقلب زعلان بهجر ديار بها سعدي .. وبترك ديار اللي صد واجفاني .. مايروف بعشق المودي .. ولايحس بقلب ولهاني .. الهجر ماييب ويودي والصدود يورث أمحاني .. الوفا والحب مايجدي .. دامه المزيون بطراني ..

فطوم خاطرها تصيح بس ميوده عمرها ماردت عليه ..
منصور : أنا حبيت بس مره وخان الحب ظني فيه .. وقلبي انكسر مرة ولين اليوم أجمع فيه .. وتبت وتاب أحساسي وصرت أقسى من القاسي ..
فطوم : مسموح أبعد عن هواي ما أقدر أجامل وأخدعك .. تسمحلني لو تلقى سواي غيري ترى مابينفعك ..
منصور : لاتحسب إني عقبكم في ندامه ..ماني على حب المقفين ندمان .. من باعنا بالرخص نرخص مقامه .. نشطب عليه ونتركه دون عنوان ودعت حبك بالغلا بالسلامه .. مالي بحبك دامك إنسان خوان .. والقلب بدل عن غرامك غرامه .. من حب مثلك لازم يعيش خسران .
فطوم : ......................................
منصور : روح في دربك وأنا في دربي .. روح وأبعد يحفظك ربي .. يالله يعوضني بغيرك .. مات حبك والبقى براسك ..
فطوم : حرام تجهل حب صادق يراعيك .. من يت في حبك يافريد الملاحه .. جان الغلط فيني وصار الغلط فيك ..هذاك ربي مد كف السماحه ..

أما منصور حب انه يخلي للسالفه حد للين هنيه وخلاص يا كل شي ينتهي أو انها توافق على العرس ..
منصور : فطوم بجد وبدون مزح ومغايظ ومقالب وسوالف .. السالفه فيها حياتي وحياتج .. خلاص خلي الدلع على صوب وخلج جديه في رمستج .. فطوم انا شاريج وابيج على سنه الله ورسوله .. اذا كنت تبيني قولي عشان اني ونخطبج رسمي واذا ماتبيني ومالي نصيب فيج قولي عشان اسحب ملافاتي وابعد عنج ولا اقطع نصيبج لأن الكل يقول انج لي .. فطوم قولي الصدق ولاتكسرين قلب تعذب في هواج ..
فطوم ماتعرف شو ترد او شو تقول ؟؟؟؟
منصور : شو قررتي الحين ؟؟
فطوم : اممممممم خلاص تعال عند ابويه وهو بقولك ردي
منصور : انشالله تكونين موافقه يالله فمان الله
فطوم : الله وياك


الساعه 10 فليل ...

فطوم نزلت الصاله وحصلت ابوها يطالع الأخبار ويلست اطالع وتفكر كيف بتفتح السالفه لبوها .. بعد ماخلصت الأخبار لف بو سيف صوب بنته ..
بو سيف : اقول فطوم ؟؟
فطوم حست قلبها يدق : شوووو
بوسيف : ماعطيتني جواب على العرس
فطوم نزلت راسها : ..........................
بوسيف : يابنيتي اذا ماتبينه قولي
فطوم : لا لا ابويه منصور ريال وماعليه قصور بس الشور شورك اذا يصلحلي انا موافقه عليه
بوسيف : بارك الله فيج يا الغالية منصور ريال ماعليه كلام وانا موافق عليه مابتحصلين واحد احسن عنه
فطوم ويها طمااطه سارت حبة راس ابوها : الله يخليك
بوسيف : مبروووك فديتج
فطوم : الله يبارك فيك ..

مر هاليوم حلووووووو على فطوم بتحقق حلمها مع منصور ... اما منصور كان مستهم يحس بساعات انها بتوافق وساعات انها بترفض بس مع هذا كان متفائل ...


من باجر .. منصور يالس في الدوام على مكتبة ويتصفح بالجريده .. يدخل عليه زميله في الشغل ..
حميد : السلام علييييييكم
منصور : وعليكم السلام هلا والله بو عبدالله
حمدي : اشحالك منصور
منصور : بخير وسهاله تفضل
حميد فج الملف جدام منصور يتناقش وياه بالمشروع ..
منصور : حميد انت تولى المشروع انا بعد شهرين بسافر
حميد : يعني خلاص عزمت على الدورة
منصور : هيه
حميد : منو بخاويك
منصور : ماادري بس يمكن أحمد ياخذ الدورة بعد
حميد : اهاااا ،،، انزين انت تفهم اكثر عني انا مافهمت هذي النقطة (( يأشر عليها في الملف ))
منصور : هذي الله يسلمك مش مهمة هذي النقطة تخص المالك انت عليك التخطط للمشروع بس
حميد : يعني مش مهمة انفذها
منصور : لا بس يكون لك خلفية عنها بس ..... ويصيح تلفون منصور
انصدم يوم شاف رقم بو سيف ؟؟؟؟؟؟
منصور : لحظه شوي حميد
منصور : الوووووو
بوسيف : السلام عليييييكم
منصور : وعليكم السلام والرحمه هلا هلا عمي اشحالك
بوسيف : بخير وسهاله اشحال اهلك عساهم بخير
منصور : كلهم بخير والحمدلله
بوسيف :زين عيل ياوليدي انا داق عشان الموضوع
منصور زايغ من الخاطر لايكون رفضته فطوم : هاه بشر ياعمي
بوسيف : مبروك يامنصور
منصور مب مصدق قلبه يطبل من الفرحه : الله يبارك فيك عمي
بوسيف : مااوصيك يا منصور على فطوم
منصور : لاتحاتي ياعمي بخليها في عيوني
بوسيف : تسلم عيونك يالله عيل انا اترخص عنك
منصور : اقول عمي شو رايك الاسبوع الياي نملج ونعرس مع سعيد والريم
بوسيف : هههههههه اللي تشوفه
منصور : خلاص عيل الاسبوع الياي نحن في العين
بوسيف : حياكم الله ،، وسلم على الأهل فمان الله
منصور : انشالله يوصل وفمان كريم

منصور بند التلفون والفرحه شاقه الويهه
حميد : خييييييييير
منصور : هههههههه باركلي بعرس
حميد : صدق مبروك
منصور : الله يبارك فيك عقبالك
حميد : لا لا لا عندي حرمه وساده
منصور : عادي خذ الثانية
حميد : لا مافيني ياخوي جنك ناوي تسفرني الحرمه
منصور : هههههههه انزين خلنا نرجع للمشروع
حميد : احسن اخافك تقنعني بالعرس واعرس
منصور : هههههههههههههههههه


من جهة فطوم .........
ادق فطوم بالريم تبشرها بأنها وافقت على منصور
الريم: الوووووووو
فطوم : شحالج ريموه
الريم : بخير اشحالج انت
فطوم : تمام الله يسلمج
الريم : غرييييييبه ليييييش داقه من الصبح
فطوم : امممممم داقه ابشرج
الريم : بشوووو تبشريني
فطوم : وافقت على منصور
الريم : والله زييييين والله مبروووووووووك
فطوم : الله يبارك فيج
الريم ياها خط سعيد ....
الريم : فطوم برايج عندي خط
فطوم : اوكيه باي

ترد الريم على سعيد
سعيد : الووووو
الريم : اهلين
سعيد : اشحالج
الريم : بخير اشحالك انت
سعيد : تمام والله
الريم : ياحيك
سعيد : اقول الريم
الريم : خييييييير
سعيد : أسف عشان دقيت وادري انه هذا غلط بس لازم تعرفين مااباج تسافرين وياي
الريم : لييييييييييييش
سعيد : عشان الجامعه
الريم : نفادها الجامعه مب لازم اكمل
سعيد : ليييش بتودرينها
الريم : لا مابودرها بس بطنش هالكورس
سعيد : لاحرااااام
الريم : عادي كله بس عشانك
سعيد : تسلمين خلاص عيل ريحتيني بكلامج تامريني بشي لازم اسكر لأنها مب حلوووه في حقج ادق
الريم : سلامتك الله يحفظك
سعيد : مع السلامه


بعد مرور اسبوع .......
قبل ملجة منصور على فطوم ..
في بيت بومنصور في بوظبي .. يصيح تلفون البيت ويرد منصور على التلفون ..
منصور : الووووووووووو
فطوم ليش يرد منصور محد غيره في البيت ..
منصور : الووووووووو
فطوم : السلام عليييييييكم
منصور متشقق صوت فطوم : وعلييييييييكم السلام والرحمه مرحبااا ملايين ولايسدن
فطوم : لو سمحت ممكن الريم
منصور : شوووو هالأدب بعد لو سمحت ..
فطوم : ....................
منصور : انزين مايصير منصور
فطوم : لو سمحت اخوي اريد الريم
منصور : هههههههههااي انزين اتخبري عني وعن اخباري يا الظالمة من اسبوع ولالج خبر
فطوم خاطرها تصفعه : انزين اشحالك عساك بخير
منصور : بخير وسهاله اشحالج انت
فطوم : الحمدلله تمام اوكيه يالله عطني الريم
منصور : مابعطيج
فطوم : يالله عاد اريدها ضروري
منصور : الريم محد سارت السوق
فطوم : ولييييييش ماترد على تلفونها
منصور : مااعرف اشدراني
فطوم : اممممممم اوكيه يالله باي
منصور : وين صبري اريد اقولج شيء
فطوم : خييييييير
منصور : ليييييش رفضتي نسوي ملجه عودة مثل ملجة سعيد
فطوم : بس اصلا انا مااريد اشوفك في الملجة
منصور : نعممممممممم شو كيفج هو
فطوم : هيه كيفي ماتشوفني للين العرس بالفستان الأبيض
منصور : لاااااااااا لييييش سعيد يشوف الريم
فطوم : سعيد والريم غير وفاطمة ومنصور غيييير
منصور : لا مايخصني بدش وبصور بعد
فطوم : ماشي تصوير في الملجة ومابدش علي فهمت
منصور في خاطره بدش غصبا عنج ...
فطوم : حووووو
منصور : منصور لو سمحتي ..
فطوم : ههههههههههه
منصور : خلاص مابدش في الملجة بس العرس بدش بدش تبين ولا ماتبين ضربي راسج في اليدار
فطوم : ماعندنا يدرا في البيت
منصور : ههههههههههه
فطوم : انزين سلم على الريم وقولها تتصل ضروري اوكيه
منصور : حاضر فديتج
فطوم أأأأأأخ محلاة كلمة فديتج على لسانه..
منصور : بعد تامرين بشيء
فطوم : سلامتك وخل بالك على نفسك
منصور : انشالله يالله عيل فمان الله وردي السلام
فطوم : انشالله فمان كريم


في يوم الملجة ...
في بيت بو سيف كانت الملجة صغيرة على قد العايلة بس واللي هم عائلة بومبارك وعائلة بو سعيد وعائلة بوسيف وعائلة بو منصور ويرانهم ..

بعد ماخلصوا العرب العشا .. يلسن البنات في الصالة الصغيرة اللي تحت ..
ميروه : فطوم متى بكون العرس
الريم : انا وفطوم بنسوي عرس جماعي
علياء : هيه انتن كيفكن
الريم : هههههههه عليوه انا سمعة سلوم ريلج يقول بنسوي عرسي وعرسج وعرس فطوم في يوم واحد
يزوي : الله كشخه بنزف ثلاث عرايس
علياء تمسك الريم من اذنها : منو عليوه وسلوم
الريم :أأأأأأخ منو غيرج انت وريلج
علياء : عيب انا حرمة عمج وهذا سلوم يستوي عمج
الريم : خلااااص بطلي اذني يا حرمة عمي
فطوم : ههههههههههه علياء بطليها بروحها اذنها كبيرة ماناقصين
الريم : فقتج سباله

ادش ام سيف ..
ام سيف : فطوووووووم
فطوم : نعم امايه
ام سيف : تعالي الميلس اللي برع خوالج بيسلمون عليج
فطوم : انشالله
تسير فطوم الصالة وياها الريم ويدشن ويلسن في اخر الميلس .. دقايق ويدش بو سيف وبو منصور وسالم ومنصور .
منصور داش والابتسامه شاقه ويهه .. فطوم من شافت منصور عصبت هيه قايلة لايدش في الملجة والله انه سباااااااال ..
تسلم فطوم على خوالها .. تيلس فطوم عدالها منصور والريم من جهة سالم وبو سيف عدال بومنصور ..
سالم : ها يامنصور مانوصيك على فطيم
منصور يطالع فطوم ويلف صوب عمه : لاتوصي ياعمي هذا بنت عمتي وفي عيوني
بوسيف : الله يهنيكم ..
الكل : أمين
ترخص بوسيف وبومنصور وطلعوا .. يلس سالم والريم وفطوم ومنصور ..
فطوم معصبة من الخاطر .. منصور كان يالس عداله .. بس تريد اطلع حرتها فيه عشان يتأدب .. جان تقوم تقرصة على ريله .. منصور عورته القرصة جان يصرخ : أأأأأأأي
سالم : اشفيك
فطوم في خاطرها تضحك :كككككككككككككك
منصور لف صوب فطوم وهو يضحك . هههههههه
الريم : بلاااااك
منصور : لاماشي بس شي قرصني في ريلي
الريم : هههههههههه اكيد سمسوم
سالم : ههههههه انزين الريم قومي وياي
فطوم خاطرها تقول لا يلسوا ويانا ..
طلع سالم والريم .. فضا المكان ..
فطوم قامت وسارت يلست على كرسي غير وجان ترفع رساها : سباااااال
منصور مخلي ايده مكان قرصتها : أخ عورتيني هب سمسومه عثرج
فطوم : احسن تستاهل انا شو قلت لك امس ماادش في الملجه
منصور : ههههههه شو اسوي ابوج قال قوم ويانا
فطوم : عادي قول مااريد ادش
منصور وخاطرها انا اباها من الله : افااااا فضيحه ارد عمي
فطوم وهيه تقلده : فضيحه ارد عمي
منصور : انزين انت لييييييييش معصبة
فطوم : سلامتك مش معصبة بس ممكن تشل عمرك وتطلع
منصور : لا مش ممكن انا لو اريد اشلج وياي الحين بيتنا لأنج استويتي حرمته خلاص
فطوم : مااريد وبعدين مب كيفك
منصور : هانت يا بنت خلفان مابجي شي الا شهرين يالله عاد زهبي عمرج حق العرس وانا كل يوم بطيح في العين عشانج
فطوم : لا ارتاح في بيتكم تحلم تشوفني او ترمسني للين العرس
منصور : ههههههه عادي تحملت طول هالمدة بتحمل شهرين عشان خاطر عيونج
فطوم قامت تريد تتطلع وسارت صوب الباب .. : اوكيه اسمحلي
منصور وقف وسار صوبها : صبري
وقفت فطوم في مكانها وتقرب منصور منها ..
فطوم تبتسم : نعم بغيت شي
منصور مسك ايدها ورص عليها قووووووووووو حتى من قوتها احمرت ايدها
فطوم تريد تسحب ايده بس مب قادر : أخ ايدي
منصور شل ايده فوق وحبها وطلع عنها ..
فطوم تيبست في مكانها أأخ ايدي تعورني حمااار ...

عدا يوم الملجة على خير وكلن سار بيته وهو مرتاح . خاصة منصور .. ارتاح من هم شاله فترة طويلة . خلاص هانت وكل شي بتحقق بعد عناه وتعذيب وهم وزعل ..



ياترى شو بصير في الحلقة الأخيرة (( من شفتها وقلبي ويااااها ))
هل من أحداث جديدة تغير مسار حياتهم ؟؟؟
هل حد منهم بتعرض لشيء ..؟؟؟
شووووووووووووووووو بصير في العرس ؟؟؟


<<<<<<<<<<<<<<<>>>>>>>>>>>>>>
توقعااااااااااااتكم للحلقة (( 30 )) والأخيرة ؟؟؟؟!!!!

البــــــــــــارت (( 30 ))

°°`•.¸¸.•°° ... والأخير ... °°`•.¸¸.•°°


بعد ما ملج منصور على فطوم .. قرر التالي : زواج سعيد من الريم وزواج منصور من فاطمة وزواج سالم من علياء يكون يوم 27 / 8 / .... وبكون عرس جماعي يزف فيه ثلاث معاريس ..(( رووووعه ))

بعد يوم الملجة بيومين يعني يوم السبت .. فطوم كانت قاعده وملانه وتفكر كيف بتزهب حق عمرها وماشي باجي عن العرس غير شهرين وثلاثة ايام .. يعني يالله يالله تلحق على عمرها وخاصة في الصيف زحمة أعراس ..

فطوم : أأأأأأأوف من ساعه وانا افكر كيف بزهب انا الصراحه مااعرف شيء وكيف اشتري لازم حد يكون وياي ويساندني في هاي المحنة هاي ريموه مامنها فايده ماطاعت تيلس في العين والسبة طبعا سعيد .. اممممم شووو اسوي .. فكره بسير بيت خالوه حمده .. خالوه ماشالله عليها شاطره بهشغلات وطبعا ميروه واختها شويخ مابتقصر بتنصحني بأشياء وااايد .. اوهوووو واالله العرس عباله وطفره . وفي هاللحظه يصيح التلفون

فطوم : الوووو

الريم : مرحبا يا مرحبا الساااع يا بوعيون سود ووساع

فطوم : هلا هلا والله اشحالج

الريم : تمام يسرج حالي

فطوم : اشفيج رايقة

الريم : ههههههههه شووو اسوي ماحصلت حد اغلس عليه قلت بدق وبغلس عليج

فطوم : هههههه عيل جلبي ويهج

الريم : على أي صفحه

فطوم : امممم على أخر صفحه

الريم : نووووووو

فطوم : ريمووووه تعالي العين

الريم : أأسفه

فطوم : ريموووه دخييييلج خلينا نزهب ويا بعض شووو رايج

الريم : لاااا عليوه قالت بتزهب وياي

فطوم : لا والله مايخصني هذيج كبيرة وتعرف اكثر عني وعنج

الريم : لاااا انت تعالي بوظبي

فطوم : لاالالالالالااااالااا مينونه انت
الريم : ههههههه حتى انا عيل مب مينونه تعرفين سعيد في العين

فطوم : سعيد في بيتهم مايخصه

الريم : لالالا مااقدر

فطوم : تعرفين شووو خططت

الريم : شوووو

فطوم : بسير بيت خالوه حمده بخليها تزهب وياي

الريم : ههههههه ماعندها شغله عموه غيرج

فطوم : عاااادي شوو وراها

الريم : كييييفج


في هاللحظه يدش سعيد ..
سعيد : هووووود هووود

فطوم عدلت يلستها : قرب قرب سعيد البيت بيتك

سعيد : اشحالج

فطوم : بخييير وسهاله اشحالك انت

سعيد : يسرج حالي

فطوم كانت مخليه السماعه في ايديها والريم تسمع شووو يقولون ..

الريم تتحرقص تسمع صوت سعيييييد وميته من الفرح من يومين ماله خبر ولاحس .

فطوم : قرب سعيييد

سعيد : قريب عيل وينها حرمة عمي

فطوم : الحين بزقرها بس انت ايلس

سعيد يلس على الكرس اللي عدال الباب
فطوم ردت وشلت السماعه

فطوم : ريموه خمس دقايق وبتصل فيج

سعيييد من سمع اسم الريم رفع راسها وجهه نظره على فطوم ..
سعيد : احم احم

فطوم اطالع سعيد وتبتسم .

الريم : اوكييييييه بس قبل اشحاله ....

فطوم وهيه اطالع سعيد : ههههه بخير يسرج حالهم رقييييص

سعيد يبتسم حق فطوم يعرف انه هو المقصود ..

الريم : اوكيه سلمييييييي عليهم

فطوم اطالع سعيد : سلامن يوصل

سعيد يعرف هو المقصود بالسلام جان يبتسم
سعيد : الله يسلمها من الشر

فطوم : هههههه سمعتي

الريم : لاااااا

فطوم اطالع سعيد : عيد ماسمعت

سعيد ابتسم وطلع وسار الميلس (( سعيد من النوع الخجول شوي ))

الريم : شووو قال

فطوم : قال الله يسلمج من الشر

الريم : أأأأأأخ فديته

فطوم : ههههه يالله يالله برايج بسير ازقر امايه باااي

الريم : بااااااي


سارت فطوم تزقر امها حق سعيد .. وبعدين سارت ترمس الريم .. من الصاله الفوقية ..

فطوم : الوووو

الريم : اهلين

فطوم : انزين بتين ولا لاه

الريم : اوكيه خلاص بيي حشرتينا

فطوم : اوكيك يالله عيل جلبي ويهج بسير ادق لخالوه ببارك لهم بترقية مبارك

الريم : اوكيه سلمي على البنات

فطوم : سلامن يوصل


بندت الريم من فطوم ويلست شوي ماسكه ريموت التلفزيون وتتامل بهتلفزيون وتفكر بسعييييد واول مرة اتشوفه فيه يوم كانوا في يبل حفيت ..

الريم : ههههههه والله حلووو الموقف بس الصراحه عصبت منه من الخاطر ماتوقعته يكون سعيد .. هههههه مغازلجي السبال .. بس....... حليله على نياته وسوالف والحين ودر المغازل والخرابيط بس انشالله محد يأثر عليه هذا ربيعه هزاع هو اساس الخراب ولا سعيد وين والمغازل وين ..


بعد يوميييييين .. الريم كانت بتي صوب العين .. طبعا منصور اصر انه هو اللي يوصلها العين بيت عمته ؟؟ طبعا عشان يشوف زوجة المستقبل .

في سيارة منصور كان متجه نحو دار الزين ..

منصور ساكت والريم بعد ساكته .. وفجأة ؟؟؟!!! يصيح التلفون ..
منصور يشوف الرقم وبعدين طالع الريم : مرحبا الساااع بالغالي

سعيد : ههههه هلا والله فيك اشحالك ربك بخير

منصور : رقيييييييييص اشحالك انت واعلومك

سعيد : تماااااممم والله

منصور : زين والله اخبار أهل العين

سعيد : والله طيبين اهل العين واشحالهم هل بوظبي

منصور : بخييييير وسهاله

سعيد : والله يحظك

منصور : ههااااي لييييييييش؟؟

سعيد : لأنك في بوظبي

منصور : الله يهديك الصراااحه بوظي والعين واااحد

سعيد : ههههههههه انزين انت وينك الحين

منصور : امممممم الصراحه رايح صووووب .. ويلف يطالع الريم .. ههه صوب البحر

سعيد : اهاااا .. واخبارك بعد

منصور : تمامووووو إلا اتخبرك

سعيد : خيييييير

منصور : شوووو سويت عشان الحجز وهالسوالف مليل العرس

سعيد : هيه والله تعبت إلا ارابع انت مووول ماخانتك شيء مطيح ومرتاااح

منصور : هههههه افااااا والله خلاااص انشالله بكون عندك اليوم بعد عشر دقايق

سعيد : هههههه شو تتطنز حظرتك

منصور : ههههه انزين شوووف شو بسوي المهم سعيد اريد كل شيء ترتوووووووب

سعيد : طبعا لاااازم كل شيء بكون حلوووو .

منصور : وعمي وينه مايا صوبك

سعيد : سالم هيه توه متصل فيني عشان حجز الخيم

منصور : زين والله خلاص عيل انت وينك الحين

سعيد : في البيت بعد وين

منصور : ربع ساعه وبكون عندك

سعيد : هههههه توك عند البحر

منصور : ههههه اقص عليك انا ياي صوب العين

سعيد : عنلاتك يالله عيل بسير اسبح بااااي

منصور : باياااااااااااااااات



بعد مضي ربع ساعه يصل منصور صوب بيت عمته (( بو سيف )) ..
ينزل منصور وتنزل الريم داخل حوش البيت .. ماحصلوا حد في الحوش .. اتجهوا نحو الصاله .. تفتح الريم الباب .. والمفاجئة ؟؟؟؟؟


الريم وهيه توايج من الباب : السلاااااااااااااااااااام عليييييييكم
ام سيف وفطوم يلفن بسرعه صوب الباب ؟؟

ام سيف : وعليكم السلاااااام والرحمه مرحبااا السااع

فطوم : هلا والله ببنت الخال

الريم ادش وتسير سيده صوب عمتها وتسلم عليها .

الريم : اشحالج عموه ربج بخييير

ام سيف : بخير وسهاله اشحالج انت واشحالج اهلج

الريم : الحمدلله بخيييير وسهاله

فطوم : ههههههه ولا مابتين يا السباله

الريم تلف صوب فطوم : ههههههههههه مانستغنا عنكم .

في هالحظه يدش منصور
منصور : هوووووود هوووووود

فطوم بسرعه تعدل شيلتها وتنزل راسها .. ودقات قلبها تنسمع

ام سيف : اهدااا اهدااا قرب قرب محد غريب

منصور يسير صوب عمته ويحبها فوق راسه : اشحالج عمره عساج بخير

ام سيف : بخيييير وسهاله اشحالك انت

منصور : الحمدلله بخير رقييييييص

يلف منصور صوب فطوم اللي منزله راسها ..

منصور : اشحالج فطوم عساج بخييييير

فطوم ترفع راسها وتبتسمممم : بخيير وسهاله اشحالك انت

منصور : دامنا في العين اكيييد بنكون طيبين

ام سيف : اقرب اقرب منصور

منصور : قرييييب والله مواعد سعيد بخطف عليه

ام سيف : برايك عيل

منصور : يالله عيل فمان الله توصون على شيء

ام سيف : سلامتك الغالي بس هالله هالله بسواقه

منصور : ههههه لاتوصين حريص اعيبج

ام سيف : هههههههه الله يهديكم


يطلع منصور من بيت عمته بعد ماارتاح من شاف فطوم .. طبعا فطوم كان في خاطرها ماتشوووفه للين يوم العرس بس شووو تسوي ماتقدر تصبر .. وطبعا الظروووووف ماتسمح ..


بعد ماطلع منصور من بيت عمته سار بيت قوم سعيد وشل سعيد بسيارته وساروا صوب جبل حفيت

في جبل حفيت ..
سعيد : تصدق اني يالس اعد الدقايق والثواني ليوم العرس

منصور وهو رافع راسه لسما : اممممم أما أنا ياما صبرت وتحملت الجثير منها .. وعندي الصبر بعدني اتحمل ليوم العرس .. وانت ياسعيد ماشفت اللي شفته منها

سعيد انسدح على ظهره وخلى ايده ورا راسه : أأأأأأأه عيل شووو تقول عني والله اريد اعرس بسرعه

منصور يلف صوبه : هههههههه الله يهديك لييييش مستعيل هالشهرين بخطفن بسرعه ومابتحس فيهن

سعيد : بالذات هالشهرين مابمرن بسرعه بمرن موووت عليه

منصور يطلع تلفونه من مخباته .. ويدق حق مبارك

سعيد : حق منو بدق

منصور : حق بروك من زمان ماسمعت له حس

منصور : الوووووو

مبارك : مرحبا والله

منصور : هلا فيك اشحالك عساك بخير

مبارك : بخييير وسهاله رقيييص ومن صوبك

منصور : والله تمام وووينك محد يسمع حسك

مبارك : والله إلا هنيه

منصور : اهاااا مبروووك عشان الترقيه والسمووحه انها يت متأخره

مبارك : الله يبارك في حياتك .. أفاا عليك عادي مسموووح بلحل

منصور : الله يسلمك وين انت الحين

مبارك ارتبك شوي ؟؟ : هااا إلا هنيه في أجواء العين

منصور : زين عيل تعال صوبنا عند جبل حفيت

مبارك : لاالالا مااقدر مشغول شوي الحين عندي شغله لازم اخلصها

منصور : شوو من الشغل الحين الساعه 6

مبارك مرتبك اكثر عن قبل : لا بس مواعد واحد ولازم اسييييير

منصور : اوكيه برايك على راحتك

مبارك : خلاص اشوفكم باجر في المزرعة

منصور : ليييييييييش

مبارك : مسوين عزيمة

منصور : اهااا خلاص عيل تم

مبارك : خلاص عيل برايك

منصور : الله يحفظك

يسكر منصور من مبارك ...
سعيد : اشفيه مبارك

منصور : مااعرف بس حاس انه فيه شيء

سعيد : شوووووو؟؟؟؟؟؟؟

منصور : ماادري بس حسيت من طريقة كلامه انه فيه شيء ..


الساعه 6.45
فطوم والريم ماسكات ورقة وقلم يخططن لمشروووع الزواج ؟؟

الريم : امممممممممممم شو باجي بعد ماكتبناه

فطوم محطيه طرف القلم في حلجها ورافعه راسها فوق وتفكر : امممم الحجز في الصوالين بس

الريم : اوجييييييييييج بس الصراحه مابنشتري وايد اغراض احسن نشتري شوي (( طشووونه خخخخخخ ))

فطوم : صدقج والله شو نباه بعدين بتنزل موضه جديدة في الأسواق


نرجع لشبابنا في جبل حفيت ...
سعيد : آآآآآآه يا منصور

منصور يلف صوبه : هههههه بلاك تون

سعيد محطي ايده على قلبه : أأأخ ناس خذه هالقلب

منصور : هههههههههاااااي بطني بموووت من الضحك

سعيد وهو محرج : مامنك من اللي يشكيلك

منصور يطلع تلفونه : تباني ادق حقها

سعيد يتقرب بسرعه عداله : فديييييتك والله بتسوي فيني خييير

منصور : هههه اوكيه شو تباني اقولها

سعيد : انت دق وبعدين يصير خير

منصور يدق حق الريم ...
الريم : الوووو

منصور : اهليييييييييييييييين

الريم : هلاااا والله بغيت شيء

منصور : الريم لاتسكرين الخط اوكيه بس سمعي وانت ساكته

الريم وهيه تفكر شوو السالفه..

منصور : اوكيه

الريم : انزين

منصور يتقرب من سعيد ..
منصور : يالله شووو بتقووول

سعيد احم احم

سعيد : يامنصور قلبي عليه اليوم خوف ..
من الريم جارحاته ذابها ..
سود حزب ومايله ميلة سيوف ..
ماتسمي بالهوى مضرابها ..

منصور وهو منصدم من سعيد ويرد يكمل وياااه

منصور : مرحبا ياسعيد يامنطق أفواه الحروف ..
والقواف لك تزف أعقابها ..
جيت لي تشكي من فراق الريم ..
مرحبا بشكواك واللي جابها ..

سعيد : وين نفسي من جفا وقرب الريم ..
وينها من قربها وغيابها ..
ليتها تقابلني واشوف حسنها ..
تعطي دواء لصوابها ...

منصور : يا ماعلى قلبك يا بو عسكور خوف ..
والمحبة ماتخيب اصحابها ..
من دخل دنيا الهوى لازم يشوف ..
ابتسامات المحبة نابها ..

سعيد : تصطفك بأمواجها سرق الحروف ..
غاية حروفي تنال اعجابها ..
تم نور الجو من عقب الكسوف ..
يوم تضحك ويتبارك نابها ..

منصور : والريم اللي حوت أحلى الوصوف ..
مثل ماصابك هوى ماصابها ..
حظها تسكن وسط قلب عطوف ..
قلب شاعر والقصيد أبوابها ..

سعيد : صافحت كفي بريحان الكفوف ..
عطرها ماراح من مظرابها ..
يحرس الله يامنصور ذيج الوصوف ..
نعم يابن خليفة بطناً جابها ..

منصور : ياسعيد داري على الحلو وروف ..
حطها بعينك وغظ أهدابها ..
دام شمس الصيف يتيها خسوف ..
وش تقول شمس محداً عاضها ..

سعيد وبصوت عاااالي : وسواااااااااااااااااااااالم
منصور : هههههه شووو رايج

الريم منصدمه ودمعه من عينها نازله على خدها وهيه سارحانه بكوكب غير عن كوكب سعيد ومنصور سارحانه بأفكارها الورديه ومستقبلها مع واحد سكنها بقلبه قبل لايسكنها بعقله

منصور : ريمووووووووووووووه وييييينج

الريم ترجع للكوكب الي عايشتنه ترجع على صوت منصور وهو يزقرها : شوووو

منصور : شو راااااااااايج فيني

الريم : تجننننننننننن

سعيد يظرب جتف منصور : حووووو قولها شو رايها فيني وبكلااامي أأأخ منك

الريم تسمع سعيد شووو يالس يقول : هههههه وإلا سعيد ماعليه كلام

منصور : هههههه سمعتك وتقول صوتك مب شيء مررررررررررره

سعيد ماد البوز شبرين : شوووووووووو

الريم : منصور اصطلب عاااد حرام عليك

منصور : ههههه اتقول لك زاعج بعد زياده عشان يتعدلن الأحبال الصوتيه مالاتك

الريم : منصووووووووووووووور حرااام عليك

سعيد معصب ويمط التلفون من اذن منصور ..

سعيد : يالله ياقلبي سرينا هذا شكله مايبينا .. من عيونه احنا درينا أن قلبه مو معانا .. خلنا نترك هوانا .. نبتعد ننسا اللي فينا ..

الريم : سعيييييييييييييد

سعيد اونه معصب : شووو خييييييييييير

الريم معصبه من طريقة كلامه : حووووووووووووووو

سعيد : سمي الرياييل بأساميها قبل ماتاكلج بثاميها

الريم تتنهددددد : انزييييييييييين ياسعيد سمع لاتتسرع على شيء انا ماقلته حليلي مارمست بشيء هذا منصور بروووحه يألف من عنده

سعيد ويهه قاااااااااااااااااااااااااافط : شووووو

يلف صوب منصور ويمسكه من كشته : سبااااااااااااال

منصور يزاعج عشان الكشه : أأأخ بطل كشتيه ماصدقت تتطول

سعيد : إلا انتفها لك هالكشه

منصور : ريموووه لحقي علي بيذبحني ريلج

الريم تضحك على خبالهم : ههههه خلاص سامحه عشاني

سعيد يبطل شعر منصور : هههه بس عشان خاطرج

الريم : تسلم يا الغالي يالله عيل برايكم بااااااااااي

سعيد يرمس عمره فديتني غالي ههههه
سعيد : بااااااااااااااااياااات


منصور : مالت عليك والله شعري تقطع

سعيد يمسح على راس منصور : ههههه تستاهل

منصور : قوم قوم خلنا نسير انصلي ابرك لنا

سعيد : اوكيه وين تباني اعشيك اليوم

منصور : ههههه ماتفرق وياي حتى لو مطعم هندي

سعيد : ههههههه انزين منو قال اني بعشيك غير من مطعم هندي وإلا اقول شووو رايك اشتري لك سندويجات فلافل وعصير اريج

منصور مخلي ايده على مخباته : تسلممممم ماتقصر ياولد مطر البزات وااايد وانا اللي بعشيك

سعيد : هههههههاااااي وفرت علي بيزاتي تصدق عاد كنت بتخسرني ثلاث ربيات

منصور : لالالالالالاحرااااااااااام عنلاتك بتأكلني سندويجه وحده بعد

سعيد : هههههه عيل كم تريد خلاااااص غيرت رايي بأكلك براته وكيما من الكافتيريا

منصور : عنلاتك يا الخااام تريد تسممني يالله يالله اصلا انا بتعشا بيت عموتي فديتها مابتقصر

سعيد : عموتك ولا...............

منصور سرح فكره عند ؟؟؟؟؟

سعيد : ههههههه خلاص عيل بتعشا وياك

منصور : لااااااااااااااااا سير تعشا فلافل وعصير اريج

سعيد : ههههههه افااااااااااااااا يامنصور افااااااا مايطيعون الرياييل

منصور : هههههههههههههههههه

سعيد : افااا عليك امزح وياااااااااااااااااك خلاص بعشيك وين ماتريد وعلى حسابي

منصور : خلاص عيل مدامه على حسابك بعزم الربع كلهم مابخلي واحد

سعيد : هههههههههه حاااااااااااااضرين ومابنقصر لافي الربع ولافيك

منصور : يالله يالله نلحق على الصلاة



الساعه 9.30

الريم وفطوم يالسات يتابعن مسلسل
(( بس مش لازم اقول اسم المسلسل او في أي قناه المهمممم مسلسل خخخخخخخخخ))

يصيح تلفون الريم

الريم : الووووووووووو

ام منصور : اهلييييييييييين ريموه

الريم : هلا اماااايه

ام منصور : اقوووول تراه حمده عازمتنا باجر في العزبة عشان ترقية مبارك

الريم : هيه دقت عموه حمده هنيه وقالت حق عموووه

ام منصور : انزيييين منصور ببات ولا برد

الريم : ماادري والله من نزني بيت عموه سار ولارد بس اضني ببات

ام منصور : زين عيل انا بدق له الحين سلمي على ام سيف

الريم : سلامن يوصل فمان الله

ادق ام منصور لمنصور

منصور كان يالس في الكوفي ويا الشباب ماشالله مسوين عصابه في الكوفي ..

منصور طلع تلفونه من مخباته وشاف رقم امه

منصور يسكت الشباب شوي عشان يرمس بالتلفون

منصور : مرحبااا الساااع بالغاليه

الشباب كلهم فجوووا حلوجهم يلسوا يغمزوله

منصور خاطره يضحك على اشكالهم بس قال ياله بقص عليهم

منصور : هاه فديتج بغيتي شيء

ام منصور : ههههههه اشفيك طايح فيني اليوم

منصور : يالله فديت روحج والله وفي ذمتيه غااليه عندي

ام منصور : منصوووووورو اصطلب يالله

منصور : حتى انا اشتقت لج ودي ايلس وياج 24 ساعه ماافارقج

ام منصور : منصوووووووووووووووور

الشاب كلهم يضحكون حق منصور ويحسدوونه انه يرمس وحده ويتغزل فيها

منصور : هااا الغاليه بغيتي شيء مني

ام منصور : واابوي عليك انا اشفيييييييك

منصور : ماشيء فديتج بعدين بقول لج السالفه

ام منصور : المهم انت بترد بوظبي ولا بتبات في العين

منصور : والله ببات في بيت عموتي اليوم وخاطري ارد بوظبي عشان خاطرج بس مااقدر باجر عندي عزيمة عند الأهل هنيه

ام منصور : والله انك سالفه يالله عيل مع السلامه

منصور : الله يحفظج وهالله هالله بعمرج

هزااااااااااع : هااا يو الشباب حتى انت علموووك تغازل وتقص على بنات خلق الله

محمد : اوهوووووووووو اطورت عزبتنا

منصور يعدل سفرته ويرفع خصلة شعره : والله علمتنا الحيااااة واااايد

سعيد : لااااااااااااا والله دواك عند ...........

منصور يلف صوب سعيد : هههههههههههه عاااااااااادي فديتك هذيج غير ومحد يسواها أأأخ فديت بوظبي واللي فيها

هزاع : شووو رايك تواعدها ونشوفها

منصور : لاااااااااااااااااااااااا عيب يالله بستر وين تبا تشوفها أنا من اشوفها اتخبل ماادري شو يصير فيني مااشوف اللي جدامي

سعيد : لا والله منصور اصطلب واستوي خوش ريال

محمد : مايقول واحد الحين جريب بعرس

منصور : ماااااااااااااالت عليكم هذي امايه داقه تتخبرني ببات في العين ولا برد بوظبي

هزااع : ههههههههههه مالت صدقنا نحن

محمد : وانا اقوووووووول منصووور مايعرف يغازل ويقص على البنات

سعيد يضرب جتف منصور : عنلاتك

منصور : ههههههههههههه يالله يالله خلونا ندش السينما ببدأ الفلم

الشباب : يالله


على الساعه 12.30 يرد منصور بيت عمته

منصور وهو يلوم عمره : يالفضييييحه كيف بدش بيتهم ياليتني رقدت عند سعيد أوووف شووو اسوي الحين فضيحه ادش بيتهم الحين البيت له حرمه ..

يطلع منصور تلفونه من مخباته ويدق حق الريم ..

(( ان الهاتف الذي طلبته مغلق او خارج نطاق الخدمه حاليا يرجى الاتصال فيما بعد شكرا ))

منصور : اوهوووو هاي مالقت إلا الحين تغلق تلفونها ..

يرد يتصل على تلفون فطوم .... محد يرد ؟؟؟؟؟؟ اوهوووووووو شو هالبلشه

يرد يركب منصور سيارته يلف له في شوارع العين وهو محتار وين يسير ..
منصور مشغل المسجل على صوت على بن روغه ..

منصور : ويين اسير الحين استحي ادق حق سعيد فضيحه ..

يرد يطالع ساعته ويشوف الساعه 12.55

منصور : خييبه شووو هذا

يصيح تلفون منصور مستغرب الرقم غريييب ياربي منووو داق الحين الساعه وحده

منصور : الوووووو

؟؟؟؟؟ : شو هزااا انت منوووه

منصور يرمس عمره اوهووو هالهنود ماايوزون من حركاتهم منو هالغبي اللي يعطيهم تلفونات ..

؟؟؟؟؟ : الووووو

منصور يسكر الخط في ويهه وهو محرج وين يسير الحين ..

منصور : ماشيء حل غير اني اسير الفندق ..

في هالحظه ادق الريم بس من رقم فطوم ..
منصور متشقق رقم فطوم طالع في تلفونه (( الغالية تتصل بك )) ..

منصور : الوووووو

الريم تقطع عليه ابتسامته : ووووينك مب ناوي ترد البيت نحن بنرقد تعبنا كم نترياك

منصور : الحين بيي انا عند الباب

الريم : خلاااااااص يالله باااي

يسكر منصور التلفون وخاطره يكسر تلفونه من القهر اللي فيه ؟؟ يسير بيت عمته ويعق عمره على المخده ويرقد رقده طووووويله وعجييبة ...

من باجر .. الصبح الساعه 10.30

في يوم العزيمة وبالتحديد في المزرعة ..

كانت عايلة بومنصور وبو مبارك وبوسيف وبوسعيد مجتمعين في هالمزرعة الصغيرة اللي كانت على قد هالعوائل .....

طبعا البنات ماايوزن من مقالبهن وخرابيطهن ... وبنشوووف شو راااح يسون في المزرعة

اول ماوصلن من العوائل المزرعة كانت عايلة بوسيف هيه اول عائلة توصل طبعا كان منصور بسيارة ياي وسعيد معاه ..

اول مانزلت عائلة بوسيف من سيارتهم تنزل الريم وفطوم يتوجهن سيده للمزرعة .. ويسلم منصور وسعيد على بوسيف ويدخلون قبلهم المزرعة وفي مشيتهم كانوا يترابعون عشان كل واحد يلحق على اللي يباها ...


على الساعه 11.5
يوصلن العوائل الثانية وطبعا هالمرة غير بتكون الجمعه لأن بومبارك وصل من سفرته وياي وياهم المزرعة وكان بومبارك شوووي مربووش حركاته حركااات شباب .. (( مايقول واحد عمره في الاربعين )) بس عصبي لدرجه كبييييره ومايحب الغلط .. وعنده عزة نفس وكرامه ..............

من صوووب البنات ..
يالسات عند حوض السباحه الصغير يشوفن البنات الصغار وهن يتسبحن ..

الريم : يزوووي يالله نطي انتي وفطوم في الماااي

يزوي وهيه تلعب بريولها في الماي ،، تلف صوب فطوم اللي كانت جسدا بس عندهم أما عقلها عند .. مااردي منووو ؟؟؟

يزوي : حووووووو فطيييييييم

فطوم من زعيج يزوي استوعبت ان حد يزقرها : نعممممم خير اسمعج حشا يا الدفاشه اللي عندج

ميروه : هههههههه هاي والدفاشه مايتفارقون ..

ودوم : الله يعين اللي ببتلش فيها

يزوي : حووو شو يبتلش فيني انت بعد انا بعدني صغيره عن العرس والخرابيط ..

فطوم : ههههههاااي انزين شوو تبين ازاعجين

يزوي تأشر على الريم : هاااي حرمة سعوووود تريدنا نقفز في الماي

الريم : شووو سعود انت بعد عييييب قولي حرم الشيخ سعيد

فطوم : امحق سعيد والريم ووووووع

الريم : احترمي عييييييب انت وياهااا

يزوي : المهم خلونا من خريطكن شووو قلتي فطوم

فطوم اطالع ميروه .. وميروه تغمز لها ..

فطوم : يالله قومي ؟؟؟

يزوي فرحانه توقف على طرف المسبح ..

فطوم : يالله استعدي 1 ... 2 ... 3 ...

وااااااو تقفز يزوي في الماي فطوم : ككككككككككككككككككك

يزوي اطلع راسها من الماي : كحكحكحكحك عنلاتج سباله

فطوم : هههههه يالله يلسي لعبي في الماي يا البيبي نحن سايرين صوبهم بااااي

يزوي تأشر بإيدها عشان يردن .. بس طبعا أكبر طاااااااااااف خخخخخخخ


يسيرن البنات صوب الحريم اللي بارزات تحت الشيرة فارشات حصير ويتقهوين .. (( وانتوا ادرى بسوالف الحريم ))

الريم : خلونا انسير نمشي ليييش يايبينا صوب الحريم

ميروه : هااي فطوم يايبتنا هنيه

فطوم : بسير ايلس وياهن تعيبني سوالف الحريم

ودوم : لالالالا مانريد انسير نتمشا تنقع هاي فطوم

فطوم تأشر بيدها وبلا مبالاه : برايكن سيرن انا بيلس هنيه

الريم تمط ميروه من ايدها : يالله سرينا


تيلس فطوم ويا الحريم وادق سوالف وياهن ومناج ماتعرف من الفلانه والعلانه اللي يطرنها ويحشن فيها .. دقايق ويوصلون الشباب (( منصور ومبارك وسعيد )) يايين صوب الحريم وهم لابسين شورت وفانينه ومتخرسين بالماي

فطوم ترفع عيونها صوبهم وهم يمشون وخاطرها تضحككككككككك عليهم ..

سعيد : امااايه وين ملابسنا ماحصلناهن

ام سعيد : داخل البيت خليتهن صوب الكبت

مبارك يطالع فطوم : هااا فطيم اشحالج

فطوم تبتسم : بخييييييير وسهاله اشحالك انت

مبارك :" تمامممممم والله

منصور يريد فطوم تنتبه له : احم احم اشحالج فطيييم

فطوم : هههههه انت ادرى بحالي

وقفت فطوم تريد تسير ..

فطوم هيه تمشي كانوا الشباب وراها ..

سعيد : فطوووم البنات يالسات عند الشواب جان بتسيرن صوبهن

فطوم تلف ورها : مشكوووووووور

منصور : بلاج محرجه

فطوم : هههههههاااي مب محرجه ولاشياته

تلف فطوم عنه وتغير اتجاها عن اتجاهم ....


عند الغدا ..

الكل مجتمع في مكان واحد يتغدون .. والكل مرتبش والصراخ والحشرة ..


بعد الغدا اجتمعوا الشواب والشباب
كانوا يالسين مسوين مسابقة الشعر يعني يبدأ واحد فيهم ويقول قصيده يوم يخلص لازم اللي عليه الدور يبدأ بأخر حرف انتهت فيه القصيدة وهكذا ........................

يبدأ مبارك بقصيده ويقول فيها :
كيفك تبي ترحل وكيفك تبي تروح ..
مجبرك أنا يازين تبقى معايه ..
هذي حياتي وإن تخيرت مسموح ..
وأنا بكيفي بروي كل الحكايه ..
يامن لك بقلبي غلا كل مملوح ..
كيف اتجاهل حبنا من البدايه ..
يامن تركت القلب بأوهام مجروح ..
وسوااااااالم

الكل ارتبك ويدور قصيده بحرف الحاء ..
بومنصور : يالله ياسيف الدور عليك

منصور : هههههه يالله ياعمي

بوسيف يفكر شوي ...

بوسيف : حسبت الربح في حبك بوقت كله خساير ..
وظنيتك ذهب صافي عليه ماتختلف الاذواق ..
تعيسه رجعتي كانت تفسر حلمي الباير ..
يموت الحب بيدينك عقب ما يطعنه الافراق ..
تصورتك صغير السن لكن خنجرك غاير ..
غشيم اللي يقيس الشيء في حجمه وهو ماذاق ..

منصور بسرعه يرد عليها قبل لاحد يسبقه :
قلبي انا صابه ذهولي ..
من شفت أنا روعة خصايلك ..
ماشفت أنا مثلك خجولي ..
والزين كله من فعايلك ..
محلاك بالوجه الطفولي ..
ومحلا العذوبة في قوايلك ..

سعيد يفكر يرد بس ماحصل قصيد تبدأ بحرف الكاف .. وبو منصور يفكر ونفس الشيء ماخطر شيء على باله وبعد بوسعيد يفكر .. والكل يعصر مخه عشان شيء يطلع بس ماشيء فايدة .. حل صمت لمدة دقيقة .. ويخرب السكوووت والصمت سعيد وهو يرد

سعيد : كيف أغلي شيء عندي في ثواني اصبح رماد ..
ومابقالي غير ماضي عشته في جو لطيف ..
القمر يبكي عليها والحزن كفت أعياد ..
اذبلت وردة حياتي والنهار أصبح كفبف ..

بو مبارك يرد بسرعه بعد سعيد : فمان الله يادار .. فراقك يسكب العبرات ..
فمان اله يالــ........ ويقاطعه كلامه صوت تلفون مبارك ..

مبارك يطلع تلفونه من مخباته .. كان الخوووف والحيره والعرق يصب من ويهه .. ايده ترتجف اللي كانت ماسكه التلفون .. يرفع مبارك عيونه ويطالع اللي حواليه اللي كانوا الكل يطالع حالة مبارك وهو خااايف من هالإتصال .. يطالعهم وفي وعيونه حمر وقابظ دمعته .. يشل عمره بسرعه .. ويسر بعيد عنهم ..

يسير مبارك ويرد على التلفون وبصوت متقطع ..: الووووووو

المتصل : أخوووي مبارك الحق بسرعه لازم اتي ضروري الحين

مبارك : خييييير شووو صار

المتصل : الصراحه الحاله صعبة لازم نجري العملية بأسرع وقت وإلا الحياة معرضة للخطر

مبارك : لا دخييلك دخييلك انا الحين ياي

المتصل : بسرعه ؟؟

مبارك : انشالله مسافه طريج بس

يبند مبارك التلفون اللي جلب حياته فوق تحت .. يشل عمره بسرعه يتجه نحوو باب المزرعه .. وريوله مب شالتنه من الخووووف ؟؟

اما منصور حس ان مبارك شيء فيه وشيء يخبي عنهم كلهم من مكالمته معاه امس في جبل حفيت . واليوم وفي المزرعه مبارك طووول الوقت كان سارح بفكره .. وين ماندري ..

منصور من شاف مبارك ارتبك لحقة ..
عند باب المزرعة ..

يفتح مبارك باب سيارت ويركب .. منصور يمسك طرف الباب

منصور : ووووين

مبارك ويها مصفر ..: منصور خلني اسير بسرعه

منصور حس انه فيه شيء ولازم يعرفه : اول قول وين بعدين بخليك تسير

مبارك وهو يزاعج : خلوني في حالي دخيلكم مااقدر اقووول مااقدر ..

منصور : مبارك اشفييك قوول يمكن اقدر اساعدك

مبارك نزل راسه ونزلت دمعته على خده ..

منصور اصر انه يسير وياه لوين ماندري حتى لو للمجهوووول بس لازم نعرف سالفته .؟؟


يركب منصور عدال مبارك الي كان يقود سيارته بجنوووون فظييييع

منصور : وووين ؟؟ وليييش مسرع

مبارك : ألحق على حياة شخص ؟؟

منصور : منوووو ؟؟ وكيف ؟؟؟

مبارك مارد عليه
منصور لف صوبه الدريشه يطالع العالم : بلاه ومنووو هالشخص اللي مبارك مهتم فيهم .. ومبارك الريال القوي الصامت اللي يتحمل كل شيء تحمل اشياء وااايد .. شوو اللي يخليه خااايف شوووو السبب ؟؟؟؟؟


في المزرعة ..

بومبارك كان مستهم على ولده .. وليييش ارتبك من الاتصال اللي ياه ومنو داق وليييش طلع بسرعه من المزرعه وين سار ومنصور شووو يسوي ويااه .. كانت الافكار تيبه وتوديه ..

الكل كان زااايغ عليهم ..
الكل يحاول يتصل في مبارك بس تلفونه محولنه صااامت ..
ومنصور يشوووف الارقام بس مايرد .. لأنه مايعرف شووو يقولهم ..


يوصل مبارك المستشفى .. وبخطواته السريعه يتجهه لغرفة من غرف المستشفى ..

مبارك يتقرب من وحده كانت طايحه في الفراش وحده كانت في بدايه عمرها وحده في عمر الشباب وحده في بدايه العشرينات ..

مبارك يوقف عدالها اللي كانت كلها وايرات ومغذي .. يخلي ايده على راسها .. ودمعته كانت تنزل من عيونه ...

منصور كان واقف عند باب الغرفة يطالع الموقف اللي جدامه ومئة فكرة تخطر في باله منووو هاااي ؟؟

مبارك : رجااااء .. رجاااااء دخيلج لاتخليني رجاااء ردي علي

رجاء كانت تفتح عيونها ببطء كانت تعبااانه والتعب يبين على ويها : مبااااارك مبااارك

مبار تقرب منها اكثر واكثر يمسك ايدها بقووو : عوونج يا الغالية عوووونج

رجاء : خلني اسوي العملية

مبارك : بس .......

رجاء تقاطعه : مبارك ادري ان مضمون نجاحها 30% بس يمكن تنجح فيه امل

مبارك : بس انا مااريد افقدج رجااء انت كل شيء في حياتي

رجاء تخلي ايدها على حلج مبارك : بس بس دخيييييلك حتى انت كل شيء في حياتي ..

مبارك ينزل راسه على جتفها ويصيح مثل اليهااااال يصيح يخاااف يفقد انسانه غالية عليه ؟؟؟

منصور واقف عند الباب ومايعرف منو هاااي تكوووون ؟؟ ولييش مبارك يصييح بهطريقه وشووو فيها وشووو سالفة العملية ...


دقايق ويدخل الدكتور ومعاه ثلاث سسترات ..
الدكتور : لووو سمحت لازم توقع على العملية

مبارك يمسك القلم بيده اللي كانت ترتجف من الخووووف وعيونه على رجاء اللي طايحه وممتده على السرير .. ويلف صوب الباب ويشووووف منصور واقف وعلامات الاستفهام في ويهه ؟؟؟؟

مبارك يطالع الدكتور وشكله تعبااان ويهه معرق وشاااحب وعيونه حمر وجسمه منهد أخر نهاااية ..

مبارك : دكتووور بسفرها برع الحين بسير احجز حقها

الدكتور : مافيه امل السفر يشكل خطر على حياتها .. لازم نجري العملية مع ان مضمونها 30% بس يمكن ننقذ حياتها ..

مبارك : لا دخيلك دكتو براس عيالك هذي ... ويطالع رجاء اللي تتألم في كل دقيقة ومب قاردة تتنفس ..

يمسك مبارك القلم بالقوووووو ويغمض عيونها قووو وتنزل دموووعه اللي حابسنها في عيونه .. يفتح عيونه ويوقع بسرعه وايده ترتجف .. بهتوقيع يمكن ينقذ حياتها ويمكن .... ويمكن تموووت بس للين الحين فيه امل بشفائها ؟؟؟

يوقع مبارك على الورقة ويفر القلم أخر الغرفة .. ويمسك طرف الشبرية وشووووي وبطيح غشيان عليه ..

مبارك منزل راسه ودموعه تسابق تفكيره .. وحزنه ..

الدكتور ينقل رجاء على سرير العمليات .. وتساعده السسترات اللي وياه ..
تقرب مبارك من رجاء

مبارك ساند عمره على طرف الشبريه : سامحييني سامحييني يارجااء

رجاء ترفع ايدها عشان يتقرب منها : مبارك انت انت غالي علي مبااارك اذا مت ........

يخلي مبارك ايده على حلجها عشان ماتكمل

مبارك : لاااا يعل يومي قبل يومج رجااء ماقدر اتعذب مرتين رجااء انا انا ........

رجاء تغمض عيونها .. خلاااص المنوم بدأ مفعوووله .. المنوم قطع على مبارك كلامه كان يريد يقووول لها كل شيء كان يريد يقووول كل اللي في خاطره يقووول اللي يدور في راسه ؟؟ يمكن هذي أخر لحظات تجمع رجاء بمبارك .. يمكن تكووون أخر حوار دار بينهم .. في هالدقايق كانت تمر على مبااارك موووت .. يحس ان الوقت وقف هنيه ماطاع يتحرك لاجدام ولا وراء .. مبارك يحس بضعف وان حياته وقفت للين هنيه .. مر بنفس هصدمه بس مب نفس مفعووولها .. مرت عليه يوم تزوجت شمه من واحد غيره شمة اللي كانت تحبه شمة بنت عمه.. كان يخطط بمستقبله ومستقبلها معاه .. كانت صدمة قووووويه لمبارك يوم اعلن زواج شمه من شخص غيره .. كان وده يمووت بذاج اليوم .. واليوم البنت اللي ضحت عشانه بهلها وحياتها . الحين توقف جدامه وتصارع الموووت .. لا ويمكن مبارك اللي من توقيعه على العملية يكون جتل شخص بتسرع منه جتل انسانه انسانه حبها وعزها .. وضحى عشانها بالجثيييير ....

بعد ماطلع الدكتور والسسترات ومعاهم رجاء متجهين لغرفة العمليات ..
طاااح مبارك على الأرض وجلس على الأرض على ركبه ونزل راسه تحت وخلى ايدينه فوق راسه يلس يصييييح مثل اليهال يصيح .. بصوووت يقطع القلب ريال اشطوله وعرضة يصيح بهطريقة ..

تقرب منصور من مبارك ومنصور بروحه زااايغ مايعرف شو يقووول او كيف يهدي من مباااارك ..

تقرب منصور وشل ايدين مبارك من على راسه .. رفع مبارك راسه وشاااف منصور عداله .. طااح مبارك في حضن منصور يصيييييييح ..
مبارك كان يريد حد يخفف عنه ويهدي من خوووفه ؟؟؟

منصور : مبارك مبااااااارك لاتكووون ضعيف مباااارك ..

مبارك وهو يصيح : رجاء بتموووت بتموووت يامنصووور بتموت

منصور مايعرف شووو يقول : مبااارك من هاي رجاااء

مبارك رفع راسه من حضن منصور : هاااي هاااي .... ويسكتتتت

منصور يرفع شعره من عيونه : .................

مبارك ينزل راسه : هاااي حرمتي

منصور انصدم لالالا مستحييل مبارك معرس ..

منصور : حرمتك كيف ؟؟؟ ومتى ؟؟

مبارك : شووو اقول لك يا منصور

منصور مسك ايد مبارك ودخله الحمام عشان يغسل ويهه .. وبعدين وداه كفتيريا المستشفى .. عشان يخليه يشرب شيء ويهدي عليه ويفهم السالفه منه


أما في المزرعه الكل على أعصابه ينتظرووون حد يدلهم على مبارك ومنصور وين ساروا .. ومبارك اشفيه

بومنصور : مايصير يا بومبارك هدي شووووي انشالله مايصير إلا الخير

بومبارك :..................

أما سعيد كان يمشي في المزرعه وعلى أعصابه ... شووو السالفه ؟؟ ومنصور ومبارك شووو فيهم ؟؟ ومبارك شووو فيه ؟؟؟
سعيد كان يمشي في هالمزرعه واعصابه على نار ... سعيد ومنصور ومبارك كانوا ربع وخوان في نفس الوقت ..

سعيد يلس يتذكر منصور وموقفه معاه يوم سوى حادث كيف تعذب عشانه ؟؟؟ والحين ........ لازم يكون وياهم ... بس وووووين ؟؟؟؟

في أحدى طاولات الكافتيريا ..
منصور ومبارك يالسين بعد ماطلب منصور عصير برتقال حق مبارك ..
منصور : مباااارك قوول سالفتك أنت ورجاء

مبارك منزل راسه ويمسح على كوب العصير .

مبارك : منصور رجاء اصلها بحرينيه وانا متزوجنها من سنه وست اشهر ومن شهرين تعبت واااايد وقال الدكتور عندها انسداد الكولسترول في الشرايين وهذا خطر عليها ..

منصور : انزين ليييش تزوجتها بسر بدون محد يدري

مبارك : انت تدري اني كنت احب شمة والكل كان يدري بس للأسف عمي زوجها لواحد غيري وهذا كانت بدايه زواجي من رجاء .. بعد زواج شمة بكمن شهر .. شفت رجاء في المطار وعيبتني ومن هذاك اليوم وانا اشوووفها في كل مكان .. وقررت اني اتزوج عشان انسى شمة .. تعرفت عليها بس طبعا جدام اهلها .. رجاء ابوها ميت وهيه وحيده ماعندها اخوان عندها ام وخال في البحرين .. تقدمت لها بس كانت امها رافضة تريد تشوف اهلي وموافقتهم .. بس رجاء اصرت على امها عشان نتزوج .. وتزوجنا ويبتها العين وعشت معاها بس كانت تدري بحبي لشمة وكانت تحاول تنسيني اياه .. وفعلا بديت احبها واعزها .. بس وااايد كنت مقصر معها .. ماكنت ابات في البيت وياها كنت اودرها بروحها في البيت عشان اهلي مايعرفون بأني متزوج .. في البدايه كنت بواجه اهلي بس خفت أخسر رجاء بعد ماتعلقت فيها .. جلست على هاذي الحاله والحين والحين ... يمكن افقدها بأي لحظه

منصور منصدم من كلام مبارك مبارك اللي رافض فكرة الزواج والحين يطلع متزوج وزوجته مريضة وفي أي لحظه يمكن تموت ..

منصور : انزين والحين شووو بتسوي

مبارك : ................. مااعرف ؟؟

منصور : مابتواجه اهلك ؟؟

مبارك : انا مستحييييييييييييل اتخلى عن رجاء لووو شو ماصار ؟؟

منصور يطالع ساعته : انزين دق لهم نحن من طالعين من المزرعه من ساعه ونص واكييد الحين يحاتونا

مبارك : لااالاللاالالا مااعرف شووو اقولهم ...

منصور : اكلمهم انا

مبارك رفع راسه : امممم مااعرف بس سو اللي تريده ؟؟

شل مبارك عمره وسار عند باب غرفة العمليات ..

منصور يلس شوي بروحه وقرر انه يدق حق ابوه ويقوله السالفه ؟؟

يدق منصور لبوه ويقوووله كل السالفه .. وطبعا بومنصور يخبر بومبارك السالفه .....

عند باب غرفة العمليات يطلع الدكتور ..

مبارك : هاا دكتور بشر

الدكتور : تفضل وياي

سار الدكتور مع مبارك ويلحقهم منصور ..

في مكتب الدكتور .. يرفع صورة الأشعه يروي مبارك ..

الدكتور : شوووف هذا مكان الدماغ .. وهذا الشريان اللي يتصل في الأعصاب والكولسترول ترسب في جدار الأوعيه الدمويه مما يسبب تصلبها وانسدادها .. مما يؤدي إلى أمراض القلب مثل الذبحة الصدرية و النوبات القلبية و أمراض الشرايين الطرفية مثل قصور تدفق الدم إلى الرجل و كذلك الجلطة الدماغية. ونحن حاولنا بما نقدر .. بس بعد خروجها من غرفه العمليات لازم تنقلها للعلاج في الخارج لأن في أي لحظه يمكن اتيها جلطه في الدماغ .. وهذا الكولسترول صار له فترة طويله وهو مترسب في هذا الشريان

مبارك مخلي ايده في مخباته ومنزل راسه : خلاص دكتور انا بسير الحين بحجز لسفر
منصور : خلاص مبارك انا الحين بسير احجز حقك وحقها وانشالله بأقرب وقت نحاول نسفرها وانشالله تقول بالسلامة ..

يطلع منصور من المستشفى يتوجه سيده للسفريات للحجز حق مبارك ورجاء ..
في المستشفى بعد ماطلعوا رجاء من غرفة العمليات ينقلونها غرفة خاصه ..
يدش مبارك عليها ويوقف عدالها ويترياها تقوووم وتشووفه ..
مبارك : الحمدلله يارب انها عدت على خير الحمدلله يارب الحمدلله يارب ..
مبارك يمسح على شعرها : أوعدج يارجاء مااتخلى عنج لوو شوو ما صار وانشالله ياربي تقومين بالسلامه .

بعد نص ساعه يرد منصور من السفريات ويشل مبارك عشان يردون المزرعه بعد مااطمنوا على رجاء وان حالتها احسن من قبل ..

الساعه 6.30
يوصل منصور ومبارك المزرعه .. والكل كان يرتقب وصولهم ..
منصور ومبارك : السلاام عليييييييكم
الكل : وعليكم السلام
يوقف بومبارك على ريولها ويطالع مبارك ويرفه صبعه في ويهه مبارك ..
بومبارك : شووو اللي سويته فضحتنا جدام خلق الله
مبارك يطالع منصور ويطالع اللي يالسين ..
مبارك : ابوووووووووي ...
بومبارك : اسمع يا انك اطلقها او انك تنسى بأن عندك أهل
توقف حمده (( ام مبارك )) تتقرب من ريلها وتمسك ايده ..
حمده : بومبارك .. هذا ولدنا لازم نحل الامور بهدوء
بومبارك : ماشيء تفااااهم بهلوضوووع هذا اللي عندي وانا حيرته وهو حر
مبارك : ابووي اسمحلي مااقدر اطلقها البنت مريضة
بومبارك : عيل النفده تشلك انت وياها
الكل يوقف من شافوا الموضوع كبر .. الكل يحاول يهدي في بو مبارك ..
يزوي كانت تصييييح ماسكه اخوها .. لنها وايد كانت متعلقه فيه .. منصور يأشر على الريم وفطوم يشلن يزوي ويسيرن بعيد ..
الريم وفطوم يشلن يزوي ويروحن بعيد ..
بومبارك : اسمع يامبارك انت مب ولدي روووح روووحه من جدامي

بومنصور : يو بومبارك هذا ولدك مب زين جيه تقووول ..
مبارك تقرب من ابوه عشان يستسمح منه .
مبارك : سامحني ابووي سامحني بس رجاء مابطلقها مابطلقها وباجر انا مسافر . عشا علاجها . اسمحلي مااقدر
تقرب مبارك من ابوه عشان يحبه فوق راسه .. بس بومبارك يدزه بعيييد عشان مايتقرب منه
تقرب مبارك من امه وحبها فوق راسها : سمحيلي الغالية ..
واختفى مبارك من انظار الكل ..
حمده كانت ماسكه عمرها .. كانت قويه انها تتحمل هالصدمه .. أما بومبارك ماكان عايبنه ان ولده ياخذ وحده مش من اهل البلاد ومتزوجنها بسر .. بومبارك كان يفكر بكلام الناس وسمعته وسمعة عياله ..
يتوقف الموقف اللين هنيه .. والكل يشل عياله ويسير البيت ..


من باجر الصبح الفير الساعه 3 في مطار دبي
مبارك كان ماسك ايد رجاء ومعاه سعيد منصور
مبارك : منصور سعيد استسمحولي من ابوووي
منصور : انشالله بس انت سافر وانشالله مايصير إلا الخير
سعيد : اول ماتوصل دق لنا تلفون وطمنا عليكم
رجاء : سمحلي يامبارك ماكنت اريد اسوي مشاكل بينك وبين اهلك
مبارك يطالع حرمته : ................
في هاللحظات اتي حمده وريلها (( بومبارك )) ويزوي وراشد ولدهم ..
مبارك يطالع اهله يايين صوبهم
مبارك يمسك ايد رجاء بالقوووو ..
منصور وسعيد يطالعون شوو بصير ؟؟
بومبارك تقرب من ولده وحضنه ..
مبارك يصيح على جتف ابوه : سااامحني ابوووي سامحني
بومبارك : مسموووح بالحل ياالغالي
يلف بومبارك صوب رجاء : ماتشوووفين شر يارجاء
رجاء منصدمه : الشر مااجيك ياعمي
حمده ويزوي يسلمن على رجاء .. ويودعونهم عشان اعلن على انقلاع طيارتهم ...
مبارك تقرب من امه : امايه دعيلي امايه دعي لرجاء تقووم بالسلامه . امايه رجاء بنت مافي مثلها .. صدقيني يا امايه رجاء تستاهل كل خير ..
حمده : انشالله ياوليدي بس انتو متى بتردون
مبارك : والله ماادري بس مااقل من شهرين
حمده : خلااص عيل تروحون وتردون بالسلامه


بعد ماسافر مبارك مع رجاء ...
الكل سار بيته ويستعدون ليوم العرس . وطبعا مبارك استسمح من سالم ومنصور وسعيد عشانه مابيحضر العرس ..
وقرر منصور وسعيد شهر العسل يسيرون عند مبارك وحرمته في لندن ..
تخطف الأيام وكلن في بيته ومايتشاوفون .. إلا مكالمات بس بينهم .. يمر الشهرين بحلوووه ومره على الكل ..

قبل العرس بيوم ..
يدش منصور الصاله على الريم اللي يالسه ترمس فطوم على الساعه 8 فليل
منصور : ريمووه منو ترمسين
الريم : امممممم بنت عموه
منصور : اهاااا .. يأشر عشان تسكر بس الريم ماطاعت ..
منصور تقرب من اخته .. ومخلي اذنه على السماعه عشان يسمع حس فطوم .. بس فطوم تغايظ وماطعت ترمس ..
منصور يشل السماعه ويقربها منه ويلس يرمس الريم ..
منصور : لوميها .. لوميها .. ماتسأل عن حالي .. عن حبي خبريها .. وعن وضعي الحالي .. أهواها وأغليها .. دايم على بالي .. هيمان أنا فيها .. هي شمسي وظلالي .. زعلان برضيها .. برخص لها الغالي .. تامر وبعطيها .. من حالي ومالي .. شوفيها ورمسيها .. وخليها تصفالي .. ودي ألاقيها هيه سعدي وفالي ..

فطوم صاااخه بس تسمع ...؟؟؟؟
منصور يعق السماعه على الريم ويسير فوق في حجرته ؟؟
فطوم ويها قافط : خلاص ريموه برايج
الريم : هههههههههه اوكيه شيء في خاطرج
فطوم : امممم سلمي على منصور
الريم : من عيوني سلامن يوصل يالله فمان الله
فطوم : الله وياج
سكرت فطوم من الريم .. الريم سارت ترمس منصور وتوصل السلام ..

•.¸¸.•°° .. يوم العرس .. °°`•.¸¸.•°°

... 27 / 8 ...


هذا هو اليوم المنتظر .. منصور في هذا اليوم طاير من الفرحه وده يطيير فوق فوق .. وسعيد حالته اخس عن منصور كان مرتبش والفرحه مافارقت ويهه .. أما سالم يالس يحسب الدقايق والثواني عشان يدخلونه على حرمته ويشلها معاه ..
في هذا اليوم كان الكل مرتبش مثل ماتعرفون بنزف ثلاث معاريس .. معاريس والكل يشهد على أخلاقهم ..

طبعا على الساعه 2 الظهر
تطلع الزفية من بوظبي لصوووب دار الزين .. (( موقع الحدث )) ..

كانت في مقدمة مسيرة العرس سيارة منصور ...
منصور من فرحته مركب سماعتين كبااار في مأخرة السيارة .. ومسوي شريط خاااص للزفية .. هيه عبارة عن غنية وحده وتكرر كذا مرة في الشريط ..

تبدأ السيارات تاخذ مكانها في خط بوظبي لصوووب العين ..
كان موقف رووووعه السيارت والهرانات والحشرة ..

منصور مشغل المسجل ومطوول عليه أخر شيء وطااار الشارع بالصوت ..
والغنية اللي تقووول كلماتها ..


هل الفرح وأنواره بأهل الوفا والزين ...
والسعد زف بشاره في بوظبي والعين ...
لين الهنا وأقماره جامع وفا قلبين ..
عسى الزمن وأقداره يسعدهم هم الأثنين ..

°°`•.¸¸.•°°`•.¸¸.•°°`•.¸¸.•°°

سعد العمر يهديهم شمس وقمر ونجوم ...
والحب ساكن فيهم بكل وقت ويوم ...
ياربنا اتهنيهم أهل الليالي دوم ...
وإلنا عسى تخليهم ياربنا أأأمين ...

°°`•.¸¸.•°°`•.¸¸.•°°`•.¸¸.•°°

داري بكم تتباها ياعاليين الشان ...
واليوم يامحلاها بأفراحكم تزداد ...
زفت صادق غلاها بالورد والريحان ...
هنتكم وهناها كل الحلا والزين ...

°°`•.¸¸.•°°`•.¸¸.•°°`•.¸¸.•°°

هل الفرح وأنواره بأهل الوفا والزين ...
والسعد زف بشاره في بوظبي والعين ...
لين الهنا وأقماره جامع وفا قلبين ..
عسى الزمن وأقداره يسعدهم هم الأثنين ..

°°`•.¸¸.•°°`•.¸¸.•°°`•.¸¸.•°°°°`•.¸¸.•°°`•.¸¸.•°°` •.¸¸.•°°


على الساعه 4 توصل الزفية لدار الزين ....

بعد مااجتمعوا أهل بوظبي في بيت بوسيف .. ساروا الرياييل لصلاة العصر في المسيد .. والحريم سارن بعد يصلن ..

بعد الصلاة يتيمعن الحريم في بيت أهل فطوم ..

والرييال ساروا صوب الخيمة لأن بدوا العربان ايون العرس ...
تمضي الدقايق بسررعه والثواني أسرع ..

من جهة البنات ..
على الساعه 7 خلصن تعديل وكل شيء ..
كانن كل وحده أحلى من الثانية ..

الخوووف والتوتر يبين على ملامح ويهه عرايسنا . كلهن كانن خايفات إلا علياء شوي مقويه من شخصيتها وتحاول تهدي في الريم وفطوووم شوووي ..


نرووووح لمعاريسنا ..
بعد ماخلصوا يوله وسوالف ..
جلس منصور على طرف بروحه .. يتقرب منه هزاع ربيعه ..

هزاع يظرب جتف منصور : هااا معرسنا وين بشتك

منصور والإبتسامه على ويهه : ههههههه أي بشت الله يخليك .. لالا مااقدر البسه اخااف منه ماادري ليييييش .. ماادري عمي والله انه كاشخ فيه وماعليه من حد .. بس انا ماادري مااريد ارتز فيه لالا شووو اباه

هزاع : ههههههه المهم مبرووك وانشالله يدومها لكم من فرحه وعقبال مانزف عيالك في عرسهم

منصور : الله يبارك فيك وعقبالك

هزاع : هههههه خلني أحصل بنت الحلال بعدين يصير خيييير

منصور : كل هالبنات اللي عندك ولاوحده دشت مزاجك

هزاع : شوو لايكون تريدني أخذ وحده من هالبنات اللي ارمسهن لا حبيبي انا اريد وحده محتشمه مب وحده خااايسه

منصور وقف : عيل لييش تقص عليهن مب حرام عليك ياريال حصن عمرك وخل هالخرابيط وصدقني مابنفعنك هالبنات

هزاع وقف : الصراااحه ماادري شوو اقوول بس انشالله يصير خير


على الساااعه 8.30
يدخلووون عليا الخيمة ..

تدخل عيا برقتها وحياها وخجلها .. يمسكها محمد اخوها من ايدها يوصلها للين الكوشه ...

•°° الله يازين اللي احضرت •°°
•°° غطت على كل الحضور •°°
•°° طلت علينا وانورت •°°
•°° ماعقب هذا النور نور •°°
•°° فلت جذايلها وسرت •°°
•°° وصفقنا حيل بلاشعور •°°
•°° هي هي بس اللي اقدرت •°°
•°° تجني على كل الحضور •°°

بعد ماوصلت علايه الكوشه وعرضت عرض عجيب على الحضور جلست على الكرسي .. تنتظر الفارس يوصل وياخذها على حصانه الأبيض ..

بعد ماجلست عليا تبدأ المصورة تصور .. وتأذي علايه وياها ..

تسير أم سيف وأم منصور وأم سعيد وأمها يسلمن عليها ويباركن لها ... وامها تحاول تخفف من خوف علايه ..

بعد نص ساعه يدش سالم الخيمة بلاهود ولاهدا ..
يدش وهو راااافع راااسه فوووق فووووق ونظرته سيده صوب عروسته اللي تنتظره .. يبتسم لها من بعيد ..
يسلم سالم على الحريم ..

يسير سيد صوب الكوشه وهوووو كاشخ بالبشت والعصا بيده ..
يتقرب سالم من عليا .. توقف عليا لريلها .. يتقرب سالم منها ويشل الطرحه ويبوسها على راسها ..

سالم : مبررروك الغالية

علايه مستحيه تنزل راسها ..

ايلس سالم علاية ويرفع فستانها عشان اييلس حذالها ..

طبعا تبدأ الربشه في الخيمة ..
بعد ربع ساعه يدش بومنصور ومنصور وبو علايه ومحمد اخوها الخيمة عشان يسلمون على المعاريس .. يغطوم علايه بالعباه ..

تبدأ الفرقة اطرب ..

•°° كلولولولولولولولولولولولولولولولولولوش •°°
الليلة ليلة فرح مامثلها ليلة عليا وسالم .. لاطله يكفونه
ياسالم جيناه نباركله ونغنيله من كثر ماحنا نحبه لاتلووومونه ...

•°° كلولولولولولولولولولولولولولولولولولوش •°°
يابنات ارقصوا يالله اغموا الشيلة .. إحنا نغني بكم وإنت تغنوله
عبروا عن فرحكم غنوله الليلة .. وارقصوا وافرحوا ياناس ورونا ...

•°° كلولولولولولولولولولولولولولولولولولوش •°°


بومنصور : بالمبارك ياسالم بالمبارك اخوووي

سالم يخاشم اخوه : الله يباك فيك يالله عقبالك

بومنصور : هههههه لالا عندي حرمه وتكفي

منصور : مبرووك عمي انشالله انشووف عيالكم

سالم : الله يبارك فيك ومبرووك لك بعد

منصور : تسلم

بعد ماخذوا صورة تذكارية .. للمعاريس والعايلة
يمسك سالم ايد عليا .. بشلها وبطعون برع الخيمة .. عشان ادش الريم بعدها ..


بعد ربع ساعه ادش الريم بصوت الفرقة ..


•.¸¸.• مرحبا بأجمل عروس في الوجود •.¸¸.•
•.¸¸.• مرحبا بالزين كله والجمال •.¸¸.•
•.¸¸.• نال قلبي وردة من أحلى الورود •.¸¸.•
•.¸¸.• كله أعذب من وأكثر من دلال •.¸¸.•

تدخل ريموه وكل الأنظار ترقب خطواتها البطيئة .. الريم كانت تمشي وهيه ترتجف كانت زااايغه لأن الحضووور كان وااايد ..

ادش الريم وبسرعه تيلسها امها على الكوشه ..
دقايق ويسيرن ربيعاتها يباركن لها بالعرس ..

بعد نص ساعه يدش سعيد مع ابو منصور

سعيد بروحه كاان خايف لأن الحريم مايخلن الواحد بحاله ؟؟؟ يتقرب سعيد من الريم وهو مبتسم لها .. توقف الريم احتراما لزوجها وتقديرا له .. يتقرب سعيد منها ويبوسها في يبهتها .
.
سعيد : مبروووووك الغالية

الريم تبسم : الله يبارك فيك ..

يوقف بومنصور عدال بنته ويحبها على راسها .. ويصور وياهم ويطلع برع الخيمة ..

سعيد يتقرب من الريم ويمسك ايدها وحس ان ايدين الريم ترتجف وحااااره من الخووووف

سعيد خاطره يضحك بس مايلومها الحريم وعيونهن مايرحمن ..

سعيد : ريموه فديتج اشفيج ايدينج حااااره

الريم تلف صوبه وهيه ويها احمر : ماشيء بس خايفة وبطني يعورني

سعيد : صبري شوووي بعد نص ساعه بطلعج من الخيمة

بعد خمس دقايق .. يدش منصور عشان يسلم على المعاريس ..

يمسك سعيد الريم من ايدينها عشان توقف تسلم على اخوها ..

منصور : بالمبااارك بالمبااارك يامعاريسنا

سعيد يخاشمه : الله يبارك فيك يا الغالي

يتقرب منصور من اخته ويبوسها على راسها

منصور : ههههههه بلاج ريموه شكلج زايغه

الريم : بطني يعورني من الخووووف

منصور : ههههههههههه شعووور عادي ..

يسير منصور صوب الفرقة ويشل الميكروفون ..
منصور : احم احم (( يجرب الميكروفون ))

منصور : هالقصيدة اهديها لمعاريسنا ويأشر على الريم وسعيد .. واقوول لهم بالمبااارك عليهم .. والله يهنيهم انشالله

الكل يطالع منصور ومنصدم منه الريم وسعيد يطالعون والريم اطالع اخوها كيف يته الشجاعه بقصد جدام هالوفد من الحريم ..


منصور :
°°`•.¸¸ اليوم يا سعيد لفيناك .. واجمل بيوت الشعر نهديك.¸¸.•°°
°°`•.¸¸. ونقول يعل السعد يحضاك .. ويعل الفرح دايم يلاقيك.¸¸.•°°
°°`•.¸¸. كل لفى عرسك وهناك .. شيوخ وقروم تهنيك .¸¸.•°°
°°`•.¸¸. يا سعيد اللي الطيب مبداك .. يرتاح لك كل من يخاويك .¸¸.•°°
°°`•.¸¸. يابوعسكور من عرفناك .. وانت التواضع من مباديك .¸¸.•°°
°°`•.¸¸. يسلم يلي على الخير رباك .. وعساه رب العرش يحميك .¸¸.•°°
°°`•.¸¸. ويعل الذي يشبك بيمناك .. بالود يملاها لياليك .¸¸.•°°
°°`•.¸¸. ويعيش طول العمر وياك .. عساك تهنا به ويهنيك .¸¸.•°°

°°`•.¸¸. اخترت انا اشهد بأنك اخترت .. بنت العرب لي كلهم طيب .¸¸.•°°
°°`•.¸¸. انا اشهد انك قد توفقت .. يا عارف اصول المواجيب .¸¸.•°°
°°`•.¸¸. مبروك في ما اليوم دبرت .. عداك يا بوعسكور العيب .¸¸.•°°
°°`•.¸¸. طيبك يا سعيد منه احترت .. حتى الطفل من طيبك يشيب .¸¸.•°°
°°`•.¸¸. اليوم نص الدين كملت .. ماشي وقف في دربك صعيب .¸¸.•°°
°°`•.¸¸. مبروك لك بالعرس باركت .. اخوي لك بدي المواجيب .¸¸.•°°
°°`•.¸¸. هذا ولك من شعري أبدعت .. واسمح إذا يتك العذاريب .¸¸.•°°

..........:::: وسواااااااااالم ::::..........

ختم منصور الشعر وسار صوب اخته الريم يسلم عليها عشان بيطلع .. تقرب منصور من الريم اللي غلبتها دمعتها ونزلت على خدها ..

منصور يمسح دمعة الريم : ريموووه لاتصيحين .. بعدين سعيد بقووول شينه بيخترب مكياجج

سعيد : ههههههه الريم بمكياج وبدون مكياج فديتهاااا حلووووه

الريم : .................................

منصور : يالله الريم مااريد اشووف هالدمعه ؟؟

يرفع منصور ايده ويوجها لسعيد

منصور : خل الريم في عيونك وهالله هالله عليها هااي الريم شيخة الحريم

سعيد يمسك ايد الريم : ماتوصي الريم في عيووووني بدير بالي عليها اكثر ماادير بالي على عمري

منصور : خلاااص الريم اذا سعيد ضايقج قولي وانا براوج شغل الله فيه

طلع منصور من الخيمة ..
بعد دقايق تطلع الريم مع سعيد من الخيمة ويشل سعيد الريم للمجهوووووول ؟؟؟؟

بعد ربع ساعه يدشوووون فطوم الخيمة .. فطوم كانت مميزة غير عن كل العرايس اللي دشن فطوووم فيه شيء تخلي الواحد ينجذب لها .. كانت حلوووه تجننننننن ...
ادش فطوم الخيمة واخوها سيف (( 3 اعدادي )) ماسك المسجبة ويرزف جدامها .. وشمه 6 ابتدائي وسلامه 2 ابتدائي واقفات عدالها .. كانت شمامي وسلامي لابسات نفس الشيء حلواااات ..
تدخل فطوم على صوت الفرقه

عند باب الخيمة توقف فطوم ... وفجأة يطلع منصور من وراء الكوشة ويوقف على الكوشه ويشل الميكروفون ..

ويوجه نظره لفطوم اللي داشه الخيمة .. والكل وجه نظره على منصور بعد ماكانوا يطالعون فطوم وهيه داشه ..

منصور : السموووحه منكم ..

ويقصد لفطوم .. لأن واعدنها يسوي شيء في عرسها ؟؟؟

°°`•.¸¸.•°° يا هلا باللي على الموعد لفت °°`•.¸¸.•°°
°°`•.¸¸.•°° يا هلا بك يا هلا نور العيان °°`•.¸¸.•°°
°°`•.¸¸.•°° يا هلا باخت الغزال اللي مشت °°`•.¸¸.•°°
°°`•.¸¸.•°° صوبيه ابكل رقه واتزان °°`•.¸¸.•°°
°°`•.¸¸.•°° كن شمس أشرقت أو انورت °°`•.¸¸.•°°
°°`•.¸¸.•°° في الدجى والليل نور المكان °°`•.¸¸.•°°

فطوم تيبست في مكانها ماتقدر تمسك عمرها .. شوي ودمعتها بتنزل على خدها حاولت تمسكها ...

منصور قال القصيده وطلع من وراء الكوشه ..

بعد ماقال منصور القصيده .. تسير فطوم صوب الكوشه بكل خووووف
تجلس فطوم على الكوشه وشوي وإلا الحريم يقومن يسلمن عليها ويباركن لها ...

بعد ماخفت شوي الخيمة يدش منصور وأبوه وعمه (( بوسيف ))

تبدأا الفرقة اطرب ..

.¸¸. بالفرح يا أهل الطرب غنو لها ياعروس الحسن يازين المها .¸¸.
.¸¸. ومنصور المعرس آآه يازين الرجال بالسعادة خطوته في دربها .¸¸.
.¸¸. والعروس اللي خذت كل الجمال يحفظ الله هالجمال وحسنها .¸¸.
.¸¸. والعريس اللي حوا زين الخصال صار يستاهل سواد عيونها .¸¸.
.¸¸. والعيون أوساع والرموش نطال والخشم سيف على العالم زها .¸¸.
.¸¸. نظرت عيون المها ومشي الغزال والخدود أورود يسبي عطرها .¸¸.
.¸¸. بالحسن ياربي مايبقى مكان تنكسر عين الحسود وبشرها .¸¸.
.¸¸. بالفرح يا أهل الطرب غنو لها ياعروس الحسن يازين المها .¸¸.

يدش منصور ويحب فطوم على راسها ويوقف حذالها عشان ابوه وعمه بيتصورون وياهم ..

بعد ماتصور بوسيف وبومنصور وام سيف وام منصور نزلوا من الكوشه وخلوا المعاريس بروحهم ..

يتقرب منصور من فطوم ويهمس لها ..
((( والله وتحقق منايه شوفوا حبيبي معاي .. يا أهل الحسد والوشايه سعادة قلبي وياها )))

على الساعه 2.20 فليل
يوقف منصور وفطوم عشان ينزلون من الكوشه ..

منصور يرمس فطوم : أنا أحمد الله ليه جمعنا بعد حين .. واللي وهبني في حياتي ملالي .. واللي مقدرني أكمل بج الدين .. في دنيتي يا دنيتي يا دلالي ..

فطوم تلف صوبه وهيه ماسكه ايده : الله جمعنا على الوفا نحن الأثنين .. والله غرس فينا الغلا والوصالي .. أنا أحمده وأشكره وبفضله أديم .. تراه جمعني في العمر بك يا غالي ...

يشل منصور حرمته ويطلعون برع الخيمة ..
وكلوووووووولووووولوووووولووووش بالمبااارك لمعاريسنا ...


(( اللهم بارك لهما وبارك عليهما وأجمع بينهما في الخير واغنهما بحلالك عن حرامك وهب لهما الذرية الصالحة ))


°°`•.¸¸.•°°`•.¸¸. ... الــــنـــهـــايــــة ... .¸¸.•°°`•.¸¸.•°°

واخيرآآ قرييت الروايه وخلصيته من 3 ايام اقراها هع هع
ونآآآيس الصرآآآحه تأثرت فيه وآآيد
وشكرآآ وماننحرم من جديدج