قصيده"عشاقه"للشاعر المتألق "طارق المحياس"

دموعج ليش هماله على الخدين دفاقه
غريبه إش غير أحوالج من القسوه لين اللين

بعد ما كنتي مغروره ودلوعه وخقاقه
صرتي اليوم حتى فلس عند الناس ما تسوين
خسرتي الحرب ورديتي بدون بعير أو ناقه
لأنج واثقه كنتي على إنج لازم تفوزين

وهلت دموعج الدمعه على الخدين حراقه
أخيرا هزج إحساسج أخيرا قمتي اتحسين

في يوم كنتي مثل نجمه بعيد هناك براقه
إذا شافج أحد صدفه على طول انتي تبتسمين

تذوقينه مذاق الحب مع انه مول ما ذاقه
ويقول الله ما يدري الغبي اذا زين والا شين

سرقتي قلوب خلق الله إلين ما سموج سراقه
شريتي قلوبهم برخيص وبأرخص كنتي تبعين

صدق من قال إنج بين كل هالناس عشاقه
بضحكه تملكين القلب واذا عفتي الهوا تبكين

أشوف اليوم حنيتي أشوفج صرتي مشتاقه
بعد ما أنتي نسيتي الكل غريبه ليش تشتاقين ؟!

ترا أحلام غنتها مصير الحي يتلاقها
كلام الشاعر المعروف علي الخوار لو تدرين

وفعلا مهما طال البعد مصير الحي يتلاقى
[ ولكني أبي اعرف على مين انتي تستغبين

صدق من قال هالدنيا ترد القلب لأشواقه
وردج وقتج ويابج رضيتي والا تنرضين

ترا قالوها فالأمثال مصير القط خناقه
ومهما غرتج دنياج مصيرج لأهلج تردين

ان شاء تعجبكم ولا تقصرون فالردود

يسلمووو القصيده عحبتني^^

نترقب اليديد منج

يسلموو ..
لا تحرميناا من يديدج

آلقصيدهَ روعهَ
ۈ عآد نبي آڷيديد
ۈآن شآءآڷڷهَ في آڷمَقدمَهَ دوۈۈمَ

يسلمووو
نتريا الزوود منج